يووووووووووه لو البنات يسوقوون!!!!

[آهات الليالي]

أهليييييييييييييييييييييييييييييييييييييييييييين

هذا موضوع اعجبني وان شا الله يعجبكم و زين السواقه:


كنت في سابع نومه يوم جت امي تصحيني
- هيوف … قومييالله
سويت نفسي ماسمعتها …وكملت نومتي ..
- هيوف …الله يهديك قومي ..الساعة 7 …
برضه سويت نفسي ما سمعتها …
- هيوف …يالله عاد …بلا مصاله ..قومي ودي خوانك للمدرسه هيوووووووف !!
ولا كأني اسمع …شوي والمويه البارده على وجهي .. قمت
وانا اتنافض من الروعه مو من المويه
- بسم الله علي !! .. روعتيني !!
- احسن ..خلك ..!! اقومك وسافهتني …
- ياربيه وش ذا القلق …الوحده ماتعرف تنام في هالبيت!!ليش تقوميني ؟؟ انااليوم ماعندي شي !!
- انا عارفه ان ماعندك شي ..قومي ودي اخوانك للمدارس
- و "نوير " وراها ما توديهم ؟؟؟
- " نوره " دوامها مايبد الاالساعه 9 ..وانت فاضيه اليوم
ما وراك شي …
- اووف …مشغليني سواق عندكم ! ورا ماتجيبون سواق وتريحوني ؟!
- اقول ..اتركي عنك الخراط الفاضي ..وقومي بس ..الروحه
فيك فيك !!
ركبت السياره وهات يابواري ابيهم يستعجلون …ركب " محمد"
و" فيصل " وأخيراًجت" سوير " ..واول ماركبت استلمتها :
- وش قالوا لك ..سواق تحت رجولك ؟!
- اقول امشي بس ..وفكينا من الصجه !!
- ابمشي غصبن علي ..بس اياني واياك تتعودينها …مفهوم؟؟
ناظرتني باستهتار وقالت :
- ايه …طيب ..طيب .. امشي بس فكينا !!
المهم مشيت بهم 180 …وقطّعت الاشارات ما احد درا عني والعيال بس يصفقون لي
- احلى يا " هيفاء " ..كذا السواقه والابلاش !!
وما بقى الا اشارة وحده يوم جيت ابقطعها الا وذاك الشبح اللي يسقط علي ويوقف يعني ما فيه امل اقطعها !! وذيك البنت اللي قاعده تكلم في الموبايل ..ناس فاضيه !!صارت الاشاره خضراء وهي تسولف ..ما انتبهت ..اضرب لها بوري ..لكن ماعندك احد!!
حولت من البي ام وزعقت عليها :
- هيه ..انتي …فيه احد له نفس يسولف على الصبح ؟! امشي
خلصينا …
فتحت الشباك ..والتفتت علي وقالت بنعومه :
- يوووووووووووف …… قرف !! …
وعشقت …وما عاد شفت الا غبارها !! …كان ودي اني ملاحقتهاعلشان ارد عليها بس ذا الصمرقع اللي معي لازم اوديهم لمدارسهم … و "سويروه"ماصدقت تمسك علي شي
- هههههههههه … هزأتك …. هههههههه …طاح وجهك ……ههههههههه …لقطيه …هههههههه
انا وصلت معي الفين وبغيت اعطيها ذاك البوكس اللي يلف بها كنها مروحه قعاديه..بس اني تعوذت من الشيطان وهونت
- اقول انطمي ..وكلي شحم !! …لو انكم منتو معي ان كان وريتها شغلها !!
- لا والله …ههههههه صدق … احلفي …هههههههه
ناظرتها والشرر يتطاير من عيني كأني لابسه عدسات :
- اها عاد …بتسكتين والا انزلي من سيارتي …وروحي
للمدرسه رجليه !!
والظاهر انها خافت …علشان كذا ماعاد سمعت لها صوت
وصلنا لمدرسة " محمد " الثانويه ويوم جا ينزل قلت ل"فيصل " :
- وش رايك تنزل معه ..يكون احسن !!
- انهبلت يالخبله ؟ انا في سادس وهو في اول ثانوي يعني
مدرسته غير مدرستي !!
- زاد ..لو ان امي جابتكم مرتن واحده ان كان اريح !!
ناظرني وهو مستغرب :
- وش تقصدين ما فهمت ؟
- اقول لو انها جابتكم مرتن وحده ان كان انتم في مدرسه
وحده ..يعني اريح لي!!… ماادري الحواطى وش يقربون لك ؟
- واحده منهم اختي …امشي بس امشي !!
الاخت الفاضله " سوير " قعدت تحوس في مسجل السياره وتفرفرالراديو …
- هيه انتي !! … ارفقي على البي ام …تراها ماهي لعبه!!
- اقول مالت عليكي انتي وبي امك …مانتن بها علينا !!
خليني بس اسوق ..ان ما فكيتيناوالله ما اركبك في سيارتي !!
- لا عاد ؟ …طالبتك … الله يخليك …تكفين ؟ … اموت اذاماركبت سيارتك !!
و" فيصل " ميت من الضحك … المهم وصلنا لمدرسته ويوم جاينزل قال لي :
- " هيفاء " توصين على شي ما شيات ؟؟
- اذلف باللي يحفظك … ماعندكم بيبسي !!
وادعس على الجلنط لحد ماوصلنا مدرسة " سويروه "
- اسمعي تراي ابطلع الساعه 1 ..لا تتأخرين ؟
- تامرين على شي ثاني ياعمتي ؟؟
- لا ابد بس ياليت وانتي جايه تجيبين لي ميلك شيك من باسكن روبنز !!
- بس ؟؟ …على هالخشم
بعد مانزلت رجعت البيت وكملت نومتي
-----------------------------------
جت امي الساعه 12 تقومني ثانيه قمت وصليت ورحت اجيب
العيال من المدارس..مريت فيصل وبعدين ساره وآخر شي محمد .. واحنا راجعين
قال لي " محمد " :
- هيوف ..الله يخليك سوي لنا خمسات في الحاره ؟؟!!
قال " فيصل " :
- ايه والله هيوف …تكفين ..من زمان ما سويتيها من عقب
ماطلع عليك ابو الجيران البغل ذاك!!
وانا عاد اثباتاً لشجاعتي ..ما صدقت خبر واول مادخلناالحاره ..الا والخمسات تشتغل ..وهات ياتصفيق وتصفير :
- احلى ياهيفاء
- ياعيني
- ياسلام
- عاشت
انا من الوناسه نسيت نفسي ومادريت الا امي تدق علىالموبايل :
- هيوف وينكم ؟ تأخرتوا ؟ … طلعوا العيال ؟
- جايين …جايين …في الطريق …بس مرينا باسكن علشان نجيب
لساره ميلك شيك …مع السلامه !!
" سوير " طيّرت عيونها فيني :
- يالخراطه !! يالنصابه !! أمّا علمت عليك ابوي مااكون ساره !!
- " سوير " لا تصيرين نذله ..وابشري اذا طلعت اليوم جبتلك ميلك شيك
- طيب ..بس على شرط ؟
- آمري انتي وتدللي كم عندنا من ساره ؟؟!
- تجيبين لي آيسكريم توفي ؟
- بس ؟ غالي والطلب رخيص !!
وانا في نفسي ودي اني " زانطتها " !!
---------------------------------------

