سوالف للجميع - اهداء الى..............................................موزة

شبوحة

07-01-2001, 12:23 AM

يسعد مساءك موزة :):)

ادرى فيك تحبيين الصور وراح اهدى لك صورة اتمنى انها تنال اعجابك:):)

ممكن تعلقين على هاى الصورة؟؟

http://www.uaeeyes.com/funny/baby/baby02.jpg

mouza

07-01-2001, 12:44 AM

هاي الصور الثمانيه حالاتي النفسيه من فرح وحزن واكتئاب وخجل
وعجبتني وايد
هاهااهاهاهاهاهااهاهها
فديتج والله

شبوحة

07-01-2001, 01:00 AM

انا احلى صور عجبونى الثانية والخامسة:):) يجننون موت

بس ممكن اعرف اى وحدة اقرب لشخصك منهم؟؟

mouza

07-01-2001, 01:10 AM

من اليمن ثلاثه وسته :)

شاهيناز

07-01-2001, 01:14 AM

شبوحه اعتذر عن اللقافه....

دقات قلبج وايد قويه ازعجتني في قسم السياسه واصل صوت قلبج.

مشاء الله خففي على الصوت..:)

BRABUS

07-01-2001, 01:17 AM

عاد ما حصلتي إلا سطل اتظهرين فيها حالاتج النفسية

عفاني الله

لووووووووووول

mouza

07-01-2001, 01:20 AM

وانت اشعليك مني وحد قالك تعال

شبوحة

07-01-2001, 01:27 AM

اختيارك جميل لكن ماكأنة هناك تناقض بين الشخصيتين 3 منطلق

وفرح وبخاصة مع الاشخاص اللى يعرفهم و2 خجول ويمكن يكون هناك خوف من شىء او عدم ترحيب

بالاخرين الغير معروفين

هل ياترى هذا التحليل مطابق لشخصيتك؟؟

شبوحة

07-01-2001, 01:30 AM

ممكن تقولى لى شو تفسرين هالتسارع فى دقات القلب؟؟

على فكرة مابديتى رأيك فى الصور وايهم اقرب الى شخصك؟؟

شبوحة

07-01-2001, 02:04 AM

الله يسامحك

زعل موزة من زعلنا:(:(

شاهيناز

07-01-2001, 02:55 AM

شبوحه...
دقات القلب تعني اما خوف اما؟؟ سمعتيني اخاف من الملاقيف الي مثلنا يسمعون الكلام...;)

شبوحه انا اشوف الشيطونه الي مطلعه رجلها من السطل اقرب لشخصيتي...:)
اختيار حلو يا شبوحه:::)

قطري حبوب

07-01-2001, 04:51 AM

أنا أقول انه 2 و 5 دلالة على الحزن..هاي رايي..
و موزة اتوقع انها تمزح في سالفة السطل..
اتوقع من خبرتي في الحياة انها (دبدوبة) يعني درام ممكن
يمشي...مب سطل صغير مسكين..(أمزح يا اختي الغالية)...أما يا بنت بلادي يا شاهيناز دقات القلب انا ادري ليش تدق بسرعة..بس مب قايل لين تأذن لي راعية الشأن...

مع محبتي...حبوب..!

شبوحة

07-01-2001, 12:46 PM

ولايهمك قولى اللى عندك وترى الملاقيف موجودين فى كل مكان وما

نقدر نمنعهم من الدخول

اختيارك جميل واحس فية نوع من المرح وعدم المبالاة بالامور الاخرى

اذا ماكانت تعنى شىء لصاحب الصورة هاى الطفلة فيها نوع من

الشقاوة اللذيذة اللى تضفى على المكان نوع من البهجة

اتمنى انك نفس هاى الشخصية

تحياتى لك حبوبتى

شبوحة

07-01-2001, 01:39 PM

ادرى ان اللقافة عاملة عمايلها بس يالله

احترم رأيك ومشكور اخوى

الحين راعية الشأن اذنت لك وتقول لك هات اللى عندك!!

قطري حبوب

07-01-2001, 02:14 PM

اذا تاخذين الامور زعل يا شبوحه انا اسف...
بس في فرق بين الملقوف و اللى يحب يشارك بشكل لطيف..
المهم...
دقات القلب على حسب ما سمعت تقول فارق حبيب غالي..
ما له دوا عندي غير شوفت الغالي..
الله يرد كل غايب يا رب..

مع محبتي...حبوب..!

