صباحات شرقيه ( 64) الفأر الغاشم !!

[بياع القلوب]

عندنا في البيت فار سمين حبله مبتوت

ينطط ويلعب ولا يخاف حرب ولا موت

فارنا .... متعبنا ...... مخربطنا.....دايم مغربلنا .......ـ

وقوي... عليناعوده .... بعد ما شاف توم وجيري

وقال انا البطل ..... ما احد اعرفه بطل غيـري

زادنا كلاه وحبنا عثــاه .......آه ..آه...ـ

........دعينا على الظالم الغاشم........ الفار قوي الشم والشماشم

قلنا يالله تاخذه ...... ولأمه لاتعاوده ...ـ

واستجاب الله الدعاء ........ وارسل من عنده العون بعد طول النعـاء

بس كبير صايع .... ما معه ذيل

او هو ضايع .........ـ

بسرعه لقط فارنا

وبعيد راح به عن دارنا

وكذا زال الله الهم .......ـ

ومات فارنا ......... وطفيت نارنا.......... ـ

شكرا يا صايع.... يابس جارنا

http://mypage.ayna.com/andal/pic.ht14.jpg

[ســامــر]

اخوي بياع القلوب......

الحمد لله انكم ارتحتوا.....ولكن للذكريات معنى فأحتفظ بها..

سؤال / كم درجة حرارتك لحظه كتابتك هالموضوع؟؟؟؟
هههههه والله مدري عنك......

تحياتي.........samr

[بياع القلوب]

هلا خوي سامر
تسلم والله للمشاركه
وفعلا فكه من هالفار الغثه

درجه حرارتي ؟
مقبول مع مخدة الشرف :)

مدري يمكن 64 درجه مئويه فهرنهايت :):)

[سعودية]

بس شفت فايدة اللي يجاور أخو قشطة السعودية ..

عزيز ترليون :p

مهوب جاركم اللي ارسل البس الصايع :)

صراحة ضحكت من كل قلبي :):)

تحياتي لعضو جمعية المهابيل الثلاثة ..

شكرا لك يا بياع :)

[بياع القلوب]

هلا والله سعوديه
شخبارك؟

فعلا المثل يقول
جاور السعيد تسعد
وانا سعيد بعزيز والله
وسعيد بكل اعضاء سوالف


وغعلا عمرك اطول من عمري
لما كتبت الموضوع فعلاتذكرت سالفه الفار الي تسبب في سفر شمعة :)
الله يذكر هذيك الايام بخير وايام المهابيل الثلاثه :)
وانشاء الله تعود

وصدقني انا فرحان لأنك ضحكتي :)

صدقيني محد ماخذ منها حاجه :)

لك تحياتي

[سعودية]

اخوي بياع ما أشك لحظة إنك فرحت لي ..


وصراحة انا مفتقدة ذيك الأيام وحلاوتها :)

بس الله يرجعها وأرجع معاها ومعاي حبيبة قلبي شمعة :)

وش رايك بياع ترسل لي الفار علشان يسفرني ابو شيطوني وبعدين اخلي عزيز يرسل لي البس :)

بس ترى بصير اشطن من شمعة بسافر مرة ثانية للإستجمام من أثر وجود البس بعد :p


وش رايك ..:)

تحياتي لك :)


والله يرحم البي ام اللي مع الوالد :)

تذكر بياع يوم صباحات شرقية انسرقت سيارتك :p

ولا لا ..

:)

ما أدري وش ذكرني يمكن ودي أضحك :)

تحياتي لك :)

[بياع القلوب]

هلا سعودية :)

اسعدني كلامك والله :)


وصدقين يهذيك الايام بترجع اذا رجعنا يد واحده انشاء الله وتركنا الحزن والتعب جانبا لفترات بسيطه على الاقل


خلاص ابرسل لك الفار والبس كمان ياطماعه :)

والله عاد اليوم جاي على بالي اسافر لندن
مدري وش جاب الطاري

والا اقول لك ؟
بشارك بالمليون يمكن اربح لي ألف ريال على الاقل
بس فشيله ماراح اعلمكم متى بكون مشارك
لكن جورج قرداحي اذا ذكر اسمي تراني مو انا عامر :)



فعلا تذكرت هذاك اليوم
كان مثل هالوقت بعد الفجر
وقاعد انا لاهي بالنت
ومالفيت الا ابوي دخل علي وعطاني هذاك الموشح التقليدي من اب لولده الهامل
وقال سيارتك انسرقت
نعم ؟؟؟
انسرقت وانت لاهي يالهيس الاربد ؟؟

عاد من يومها ابوي مخوني ما يثق فيني الا بالقوة وبعد تدخل مجلس الامن ( الولده ) يحليلها جايب لها الضغط والسكري من فعايلي

والله كل ما اتذكر هالشي انا اضحك بعد :)

[سعودية]

طيب يا أخي قل أستراليا أقرب شوي ..:p

ليش رايح تسوق طياراتك وتنظ بمظلاتك ..