العصر دقيت على البنات ( وفاء ، أمل ، ومنال ) علشان امرهم قبل مانروح لاستادالملك فهدواول وحده مريتها " منال " ..لقيتها ماشاء الله عليهاوالمه ..تنتظر عندالباب مهوب سناعه بس خوف من ابوها واخوانها مايدرون انها بتروح تشجع …ركبت
… بعدين مرينا " وفاء " وفتح لنا اخوها اللي في المتوسط..
- وين وفاء ؟
- وفاء تلبس وبتجي الحين ..
- قل لها تخلص علينا ؟
- بتجي الحين … هيوف ..ودي اقول لك شي ؟
- سم وش تبي ؟
- ما ودكم اروح معكم اشجع ؟؟
- لا يا حبيبي … ممنوع اصطحاب الاطفال وما امداني اقولها الا ويعصب علي ..وصارت عيونه حمراء
- انطقي بس يالعربجيه .. انا طفل يالخايسه روحي بس ……
ودخل وصقع الباب في وجهي … بعد دقيقه جت وفاء وهي لابسه الازرق ورابطه شعرها بأيشارب ازرق في ابيض
- احلى … ياهلال
وركبت قدام ومنال رجعت ورا ..وقعدت تغني :
( هيه ياشبك من شربكك ؟ من هزك ؟ منهو حركك ؟؟ انا كان
ما عندك خبر ..عندي الخبر هذا البطل …اللي وصل هلاااااااااااااااالي ..هلاااااااااااااااااالي )
واحنا وراها … ( هلاااااااااااالي……هلااللللللللللللي)
وما بقى الا " امل " ..وصلت لبيتهم ولقيناها واقفه هي وابوها … سلمنا عليهم.. وابوها مره متشقق …
- لا تفشلونا عاد … شجعوا الهلال بكل ما اوتيتم من قوه!!
- لا توصي حريص يا عم !! امّا سمعت صوتي يغطي على صوت"محمد البكر " ما اصيرانا هيوف !!
ركبت امل ودعست 180 … مرينا كوفي شوب … على شارع التخصصي
قبل مانروح للمباراةولقينا خويتنا " مها " ..اللي تشجع "النصر "..وسألتناان كنا بنروح .. قلنالها " ايه " ..
قالت " يا حظكم .. انا سيارتي خربانه ..جيت للكوفي مع ليموزين… وش رايكم اخاويكم ؟؟)
رديت عليها :
- ما هي مشكله بس على شرط ..انك ما تشجعين النصر ؟
- خير وش تقولين ؟ اجل وشوله اروح … اروح علشان اشجع الهلال ما عاد الا هي ؟
- انا ما قلت روحي شجعي الهلال .. انا قلت تروحين معنابس تسكتين ..يعني تتفرجين !!
- ايه ان كانه كذا معليش ..المهم اروح !!
-----------------------------------
وصلنا اخيراً لاستاد الملك فهد ..اشترينا الاعلام "والزي منوه " وقعدنا ..دخلوا لا عبين النصر .. تعرفون عاد مشجعات النصر شويات
ما طلع لهم صوت …وانا بس التفت على " مها " …واغمز لهاياويلك ان طولتي صوتك !! ..دخلوا لاعبينا الهلال .. وهات يا صراخ :" هلال … هلال …هلال "
" منال " من الخوف متلطمه بالشال علشان ما يعرفونهااهلها !! … اما " امل "فهات يا غناء ورقص … وانا صوتي يوصل للي قاعدين في
البيوت يتفرجون … " وفاء "بس تاكل في هالفصفص … اللي يشوفها يقولون معرقينهاعليه تخلصه !!
انتهى الشوط الاول بدون اهداف وانا اعصابي خلاص فلتت!! وبغيت اروح للمدرب واحوس مريره!! اجل ما طبب " نواف " ولا " سامي " …
حاطهم في الاحتياط ؟!!
بدا الشوط الثاني …ما صار تغيير في الفريق .. ما عادقويت اصبر ..وصحت بأعلىصوتي :
- هيه انت يالدلخ … نزل " نواف التمياط" يا مال الماحي!!
وشكله خاف مني ما قعدنا خمس دقايق الا و نواف نازل!!
وصرت اصفق بلا شعور .. " نواف-نواااااااف" .. وماامداه يطب الملعب الاويستلم الكوره ..وهات يا تسديح ..وفي النهايه وصلها للتيماوي.. اللي ما صدق انه تجيه مثل هالتمريره الا ويحطها في المرمى …
( قووووووووووووووووووووووووووووووول هدددددددددددددددددف )
يا حبيلك يا نوااف
مها ما عاد قوت تسكت … ما درينا الا وهي تصرخ …
- تسلل …تسلل …الهدف مو صحيح !!ناظرتها بطرف عيني :
- مها … وش قلنا ؟
- ما قلنا شي !! ….. الحكم متحيز لكم ..المفروض مايحتسبهاهدف !!
- لا والله … وانتم على أي شي تقولون الحكم ؟!! ..يكفياللي سواه فينا العمر " الله يخليه لكم !!
سفهتني وراحت تصرخ على المدرب :
- هيه .. انت يالدلخ الثاني …نزل " ماجد " !!!!!!
يوم قالت نزل ماجد ..الا ونتسدح من الضحك …
- يووووه ...وش ذا الغبار ..اقول …مها … ما عندك الاالدجه !! … ماجد معتزل من زمان …يعني ما يلعب !!
هي تفشلت وصار وجهها اصغر من حبة الحمص .. وسكتت ماعادحكت ابد !!
نزل سامي الملعب ..وسجل الهدف الثاني ..وانتهت المباراة2/ صفر
وارتفعت الهتافات :( اووووه يا هلال …..اوووووه ياهلال….اوووووه ياهلال….ياهلال ….يا هلال نادتك البطولات ولبيت …. تستاهل الامجاد مجدٍورا مجد )
طلعنا من الاستاد ورحنا طبعاً لشارع التخصصي علشان نستعرض شوي وبعدين وصلنامنال لبيتهم ورحنا لبيت " امل " وقعدنا مع ابوها نحلل المباراة … واقترحت ان الهلال لو يجيب " مالديني " و " بييرو " كان تزبط اموره!!
المهم ما وصلت لبيتنا الا عند آذان الفجر !!