شبوحة

07-01-2001, 02:50 PM

والله انى مازعلت واكيد هناك فرق :):)

فعلا يمكن يكون فراق غالى وماراح يرجع ابدا ابدا( وخاصة اذا

هالغالى غيبة......................الموت):(:(

اللهم ارحم امواتنا واموات المسلمين

قطري حبوب

07-01-2001, 03:12 PM

الله يرحم الجميع يا رب..
بس ممكن أسالج سؤال..

ايش الفرق بين الموت...والفراق..؟
خصوصا بين الحبيبين..؟؟؟؟؟؟

يا ليت ردج يكون واضح....!
و انا بعدين باقولج الرد اللي في قلب انسان مجرب..؟!؟

اسمحولي يا شباب ادري اني دخلت موضوع غير بس اتمنى الرد منج يا شبوحه....

مع محبتي...حبوب..!

شبوحة

07-01-2001, 03:23 PM

من وجهة نظرى مافى فرق وخاصة اذا كان هالغالى اقرب من حبل الوريد اكيد موتة راح يكون فراق غالى وصعب على اللى يحبونة

وهذا من خبرتى وتجربتى اللى مريت فيها

بس فى احيان مش مقصود بهالغالى حبيب بالمعنى المفهوم لكن يمكن

يكون هالحبيب اب او اخ او ابن(كم هو صعب فقدان واحد من الاحبة

المقربين ) ربى يصبرنا على فقدان الاحبة:(:(

قطري حبوب

07-01-2001, 04:10 PM

ما أدري والله يا شبوحة...!!!!!

شكلنا بنقلب مواجع بعض...

أقول شخبار بعد انشاءالله تمام..؟؟؟

( صج يبي يغير السالفة )

شبوحة

07-01-2001, 04:14 PM

بس بعدنى ما عرفت ردك من خلال تجربتك؟؟

mouza

07-01-2001, 06:10 PM

انا ثلاثه وسته
فأنا على رغم مرحي اكون في بدايه الامر في متهى الخجل ولا احب الاقتراب من شخص الا بعد ان اطمن واكون واثقه انه حبوب :)
هكذا انا :)

قطري حبوب

07-01-2001, 08:23 PM

يا شبوحة تجربتي ما أحب أذكرها الحين..
لكن وعد مني أقولها لج في وقتها و بيني و بينج..

أما يا أبله موزة......شنو قصدج انه يكون حبوب.!!!؟؟؟!!!!

من أولها طمعتي فيني..!!!!!!!!!!!!!

يا ربي انا شنو ذنبي اني حبوب و حلللللللللللو...

هاهاهاهااااي...
مب لايق لي والله الدلع...

كلامج صج يا موزة بس ما تدرين انه الخيانة ما تكون الا من الحبوبين....أو اللي يتظاهرون بالطيبة..؟

مع محبتي...حبوب..!

mouza

07-01-2001, 08:27 PM

شو يعني قصدك ها هاهاهااهاهاهها

قال الرسول عليه السلام (الارواح جنود مجنده ما تألف منها ائتلف وما تناكر منها اختلف)

اكيد انت قصدك خاف من صديقك الف مرة وخاف من عدوك مرة والله ما ادري شو هو المثل
بس عاد انت منو قالك تكون محبوب وادخلك انا تحت المجهر
هاهااهاهاهاها

قطري حبوب

07-01-2001, 08:56 PM

الغالية موزة..

أي مجهر اللي ينفع لي...خليها مستورة بس..
و على فكرة...
أثمن شي الصداقة اللي ما وراها هدف...لكن ....وين.؟

و مثل ما قال الشاعر:

الموت باب وكل الناس داخله...فليت شعري بعد الباب ما الدار

بس أنا ابي أعرف شنو علاقة البيت السابق في السالفة.؟؟؟!!!

والله انا اليوم حالتي صعبة....أوووووووف..بس تقدرين اتجاوبين ما هي الدار؟

مع محبتي...حبوب..!

mouza

07-01-2001, 10:18 PM

ليش يعني تقدر اخي قطري حبوب تسمي علاقتنا في سوالف وصداقه جميع الاعضاء ما وراها اي هدف او مصلحه ولا شو رايك ؟

شبوحة

08-01-2001, 12:03 AM

ياأخى انت سألتنى شو الفرق بين الموت والفراق وخصوصا بين

الحبيبين؟؟

وقلت بعدين بقول الرد باللى فى قلب انسان مجرب

الى الحين ماسمعنا الرد وخصوصا انى بينت وجهة نظرى فى الموضوع

قطري حبوب

08-01-2001, 01:34 AM

والله يا موزة انا ما أحكم على الاشخاص الموجودين في سوالف...
المعرفة هني سطحية..

