سردال 00في الاذاعه

[mouza]

والله طلعت يا سردال في الاذاعات من قدك يا مشهور
انا تفاجأت يوم قريت الاعلان تدودهت والله :)
ابا اسمع البرناج واخ سردال ما خبرنا
ليش ما خبرتناااااااااااااااااااااااااااااااااا :(

الحين انا بخلي الكل يقول وجهة نظره في البرنامج 00
واللقاء مع سردال :




ماشاء الله عليك يا سردال بيضت الوجه والله :)

,ماشاء الله عليك ما شاء الله سويت داعيه لمنتدى وتستاهل هاي الورده
بس مدردشكو ادري به اتصل ؟ بس ما رمس وايد ليش ؟

http://www.hamad.com/cards/rose1.jpg

[نجمة المساء]

حسافه طافني







سرداااااالللل صرت مشهوووووررررررر من قدككك

[mouza]

شفتي ما خبرنا عشان ما نسمعه بس جزاهم الله خير في المنتدى خبرونا هي عيل شو :)


بس ماشاء الله حلو كان اللقاء
يمكن يعيدونه يا نجمه اسألي سردال يوم بيي
اكيد الحين طالع من الاذاعه :) لين يوصل البيت بعد :)

[Huda76]

أختي موزة

هلا بك والله :) :)

أنا مثلك .. دخلت سوالف وشفت الاعلان أن سردال راح يكون في الاذاعة :) :)

حقيقي فرحت وما تتصورين سعادتي وأنا أسمع اللقاء :) صج أسمع جزء وجزء ثاني ما أسمعه لأن يطلع لي net congestion بس المهم اني سمعت ولو جزء بسيط
:) :)

بصراحة تسلم يا سردال .. والله يعطيك ألف عافية .. دوم رافع راسنا :)

تحياتي

[mouza]

انا بعد ما تتصورين كم فرحت ترا سردال والله اخ عزيز ويستاهل :)

[مدردش متقاعد]

كنت توني بنزل موضوع عن سردال و الإذاعة:)

منو قال إني شاركت؟:) أنا كنت مستمع فقط:)

ماشاء الله على عبدالله.. متحدث بارع .. يعطيه العافية

[mouza]

عرفت انا بنواياك الشريرة وانك بتسبقني جان اكتب الموضوع وانا اسمع يا مدردشكو :)

يلا امسح الدموعك بس

بس انا اعرف انك اتصلت ما اعرف احساس يقولي هذاك انت كنت


صح ؟

[مراقب 555]

للإضافة أيضا, فالأخ مقدم البرنامج يكتب بإسم Hardware وهو عضو مسجل في منتدى سوالف وأيضا مشرف قسم عرب هاردوير في منتدى سوالف سوفت وكان هو مقدم البرنامج.

نشكر الأخ سردال والأخ هاردوير على هذه الحلقة وسنقوم بمطالبتهم بتسجيل من الحلقة لوضعه في الموقع ليكون متاح للجميع.

[سردال]

كنت مرعوب بداية البرنامج بس شوي شوي راح الخوف! قولوا الصراحة! هل تكلمت زين ولا خربطت!! :)

للأسف البرنامج لا يعاد :)

[مدردش متقاعد]

إسمحي لي .. إحساسج غلط:)

يوم يي سردال اسأليه:)

[مدردش متقاعد]

بدعت صراحة يا أبو سردل:)

بس ما عليه.. حسابي معاك بعدين؟؟ كسفتني:(

[mouza]

بس قوللي :( يا سردال مب مدردشكو اتصل

ترا بزعل هاااااااااااااااااااا

[جرح السنين]

فعلا انا قرات الاعلان .. بس حاولت اسمع اللقاء ما قدرت

بس من كلامكم مبين انه بيض الوجه .. يعطيه العافية

___________________________________________

&& جرح السنين && ( فتاة من القمر )

انا هنا في هذا الموقع تعال الى عالمي

http://www.moveed.8k.com/images/java/hhh/b6.gif
http://www.topgulf.net/userpages/Jar7-Alsnen.html

[مدردش متقاعد]

لا تسمع كلامها

مدردشكو .. نايم في بيتكو..متلحف من البرد و هو يسمع :)

[سردال]

مدردش متقاعد: يا سيدي هذه إذاعة، تريدني أقلب السالفة سوالف ربع!! قدر يا أخي :) وجزاك الله ألف خير على مشاركتك :)

[Huda76]

هلا والله سردال :) :)

الله يعطيك العافية أخوي :)

بصراحة كان شيء حلو جدا .. وكلامك كان أيضا حلو ولا خربطت ولا شيء :)

بالتوفيق داااااااائما ان شاء الله :)

تحياتي

[mouza]

اهاهاهاهاهاهاهاه

صح صح
يعني انا صح
شكرا لك اخوي سردال :) من كلامك فهمت انه اخونا مدردشكو شارك :)
انزين قول عشان نقول بعد مدردشكو بيض الوجه ورمس وقال رمسه تبيض الوجه :)

[مدردش متقاعد]

سردال ماقال إني أنا اتصلت؟
ليش مصممة إني اتصلت؟
الحين من 20000 طالب في بريطانيا ماحد غيري؟:)

[سردال]

Huda76: جزاك الله خير أختي، الحمدلله، لأني كنت ألاحظ أمور أعتقد إني خربطت فيها :) بس الحمدلله، هذه شهادة طيبة :)

موزة: مدردش من وين اتصل؟! :) شوية تفكير بتحصلين الإجابة!!