-----------------------------------

يووووه .....يا هي السواقه وناسه



آهــــــ الليالي ـــــات

[اسير_الصمت]

سلام آهات

ههههههههههههههههههههههه
ههههههههههههههههههههههههههههههههههههه

هههههههههههههههههههههههههههههههههههههههههههههههههههههه

أحلى قصه قريتها
آآآآآآه بس لو السواقه رهيبه كذاوأحلى شي عجبني وموتني من الضحك هو انك مريتي على الينات ورحتو استاذ1 الملك فهد هههههههههههههههههه

أختى الله يعطيكي العافية بس موضوعك جدا شيق وممتع

اسير

[آهات الليالي]

وش اقوول بس ياليتهم يخلونا نسووووووووووووق....
تسلم يااسير الصمت




آهــــــــ الليالي ــــــــات

[بياع القلوب]

آهات الليالي
اسلوب رائع
كل هذا عشان تسوقون ؟ :)
الله كريم
يمكن قريب
ما يندرى :)
تحياتي

[الشاب اللطيف]

بصراحة موضوعك حلو ويفطس من الضحك بس دخلني شك في انوثتك احس انك ولد عندك خلفية عن عادات الشباب ومصطلحات كثيرة من هالكلمات ما شاءالله مبين عليك من اهل الرياض وارجع واقول يا حليلهم بنات الرياض .......حبايبنا وش الدنيا بلاكم......
ادعي من الله انه يريحكم الا شوفي يا آهات هذا انا اوعدك وعد شرف وعلى ما يشهدون الشباب ان اسمحوا لكم يالبنات بالسواقة والله ان لافك لك بي ام العقرب اذا كنتي تعرفينها وعلى ما يشهدون اهل المنتدى كلهم بس اللي يخوفني انك ما تجين تطلبين مني السيارة الا بعد عشرين سنة بس لا تخفين هي كم سنة وتسوقون والله اني خايف عليكم من هالتفتح.
والله يستر وفي امان الله.

[الفيلسوف الصغير]

إنني أشهد لمن سماك بهذا الاسم ( آهات الليالي ) أنه حكيم متفرس ..
هذه أحلامك و آخر ما توصل إليه فكرك .. الفكرة كلها تحكي قصة ( العهر ) و ترسم صورة ( الإباحية ) لا أعلم صراحة عن جنسك الحقيقي بعد كلامك هذا و اسلوب نسجك للموضوع تبادرني شعور أنك ( ولد ) فما أظن فتاة تتجرأ على هذا القول المشين و ما أظن صاحبة خلق تتجرد من الحياء ..
سأقول لكل الفتيات اللاتي يردن قيادة السيارة و يحلمن بالآمال والأحلام الوردية العطرة الجميلة و يعتقدن أنهن سوف يسعدن بهذه القيادة ويقضين حوائجهن ..أقول وأقول أن ذلك لن يكون ولن تصفو الحياة إن قدتن السيارة ... فالمعاكسات في بيتكن تصل فكيف إذا كنتن في السيارة ؟؟؟!؟؟!؟!؟!؟!؟!؟!؟!؟!؟.
المشاهد لأحوال الدول المتفسخة والذي يقود السيارة فيها الفتيات تجد (الإغتصاب ) بشكل كبير و عدد رهيب .. فكم من اعتداءات جنسية حدثت لفتيات ( أبرار وأطهار ) صراحة وحقيقة فكيف بمن يمني نفسه بذلك ويحلم بالتشجيع للكرة و تحديد لاعبين بوجه خاص !!!! والرقص !!! والتفحيط !!! .... لن يترككن الشباب الفاشل والشباب المنحل بل سيعتدون عليكن و يحولن القيادة إلى جحيم لايطاق ....

لكن المصيبة أن هذا القرار قرار قيادة المرأة للسيارة سوف يوافق عليه ... وهذا هو العار بعينه والفتنة نفسها ....
فلعلك أن تعدلي عن كلامك المشين و أن تقولي بمنع هذا الأمر وأن تكوني أول المعارضين ............. فالراحة كلها في البيت والسيارة ما وراها غير التعب والشقى .. .

[الظلام]

فال الله ولا فالك!!

[فارس الحرف]

تحيه طيبه ...... وبعد .........


القصه كانت طويله ولكن كانت نهايتها مبتوره .


أما بالنسبه لموضوع ( قيادة المرأه للسياره) فبدون أي

تعليق أدعو ربّي وأرجيه " أن يختار لنا كل ما فيه صلاح الاسلام

والمسلمين وأن يكفينا كل ما فيه شر وضرر على الاسلام

والمسلمين ....أمين )


أتمنى أن أقرأ لك القصص، والمقالات، والخواطر، ....الخ. التي

تهدف الى الاصلاح والبناء والابتكار وإيجاد الحلول المناسبه

لواقعنا ومصيرنا كأمّة أسلاميه وحتى نعلم وتعلم انت عن مكانك

كفرد بين المجتمع .

وتذكر دائما أننا كأمة اسلاميه لا ولن تجد العز الاّ بالاسلام.

[برق السحايب]

بس لابنشر التاير من يصلحه
لا
لا

اذا تعطلت وقفت في نص الشارع السياره ياحلووو البنت وهي تدف

تحياتي
برق

[home alone83]

موضوع حلووووووووووووو .. و لوووووووووووووووووول مرررة

اجل تبون تسوقون ... لووووووووووول

بعد خمس ملايين سنة تقريباً ان شاء الله اشوفك في التخصصي ... هههههههههههههههههه ...


مساكيييييييييين ما يسوقوووووووون هههههههههههههههه مساكيييييييييييييين يالبنات ههههههههههههه ...


تحياااااتي .. هههههه

[aziz2000]

قالت موضوع أعجبها .. ماقالت كاتبته ..صح وللا لأ آهات؟!..
أتوقع هو موضوع وقصة ساخرة .. لاأتوقع بأن ورائها هو المناداة لفتح باب القيادة للبنات ..

مسألة قيادة البنات أصلها الحل .. ولكن لسد الذرائع تم منعها من العلماء .. لما سينتج من فتنة من ورائها ..

على العموم نسج القصة جميل ..

بس الله يكتب إللي فيه الخير للأمة ..:)
تحياتي لآهات الليالي ..:)

[راعي البعارين]

الان الخكارية (الرجال الذي تصرفتة تصرفات مرأة)
اذا ضرب كفر يكلم على امه بالجوال ترسل السواق

اذا ساقوا الحريم شف وش بيصير .