المقصود المعرفة خارج في الحياة العامة....

و انا مصمم ان الاغلبية لهم هدف..ممكن يكون هدف زين..
بس لهم هدف و مو دايما الهدف يكون معلوم للطرف الاخر..

مثال بسيط ..

علاقتي معاج الحين...سطحية الى درجةجدا عادية...
بس تدرين شنو في نفسي تجاهج...
مش ممكن طمعان في جمالج..أو دلالج..( بايخخخخخ أوف مني )

ما ادري ليش اتكلم جد و فجأة أحب أمزح..بس والله المعرفة
صارت هم على الانسان لازم يختار أصدقاءه..
خصوصا للفتيات....و انا بعد لأ ني حبوب....أوففف ردينه بياخه..
المهم هاي رأيي...ممكن اللي تعاملت معاهم أثروا علي..ممكن!!

مع محبتي...حبوب..!

mouza

08-01-2001, 01:40 AM

الله يخليك ويا راسك
الحمدلله على كل حال يا خقاق الفريج بالنسبالي ماشيء مصلحه اني اكلمك مجرد صديق في سوالف اتبادل معه الافكار :)

قطري حبوب

08-01-2001, 01:45 AM

مرحبا يا شبوحة..

أشوفج مهتمة بموضوع الفرق بين الموت و الفراق ؟

المشكلة الحديث ادري راح يطول..و ممكن تتفتح جروح..

انا لو أتكلم راح أقول تجربة و واقع مر على انسان عادي..

ما راح نقدر نحكم منها على الموضوع......والا ايش رايج ؟

إذا انتي جد مهتمة في الموضوع ممكن أكتب لج الفرق و انتي

اتشوفينه و تحكمين...!

بس كيف أقدر أعرف بريدج ؟

مع محبتي...حبوب..!

قطري حبوب

08-01-2001, 01:50 AM

علشان أثبت لج يا موزة ان السالفة كلها مصالح...

يا الله باركي لي و دزيلي كيكة ..

تراني صرت عضو نشيييييييييييييييييييييييط...

ألف ألف مبروك عليكم أنا.....

مع محبتي...حبوب..!

قطري حبوب

08-01-2001, 01:57 AM

mouza

08-01-2001, 02:20 AM

فألف الف مبروك وعقبال ما تنجز اكبر قدر والشيء ليس بالك وانما بالكبف
وبعدين عشان ابارك لك ما عندب اي هدف من ورا ذلك لاننا نبارك للكل :)
http://www.harrythecat.com/graphics/k/balloon1.gif
http://www.harrythecat.com/graphics/k/gift2.gif
عاد شوي شوي على الشمع صدقني الكيكه بس حقك هاهاهاهاهاها
http://www.harrythecat.com/graphics/k2/cake3.gif

شبوحة

08-01-2001, 02:23 AM

السموحة اخوى ماأحب اجلب المواجع الواحد اللى فية كافية:(:(

ويارب تصبر كل شخص على مصيبتة( لان لو كل شخص شاف مصيبة غيرة

اكيد راح تهون علية مصيبتة):(

تحياتى لك

قطري حبوب

08-01-2001, 08:43 AM

مشكورة يا موزة على الكيكة و ما اتقصرين...

انردها لج في الافراح انشاءالله...

مع محبتي...حبوب..!

قطري حبوب

08-01-2001, 08:54 AM

مشكورة على تفهمج ...لكن صدقيني الانسان يتمنى انه يلقى اللي
يقدر يفهم و يسمع له...

قريت مرة في أحد الكتب عن رسالة لأحد الباحثين خلاصتها
ان الانسان ما دام يحمل الهم و الموضوع اللي مظايقة مستحيل
انه ينساه....و ان اللي يتكلم عن الموضوع مع شخص ثقة و يرتاح له ( كطبيب أ, صديق مقرب ) و يامن انه ما راح يندم في يوم على الاباحه يستعجل في النسيان....

الخلاصة ان المشاركة في الهموم أحسن من كتمانها...
و بما اني وعدتج أني أقول رايي.....راح أقول..!

و مشكورة على اهتمامج و كلامج الطيب...

مع محبتي...حبوب..!