دردشة حول الفرفشة!!

[سردال]

نحن الآن في إجازة طبعاً :) وكل شخص يقضي إجازته في هواياته أو أعماله أو حتى في النوم أو الفراغ! أريد فقط معرفة خطط وأفكار كل شخص منكم في مسئلة قضاء وقت الإجازة.

في ماذا ستقضون أوقاتكم؟
http://cwm.ragesofsanity.com/s/updarchinto/smile1.bmp http://cwm.ragesofsanity.com/s/updarchinto/smile1.bmp http://cwm.ragesofsanity.com/s/updarchinto/smile1.bmp http://cwm.ragesofsanity.com/s/updarchinto/smile1.bmp

[مدردش متقاعد]

هي يوم واحد.. و شردنا فيه و ما داومنا.. و ياليتنا استانسنا.. قاعدين نحل فيه البحث:(

تعال راجعني بعد 27/4 بليز:)


تحياتي

[سالفة]

ما فيه خطط :)

على حسب ما يكون الواحد فاضي :)

[سردال]

مدردش متقاعد: بعد غايب اليوم!! :) وتغيب وتحل البحث!! مساكين والله، بس على العموم هو آخر عيد في الغربة إن شاء الله :)، وبعدين تفحر بالعيد معانا بس يمكن أنا أكون مغترب في بلاد العم سام :)

سالفة: أفاااااا!! ما شي خطط! ما يجوز! بدون تفكير! معقولة ما فكرتي في شيء :) يالله هذه فرصة عشان تفكرين :)

[Huda76]

هلا والله أخوي سردال

وكل عام وأنت بألف خير وصحة وسلامة :) :)

التخطيط للاجازة شيء مهم جدا ..

بالنسبة لاجازة العيد فخططها - بالنسبة لي - شبه معروفة ..

اليوم الأول من العيد اتصالات لصديقاتي وزيارات للأهل .. على حسب الوقت المتوفر لنا .. اليوم مثلا ولله الحمد تمكنا من زيارة 5 من الأهل لأن اتفقت مع الوالدة مسبقا اننا نقعد في كل بيت حول الـ 30 دقيقة :) :)

واليوم الثاني والثالث وعالمغرب أكون مع أعز صديقاتي ولمدة 3 ساعات تقريبا ..

بس طبعا ما نستغنى عن مستر كمبيوتر :) :)

ويوم رابع العيد اللي هو يوم الخميس دوااااااااااااااام :( :)

تحياتي

[سردال]

الأخت Huda76 وكل عام وأنت بخير وسلامة وصحة واستغناء عن البطاقة الصحية :)

المهم على الأقل وجود تخطيط ولو هكذا في العقل :) وجميل جداً المستر كمبيوتر لأنه يوصلنا بالعالم بل ويصير جزء مهم من حياتنا ومرات يصير إدمان خطيييير :)

الله يعينك على دوام الخميس هذا :)

[جرح السنين]

اهلا سردال

و الله انا اول ما قالوا في عطلة .. فرحت

و يمكن ما تصدق اذا قلتلك ..اني اول شئ فكرت فيه الانترنت .. قلت الحمدلله راح اقدر اقعد على الكمبيوتر فترة اطول .. مع انه بغرفتي بس ما القى وقت بسبب الدراسة في الكلية

بس ما لحقت اتهنا ابلشتني اختي الصغيرة .. وديني وديني .. و كل شوي اوديها مكان بس الحمدلله اخيرا خلصت مشاويرها بعد ما خلصت بنزين سيارتي .. و بقى عندي وقت

و ين اقضيه ..... وييييييييييييييين



































طبعا معاكم ... على الانترنت ؟؟؟؟؟

و كل عام و انت بخير ..

[mouza]

ذكرتني بشيء ما ابا اتذكره

الله يسامحك :(

اهاااهااههاااههااهاه

والله يا سردال اليوم الثلاثاء احس الاجازة خلصت خلاص
بتقول ليش

بقولك ليش 000

تعال شوف عندي اوراق امتحانات لازم اصلحها وارصد الدرجات
شفت عاد كيف بقضي اجازتي
وكلما اشوف الاوراق اقول بعدين بعدين
لاني اعرف عمري اذا يلست اصلح ما بنش عن الاوراق الا وانا ظهري متكسر :(

والحين منو بيقضي اجازته معاي
فليتفضل :)

[سردال]

جرح السنين: يا حظك :) صراحة أفرح لو كانت عندي أخت صغيرة، أخدمها بعيوني، مب خسارة عليها البنزين أبداً :)، والإنترنت لاحقين عليها، ومشكورة على المشاركة...

موزة: فضفضي يا موزة، أدري المدرسين شغلهم معاهم سواء في البيت ولا في المدرسة أو حتى في الشارع، لكنها ضريبة لأصعب مهنة وأحلى مهنة بعد :) قلت لك أكثر من مرة، أتمنى أصير مدرس :)

بالنسبة للأوراق شو رايج لو تخلصينهم اليوم قبل باجر، وبترتاحين صدقيني، أقولج! طرشي نصهن صوب أبوظبي :p

[زهر الليالي]

جالس في المكتب أطقطق على النت وأسمع موسيقى
ليش ما يعطوني أجازه .... والله ماني عارف
بس طالما فيها فلوس آي دنت كير :)

[mouza]

اطرش كل الاوراق مع نموذج اجابه
وتصلحهم لي

اهاهااههاهاها

الله يهداك حتى شلنا في الشارع والله حرام :)

شفت عاد المدرس حتى في اجازته عنده شغل يعني اي وظيفه ثانيه مب شرات التدريس
ومع ذلك التدريس وظيفه تعتبر في اخر القائمه في ترتيب الوظائف

[سردال]

زهر الليالي: مثلي :) مع شوية قراءة كتب، لكن من غير فلوس :)

موزة: إن شاء الله يطلع الكادر الجديد للوزارة وترتاحون ويرتفع مستواكم المادي، والله مشكلة لما المدرس يكون جدام طلابه فقير، ما يحترمونه للأسف خصوصاً مع طلبة هذا الزمان، كنا قبل نخاف وايد وما نشوف فضائيات :) الله يعينكم...