[mouza]

اول شيء كلام اختي هدى صحيح والله
ماشاء الله عليك كنت تتكلم بكل ثقه :)


اقول مدردشكو اتصل من بريطانيا :)

عاد يا مدردشكو انا مصرة :)

[سردال]

موزة: مشكورة أختي الكريمة، بس كنت مرعوب أول دقيقة وبعدين عادي :) المكان غريب فعلاً :) أول مرة أشوف إذاعة في حياتي وأتخيل الناس يسمعوني! :)

وخلي مدردش في حاله خلاص :) إنتي قلتي الإجابة

[أكسجين]

البرنامج كان واايد حلو ...
والله يهديه هاردوير ماخذ دوره ودور غيره :P
موزة ..لا تسمعين كلام مدردش ...انتي صح 100% :)
الله يعطيكم العافية ويزاكم الله خير

[مدردش متقاعد]

إلا و إلا تعرفين؟

و الله فشييييييييييييلة:(

[mouza]

شكرااخوي اكسجين :)

اهلا اخوي سردال عاد مشهور من قدك


ليش فشيله اخوي مدردش عاد والله انك رمست بشكل حلو وبيضت الويه
خلك واثق من عمرك :)
واسفه ان كان فضولي ازعجك :(

[سردال]

أكسجين شكراً لك وجزاك الله خير :)

المهم ألحين، شو رايكم؟ هل توفقوني في كل ما طرحت؟ أم أن هناك أمور تخالفوني فيها؟

[مدردش متقاعد]

ماشاء الله.. اتفق العلماء على إني المتصل؟

إنتي شو دراج؟:)

[mouza]

اظني كانت اخر متصله والله ما اذكر
يوم قالت السلبيات في المنتدى الخلافات المذهبيه
نحس شغل الشاغل للبعض هذه الامور و تشب الحروب اللي مالها داعي
واللي انا اعرفه من صفات الامر بالمعروف والنهي عن المنكر لين الجانب :)
صح ولا شو رايك سردال :)

والله ضحكت يا سردال يوم قال لك المذيع تسوي دعايه حق سوالف :)

[mouza]

انتي بنت :)

والله ما عرفت اسمحيلي الغاليه :)

[مدردش متقاعد]

أكيد إنتي يا موزة الي اتصلتي:)

((وحدة بوحدة ;)))

ههههههههههه

[mouza]

حشا عليه والله مب انا
لو انا بسوي اعلان عيل شو بقول سمعتوني ولا لا ؟

انا اعرف محد غيرك الكل قال انك انت كنت
بس صراحه انت بعد مداخلتك كانت حلوة :)

[نجمة المساء]

يعطيك العافيه يا سردال بس انت مطالب منا في تسجيل كامل للحلقه :)

[mouza]

انت مش بس مطالب بالحلقه

بعد بنحاسبك
ليش ما خبرتنا قبل عشان نتابع البرنامج من بدايته :)

[مدردش متقاعد]

حسبي الله و نعم الوكيل.. الي تشوفينه يا موزة

عندي ملاحظة.. بالنسبة لمشاركة الأخت.. هل في رايج إنه كان له داعي؟

[mouza]

من اي ناحيه كان معاها حق ؟
من ناحيه الموضوع اللي قالت عنه ؟

انا احس هي عشان محد يرمس وايد في ها الشيء ويسوون الحروب

[مدردش متقاعد]

أنا في رايي إنه كانت تقدر توصل الفكرة عن طريق الإميل.. مشاركة الفتيات في مثل هذه البرامج.. فتنة.. و لو ركزتي بتعرفين ليش أنا أقول جي

[mouza]

من هاالناحيه انت صح :)

[سردال]

مشكورييييييين على التشجيع والردود...

إن شاء الله نجيب لكم نسخة من البرنامج ونسخة حقي أسمع فيها نفسي بعد :)

بالنسبة للمتصلة الأخير ورأيها عن مواضيع المذاهب هذا شيءأوافق عليه فعلاً :)

[مدردش متقاعد]

ما أريد أستطرد في هالأمور.. بس لو كانت الأخت الي شاركت تقرى المكتوب.. أتمنى تتقبل كلامي بصدر رحب.. و تعيد حساباتها من جديد..
ما نريد نفتن حد.. و لا نريد نفتتن!!

[mouza]

خلاص اللهم استر علينا دنيا واخره
وبعدين انما الاعمال بالنيات :)



نعم نعم اخوي سردال :)
شفت والله ها الموضوع وايد حساس وكنت ما احبه واستانست يوم الاخت الفاضله تكلمت عنه

[مدردش متقاعد]

إنما الأعمال بالنيات.. لكن.. يتبعها العمل الحسن و الصحيح شرعيا يا أختي موزة:)


يالله يا سردال.. ييب التسجيل:)
بس الله يخليك. احذف مشاركة الأخ من بريطانيا (شو جبرني أشارك:(:()

[سردال]

http://www.swalif.net/sforum/showthread.php?threadid=81897

هذا موضوع عن البرنامج :)... لكن ما شفتوه يمكن!

[mouza]

احلى شيء مشاركه الاخ المشبوه من بريطانيا :)
خلها المقدمه والخاتمه :)

لا تزعل مني مدردشكو

[سردال]

صراحة مدردش شجعني لما سمعت صوته :).... من زمان ما شفناه، الله يرجعه بالسلامة :)

ودي حد يقول لي: إنت غلطت في المكان الفلاني أو النقطة الفلانية :)

[مدردش متقاعد]

لا تسمع كلامها:)

أنا يعد استانست يوم سمعت صوتك ياخي..و(خوفتني):)
إن شاء الله يوم العيد أتصل بك.. بس طلع موبايل أول شي:)

أيوه في نقطة.. ألي هي تعقيبك على كلامي.. هل هو فعلا شيء عادي إنه يدخل الواحد باسم بنت و العكس؟ مثل ما إنت قلت.. و الأهم هو الأسلوب؟

اسمح لي ما أؤيدك في هالشي:)

[سردال]

مدردش: المشكلة إني نسيت أكمل الكلام، قلت الحرمة من حقها إنها تتخفى في أسم رجل لكن الرجل لماذا يتخفى في اسم امرأة؟ هذه لم أكملها، وبعدين صراحة ما يهمني رجل أو امرأة، المهم الكلام والحديث والنقاش :)