شف بعد المباريات ينزلون الحريم من السيارة ومعها ابوها

ويرقصونها ويغتصبونها ومعها ابوها

كيف اذا ساقت هي

[bint_alriyadh]

مشكوره اخت اهات على هالموضوع الشيق والحلو اسلوبك رائع وكل انسان حر باسلوبه اذا بعض العالم مو معجبهم هم حرين اختلاف الرأي لا يفسد للود قضيه احنا كبنات نتمنى اننا نسوق مو عشان شي قد ماهو اثبات للذات يعني مو مكسورين جناح نحتري السواق يجي او الاخوان المكرمين التكرم بتوصيلنا لكن هالموضوع يكون بضوابط معينه حتى ما يفلت العيار وينقلب الفاس على الراس يعني يبيلها دراسه وشغل ومثل ماصار عادي اننا نشوف بنات مع السواقين لحالهم مستقبلا يكون هالشي ايضا عادي لكن بضوااابط مثل ماقلت ومااعتقد ان السواق الحين هو الي راد الشباب عن معاكس البنات هاذي الشوارع مليانه مواكب ورا بنات والاسواق وش كثر الشباب اللي يحارشون البنات فيها يعني هي هي الموضوع كله يبيله دراسه شوي وايجاد حلول وانشالله اننا بنسوق مثلنا مثل غيرنا لكن بالحدود اللي ما توصل للغلط اللي مانبي نطيح فيه والله يعين

[آهات الليالي]

كل هالردود صارت بين يوم وليله؟؟؟؟؟؟؟؟؟؟؟!!!!!!!!!!!
في اشياء ابي اوضحها لكم:
1-والله العظيم و قسم بآيات الله(لووووول)اني بنت 100% لوووووول انا مو ولد
2-يا نــــاس مو انا اللي كتبته انا قلت اعجبني

بياع القلوب

والله انا قلت موضوع اعجبني مو انا اللي كتبته واييييه والله كل هذا عشان نسوق الله كريم عساه قريب ان شا الله بس الله يخلي السيارات المظلله تنفع هالايام ;)

الشاب اللطيف
بتعطيني سياره؟لا بصراحه ما اعرفها لووول بس شكلها مقربعه
مو انا اللي كاتبه الموضوع يا شاب!!!!!


الفيلسوف الصغير
كلامك يخوف!!!!!!لووووول انا بنت و مو انا اللي كتبت الموضوع!!!!!!!!! و بعدين فكنا من شرك بس اللي يسمعك يقول ان الحكومه وافقت هالحين!!!هذا موضوع طريف و مضحك اعجبني قلت انقله لكم و بس مافي داعي نكبر الموضوع و تقول اغتصاب وعهر و كلام كبير انت قاعد تغلط فيه!!!!فلو سمحت ثاني مره فكر قبل لا تكتب شي!!!!!لانك غلطت بحقي لاني مو ولد و ثاني شي اي عهر و فساد يا بابا؟؟؟؟؟؟؟و اللي انت تقوله اذا الله كاتبه بيصير حتى لو كنا ببيوتنا او مع السواقين؟؟يعني حلال نركب مع سواقين اجانب و حرام نسوق لحالنا؟؟؟؟
خلك متحضر!!!بعدين والله اللي حافظه نفسها تبقى حافظه نفسها وين ما راحت حتى لو على سطح القمر و السواقه لا تقدم ولا تاخر
و اخر شي اذا انت على بالك مصلح يا ليت لو تحسن من الفاظك و احترم و احشم الناس اللي انت تخاطبهم....

الظلام
لووووول لا ما تعبت كلها cut و paste
وش اللي فال الله ولا فالك؟؟؟؟؟ما تبونا نسوق؟؟؟وش عليكم...


فارس الحرف
اسفه و ادري انها طويله بس انها تستاهل
ثاني شي آميين يا رب
و اشكرك على اسلوبك الحلو و الهادف و ياليت الفيلسوف يتعظ و يعتبر منك.

برق السحايب
اييه والله مشكله صدق وش بنسوي؟؟؟؟
اما الدف فما اظن شكل الشباب ما راح يعطونا فرصه ندف بيستعرضون بعضلاتهم قبل ما نفكر ندف!!(امزح)
نتصل على البيت و نقول لهم يرسلون الواسق (مثل الخكاريه)

هوووووووم الووووون!!!!
ليه ملايين السنين؟؟؟حرام عليك ياخي(هذه بعد ما اكتشفت انك ولد)
على العموم الله يكتب اللي فيه الخير للجميع
و نشوفك في التخصصي و لا بعد ملايين السنين بيصير طقه قديمه مثل الديره هالحين!!!دور لنا على شي اجد منه.تحياتي

عزيز 2000
صدق من سماك 2000 راااااااااااااااائع و ما شا الله عليك انت اللي انتبهت اني ما كتبته!!!ومشكووووووووووووووووووووووور على رايك و لانك بينت الحكم و ياليت الفيلسوف يـــــفــــــهــــــم
تحياتي لك يا عزيز و مشكور مره ثانيه


راعي بعارين
لووووول حلوه الخكاريه!!!
اعوذ بالله و الله يكفينا شر من كان فيه شر.






آهــــــ الليالي ــــــات

[آهات الليالي]

هلا والللللللللللله ببنت العم ببنت الرياض اللي ما في مثلها انا كنت عارفه ماحد فاهمني الا البنت اللي مثلي


والله انك كفيتي ووفيتي قلتي كل اللي كنت ابي اقوله هاااتي راسك تستاهلين بوسه على راسك يا تاج راسي يا بنت الرياض صدق اصيله..




آهــــــ الليالي ـــــات

[الفيلسوف الصغير]

