هنا تقبل التعزية لصديقنا مدردش متقاعد....

[سردال]

الأخ مدردش متقاعد فقد قبل أيام حاسوبه العزيز، حيث قام بإطلاق الطلقة الأخيرة عليه عن طريق الفورمات! والآن يعاني حاسوبه في غرفة العناية المركزة، وحتى وصول الدكتور ويندوز العربي سيتغيب مدردش عن الرد على مواضيعكم :)

أدعوله بالتوفيق :)

وهو الآن يستخدم حاسوب أحد الأصدقاء :)

ومدردش يعتذر بشدة يقول :)

[mouza]

والله العظيم اني قلت شيء صار للريال بسم الله عليه

ودمعت عيني بعد اخ عزيز وانا كنت بسألك عنه
اشوفك منزل ها الموضوع
قلت لا في شيء

هاهااهاهاهاههااه

الله يسامحك

سلم على مدردشكو وايد وقوله مفتقدينك وينك

[coooool_girl]

أخت موزة أنا بعد تخرعت.

[سعودية]

العين بالعين :)
والسن بالسن :)

والبادي اظلم يا خيو :)

كلها يومين .. وحكسر الدنيا ..:):):)

حملة تبرعات لكمبيوتر مدردش :)

وكوبونات عبر الإنترنت لمساعدة الكمبيوتر المتقاعد :)

ومع كل وجبة مكدونالدز هدية وكوبون تبرع لمدردش :)

وإعلان بصوت سردال عبر الأثير من منتوكارلو :)

ودعاية خاصة في برنامج من سيربح المليون :)

إديلوه إدي :):)

وش تبي اكثر من كذا فزعة :)


احسن الله عزاك سردال وعظم الله اجرك اخوي :)

مع تحياتي شمتانه:):)
اخت مدردش متوهق :)

[أكسجين]

حسبي الله على عدوك يا سردال ..
والله اني زغت ...
الله يسامحك ..
فدوى عن مدردش :)

[unique]

صراحه خوفتونا :(
العنوان كان يضيق الصدر
الحمد لله خير

[سردال]

موزة، هذا يسمونه فن الإثارة، لكن والله ما أقصد أبداً إني أزعلكم :) أفا والله، بس السالفة كلها كمبيوتر :) وتراه يقدر يقرا الموضوع :)... لكنه ما يقدر يكت.

Cool girl: أنا آآآآآآآسف :)

سعودية: نعم نعم!! هذا المطلوب، يقول لي مدردش: يوم بيرجع براويج!!، بكل الطرق والوسائل يجب أن نجمع التبرعات، لازم نروح للبيت الأبيض :)

موزة: يقول مدردش مشكلته إن رقيق وحساس ويجب كل الناس :)

[mouza]

سعوديه
نحن مقاطعين ماكدونيلز دوري على شيء ثاني

[mouza]

مدردشكو رقيق

هااههااهاهاهاه
وحساس بعد عشان جي كومبيوترة اخترب من كثر رقته
اصلا هو تعب الكومبيوتر من كثر ما يدق دق عليه

من الرقه قصدي


هاهااهاهههااهاها

[سعودية]

الله يستر من مدردش بس صراحة انا حيل شمتانه :)

والله الفكرة حلوة سردال نروح البيت الأبيض ونطلب منهم يساعدون مدردش لأنه الملك الأم طاردة مدردش من البيكنج هام :):)

الله يعين شكل مدردش بيراويني صدق :)

تحياتي لأبو السراديل :)














موزة وشو مطاعم ابو ظبي اللي تطلع وجبات أطفال معها هدية ونحط حنا كوبون :)
النجدة :)




تحياتي لكم :)

[mouza]

سعوديه قصدج نيكتس
اهاهاهاا
حتى كناكي نحن ما نشتري منهم شيء
دوري على شيء ثاني


شو رايج نمكي ودقوس

يا سلاااااااااااااااااااااااااااااام
صدقيني بتجمعين تبرع زين



ولا اقول بنسوي باربي كيو على شرف كومبيوتر مدردشكو

[Huda76]

بصراحة العنوان كان مخيف جدااااااا ..

الله يهداك يا سردال .. خوفتنا بصراحة ..

