ماذا تفعل لو حدث لك هذا (10)

[جاسم]

السلام عليكم ورحمة الله وبركاته

عدنا اليكم من جديد وموقف جديد وردة افعال جديدة منكم


كنت تسير في سوق شعبي فيه محلات تجارية وبالأعلى شقق عمارنية وبينما كنت تتجول بالسوق فاذا كيس به ماء يسقط فوقك من احد السكان المتواجد بالأعلى وكان السوق مزدحم واخذ الناس يرونك والبعض يضحك من هذا الموقف

فما تكون ردة فعلك
هل تذهب الى الشخص الذي اسقط لك الكيس

ام تكمل مشوارك

ام تذهب الى احد المحلات وتشتري ثياب جديدة

ام ما ردة فعلك

وتحياتي

[همسه حائره]

ما اقول غير هالكلمه

وبالنسبه للملابس او العباة بالمعنى الصحيح

إذا كان خروجي للسوق ضروري اشري غيرها واتسوق

اما اذا كان خروجي عادي ارد البيت واقول فيها خيره

وشكرا ........ همسه حائره

[لمعة الماسه]

السلام عليكم

صراحه انا لما تصير لي مواقف مفاجئه ظريفه مثل جيه

اضحك وايد لين اموت من الضحك :) :) :)

وان كان حد وياي هو الي بيفكر كيف يذهب للناس الي كانوا

السبب لكي لعمل الواجب معهم ولكن انا من الناس الي يضحكون

حتى لو كانت العواقب وخيمه ........

ثم اذهب الى السوق واشتري ملابس جديده وارتديها .....

ولن اتذكر ان اعمل هذاالعمل الا بعد ان اكون قد شبعت من الضحك

لانه بيني وبينك الموقف سيكون مضحك خاصه لو كنت انا فيه :)

وشكرا .......:)

[فرفوشة]

انا اروح واطلع للي كب الموية علي

واروح العن وجهه وبعدين اشتري ملابس جديدة

[جاسم]

اهلين همسه حائرة

لا تصرف هقلاني عن جد

وهذا افضل ما قلتيه

وتحياتي لك


لمعه الماسة

انتي تاخذين المواقف بروح رياضية

وهذا ممتاز جدا يعني بيكون موقف عادي لك

ولكن في نفس الوقت ضحكتي

والله يحفظك


فرفوشة

انا اقول اللي كب الماي ما يبغي روحه

اكيد نقلوه على المستشفى

وتسلمين على مشاركتك

[همسه حائره]

ابي اخذ فكرتك واحطها بمنتدى آخر

هذا إذا وافقت

وإذا ما وافقت تراني حطيتها :)


والسموحه

[نجمة المساء]

سؤال صعب


لكن اذا كان الجو حار فراح ينشف مع مرور الوقت


اما ان كان بارد راح احاول اني اوصل الي السياره واروح البيت

[جاسم]

همسة حائرة

ولو
خذي راحتك


نجمة المساء

اي خذتي الأمور بروح راياضية

لكن اذا بالصيف الماي ببرد عليك

واذا بالشتاء بمرضك

وشكرا على المشاركة

[صمت الكلام]

مممممممممممممم

شو بسوي شو بسوي؟؟؟؟؟

تصدقون انا فيني طبع اذا عصبت من اي احد او من اي موقف ما اقدر اتكلم ولا كلمه يعني لو صار لي الموقف هذا اول شغله تصير لي .... اردد جمله مدري ليش تلقائيا تطلع مني (يخرب بيت اليهود) واسكت مره وحده لاني عودت نفسي اني ما اقول اي كلمه وانا معصبه وخاصه اذا الموقف صار مو عن سابق تخطيط واصرار
وردة الفعل هذي اتبعها مع صديقاتي وبين اهلي ومع الاغراب وباي مكان كنت
ونهاية هالموقف ادخل السياره وانطم :) وعادي عندي اذا مثلا خواتي وياي يكملون مشاويرهم واتم انا بالسيارة
بس ليكون بالشتا ترى يتغير السيناريو ويصير كالتالي
بعد ما انطم واقعد بالسيارة اضرب بوز جدام اللي معاي علشان ما اسمع اي تعليق منهم وعلى البيت عدل....