فضلاً .... أقدم أسمى التبريكات وأحر التحيات و أصدق التمنيات لمقامكي السامي ..
أردت في ردي السابق أن أرد رداً عقليا .. ولم يكن توجهي دينياً لتوهم مني أنك أذكى و أكبر من أدخل في متاهات طويلة لامعنى لها... و لم أرد أن أحسمها بالشرع وبالدليل ..
ولن يكون ردي هذا رداً قاطعا بل سوف تتعاملين معه كما فعلت مع الأول .. لكن أريد أن أقول أنني كنت أظن أن كاتب الموضوع شخص قد زامل أهل التفحيط وأهل الشوارع ..وعرف مصطلحاتهم و رغباتهم و هوياتهم ... فكان الموضوع قص لزق ... والحمدلله أن ذلك كان كذلك .. و لو كان من فتاة ذلك القول..... لقلنا سلام على أهل الإسلام يوم ولدوا ويوم يموتوا ويوم يبعثوا أحياء ..
أنت يا عزيزتي تريدين أن تري المستقبل القريب أمامك اليوم (( (المستقبل القريب) رامزاً إلى قيادة المرأة للسيارة )) وهو سوف يحصل .(للأسف ).
قيادة المرأة للسيارة من الأمور الخطيرة التي ليس لها عواقب غير الفواجع .. السؤال الذي يطرح نفسه .. والذي يجيبه كل ذي فطرة سليمة
لماذا أمهاتنا لم يقدن السيارات ..؟؟؟ أريد أن يجيب عليه أهل الفطرة السليمة فقط .. سؤال آخر (( الأخوات اللاتي يقدن السيارة في الدول الأخرى هل هن يجدن الراحة حين قيادتهن السيارة (( الراحة النفسية )) ؟؟ تحديداً حين مرورهن على الشباب ...
وأتمنى أن لاتكون الإجابة قول أنهم متخلفين أو كان عيبا أو كان ... فكل هذه الإجابات لا تدل على معنى كافً شاف .. وأخص بالسؤال الأخت آهات الليالي ... .


مع تحيات ( الفيلسوف الصغير )

[آهات الليالي]

زين انك غيرت نبرتك يالفيلسوف

على العموم ان كان جداتك ما ساقوا انا باقوول لك طول عمر البدويات يسوقون في الصحراء و ما صار لهم شي.
ثاني شي ما في دليل قاطع يدل على تحريم السواقه للنساء في الشرع
ثالث شي ودي اعرف انت ليه خايف من الشي؟؟؟خاف يصير مادري وشو و خاف يحصل كذا!!!!ويييين؟؟؟لا تستبق الاحداث!!!على العموم الله بيكتب لنا الافضل و الاحسن ان شا الله




آهـــــ الليالي ــــــات

[home alone83]

اللي ما يبي البنات يسوقون .. ايش دخله ؟؟ خلاص انت ما عليك إلا من نفسك خلي البنات اللي في عايلتكم لا يسوقون اش عليك من غيرك ؟؟؟


تحيااااتي للجميع ...
واتمنى ان ما احد يزعل من كلامي :)

[آهات الليالي]

هوم الوووون

تسلم اخوي و كلامك معقوووووول
انا من ناحيتي ما زعلت بالعكس الا مبسوطه




آهــــــ الليالي ــــــات

[الفيلسوف الصغير]

أحسنت وبارك الله فيك .. يا آهات الليالي .. أشكرك على هذا التفاهم و احترام الرأي الآخر .. لم أقدم على ما كتبت إلا بعد قناعة تامة بعواقب ذلك الأمر ... لا تحسبين أنني ( مطوع ) . ليتني كذلك ... بل أنا الله يسامحني و يهديني شخص أخاف على نفسي من هذه الفتنة ... أخاف أن يقع في غرامي الكثير من الفتيات أو أن أقع في غرامهن ... فأكون علة و معتل .. وأنا ما كتبت ذلك الرد ولم أؤمن عليه إلا بعد تجربة خضتها لا أرى الله أحبابنا مثلها .. وهذه حقيقة .. ربما أنك يا آهات لن تصدقي قصتي وسوف تنسبينها إلى الخيال و الأحلام التعيسة .. ولكن حرارة الهم و شدة الغم هي التي ستحكي قصتي ومن يصدق فاليصدق ومن لا يصدق فلا يصدق ..
قصتي هذه بدأت مع أحدى الدول العربية التي سافرت إليها لاكمال الدراسة ( شهادة الليسانس ) في العلوم الطبيعية .. ( وذلك لأن نسبتي كانت دنيئة فلم تقبلني الجامعات السعودية )

كما يعلم الجميع أن الدراسة في غير ( السعودية )خاصة في الجامعة يجتمع فيها الطلبة بالطالبات فيكون الاختلاط و الفساد .. فقد كنت أتجنب مخالطتهم و الجلوس معهم فأصبحوا يستهزئون بي ويصموني بالتخلف .. لكن ليت الأمر توقف عند ذلك الحد فكما يعلم الجميع أن البنات هنالك ( المنحرفات ) يفعلن الفواحش بلا اكتراث ولا خوف وبدون خجل .. فكنت أرى الشباب يتماسون مع الفتيات بحركات وقحة تكون أبعد ما تكون عن الأخلاق والآداب وهذه الأمور ممنوعة في الساحة الجامعية فصرت أخبر الأساتذة هناك عن هذه التصرفات المشينة وياليتني لم أخبرهم حيث أنني لم أستفد من ذلك ولم أسلم من الضرر ..
فلقد اتفقت احدى الفتيات المنحطات أخلاقياً مع جماعة من القذرين أن تفعل ما يجعلني أتحرج وأخجل فأنتقل على الأقل من هذه الكلية أو القاعة فأصبحت تحارشني ( جنسياً ) وصورته صوراً فيتوغرافية وكانت تأمل أن تصور بالفيديو .. فلقد أرادت ذلك إرادة الشر ... ولكن قدر الله غير من ذلك الأمر فكانت القصة الأليمة .... والتي زبدتها .. أنها كان اللقاء في الشقة الصغيرة التي أقطنها فأصبحت ترتاد الشقة باستمرار وتسألني أمورا لها تتعلق بالدراسة .. وكانت هذه بداية البداية .. فأصبحت تأتي إلي بزينة تكاد تفوق زينة العروس حين زفافها ( حيث أن الله قد فتح عليهم ) فلديها من الأموال الكثير فأبوها من أصحاب المزارع الكبيرة .. فأصبحت تدخل علي وتجلس على الكرسي بدون اذن مني وتقول أين الشاي وهكذا .. ثم تطور الأمر تطوراً بالغاً فأصبحت تأتي في منتصف الليل لتسمر معي فأنهرها و أرفض ذلك .... لكن الشيطان قد زين السوء وضعف النفس ..
وذات يوم قالت لي بهدوء و ( رومانسية ) (ايه رايك ان احنا نشوف الفيلم ده ) ..( وكانت تعطيني أفلاماً علمية لها باختصاصي علاقة ) فقلت بكل عفوية تفضلي ... فلما شغلت الفيلم إذ بصور تثير الغريزة وتكبت الإيمان و تشبق بالإنسان و تجعل الأسنان تصطك والجسم يرجف فأغلقته بعد فترة من تشغيله وقالت أين الشاي يا حبيبي .. ثم ضحكت وبدأت تقول كلاما إلى الآن وأنا أحاول فك طلاسمه فأقبلت علي بوجهها الصبوح لتقبلني!!!!!!! ( لا قبلها الله من أهل الجنة ) فإذا فمها قد سبق يدي فأوجم جسمي ولم يعد بي حراك أبدا... وعبثا أرادت أن أنظر إليها وأن أعانقها فهمت نفسي السوء وأراد هواي الخبث .. لكن الله لم يرد ذلك ( والحمدلله ) فلقد سقطت علي مغشياً عليها ...
فخفت من ذلك و ساورتني أوهام و شكوك .. تتهمني بقتلها ..
فحاولت مسك أعصابي وتهدأت الوضع فكان شهيقي و زفيري يسمعهما من بالشارع .. فرجعت إلى عقلي وهديت إلى رشدي فأخذت بالماء رشا عليها و صبا حتى أفاقت و رجلي فوقها تضربها وتلسعها ركلا أخرجي أخرجي لا بارك الله فيك يابنة .... وابنة.... يا من .... فخرجت من الدار ورأسي يدار ..
فصرت أقاذعها لعنا وشتما فكدت أن أقتلها من الهم وشدة الكرب .... ( وقد كان يغمى عليها كل حين وحين خاصة حين يشتد الشبق و تنكبت النفس ويدق القلب بشراهة (تقريباً مثل الصرع ) .. )