مدردش يالله شوف لك حل و " سيني سيني " وشارك :)

والله مفيد الدرس الأندونيسي ;)

تحياتي

[aziz2000]

خوفتني ياشييخ ..

والله سعودية كانت تنتظر هالفرصة من زماان عشاان تتشمت في مدردشكو ..:) .. بعد إللي سواه فيها ذيك الأياام .:)

أنا بتبرع حق مدردش بالماوس ..:)

عظم الله أجرك ..:(

[بشرى]

والله صدقت والعنوان محزن
الله يسامح ... أخي سردال
وعشان الكمبيوتر يتصلح منو مشكلة :)

[يعسوب]

ايش اقلك يعني ......
ياواد ماتبطل من حراكاتك هادي ........ههههههههه
والله فجعتني وقلت لنفسي الله يستر ايش صار بس حلوة

بلغ احر تعازيي للأخ مدردش وانا لله وانا اليه راجعون
على قد ما خفت في البداية على قد مافرحت في النهاية انه بخير والشغلة كلها مزحة........
يالله المرة دي سماح وملعوبة........

[سردال]

والله إني ضحكت من الخاطر يا جماعة، أستغل طيبتكم وحبكم حق أخونا مدردش عشان أطيحكم في الموضوع وأخليكم تردون غصب :).

موزة: اللي أعرفه عن مدردش إنه رقيق فعلاً على العكس أنا، أضغط على أكثر من زر واحد في نفس الوقت من كبر الاصابع :)

سعودية: روحي يا شيخة ربنا يبعت لك في خطوة سلامة :) اجمعي التبرعات وأرسليهن على هذا العنوان:

نيوكاسل - أبوظبي
جنب دكان عباس الهندي
فيلة قديمة وعلى جدرانها شخبطات حلوة :)

هدى76: الله لا يجيب الخوف علينا أبد :) بس مزحة مطلوبة ودرس الأندونيسي مفيد لكم؟! انا ما قدرت ألحق على الياباني كيف ألحق على الأندونيسي :)

عزيز: تبرعك مقبول وأعتذر لك عن التخويف :) لكنها حركة ملعوبة، وأتمنى توفير لوحة مفاتيح كاملة وشاشة وحاسوب كامل، قديم ولا مرمي في المستودع! المهم نخلي مدردشكو يكتب معنا :)

بشرى: جزاك الله خير على المشاركة :)

يعسوب: تعيش وتاخذ غيرها يا الطيب :) المهم أنك ألحين مبسوط.

[mouza]

تضحك علينا هااااااااااااااااااااااااااااااااااااا


هااهااهااهااههاها
انزين عكسنا مدردشكو حساس وسردالكو دفش

بس انتو والنعم الاخوان والله

[جرير]

سا محك الله يا سردال ..

كيف تفزعنا بهذه الطريقة !!

والله العظيم ان نبضات قلبي تسارعت لما قرأت العنوان .. خصوصا أني افتقدت الأخ مدردش من فترة وكن أجده كل ليلة على المسنجر ..

أقول والله انك خوفتنا الله يسامحك بس ..

[E55]

الله يسامحك يا سردال :(

ما لقيت إلا هالعنوان ؟؟

[متاهه]

وأنا آسفة من أجل الكمبيوتر..

أرجو أن لا تطول مدة العملية..
وحمد الله على السلامة مقدماً:)

شكراً لك أخوي سردال..
أختك..
متاهه..

[جمان]

عندي كيبورد تنفع ........:):)

[الفارس الحالم]

سردال :( أقول لك شئ بصراحة ...

موووووووووووووووووووووووووووووووووووووول ما طيحت قلوبنا بهذه العنوان الله يهداك بس :(

على العموم يقوم إن شاء الله كمبيوتره بالسلامة و يرجع لنا مدردش متقاعد اللى شكله مب ناوي يتقاعد بسهولة :)

وصل له سلامنا :)

[شاهيناز]

عزاء والميت كمبيوتر.....:(

سعوديه بعد ماتخلصين من جمع التبرعات لكمبيوتر مدردش..شوفي احد يشتري كمبيوتري عمره شهرين وصغغن لكن مشكلته الخط ينقطع كل 5 دقائق...البيع باعلي سعر...