[mouza]

هني مدردش معاه حق

صدق ليش التخفي ليش تختار البنت اسم واحد او الولد يختار اسم وحده
وبعدين البنت لها احترامها اظني في المنتدى يعني الكل بيحترمها :)
بعدين حلو يكون الانسان واضح
حتى لو كنا نتعامل مع الكلمات
بس غير يوم نعرف كاتبها بنت او رجل :)

[Hardware]

مدردش تراك صدعتنا ، دردرشت راسنا...
بالنسبة لتعليق سردال أعتقد السؤال كان محور بطريقة خطيرة ما تسمح لك بأنك ترد عليه "هل أنت كمشارك تنضر من كون اللي يخاطبك امرأة متخفية باسم رجل أو رجل متخفي باسم امرأة" والحقيقة نعم ما يضر هذا الكلام...
أما من حيث الشخص نفسه ، فإن كان رجل فهذي قلة أدب أو ضعف شخصية أو غلاسة...

ها ها ها.. فنيات إعلامية وإن كنت فاشل في باقي الأشياء ،،، البركة في قناة الجزيرة.

[بشرى]

أنا بعد فاتني الإستماع
بس ياليتك خبرتنا من قبل للفائدة

وإن شاء الله بنسمعها إهنيه في سوالف

شكرا لك

[مدردش متقاعد]

أنا أؤيد الأخت موزة في الي قالته.. مافي داعي للتخفي.. الاسم المستعار يفي بالغرض.. أما الي نشوفه في كثير من المنتديات.. من الأساليب المشبوهة لدى البعض.. و التي تفضححهم في كثير من الأحيان.. فما أعتقد له داعي..

أنا ما يهمني شخصية الكاتب.. سواء ذكر أو إنثى.. لكن بالتأكيد المصداقية تعنيني.. و لا أريد في يوم من الأيام إني أكتشف إني كنت أسولف مع شاب و هو بالأصل فتاة .. و بالأكيد سأفقد الثقة فيه.. و سأشطبه من حياتي..

يمكن إنت ما فهمت قصدي .. بس أنا متأكد إنه سردال فاهم المغزى من تعليقي في البرنامج .. فاسأله ليش أن علقت على هذه النقطة بالذات.. وخلو الطابق مستور أحسن:)


تحياتي لكم جميعا

[خالدالفيصل]

احلىىىىىىىىىىىىىىىىىىىى من قدك يالمشهوووور ترا انا خوي المشهور:)

[mouza]

صح كلامك :) اهم شيء المصداقيه بعدين اكيد النهايه الشخصيه بتنكشف مثل ما استوت في حالات كثيرة شو كانت النتيجه عدم الاحترام لذلك الشخص سواء كانت فتاة او شاب

[أكسجين]

مدردش ** وهل يخفى مدردش؟
زين يوم كنت في بيتك ..وإلا جان دعمت في درام زبالة :)
موزة ** مسموحة :)
هاردوير ** مذيع خطير :)

[Hardware]

شكرا أكسجين

تصفيق حاد ، على الأقل لقيت حط يعطيني ويه ... ما شاء الله سردال أشهرت البرنامج هههههههههههه

بس حرام الظاهر هذي المرة بس بمسكة :(

[mouza]

سردال اخبرك
صدق انه الاخ هاردوير كان المذيع
والله ما عرفت حليلك يا مدردش طحت فيك وهني واحد ثاني بعد :)

[Hardware]

لا عادي :)

متعودين على الغلاسة

[الغيور]

:)

^1

أخ سردال ... ما قصرت ... و الأخ هاردوير ... ليش خوّفت البنت اللي اتصلت آخر اللقاء ... مسكينه ما تستاهل ( أونها داخله بالغلط ) :)

و يا أخ مدردش اسمح لي ... ما سمعت مداخلتك ... و كان بودي المشاركه لكن أخاف من الفتنه ;) ...

:)

تحياتي لكم جميعا ... ولا تنسون صيام يوم غد ...

[مدردش متقاعد]

هلا أخوي الغيور.. و الله نبهتني للي قاله (إنتي داخلة بالغلط) ههههه
و الله تميت أضحك.. ما عطاها سالفة:)


أختي موزة.. مسموح.. أدري من زمان إنه هاردوير المذيع.. ما تشوفينه يالس من الصبح يغلس علي:)

[Hardware]

والله تلومت اليوم بما فيه الكفاية ، سواء من الشباب هناك ولا من نفسي ، الحقيقة فلتة لسان ما كان قصدي شي ، بس لما واحد يقول "كأنه موضوعكم عن المنتديات" يوحيلك بأنه بس بطل الراديو وسمع وهذي تضايق أي مقدم ،،، شرات واحد اتصل مرة وقال "شو موضوعكم" ههههههههه قلنا له "عن الشي الفلاني" ههههههه استهل وقال "إن الحمد لله..........."

