بياع القلوب
31-01-2001, 04:25 AM
اذكر أيام كنا في المرحلة المتوسط
هو طبعا سابقني بسنه وهذا اللي قهرني منه أيامها
كنا نروح بيت جدي الله يرحمه في العطلة الصيفية في الديره
وكنا نقضي أوقاتنا كلها على السطح مع عيال عمي
أو بالحارة نلعب كوره
كنت دائما متزعم الشلة كلهم وكانوا يسمعون كلامي في كل شيء
في الكورة ، في الهواش ، في التخريب
شقاوة مراهقين
المهم
سديم ما كان له لا في الثور ولا في الطحين ( مدري المثل صح وألا خبصته )
كان مرابط على السطح
مدري وش عنده
(ذكرني بمسلسل درب الزلق يوم سعد مرابط على السطح)
عموما يوم من الايام وقت القايله
طلعت أشوف وش حكايته
إلا وألقاه أخينا بالله منسجم على حافة السطح ويناظر سطح الجيران
أنا ماجا شيء على بالي وناديته وشفت الارتباك باين عليه
عموما قلت في نفسي أكيد فيه شيء عنده مخبيه
ثاني يوم سويت فيه مقلب خليته ما يطلع السطح وقت القايله وطلعت أنا ووقفت قدام سطح الجيران
المهم ، بعد ما انصلخت من الحر طلعت بنت جميلة جدا بيدها سلة غسيل
هاه ؟ بياع ؟ وش ذا ؟ قصدي شلون هذي ؟ يوووه مين هذي؟؟
هي ما انتبهت علي في البداية
وقتها صابتني دلاخه غريبة ما حسيت بها من قبل
لا يكون هذي منووور بنت الجيران ؟ اللي كنت وأنا صغير اشد شعرها لما تيجي عند بيت جدي أو تمشي بالحارة ؟
يا ويلي على شعرها طاير مع الهوا احين وش أقول وش أوصف
عموما هي انتبهت إن فيه واحد مشدوه وفاتح فمه من الصدمة واقف قدامها
هي شافتني وضحكت وركضت خجوله إلى تحت ( ياي يالخجل اللي مقطع بعضه )
عموما بعد فتره صحيت من الدهشه وقلت : هين ياسديموه ، هين يالسهتان ، ياما تحت السواهي دواهي ، وانت قاعد لي كل شوي عيب وحرام ومدري شنو
قررت اخرب عليهم فعلا
وطلعت ثاني يوم للسطح وقعدت لها قعدة
المهم بعد العديد من المناورات والمناوشات عن بعد ورسائل مورس وبرايل وكل الشفرات اللي ربنا خلقها قدرت الفت انتباهها ( والله انك روميو يا بياع )
بعد كم يوم ، وعلى رأي الشباب ربعنا ( شبّكتها ) وخربت على سديموه
قلت خلي سديم يكتشف الحقيقة لوحده
وقفت بمكان ما يشوفني سديم على السطح
طلع السطح وشافها لكنها ما عطته وجه بس الغبية منووور لمحتني بزاوية السطح وأشرت لي
تبن
رحت فيها
ما مداني افر إلا سديم ماسكني من رقبتي
قدامي ياصايع ياداشر يا
سديم ؟ عاد انت اللي كلش عاقل ؟
وخر عني
وهربت منه بسرعه ورحت عند جدي وجلست عنده اسولف عاد هو ما يقدر يجيب طاري أي شي قدامه ( لجوء سياسي )
بعد شوي شفت سديم طالع السطح وبيده بندقيه سكتون !!!
بندقيه ؟؟؟
ياويلي لا يكون بيذبح البنت الأهبل ؟؟
بالقوة تملصت من غرفة جدي عشان ما الفت الأنظار
ووراه بس مامداني ألحقه إلا وهو نازل
واطلع وإلا منوووور توها طالعه للسطح تلم الغسيل
اشوه ، الغبي فكرته سوا حماقة في البنت
ما جبت له سيرة أبدا لمدة يومين عشان ما يمصع رقبتي
بس لاحظت شيء غريب
ان جارنا ( ابو منووور ) ما يحضر للمسجد وقال لي جدي بياع شوف جارنا وش فيه غايب ؟
قال لي هو بخير بس ظروفه شوي صعبه احين
ظروف؟
غريبه
سديم ؟؟؟؟؟؟
سدييييييييييييم وش هببت يامعفن؟
وركض لسديم ، وش سويت ياغبي قبل يومين على السطح ؟
لا أبدا ما سويت شيء
رديت كرامتي وانتقمت لشرفي؟
وش هببت ياتنك؟ أي شرف واي كرامه ؟
ايه انتقمت منها
شلون ؟
أخذت السكتون وبخشت سراويل ابوها اللي على حبل الغسيل كلهم عشان يهاوش منووووووور
سديييييييييييم يا غبـ……………..