يا سلام ياناس والله ودي أسافر سفرة كلها بنات ..

شلة وصرمحة وهبال ووووووووووووووووو:)

الله يا شينك على ها الصبح لا عاد تجيب هاالطواري يا عامر :)

أجل ولوألف ريال مع جورج قرداحي ..

أخاف إذا ما أعطاك الالف تقول يا شيخ انا مشرف سوالف :)

يا فضيحتك وقتها وراح اسمع صوت عزيز مو هو ..

أتصل بصديق :)

وش اسم البس اللي ارسل لعامر الملقب ببياع القلوب في يوم الفأر العالمي ..:p

عندك تلاتين سانية ..

يا خسارة ما ربحك :)

اطلع بره يا عامر ..


وبعدين يلوح عامر للجمهور بيده الكريمة مع السلامة :)

ويعود بخفي حنين ..:)

تحياتي لك ..

ما انفع يا عامر اكتب قصص :)

[فلونة]

:):)

فلونة

[بياع القلوب]

هلا سعوديه
لا استراليا كلهم انجليز ما احبهم
لندن على الاقل عرب :):)
خاصة شارع ادجوار رود و الهايدبارك :)
ياوين الهايد بارك وقت العصاري بس

فعلا بروح اطير وانقز
صار لي سته ما سويت جنون مثل كذا
احس اني ادمنت هذا الشي لدرجه اني احيانا انسى نفسي امسك طياره واقعد اطيرها مثل البزر فوق الطاوله وما اشوف الا اهلي يقولون
الحمد لله والشكر يامثبت العقل بس ...

فعلا السفر مه شلة روعه
فيها صجه ولجه فعلا :)


والله مصيبه اذا عزيز هو الصديق الي بتصل فيه
ول عليه بيهددني اذا اتصلت بيقول عامر ؟ نص الجائزة لي وبجاوبك :(
عاد ابضطر اقول له ايه عشان ما تفشل لكن هين يشوف قرش مني
ماله الا قيمة الاتصال وبس :) والا اقول ؟ اباخذه مع يصديق مرافق بس ياويله اذا تكلم :)


بالعكس تقدري تكتبي قصه والله
جربي قصه قصيرة احين ونشوف :)

[بياع القلوب]

هلا فلونه
شاركينا لو سمحتي :)

[سعودية]

:):)

شوف انا ما أواطن الديرة اللي فيها عرب ..

يعني لندن ، باريس هذولي يجيبن الصمرقع ..


تقول تمشي بشارع العليا العام ..

ما صارت ابي اشوف انجليز ما الاقي وشذا ما صارت سفرة :(

صارت ..

(( اهلين كيفك والله من زمان ما شفتك ..

(( شفتوا شفنا سعودية الله يخلف عليها لبسة ذاك التنس شوز تقل بنت فقارا

(( ما دريتوا سارة مرت من كم يوم وشفنا زوجها ,,, ايه جاية تقضي شهر العسل .. الله ياهو يلوع الكبد بس على كل احلى منها

(( سمعتوا اخر خبر دلال تقول جايبة البلوزة من باريس انا شايفتها في الغالريا وما قدرت تشتري ولا ابرة حتى ما وافق زوجها بخيل حيل ..

وتقول بس كذا شاريتها من حلة القصمان ..

وش تبي بعد اقول :p


لا يا عم اللي نشوفهم في الرياض ادفع كل ها لمصاريف علشان اشوفهم في خلقتي هناك :(

طل يا بابا :):):)

رح بس لديار السنع وخلك عن الديار اللي حنا مسوين فيها نفسنا شي وحنا ملعوب علينا فيها :):)


تحياتي..

[بياع القلوب]

هلا سعوديه
فعلا جبتيها في الصميم
بس المشكله ربعنا صابهم مثل النكته الي تقول
منعواالتجول ومن لقافتهم نزلوا يتفرجوا على منع التجول
:)

المشكله تشوفيهم بالسوق باكسفورد ستريت يشترون الاولي والتالي والعصر يلبسون الي شروه بالهايدبارك :)
بس عاد انا ما اجلس في لندن
اروح ديره بالسياره ساعتين بجنوب بريطانيا وبعدها سفينه وبعدها قطار يعني ولدابوه يدل هذاك المكان
:)


طيب وين الديره السنعه الي تقولي عنها ؟


:)؟؟؟