[mouza]

المال ليس مهما لدي مثل الاحترام العام من قبل المجتمع للمدرس

وانا الحمدلله في مجمتع المدرسي لا احد يستطيع ان يرفع صوته علي لاني قبل ان اخوف طالباتي خليتهم يحبوني ويحترموني عشان جي ما اخاف من شيء :)

بس لا تشرد وتغير الموضوع بعد بطرش الاوراق تصلحها لي
شكرا مقدما اخوي سردال اههاهاهاهاهاها

[سردال]

موزة: زين زين! طرشيهن وأنا بصلحهن وأسلمهن لك في الأسبوع اللي طاف! اتفقنا؟

الاحترام هو الواجب :) مب التخويف! يا ريتني لو أرجع الابتدائية مرة ثانية ;)

[mouza]

شو اسبوع اللي طاف


هاهاهااهااهاهااهاههاها


خلاص مااريد بصلحن روحي بس متى ما ادري يمكن يوم الجمعه :)

[نجمة المساء]

الاجازه صارت للكتابه في سوالف

[متاهه]

حلو الموضوع..
إذا حتكلم عن الإجازة..
فأنا أصلاً ما اعتبرها إجازة..
1)لأنه عندي امتحانات بعدها..
ولازم أحضر من الحين..
تقريباً بقالي شويه وأخلص..
2)عندي لوحتين لازم أسلمهم للمعرض..
بعد الإجازة..
وحدة (ألوان زيتي) والثانية (فسيفساء)
ألأولى خلصت بس الثانية الله يستر.
3)عندي مقابلة..
في مجلة كمبتدئة..بعد الاجازة..
ولازم أحضر مجلة مصغرة حتى الغلاف أساويه..
وشايلة هم المقابلة..
ما عمري سويتها قبل..
4)بساعد أمي بتجديد أثاث البيت..
5)الانترنت.
ولا تنسى الزيارات والطلعات..
اللي ما أحبها أبداً..

تسمي كل هالشغل إجازة..
ما أعتقد..

بس ربي راحمني..
مقسمة من بداية الاجازة(زي ما تسمونها)
ولا كان صارت هوايل..

أختك..
متاهــــه

[BnT-dUbAi]

أنا ما عنجي شغلة بس رقققققققققققاااااااااااااااااااااادددددددددددددد

[سردال]

نجمة المساء: ونعم الشغلة :) وشو أحسن من هذا ؟! :)

متاهه: :) أولاً تحية تقدير واحترام لك :)
هذا هو الشغل! يعني اعمال ونجاح مب كسل وخمول، استمري في هذا الدرب أختي الكريمة :)

ثم من قال أن الإجازة للراحة والكسل؟ إن الإجازة تفرق فقط في أننا نختار أعمالنا التي نستمتع بها عكس الأيام الأخرى التي قد نجبر على أعمال لا نحبها ولا نستمتع بها :) هذا هو الفرق، والدراسات تثبت أن الإجازة وهم، لأن المدراء مثلاً يعملون في الإجازة أكثر من أوقات الدوام الرسمي، يعملون في التدريب والتعليم والتسلية البريئة مع أسرهم ويتعبون أكثر من تعبهم في العمل :) إذاً الفرق في ماذا؟ الفرق كل الفرق في الراحة النفسية :)

بنت دبي: أفا!! أفا :) شو رقاد؟! حرام! أنا إذا رقدت في الإجازة أنقهر وأموت غيض من نفسي! :) لازم أقرا لي كتب وألعب مع عيال أخواني وأروح أتمشى وأكتب مقالات :) لا لا لازم تغيرين هذه الفكرة :)

[بشرى]

أخي سردال ... تفكير طيب جدا

أول يوم وثاني يوم السلام على الأهل ..
وأكل وشرب وجرايد ههههه ...

الأيام الياية 1- اللمة مع الصديقات من إمارة أخرى :)
2- طباعة بحث دقيق نوعا ما
" بس موعد التقديم بعيد بس عشان أفتك "
3- إعداد نشرة عن الهجرة النبوية ... :)

شكرا لك :)

[مدردش متقاعد]

أشوف اسمي موجود؟:)

ياخ أنا للأسف ما عندي وقت فراغ.. الي عنده أنا مستعد اتري الساعة بـ 100 جنيه!

حد يبيع يا ناس؟

[سردال]

بشرى: يعني راح تستمتعين بالإجازة وفوق ذلك تخلصين بعض الأعمال وهذا المطلوب :)، الإجازة للمتعة والراحة النفسية أكثر مما هي للراحة والخمول الجسدي :)

مدردش: ظروفك غير أنت لكن كلها شهور قليلة وترجع! هذا شهر 3 وبعد شوي 4 وبعدين 5 وعقبة 6 وهوباااااااا أنت متخرج :) وأنا إن شاء الله ناجح ويمكن مسافر! :)