[مدردش متقاعد]

لأن بداية الفتاة ما كانت موفقة.. عنبو.. حد يتصل في برنامج و يقول (جنه موضوعكم عن المنتديات).. ممكن خانها التعبير.. و إنت استغليت الفرصة.. و على طول (صاروخ ارض جو) ههههه
عموما.. إنت أجدت في التقديم.. كالعادة مقدم متميز.. و أتمنى تكون على طول.. و الأخت أجادت في تعقيبها:)

تحياتي

[توتة]

1^

:)
حبيبة قلبي مواز -----> شخبارج ... اسميني من فترة
ما دخلت نادي الاصدقاء .. حبيت امسي عليج عزيزتي :)


:)
سردال ----> سمعت البرنامج ... و فرحت لأنهم استضافوق
.. بصراحة أثريت المستمع بالمواقع المتميزة .. و ما
قصرت في الافادة .. و لاحظت خوفك بداية البرنامج .. بس
ما شاءالله انطلقت بعدين بصورة جميلة .. و بتفكير منظم
و اجوبة مدروسة ... بيضت الويه يا سردال ... :):):)


:)
هاردوير ----> ما شاء الله عليك .. متخصص متميز في
شؤون الكمبيوتر .. و مقدم اكثر من متميز ( بدون
مجاملة ) ... بصراحة غطيت على اخوك .. و اتمنى لو
انك تقدم البرنامج دايما .. لأن تقديمك مريح اكثر
من مقدم البرنامج السابق ... و اتمنى بعد يخلون
المواطنين يطرحون هالمواضيع على التلفاز ... لأنهم
أقرب و افضل تقديما و مضمونا من غيرهم ... و هذا
ليس فقط كلامي ...الكل مع هذه الرؤية :):):)



و بارك الله فيكم ... :)


تــــ تحياتي ــــوتة :)

[Hardware]

أخ يا مدردش شو أقولك بس ، الصراحة أنت تاخذ السالفة بهذي البساطة ، أنا إلى الآن في قمة التوتر من الحلقة ومب قادر أضبط أضبط أعصابي فلتانه ،، وسردال مستانس وعلى البراد ، ما بيحصل فتنه شراتي.

إلا إذا قدر الله الأخت اتصلت بالمدير وسوتلي واسطه وقالت مسامحتنه... عسى ما يقاعدوني وأنا بعدني شباب.

[Hardware]

إشاعة؟؟؟ منوه قال أن المقدم قال "داخله بالغلط"؟ هذي قوية بصراحه معقول قال جيه ، يلهوي بال يلهوي بال.

مثل الطبيب اللي ... يعالج بصرها
يبغي يعالجها ... سعى في عماها

حسبنا الله ونعم الوكيل... الحمد لله ما فيه إعادة.

الظاهر اليوم وجود سردال كان سبب في الانفتاح الزايد على الجمهور.

اللهم الطف... الحقيقة هذي الأيم الأخيرة كثرت التنقيعات على الهواء فاسألوا الله لنا "الثبات" و "التثبيت" وبذالت التثبيت هذي.

[نجمة المساء]

سردال لاول مره في التاريخ يصير الموضوع حديث سوالف



بالتوفيق للجميع

[جمان]

هل يمكن إعادة الحلقة ؟؟؟

[Hardware]

لا إعادة الحمد لله ههههههههه

بسنا فضايح ... على العموم سوف يتم قص بعض المقاطع (الطريفة) والورطات اللي تورطوها الشباب. وسوف يتم إرسالها للأخوة القائمين على سوالف بعد الأذن من الإذاعة لأنها قد ترفض ، بنقولهم سردال من سوالف وبيمشي الحال ههههههههه هو مشرف لذلك سيقبلون.

وإذا الأخوة لديهم القدرة بالاتصال بالإذاعة وطلب أن يتم إعادة هذا البرنامج تراهم ممكن بستجيبون.

[BRABUS]

بيضتوا ويهنا وويه المنتدى بعد

بس كلمه موجهه للأخ مبارك (هاردوير)

يا أخي أنا قمت أشك إنك عميل لشركة سايمانتك ... أكثر من 8 مرات قلت اسم الشركه

أنا سمعت اللقاء من أول كلمه لين آخر كلمه حتى هذا اللي يرمس في بداية اللقاء اللي صوته اتقول فلم رعب سمعته :)

والاخت اللي من الامارات اللي اتصلت واتكلمت عن الخلافات اللي تستوي في المنتديات من الكلام عن المذاهب وما إلى ذلك ... أنا أعرفها :):) وهي في سوالف :)

لا تقولين لأ ياللي فبالي تراني عرفتج ومستعد أراهن بعد :)

بس ما بقول منو :)

وانت يا مدردش والله إني عرفت إنك بتفتح هذا الجانب اللي انت تكلمت عنه ... مادري يمكن احساس أو القلوب عند بعضها :)

وتسلمون مره ثانية يا عبدالله وأخوي مبارك

وبصراحة أخ مبارك طريقتك في التقديم عجبتني وايد ... أحسن من وايد مذيعين الله يستر علينا وعليهم :)

[Hardware]

الله يا Brabus هالكلام رفع معنوياتي شوي ، تراني بعدني متوتر ، ظروف الإذاعة تلزمنا بنوع من التحفظ ما ناخذ راحتنا ، ما فيه فرفشة ولا انبساط هههههههه.... على العموم هذي حلقة مسكتها احتياطا فقط لمغيب المقدم الأصلي للحلقة ، فأتمنى الدعاء لي في أي مكان ،،،، لأني خايف يحولوني على إذاعة الأوردو ههههههههه.

[BRABUS]

بصراحه يا هاردوير

لو تتشارك مع المقدم الاصلي في كل حلقه على تقديم البرنامج

بيكون البرنامج أكثر من رائع

وعيني عليك بارده والله

واللي سمعوا اللقاء من خارج الامارات أكيد رفعت راسنا جدامهم :):)

وتسلم مره ثانية أخوي مبارك

[Hardware]

الله يجيزك خير آمين ، بس الحقيقة البرنامج وقته ما يحتمل أكثر من اثنين ، وخاصة لو كنت فيه لأني هذربان درجه أولى ، من أفك حلجي ما يتسكر إلا بتهزيئة من المراقب هههههههه.

[BRABUS]

هو ترا أحلى شي في كلامك هذربانك :):)

[Hardware]

ههههههههههه حلوه والله

لو حولوني الإذاعة الناطقة بالأوردو بيقولي المراقب "أريه قرقر زيادة ما يريد".