هو طبعا سابقني بسنه وهذا اللي قهرني منه أيامها
كنا نروح بيت جدي الله يرحمه في العطلة الصيفية في الديره
وكنا نقضي أوقاتنا كلها على السطح مع عيال عمي
أو بالحارة نلعب كوره
كنت دائما متزعم الشلة كلهم وكانوا يسمعون كلامي في كل شيء
في الكورة ، في الهواش ، في التخريب
شقاوة مراهقين
المهم
سديم ما كان له لا في الثور ولا في الطحين ( مدري المثل صح وألا خبصته )
كان مرابط على السطح
مدري وش عنده
(ذكرني بمسلسل درب الزلق يوم سعد مرابط على السطح)
عموما يوم من الايام وقت القايله
طلعت أشوف وش حكايته
إلا وألقاه أخينا بالله منسجم على حافة السطح ويناظر سطح الجيران
أنا ماجا شيء على بالي وناديته وشفت الارتباك باين عليه
عموما قلت في نفسي أكيد فيه شيء عنده مخبيه
ثاني يوم سويت فيه مقلب خليته ما يطلع السطح وقت القايله وطلعت أنا ووقفت قدام سطح الجيران
المهم ، بعد ما انصلخت من الحر طلعت بنت جميلة جدا بيدها سلة غسيل
هاه ؟ بياع ؟ وش ذا ؟ قصدي شلون هذي ؟ يوووه مين هذي؟؟
هي ما انتبهت علي في البداية
وقتها صابتني دلاخه غريبة ما حسيت بها من قبل
لا يكون هذي منووور بنت الجيران ؟ اللي كنت وأنا صغير اشد شعرها لما تيجي عند بيت جدي أو تمشي بالحارة ؟
يا ويلي على شعرها طاير مع الهوا احين وش أقول وش أوصف
عموما هي انتبهت إن فيه واحد مشدوه وفاتح فمه من الصدمة واقف قدامها
هي شافتني وضحكت وركضت خجوله إلى تحت ( ياي يالخجل اللي مقطع بعضه )
عموما بعد فتره صحيت من الدهشه وقلت : هين ياسديموه ، هين يالسهتان ، ياما تحت السواهي دواهي ، وانت قاعد لي كل شوي عيب وحرام ومدري شنو
قررت اخرب عليهم فعلا
وطلعت ثاني يوم للسطح وقعدت لها قعدة
المهم بعد العديد من المناورات والمناوشات عن بعد ورسائل مورس وبرايل وكل الشفرات اللي ربنا خلقها قدرت الفت انتباهها ( والله انك روميو يا بياع )
بعد كم يوم ، وعلى رأي الشباب ربعنا ( شبّكتها ) وخربت على سديموه
قلت خلي سديم يكتشف الحقيقة لوحده
وقفت بمكان ما يشوفني سديم على السطح
طلع السطح وشافها لكنها ما عطته وجه بس الغبية منووور لمحتني بزاوية السطح وأشرت لي
تبن
رحت فيها
ما مداني افر إلا سديم ماسكني من رقبتي
قدامي ياصايع ياداشر يا
سديم ؟ عاد انت اللي كلش عاقل ؟
وخر عني
وهربت منه بسرعه ورحت عند جدي وجلست عنده اسولف عاد هو ما يقدر يجيب طاري أي شي قدامه ( لجوء سياسي )
بعد شوي شفت سديم طالع السطح وبيده بندقيه سكتون !!!
بندقيه ؟؟؟
ياويلي لا يكون بيذبح البنت الأهبل ؟؟
بالقوة تملصت من غرفة جدي عشان ما الفت الأنظار
ووراه بس مامداني ألحقه إلا وهو نازل
واطلع وإلا منوووور توها طالعه للسطح تلم الغسيل
اشوه ، الغبي فكرته سوا حماقة في البنت
ما جبت له سيرة أبدا لمدة يومين عشان ما يمصع رقبتي
بس لاحظت شيء غريب
ان جارنا ( ابو منووور ) ما يحضر للمسجد وقال لي جدي بياع شوف جارنا وش فيه غايب ؟
قال لي هو بخير بس ظروفه شوي صعبه احين
ظروف؟
غريبه
سديم ؟؟؟؟؟؟
سدييييييييييييم وش هببت يامعفن؟
وركض لسديم ، وش سويت ياغبي قبل يومين على السطح ؟
لا أبدا ما سويت شيء
رديت كرامتي وانتقمت لشرفي؟
وش هببت ياتنك؟ أي شرف واي كرامه ؟
ايه انتقمت منها
شلون ؟
أخذت السكتون وبخشت سراويل ابوها اللي على حبل الغسيل كلهم عشان يهاوش منووووووور
سديييييييييييم يا غبـ……………..