View Full Version : ادخل لترى صرقعة أعضاء سوالف (قصة خاصة بالأعضاء)
كوكتيل
21-01-2002, 05:02 PM
يحكى انه ذات يوم …
كا ن فيه سوبربان ومركب معه …
السواق :أبو الفياصل
الراكب الأيمن :لوبيز
وراء راكب زيزو وجوال العرب وصني ومعهم ماف والمسلمي (فيه واحد مضايق منهو مدري )
ووراء الي ورا
راكب جاسم وحسينكو وأسير
كانوا طالعين يتمشون والسواليف تدهر مع ان زيزو ولوبيز كل شوي مناقر حتى يوم جوا يركبون تهاوشوا من يركب قدام
وأخينا السواق شكله طايح بالحب ساكت ولا يتكلم (مب العادة )
المهم كلهم ما يدرون وين يروحون ؟تصدقون راكبين على انهم بيكشتون وقعدوا يمشون ويروحون مع طريق يحسبون السواق رايح البر وقعدوا يمشون من 5 الفجر الى تسع وسواليف وهواجيس ويرجعون مع الطريق نفسه ولحد درى ويمرون الفيصلية ومنفوحة كل واحد ناسي على انه طالع طلعة وكلهم قاعدين يخططون لطلعة فجأة انتبه المسلمي وقال :
ألحين أنتم وين بتروحون ؟
رد لوبيز بكل ثقة وكن عنده سالفة :البر
المسلمي :لا ياشيخ
لوبيز :وش تبي ؟؟؟سألت وجاوبتك بالله يعني ما تدري انا كا شتين (كاشتين بمعنى طالعين بر )
كوكتيل
21-01-2002, 05:04 PM
المسلمي :طيب أي بر وين مودينا السواق
لوبيز :لا تخاف منب خاطفينك (أنواع البرود )
لوبيز :(يرمق السواق بنظرة ):هاه يا سواق وين بتروح؟
زيزو : وش رايك يعني رايحين نذاكر ؟(يحتري الهوشة )
لوبيز :ياخي كم مرة قايلك اسكت ؟أنا اكلم السواق ما كلمتك .
أبو الفياصل (بكل برائة ):والله بكيفكم أي شي بتروحون له ترا فريي وعادي عندي
لوبيز (يهاوش )وأنت من الصبح وش تسوي حسبي الله عليك
أبو الفياصل :والله مدري وش تبيني أسوي؟
وضاقت صدور الشباب خلص الوقت
بعد كذا عرفوا أنهم مهب راعين طلعات لان الوقت الزين خلص بس ما ودهم يروحون لبيوتهم ولا يدرون وش يسوووووون قعدوا يفكرون ويفكرون حتى من الحماس وقفوا على جنب جاء جوال العرب قال :لقيتها
قالوا بشر وشي ….ومير يشطفهم سوبربان زيهم يمشي مليون ومعلق على البوري وهو الي يحوس مخهم من سرعته وضيعوا كلش وبلا شعور الجميع يقول لبو الفياصل الحق الحق (والله من اللقافة ) قال أبو الفياصل :اسمحوا لي شكله متعدي 80
ويجيك الطارة (الطارة هو السائق الذي يجيد قيادة السيارة بمهارة )زيزو وينقز بو الفياصل وراء وهو الي يدعس ويدعس ويدعس ……وبو الفياصل وجهة أزرق من الروعة مشلح موتر ابوه الجديد
وزيزو الله يهديه مراهق ما يهمه أحد
فجأة ودون مقدمات توقفت السيارات في الطريق والله البلشة ويهدي زيزو بقوة ويفحط شوي ليييييييييييييييين وقف السيارة ؟
وكل العيال يقولون ما سكين قلوبهم من سواقة الغشيم زيزو الي بغى يدهورهم
المهم وش السالفة يوم ناظروا قدامهم فيه ناس متجمعين
وهم الي يحولون كلهم بيشوفون وش فيه
صار …..
انتهى الجزء الأول ….قريبا الجزء الثاني هو جاهز بس بعض التعديلات
الله يقطع بليس الشيطان
ههههههههههه
انا مراهق
هع هع هع هع هع هع هع هع
صراحة قصة والله انها حلوووووة وابد
بس
اخاف تطلع الببلاوي بالجزء الثاني
لوووووووول;) :confused: ;) ;)
للرفع http://www.plauder-smilies.de/sleep.gif
كوكتيل
22-01-2002, 04:03 AM
لا تخاف الجزء الثاني بيعجبك:)
ابو الفياصل
22-01-2002, 05:15 AM
حرام علييييك يا كوكتيل...
اتق الله يا شيخ..
انا ما اتعدى 80؟؟
انا اقوّم الموتر بـ 80 وانت تقول ما اتعدى 80..
هههههههههههههه
بس قصّه روووووووووعه الصراحه..
تحياتي لك.
محامي الزعيم
23-01-2002, 06:49 PM
لووووووووووووووووووووووووووووووووووووووووول
ليتني معكم
بس شكلي انا الي مضايقكم
لووووووووووووووووووووووووووووووووووول
متى الجزء الثاني ياكوكتيل
الشبح 999
23-01-2002, 09:31 PM
هلا اخوي
شخبارك ان شاء الله بخير
ههههههههههههههه
يمكن انا المضايق ههههههههههه
حلوه القصة تسلم عليها
:rolleyes:
ابو عبادي
23-01-2002, 11:18 PM
اتمنى انكم تظيفوني في الجزء الجاي
مواصفاتي :
1- مصرقع
2-بتاع معاكسات
3-ثاني ثانوي (الله لا يجيب الشر )
4-كان عندي TT بس للأسف هي في التشليح الحين
اتمنى الموافقة على الطلب
( على فكرة : افكر اشتري بيتل )
كوكتيل
24-01-2002, 12:23 AM
أبو عبادي يا مصرقع ....الجزء الثاني موجود قبل ما تضيف الرد يعني اسمك مو موجود ؟:o
كوكتيل
24-01-2002, 12:51 AM
الجزء يبدأ بموضوع تكملة الناقص