[BRABUS]

عاد اتخيل اطيح في اذاعه وأكون أنا المراقب فيها

بهريك هري

بخلي البرنامج 24 ساعه :)

مثل ما يقول جورج قرداحي 24 على 24 :):)

بالمناسبه

إذا عندك هوتميل مسنجر افتحه :)

[Hardware]

يعمل كراش من الدرجة الأولى ، حظي نحس وياه ، الماسنجر الظاهر سيء مع ملنيوم.

[BRABUS]

أفا والله

أحيدك أحسن تربل شووتر شفته أو بالأصح قريت عنه :)

يلللا ورنا شطارتك وصلحه :):)

[Hardware]

حاولت بشتى الطرق مافيه فايده MSN Explorer بعد يعلق ، وعدة مرات مسحته ورجعته ، أحس المشكلة مع الملنيوم.

[BRABUS]

فعلا شي غريب !!!

أنا شغال عندي عال العال الحمدلله

يمكن نسخة الملينيوم اللي عندك مضروبه أو فيها شي !!

عالعموم شيك ايميلك :)

[مدردش متقاعد]

يمكن القلوب عند بعضها!!
و ما أعتقد الي قلته غلط:)

و أنا كنت متوقع إنه الأخت الي اتتصلت مشركة في سوالف.. و راهنت سردال يوم شفته على الماسنجر.. حتى اسألوه..
لأن سوالف هي مكان تفريخ الأعضاء لجميع المنتديات.. خاصة بعد ما سكروا التسجيل في الساحات:)

[mouza]

مسكينه البنت والله اللي اتصلت خلاص عاد
ما سوت شيء الفقيرة :)
المهم انها قالت شيء زين بس

ولا شو رايج يا توته وسردال :)

[سردال]

فعلاً فعلاً :)

ما صار شيء يا جماعة بخصوص التي اتصلت :)... خلوها في حالها، ما صار كل هذا الكلام حول اتصال واحد، وكلامك صحيح يا موزة :)

وبعدين موضوع 4 صفحات وصل!! بسكم! كل هذا عشان برنامج!! :) جزاكم الله خير شجعتونا أنا ومبارك...

[mouza]

وجزاك الله الف خير

[aziz2000]

أنا أحتج وأشجب وأستنكر ..

لماااااااااااذا لم نعلم ولم يتم الإعلان عن هذا اللقاااء مسبقا ؟؟؟؟؟ .. :mad:

فااااتتنا ياشبااااااااب ..

كان اتصلنا وأحرجنا سردال بشوية أسئلة ..:)

تحياتي لموزة ولمقدم البرنامج هاردوير وللجميع ..:)

[mouza]

سردال ليش ما شفت موضوعي عن الهدايا ؟؟؟؟؟؟؟؟؟؟؟؟؟؟

[مدردش متقاعد]

ما قلت شي مسكين.. الظاهر إنتي الي اتصلتي ها؟:)

[BRABUS]

اسمحلي على هالمداخله :)

بس طرشلي ايميل من عندك لأني ضيعت ايميلك والله (اللي على الحار ميل ;))

لو سمحت يعني :)

[mouza]

الحمدلله ما اتصلت جان شرشحتوني :)
هاي ما تعرفونها مسكينه لو كانت عضوة في المنتدى اكيد من اليوم ما بتكتب في المنتدى فضحتوهااااااااااااااا :)


بس بس مب انا

[مدردش متقاعد]

أنا أحب الفضايح:)


لا فضحتها و لا هم يحزنون.. هذا برابوسي.. هو الي حط بهارات.. أنا أبديت رأي قي نقطة صغيرة بس!!

و الله أنا بريء.. أنا مزلوووووم (مظلوم):)

[mouza]

اهاهاهااهاهاهاههااها

بس صراحه كان لقاء حلو

واللي خلانا ندردش هاي الدردشه في هذا الموضوع المدردش

ولا شو رايك يا مدردشكوو

[سعودية]

ليش ما أعلنتوا أو قلتوا قبل بكم من يوم علشان نستعد ونسمع ونشارك :(

كنت شاركت وخليت شيطوني يسألكم ويحرجكم ويبهذلكم :(

أنا أضم صوتي لصوت عزيز وأشجب معاه هذا الفعل التعسفي الإمبريالي الدكتاتوري الماركسي الراسمالي البيروقراطي النيسابوري والأصفهاني والمنتنبي وميحد حمد ...........
أوه أسفه وين وصلت أنا :)










على البركة ما سويتوا ولو إني زعلانه :)

ممتازين يا هاردوير وسردال الله يعطيكم العافية :)

ومدردش يعطيك العافية على السؤال والمشاركة :)

أكيد سردال طلبوا منه الإتصال بصديق :)


مشكورة موزة على الموضوع :)




تحياتي لكم كلكم :)

[مدردش متقاعد]

توووووووبة.. حرمت ما بشارك.. لا في إذاعات و لا في جرايد.. سوالف وايد علي...
إني يا موزيكو.. برويكي في العيديكو:)

[سردال]

قلنا لكم خلوة البنت في حالها :)

سعودية: شو كل هذا
التعسفي الإمبريالي الدكتاتوري الماركسي الراسمالي البيروقراطي النيسابوري والأصفهاني والمنتنبي وميحد حمد ...........

إذا فاهة كلمة من هذا قول لي! :)

ويا نااااااااااس.... خلونا من سالفة الحرمة، شو تحصلون من ورا هذا الكلام؟! :)

[mouza]

هي انت يا مدردشكوووووووووو

انا سمعت والله يمكن كنت اتخيل سمعت المذيع يقول انك تكتب بعد في جريده الاتحاد ويا سردالكو

صح ؟
شو فضيحه
افتخفر بعمرك يا مدردشكوووووووووووووووو

[سردال]

موزة: مدردش كان يكتب قبلي في رأي الناس، ولحقته بعد شهرين أو أكثر بشوي :) وهو كاتب ساخر درجة أولى، وأنا كاتب جاد :) شفتي كيف؟

[مدردش متقاعد]

الظاهر ما تقرين الإتحاد خير شر موليه!!