[همسه]

مرحبا سرداااااااال.....
والعنواااااان قمة الروعه والفزعه ...
المهم انا اتبرع بسمعاااات عندي لاا باس فيها:)

[نجمة المساء]

بدينا في الاشاعات

والله خرعتني.....


بس دكتور وندوز ، والاوفس ، Dr.Antivirus

وبرفسور netscap و explorer

[الدكتور ريان]

فعلا هذة الدنيا متدوم لااحد ...
انا بأكلمك جميع الحلاقين والمندهسين والدكاترة واصحاب الورش بالحارة ونجمع قروش للمدردش ولا يهمك ...ونسوي مضاهرة انها كانت بسبب تطيح مدرديشو من رئاسة البيت الابيض لانه كان مرشح له ومااقول يادرديشيو الا انها عين (وش دخل العين هذا مماتفعله بكمبيوترك جننته ياشيخ )عين حارة وماصلت على النبي ..ونلم مبالغ ضخمة ونرسلها معونات لك في بلد الغربة (بس ترى ففتي ففتي النص بالنص انا محتاج اشتريلي شبح جديد )وان شاء الله ..سوف تنحل معاك ولا يهمك .

[سردال]

موزة: مشكورة أختي، أنا دفش ولا غيري، المهم نحن جميعاً أخوان والحمدلله :)

جرير: لا أراك الله خوفاً :)، هذا من حرصكم وحبكم للأخ مدردش وسامحني.

E55: هذا فن الإثارة السرادولي (على وزن الهوليودي)

متاهة: الحمدلله تقبلت المزحة الثقيلة بنفس راضية :)

جمان: نعم ينفع الكيبورد :)...

الفارس الحالم: آآآآآآسف بالخط الكبير، قلت لازم تدخلون الموضوع عشان تعزون أخوكم في حاسوبه :) ومدردش متقاعد من الشات بس مب من المنتديات :)

شاهيناز: ممكن أشتري كمبيوترك في الأسبوع اللي طاف؟ زين السعر نتفق عليه والتسليم في الأسبوع اللي طاف... زين؟! :)

همسة: هذا اللي كنت أريده، أفزعكم جميعاً :) ومشكورة على السماعات.

نجمة: الله لا يجيب الخوف مرة ثانية :)...

الدكتور ريان: مشكور على حملة التبرعات من من الحلاقين بالذات، لأن مدردش كتب عنهم كثير!! :)

[الفارس الحالم]

أخ سردال ...:)

أها الحينة فهمت ..:) أنا بعد أتقاعدت من الشات من زماااااااااااااااااااااااااااااااان بس مب من المنتديات ما أقدر :)

تحياتى الشيبة اللى ميت من القهر في البيت بدون كمبيوتره المسكين اللى تعب من كثر ما يشتكى منه ..خصوصا الكيبورد :)

[فلونة]

حتى أنا خفت والله

على العموم نتمنى لجهازه الصحة

وترجع ونشوف مشاركاتك الرائعة معانا


فلونة

[mouza]

جميع الاخوان في المنتدى والاخوات انا اعتز باخوتهم والله :)

[deema12]

الله يسامحك يا سردال وياخذ بليسك ..

من شاف العنوان طار من الفجعة ..

..

[سردال]

الفارس الحالم: يعني أنت متقاعد بعد :) خله الشيبة يقدر يقرأ المواضيع لكنه ما يقدر يكتب بالعربي!! :)

فلونة: مشكورة على المشاركة :)

ديما12: هذا هو المهم! إثارة حق تقرأون الموضوع :)

[mouza]

ليش تضحك علينا

وبعدين وايد طول مدردشكو بس عاد خله يشتري كومبيوتر جديد

[سردال]

موزة: أنتي اشتري له واحد وطرشيه على بريطانيا :).... الله يعينه عليه! ترى كمبيوتر من نوع NoteBook ماركة توشيبا اشتراه قبل سنوات اعتقد بملغ 10 آلاف درهم!! :)

[mouza]

بشتريله
اللي يبا بس هو يقول

انزين اول خله يحاول يصلحه

هااهاهاهاهاه

[الدكتور ريان]

أللك درديشيوووووو

[مدردش متقاعد]

بعدكم تعزون في؟:)