فبت ليلتي بهذه البلاد و غادرتها نهاراً وأنا أقول لا بارك الله بعلم لا أخلاق فيه و لا إيمان ...
ومما صبرني على احتمال هذا المواقف أن رفيقا لي حدثت له مثل هذه الحادثة وأعظم .... ومن رأى مصائب غيره هانت عليه مصائب نفسه ..

وكم قلت هذه القصة لأناس كثير فما صدقوها ( والحق معاهم ) ولو انها ما صارت معي كان ما صدقتها .. لكن المهم العبرة وأخذ الفائدة من ذلك ..

أعيد وأقول أخت آهات فإذا كان الفتيات سوف يقدن السيارة فسوف يحدث من الحوادث البدنية والنفسية الشيء الكثير .. وفق الله الجميع إلى ما يحب ويرضى و صلى الله على نبينا محمد وعلى آله وصحبه أجمعين ........ .

أسأل الله أن يرشدنا إلى سواء السبيل
( الفيلسوف الصغير )

[bint_alriyadh]

الاخ الفيلسوف الصغير ما علاقة موضوعك هذا بالطرح الذي نتداوله تمنيت لو انك طرحته بعيدا عن موضوع الاخت آهات وهو قيادة السياره اسألك....هل تجد فرقا شاسعا بين قيادة المرأه للسياره وخروجها مع السائق لوحدها لا اعتقد ان السائق اعاق الشباب عن مطاردة البنات نحن نتناول موضوع عادي يااخي الفاضل سنقود السياره بإذن الله وفق ضوابط لاتؤدي الى الفساد ولا اعتقد بأن موضوعك مكانه هنا اطرحه في مكان آخر ....وليس تحت بند قيادة المرأه للسياره ...والله ولي التوفيق

[شمس الشموسة]

بصراحة الموضوع وايد عجبني.. يعني اتحصليني ساعات قاعده بس افكر في القصه وفي اسلوب القصه.. ماشاء الله علي كاتبها ( عن يزعل البعض.. انا اقول رايي وبس)

المهم اّنّي حق سواقةالمرأه للسياره.. بصراحة انا اسوق سياره.. واحس اني ما اقدر الحينه اعيش من دون سياره.. يعني صارت السياره جزء لا يتجزأ مني..

وخاصة انه الاهل ما قاموا يعتمدون على شيء اسمه السواق..

ولو تبغون الصدق.. انا خذت رخصة السواقه بعد الحاح شديد من قبل الوالد والوالده اني آخذه والله اني خذته عشانهم اهم.. وبالفعل اشكر ربي اني خذت الرخصة.. لانه نحن في زمن صارت المراة تهتم في كل شيء.. وتهتم بكل اعباء المنزل.. يعني اذا المراة تبغي اشياء ضروريه من السوق.. مع من اتسير..؟!؟! يمكن ما عندها حد يوديها.. فاهني غصبا عنها انها اتسير مع السواق اما سواق البيت او اما سواق التاكسي ( سيارة الاجره) وهي في كلتا الحالتين بتكون راكبه مع غريب اليه حرمه الشرع..

بصراحه.. انا اقول انه مهم جدا جدا جدا انه المراه تسوق السياره وخاصة في زماننا هذا..

وان شاء الله انكم بتسوقون السياره يا بنات المملكه في القريب العاجل باذن الله :):)

وما ابغي حد يزعل من كلامي.. اوكي

تحياتي
شموسه :):):)

[باسم]

كل ما يقال على قيادة المرئة في السعوديه
وكل هذه الارهاصات والدعوات لقيادة المرئة لسياره
وهناك دعوات من اناس لهم تأثير في القرار
هو اكبر دليل على ان المسألة مسألة وقت لا اكثر

وستقوم المرئة السعوديه بقيادة السياره
وهي تتحمل النتائج ان كانت ايجابيه او سلبيه

ولكن هناك شيء يجب التركيز عليه وهو
هل المرئة الى هذه الدرجه ضعيفه ومعرضه للاخطار في بلد
ينعم بنعمة الامن والامان ؟؟؟؟؟؟؟؟؟؟؟؟

تحياتي لاهات وللجميع :)

[King Dived]

هذا والله اللى نقص
البنات يسوقون
والله حاله
انا اتذكر جدي قال لي كلمه وانا انشالله محافظ عليها

البنات مالهم الا الجزمه القديمه (البني )
وغسل الصحون المطبوخ فيها مثلوثه

وبعدين من زين الهلال نفس العينه بنت تبغى سواق وبنت تلعب كورة
ما فرقت ما ودي اجيب اسماء عشان حنا برمضان

بالعربي خلوني اكمل الشهر على خير


ـــــــــــــــــــــــــــــــ

على المسنجر بدون ازعاج

agg030@hotmail.com

والمراسله
KingDived@toosexyforyou.com

[home alone83]

والله مالك داعي يا K D

اسمك هذا هو شعار اليهود ؟؟؟؟؟؟؟؟؟؟؟؟؟؟

ما تشوف انه دايماً في اجتماعاتهم حاطين وراهم حروف K D
??????????????????????????????????????????????????????????????????????????????????????????