[mouza]

احم احم

صراحه ما يبون في بيتنا غير الخليج والبيان

ما نيب الاتحاد شو اسوي
اكتبو في البيان احلى :)

[مدردش متقاعد]

درجة سياحية وايد علي.. الأولى غالية وايد.. و ما يعطون وزن كثير.. مرات أروح على درجة رجال الأعمال!






أووووبس


شو السالفة.. مب جني خربطت؟:)

[mouza]

ممكن تقولي متى تكتبون اي يوم عشان اقرا لكم واقولكم رايي اذا ما عندكم مانع

ما عندك ما نع يا مدردشكو ؟

[مدردش متقاعد]

معظم المواضيع الي تنزل في الجريدة. تنزل في سوالف قبل.. و كان من ضمنها يوميات معاكس:)

شو رايج.. تستاهل تعرض؟

[سردال]

موزة: لما نكتب نحط عادة نسخة من مقالاتنا في سوالف :) على العموم لازم تشترين الإتحاد أو تزورين الإتحاد على هذا الموقع وشوفي صفحة رأي الناس :)

http://www.alittihad.co.ae

[سعودية]

التعسفي : صنية بطاطس بالرز

الإٌمبريالي : شوربة طماطم بالمشروم

الدكتاتورية : قرصان بالمايونيز

الماركسية : كليجا بالشنبنيون

الراس مالية : فرخة محمرة

البيروقراطية : خروف محشي

النيسابوري : أم صلاح

الأصفهاني : مهلبيه بالكوارع

المتنبي : شيش طاووق

ميحد حمد : فيتوشيني

كذا فهمت ولا أفهمك أكثر :)

لازم المرة الجاية تستعين بخبراتي في اعداد المحاضرات يا سردال :)


تحياتي لك:)

[mouza]

موضوع يوميات معاكس كان جدا جميل :) اعجبني اسلوب العرص القصصي فيه :)

وان شاء الله سوف اكون يا سردال من متابعين راي الناس انتو شرات اخواني الله يحفظكم بشوف شو تكتبون عاد وافتخر انا بكم :)

[مدردش متقاعد]

ماصارت مصطلحات هي؟

صارت أكلات.... لازم تجوعونا عاد؟

بس حلوة هاي .. قرصان بالبطاطس؟

الظاهر متأثرة بدردشاتي البحرية؟:)

أختي موزة.. ترقبي موضوع ((الشيشة المغتربة)):)

و الله كنت أتحرى إنج تعرفين من زمان؟
و تقولين مدرسة. وين الثقافة و ين المتابعة للصحف اليومية ها؟:)

[mouza]

هي مدرسه بس ما اقرا الاتحاد شو اسوي بعمري

وما كنت اعرف انكم تكتبون في الاتحاد
وبعدين يعني اكتمال الثقافه بقراءة جريده الاتحاد ؟؟؟؟؟؟؟؟

[سعودية]

اديلوه اديلوه اديلوه :)

صراحة افحمتيه يا وخية :)

مدردش قيم اوفر :)

رحت وطي :)


بس وشو الإتحاد اللي تكتبون فيه :)

موزة موزة موزة موزة :)

هيه هيه هيه هيه هيه :)


عصبوا الشباب عصبوا الشباب :)


تحياتي لكم :)

[مدردش متقاعد]

الي ما قرا الإتحاد.. ما يقرا جرايد:)

هذي الجريدة الرسمية للدولة:)



سعودية.. فرحانه ها؟.. ياليتج فاهمة شو الموضوع.. المصيبة قاعدة تشجع... روحي يا شيخة:)

[mouza]

هاهااهاهاهاهاهاهاهاهاه


اخبرك مدردش لي ش يعني كل الجرايد نفس الشيء كل واحد نفس الاخبار هني هناك

شووووووووووووووووووووووووووووووووووووووو
قول الحين ارمس ؟
احس الثقافه مب في الجرايد الثقافه في كل شيء


شو رايج يا السعوديه 00 ما عليج منه يلا ارمسي هذا مدردشكو

[أكسجين]

موزة ...
الاتحاد سبيشال ...على راسها ريشة :)

[mouza]

انتي صدق ترمسين ؟؟؟؟؟؟؟؟؟؟؟؟؟؟؟؟؟؟؟؟؟؟؟


ههااهاهاهاهها دوم اشوف الجريده في ايدي راعي الجرايد بس عمري ما شفت على راسها ريشه

هااههااااهاهها

[سردال]

جلبتوها سوالف!! :)

زين على العموم الفطور قرب، كل واحد يجيب شيء ولازم يكون أكل شعبي.

سعودية: أريد كبسة وأريد أعرف وأشوف شو هيه الكبسة :)
موزة: خبيص وعصيد وبلاليط وجباب وخمير ولقيمات! كله أكل حلو :)
مدردش: هريس وفريد وبرياني ومجبوس وعرسية! :)
سردال: ياكل وياكل وياكل وياكل!!! :) شو؟! ليش تشوفوني جيه؟! انا أساعدكم بعد!

[مدردش متقاعد]

أكسجين ردت عليج.. الإتحاد عليها ريشة.. و ملونة بعد:)

يا سردال إنت السبب.. فضحتنا بين الملأ في سوالف.. أكيد بنقلبها سوالف!!:)

[mouza]

اخبرك مدردش خلك شرات سردال روح رياضيه

اقول انا بعد مشتهيه عرسيه زين طرشلي بارسل
قوم الحين بيأذن :)


سردال انت اطلب بس بيك الحين
ما تبا جامي وسح ؟

[سردال]

يا سلاااااااااااام!! :)

جامي وسح!! اكتملت وشوي سمن بلدي! بس يستوي ثقيل جيه! تعرفون! والله اشتهيت الأكل! بروح أنتظر على المائدة أحسن لي!! :)

بعد حطوا أكل أفرنجي شوي، كورواسون، دونت، كيك، بيتي فور، وغيره وغيره وغييييييييييييييره!! :)

بروح أحسن لي...... مع السلامة!