[King Dived]

الاخ : ما ادري 83

اول شي كينج ديفيد تعني الملك داوود
وداوود عليه السلام اعطي ملك لم يعطى اي بشر
وهو نبي من انبياء الله عليه السلام


ثانيا : العلامه اللى تتكلم عليه مو شعار اليهود

هذا اسم الفندق

King Dived Hotel

لا اقل ولا اكثر
عسانكون الصورة وضحت

ــــــــــــــــــــــــــــــــــــــ

وراء كل شاب ضايع بنت بنت بنت بنت

ماسنجر بس
agg030@hotmail.com

للمراسله
KingDived@toosexyforyou.com

[آهات الليالي]

هلا والله بالجميع

الفيلسوف
انا ابي اقوول لك وش دخل القصه في هالموضوع؟؟؟؟
اوكي لك مغامراتك بس وش دخلها بالموضوع؟؟؟يالفيلسوف بصراحه ابي اسالك انت تتذكر الموضوع وش كان عنه ولا ناسي؟؟؟


بنت الرياض
وش اقووول بس حبيبة قلبي صدق بنت الرياض اصيله ابد ما يفهمني الا اللي مثلي تحيــــــاتي لك يا بنت الرياض

شمووووسه
هلا والله اختي و مشكوره على ردك الحلو و يا جعل ايامك كلها نور و شمس ان شا الله و عقبال ما نسوق مثلك الله يسمع منك يا شمووسه


باسم
هلا اخوي مشكوور على ردك و الله يكتب اللي فيه الخير للجميع

king dived
هذا رايك و انت حر برايك!!!!وبعدين مع احترامي لك المثل هذا مادل لا على مرجله و سناعه ما يدل الا على تخلف و استعباااد للمراه.شكلك من العصر الحجري و بعدين ديفيد ما يكتبونها كذا تكتب david و لك فائق تحياتي

هووم الووون
لووووووووووول



آهــــــ الليالي ـــــات

[King Dived]

مشاء الله على الحضارة

بنت تسوق سيارة
والله ما نقص غير ننقل العصمه بيد الحرمه عشان نتحضر

بنت مو تسوق بعد الا تشيل الغطا وتورينا عيونها الحلوة

والله زمن اطلع عن الدين تصير متحضر

باااااااااااااااارب اصير متحجر العمر كله

وما اقول غير

الله يرحمك يا جدي

هذا اللى نقص تعلمني اسمي

اسمي وانا حر فيه
ــــــــــــــــــــــــــــــــــــ
للماسنجر
agg030@hotmail.com

للمراسله
KingDived@toosexyforyou.com

[آهات الليالي]

هلا كنق


العصمه هذا عاد الشرع و ما قلنا نحرف و نسوي اللي نبي قلنا نسوووووووووووق و بس

ولا جبنا طاري الغطا و انها ترفعه و توريك عيونها

ولا احد قال لك اطلع من دينك تصير متحضر


طيب اسمك و انت حر فيه و انا آسفه

و بما انك دخلت موضوع الدين وش رايك تقوول لي عندك دليل ان السواقه للنساء حرام؟؟؟؟؟؟ولا وش هو له دخلت موضوع الطلوع من الدين؟؟؟



آهــــــ الليالي ــــــات

[King Dived]

اولا : خروج المراة من بيتها بدون اذن زوجها لايجوز زين
وانتي عارف الشي هذا
ثانيا ما اعتقد انه اذا خلينا البنت تسوق معناته راح تطلع في يوم من الايام بدون اذن زوجها

ثالثا وجود المرأة في السيارة بمفردها في خطر على حياتها

بعدين علميني هل النساء ايام الرسول عليه الصلاة والسلام

كانو يختلطون بالرجال

بعدين موضوع انه البنت تسوق محجبه ما عمرها صارت
لانه انظمه المرور لاتسمح بذلك
وماراح نكسر النظام عشان بنت تسوق
اخيرا بامانه علميني الدوله اللى عايشه بسلام ومتمسكه بالشريعه وحريمهم بالسيارات رايحين جايين في الشوارع

ما تعتقديين انها فتنه
وشي من العلمانيه

ـــــــــــــــــــــــــــــــــــــــ

للماسنجر
agg030@hotmail.com

[آهات الليالي]

هلا كنق

مره ثانيه ابي اقول لك اني احترم راي الجميع مادام اسلوبهم مقنع و معقول و انا احترم آرائك من جد
و من كلامك افهم ان ما في حكم قاطع من الشرع على التحريم بس انت طلعت امور ثانويه...وجزاك الله خير عموما
و اعيد و اكرر هذا رايك و انت متمسك فيه و انا بدوري احترم رايك...



آهــــــــ الليالي ـــــــــات

[باسم]

المشكله ايها الاحبه ليس الحكم الشرعي هنا
لقيادة المرأة لسيارة ليست محرمه في الاصل
اي ان المرئة شرعا جائز لها ان تقود السياره
ولكن المشكله يا اخوان في حكم العادات والتقاليد
الذي هو عند البعض اعظم من حكم الشرع
وهنا اريد من الاخ k ان يتعلم احكام الشرع فيما يخص
عمل المرأة في منزل زوجها سيجد ان عملها مستحب وليس واجب
عليها حتى في مسألة الرضاع يمكن ترضع وليدها بأجر ويحق لها ذلك
ياأخي العزيز ان المرأة انسانه ظمن لها ديننا الحنيف حقوقها
وبقي ان نعي هذه الحقوق ونتعلمها ونطبقها

اخي العزيز اسمح لي ان اقول لك شيء
ان مثل هذه الافكار التي تطرحها جعلت المرأة المسلمه تبحث
عن حريتها وكرامتها وعزتها في افكار اخرى قد يحلو للبعض ان يسميها علمانيه

لو ان مجتمعاتنا وعت حقيقة المرأة وحقوقها في الاسلام لما وجدت كل هذا الجدل في قيادة المرئة لسيارة
تأكد ان هناك من الامور في مجتمعاتنا اخطر على المرأة من قيادة
السيارة

واخيرا ارجو من الاخ ان يعيد النظر في نظرته للمرأة على ضوء
احكام الشريعة لا على ضوء ما سمعه من جده .
اعتذر للاطالة ولكن مثل هذه المواضيع تحتاج الى كتب لرد عليها

تحياتي للجميع :):)

[بسمة أمل]

والله عافيه عليج ...
انا تعبت من القرايه .. انت ما تعبتي من الكتايه ..

بس حلوه والله حلوه ...

ورايحيد لستاد ..

و تناقشون المباراه ؟؟؟

تدرين زوجي كل ما يشوف الشارع زحمه او مشكله صايره قال :

اوووووووووووووووووووف

اكيد حرمه اتسوق

[bint_alriyadh]

كل هاذا عشان الحرمه تسوق؟؟؟؟؟اللي مو عاجبه لا يخلي بناته وزوجته يسوقون واللي عاجبه يخليهم وماله داعي كل واحد يحلل ويحرم على كيفه هذي امور دين والاخ اللي قال الدين حرم خروج المرأه بدون اذن زوجها اووكي احد قال انها بتطلع بدون اذن زوجها؟؟؟؟؟بعدين هاذي سواقه ياناس اللي يقرا ردود البعض يقول قايلين يبون يشيلون عباياتهم استغفر الله وبعدين النساء وقت الرسول يا اخي الفاضل كانوا يسوقون طبعا على وقتهم مو سيارات خيول وحمير ...الاخ باسم ردك رائع ومنطقي والاخ اللي جاب طاري الجزمه الله يكرمكم احترم الموجودين البنت اللي تسبها هي اللي جابتك وجابت ابوك وجابت جدك وما اعتقد ان مالها الا الجزمه القديمه لها انك تحترمها وتحطها فوق راسك ..