[mouza]

بتجوع اكثر يوم بتشوف الاكل


يا ويلي شو هااااااااااااااااا السردال اكيد سار المطبخ

اهاهاههاهااهاهااه

[مدردش متقاعد]

إنتوا ما همكم إلا بطونكم.. قدروا مشاعر الي يقرون طيب.. قدروا مشاعر المغتربين أمثالي:(

الله يسامحكم:(

[سردال]

بس لا تزعلون! والله أخاف تاخذون فكرة إني واحد متين وفجعان وما همه إلا الأكل! :) الله يستر... بس على العموم مع السلامة....!

[mouza]

بالعكس نحن نسولف وياك
ونعرف انك طيب :)



اخوي مدردش اسفين اسفين

[Hardware]

دعوة لجميع الربع في سوالف ، وعلى راسهم الأخت صاحبه القضية الإنسانية التي تحركت لأجلها عيون جمعيات حقوق الإنسان لتدافع عنها وتحفظ لها شي من ماء الوجه بعد الجريمة النكراء التي ارتكبها الأخ المذيع الذي يمكن تسمعونه عبر إذاعة الأوردوا يقول:

"إييييييييد (مبارك) رفيييييييييق" وعسى ما يتعلم يعلج بان وتمباك.

على العموم الدعوة مفتوحة والأخ المذيع بيشارك من 9-1 صباح العيد (وحليله ما بيشوف أهله).... الفترة مفتوحة ويستقبلون المشاركات ، الخواطر ، التهاني ، بعث التهاني للأهل (بس بدون ميحد حمد ولا محمد عبده) أو حتى القصاصد الفصحى ونمشي النبطية تجاوزا.

والأخ أبو الشباب راعي بريطانيا إذا ما عندك فلوس تتصل بنطرش لك على الفاكس (تصدق توني عرفتك ويا ويهك ذي الفال الحسن علي دايما) ثرك أنت مدردش متقاعد... الله ياخذ بليسك ويخليك بليا بليس. تراني جدا حريص على مشاركتك بس الله يخليك أرفع صوتك شوي واستخدم النت فون أحسن.


أسأل الله أن يتقبل صيامكم ولا تنسونا من دعائكم ، ولا تنسون الأخت من دعائكم ترى جمعيات حقوق الانسان ما تأكل عيش هالأيام :)

[توتة]

:(

طحتوا من عيني .... :(

وااااااااااااااااااااااااااااع
ما بغيتوا غير تكتبون في الاتحاد .... !!!!!


و السموحة :)
اختلاف الرأي .....طبك ينيبن كبيكب .... الخ المثل



تـــــ تحياتي ــــوتة :)

[توتة]

:)

تصدق ... !

يمكن تستوي عندك شعبية في اذاعة الاوردو ... :)

تفوق شعبيتك في اذاعة القرآن ... :)


لوووووووووووووووووووووول :)


تـــــــ تحياتي ــــــوتة :)

[Hardware]

تو(ر)تة شو هذا ، هذا اللي قاصر ، البلد 50% هنود وين بشرد عنهم؟؟؟ الله يستر ما يرشحوني لانتخابات ولا شي غير ماأروح في داهية بعد ، على العموم أنا بعدني ما اشتريت للعيد شي ، بروح اتسلف من البشكار وزار أزرق وقميص برتغالي وشوية بان وبخليه يعلمني كيف أعلجه...

بتعلم بعض الحروف بس ما أدري وين بلقى زنوبا محترمة (هو فيه أصلا). ومعاكم على الهواء ، هاردوير راجوه كوتي فتح الخير.



يا الله على الأذان الله يوفقكم

[مدردش متقاعد]

صح النوم.. توك عرفت؟:)
ياخي زين و الله لو يتصلون في .. بتوفرون و الله علي ثمن المكالمات (على فكرة أنا اتصلت عن طريق الهاتف المتحرك..مب نت تو فون!!:))

لا تحاتي ياخوي.. إنت مقدم مميز.. و إن شاء الله يوم العيد بغثك بمشاركة هههههه
بس أقول..كثر من دعويك هذي:)


تحياتي

[توتة]

هازا كلام مافي زين ...
اهنا اصل المجتمع...

و مخلصين التاتا اللي في السوق ...
لا تخلينا نسوي اهتجاج بانايجاهي .. و نظرب عن التاتا

بعدين دهان خراب في دكان ... !



تـــــ تاتا ــــوتة :)

[الدكتور ريان]

اهلين فيكم وياهلا ...
ماشاء الله
ماشاء الله
صراحة سمعت اخبار مرة حلوة عنكم شباب (سدال وهارد وير)ايو كذا ....ارفعون روسنا للعلالي (مش مكرونة العلالي )وخلونا نفتخر فيكم ...لن تضيع سوالف وفيها اشخاص مبدعين مثلك .
وسردال .....انا من زمان معجب بمواضيعه ماهو شيء جديد ودائما للافضل وانسان صاحب قلم وصاحب رؤية ادبية ...وهاروير ...يقولو نصاير مذيع صوته حلو ..الله وش هالزين ليش ماقلت من الاول ياهاردوير ...صراحة اريدكم فورا ,,فورا

تسجلون نسخة ..بدون تقطيع ياهاردوير ...كما هي ونسمعها في سوالف ونحدد يلا بسرعة ...


واشكرك ياموزة على مشاعرك تجاة اخوانك ولازم تحاولين تكتبي لنا المقابلة نصيا وننتظرك .

[Hardware]

فالكم طيب وإن كان في خاطري أقطع مجموعة مقاطع وعلى راسها صاروخ أرض جو بس صاب الهدف بالغلط وإن شاء الله ما يتكرر.. وكذلك الدعاية التي نسبت إلي زورا وبهتانا لشركة سايمانتك ، واحد من الشباب وصلها ثمانية مرات ، شو أسوي من كثر ما أعشق هالشركة ، يعني الواحد لازم يفرط لسانه بذكر معشوقته (طرفه) على العموم نحاول منع عملية إعادة الدبلجة الاستئصالية وعلى الله يرضى المدير وإذا ما رضى بخليكم تمطرون بريدهم بسيل من الطلبات (حركات ثورية ههههههههه).

[mouza]

انا جي وكان مدردشكووووووو
بي من بريطانيا يزغدني

بس بس توبه :)
لقاء خطي ما اروم خل مدردشكو يكتب

[مدردش متقاعد]

من الحين أحذركم. لا تنشرون شي.. خلوا البرنامج في حاله!!:)

يكفي فضايح يا موزة:(

[Hardware]

تراك مصختها يا بو دراديش المشاركين بالنسبة لي مثل العائلة وأنا ما كان قصدي شي غير الشوالف وخاني الأسلوب ، ولذلك رضيت أكون مع عائلتي يوم العيد على الهواء ، على العموم ، بنخلي الجماعة يحطونك في القائمة المحضورة ههههههههه...

بس والله ما أقدر استغني عنك أنا مب قدها.

[مدردش متقاعد]

أقول هاردوير.. ما تريدون تستضيفون مدردش متقاعد و مغترب و مهندس بيتخرج قريب إن شاء الله:)؟
شو تريد أكثر عن جي ثلاثة في واحد:)
إن ما خليتهم يفنشونك عقب المقابلة ما أكون مدردش هههههه

[Hardware]

والله ما نتشرف باستضافة شخص مثل وجود عيال الديرة في برامجنا ، بس لما ترد من بريطانياجهز لي موضوع واسع يحتوي على محاور متعددة ، وبستضيفك مب علشانك مدردرش بس علشان الموضوع اللي بتطرحه بس لازم تكون فيه شروط:
1. شبابي قدر الإمكان.
2. قابل للتأصيل الشرعي (قدر الإمكان).
3. دائرته في نطاق تطوير النواحي الشخصية لدى الشاب أو علاج مشكلات تمر بنا.
4. قدر الإمكان أن تكون إما متخصص في الموضوع أو متمكن منه.

والحقيقة لما جبنا شواب مات البرنامج ، الشباب يحيون البرنامج ويتفاعلون معه بقوة أكبر والمشاكرات تزيد بعد.

بس دق صدرك وراوني أفكارك.

وصدقني لو بيدي ما استضفت غير الشباب المواطن يكفينا إحباط من البرامج اللي ما يلقى فيها المواطن مساحته.

على العموم إذا بقيت على تهورك هذا خصة حول قضية الاخت المتصلة ما أعتقد بيقبلونك ، تراك مطنزجي عود.

[mouza]

صدقني بسوي لقاء وبفضحك اسكت عني
انا ما فضحتك انا خليتك مشهووووووووووووووور

المصيبه انا البارحه ما ركزت ع لى اسمك الاصلي جان صدق 00000

[Hardware]

ما عليه الاسم عندي وبنسوي عليه مزاد اللي بيفوز في المزاد بطرشه له على البريد (والله يا مدردش المزايدة ما بتوقف يوم أنها عليك).

بس تدرون ، بما أنه ما يرضى اسمه يطلع ، بقصه من اللقاء ، نها ها ها..

إن شاء الله نحاول نوفره ثاني العيد إذا أمكن ليبث عبر سوالف.

[مدردش متقاعد]

ياخي أنا ماقلت شي.. الغيور هو الي اطنز عليك و فضحك يا هاردوير:)
أنا أبديت ملاحظة.. و قلت نصيحة لوجه الله للفتاة و لغيرها من الفتيات.. و لو تتذكر نشر لي موضوع خاص في صفحة رأي الناس عن هذي النقطة.. و مهما كان فهذه مجرد وجهة نظر خاصة بي.. و لكم حرية قبولها ز لكن الكثيرين أيدوني فيها!!.. و الله يعين العزابية.. لكن قريبا.. بنصير متعادلين يا هاردوير:)

و عن الاستضافة.. تراني أتغشمر.. أنا مب ويه استضافات.. أكتب ممكن.. بس إني أتكلم على الهوا.. بتصير فشيلة علة الهوا.. خلينا مستورين أحسن.. نتخرج.. و نروح بواخرنا.. و بتفتكون من ويهي:)




موزة.. الحمدلله.. نسيتي اسمي هههههههه:)

[Hardware]

عدااااااااااااااااااااال مدردش يستعرض هههههههههههه استعراض فحولي...... على العموم أنا ما تكلمت عن كلامك وإ كان ودي أردت عليك فيه بس خليتها لأن المسألة متشعبه ومش بهذي البساطة ، واللي عايش عندم في بريطانيا يشوف الأهوال مب بس صوت. وبس عاد صك الموضوع تراك خليتني أتكلم.

[مدردش متقاعد]

بريطانيا في رايي أهون بمليون مرة من البلاد..

هذا رايي و راي معظم الشباب:)

[mouza]

لا تقول بنفتك
كلكم اخوان والله الله يحفظكم ويوفقكم
وجمعنا ها المنتدى
والله يجمعنا اجمعين في الجنه

[مدردش متقاعد]

يمكن إنتي ما بتفتكين.. بس بعض الناس هيه:) (أمزح:))



هاردوير.. قول و فضفض ياخي.. أنا يالس لك اليوم هههههه:)

[Hardware]

عيل يوم أنك إلا يالس ، خلك ، أشوف الشباب كلهم انفضوا ، بخليك بروحك ههههههههه.