[home alone83]

مين هذا اللي يتكلم عن الدين و هو مسجل اسمه واسم النبي داوود عليه السلام في موقع جنس ؟؟؟؟ طالعوا ايميله :
KingDived@ toosexyforyou .com
((toosexyforyou)) ِ

؟؟؟؟؟ وعامل فيها رجال و تقي و تتكلم عن الدين ؟؟؟؟؟


تحياتي لـ بــاســم :)

[King Dived]

بعد التحيه

الى كل الاخوان اللى ردو عليه واخص الاخ باسم بحسن الاسلوب

موضوع المرأة اللى تطلع بدون زوجه هذا شرعا حرام ما اعتقد في اثنين يختلفو عليه واللى عنده شك في هذا الموضوع عليه بالشيوخ في كل مكان .مشكلتنا اننا ندور على مخرج عشان نحلل اي شي
ونستتدل باي شيخ بس عشان يفك الازمه اللى عندنا .

الاخ باسم : اشك انه الاسلام ضمن للمرأة حقه في قيادة السيارة وعليك باقرب شيخ جنب بيتك لما فيه فتنه
ثانيا ما تكلمت انا عن حقوقها في البيت هل يحق لها ترضع والا تاجر مرضعه ما جبت هذا الكلام المقصود يا اخي انه جلوس المرأه في بيتها اشرف لها واطهر من سواقة السيارة في الشوارع العامه

ثانيا لا اعتقد انه سواقه السيارة للمرأة فيه شي من الحريه والتحرر واتمنى لا نستخدم مبدا حريه المرأة وحقوقها في الاسلام لتحليل شي فيه من الفتنه الشي الكثير
ومثل ما قلت لك عليك بسؤال احد المشايخ سؤال واضح وصريح
هل يجوز للمرأة قيادة السيارة ؟؟؟؟؟ وبس

الاخت بنت الرياض

اموت واعرف من قال لك ان ايام الرسول والصحابه كانو الحريم يركبون خيول وحمير (لا تتفرجين مسلسلات مصريه دينيه زين )
بعدين البنت مو هي اللى جابتني
البنت خلقت من ضلع اعوج ومن سيدنا ادم عليه السلام
والرسول عليه الصلاة والسلام يقول عنكم بانكم ناقصات عقل (ترا جدي الله يرحمه ما قالها )

اما الاخ المدعو ما اعرف 83

في البدايه قال انه K D علامه يهوديه يحطونها في الاجتماعات وتذكرني بهذاك اللى زي الاطرش في الزفه بس من راسك حطيتها علامه يهوديه تتفرج في التلفزيون ولا انته داري ايش الطبخه
بعدين انا ما حطيت K D انا حطيت fULL NAMEيعني كتبت King Dived

بعدين هذاك ايميل مو موقع جنس ياذكي
ما شالله عليك مستواك في معرفة الواقع الجنسيه عالي جداااااا

وخلي النبي داوود عليه السلام بعيد عن المهاترات
بعدين حنا نتكلم في جهة وانته في جهة ثانيه

واذا عندك ملاحظات على الايميل راسلني وخلي الناس اللى هنا تستفيد من الحوار بدال الشطحات اللى مالها داعي


ـــــــــــــــــــــــــــــــــــــــ

للماسنجر
agg030@hotmail.com

[King Dived]

بعد التحيه

الى كل الاخوان اللى ردو عليه واخص الاخ باسم بحسن الاسلوب

موضوع المرأة اللى تطلع بدون زوجه هذا شرعا حرام ما اعتقد في اثنين يختلفو عليه واللى عنده شك في هذا الموضوع عليه بالشيوخ في كل مكان .مشكلتنا اننا ندور على مخرج عشان نحلل اي شي
ونستتدل باي شيخ بس عشان يفك الازمه اللى عندنا .

الاخ باسم : اشك انه الاسلام ضمن للمرأة حقه في قيادة السيارة وعليك باقرب شيخ جنب بيتك لما فيه فتنه
ثانيا ما تكلمت انا عن حقوقها في البيت هل يحق لها ترضع والا تاجر مرضعه ما جبت هذا الكلام المقصود يا اخي انه جلوس المرأه في بيتها اشرف لها واطهر من سواقة السيارة في الشوارع العامه

ثانيا لا اعتقد انه سواقه السيارة للمرأة فيه شي من الحريه والتحرر واتمنى لا نستخدم مبدا حريه المرأة وحقوقها في الاسلام لتحليل شي فيه من الفتنه الشي الكثير
ومثل ما قلت لك عليك بسؤال احد المشايخ سؤال واضح وصريح
هل يجوز للمرأة قيادة السيارة ؟؟؟؟؟ وبس

الاخت بنت الرياض

اموت واعرف من قال لك ان ايام الرسول والصحابه كانو الحريم يركبون خيول وحمير (لا تتفرجين مسلسلات مصريه دينيه زين )
بعدين البنت مو هي اللى جابتني
البنت خلقت من ضلع اعوج ومن سيدنا ادم عليه السلام
والرسول عليه الصلاة والسلام يقول عنكم بانكم ناقصات عقل (ترا جدي الله يرحمه ما قالها )

اما الاخ المدعو ما اعرف 83

في البدايه قال انه K D علامه يهوديه يحطونها في الاجتماعات وتذكرني بهذاك اللى زي الاطرش في الزفه بس من راسك حطيتها علامه يهوديه تتفرج في التلفزيون ولا انته داري ايش الطبخه
بعدين انا ما حطيت K D انا حطيت fULL NAMEيعني كتبت King Dived

بعدين هذاك ايميل مو موقع جنس ياذكي
ما شالله عليك مستواك في معرفة الواقع الجنسيه عالي جداااااا

وخلي النبي داوود عليه السلام بعيد عن المهاترات
بعدين حنا نتكلم في جهة وانته في جهة ثانيه

واذا عندك ملاحظات على الايميل راسلني وخلي الناس اللى هنا تستفيد من الحوار بدال الشطحات اللى مالها داعي

وياليت لا تدق ماسنجر عشان ما عندك سالفه

ـــــــــــــــــــــــــــــــــــــــ

للماسنجر
agg030@hotmail.com

[فتو]

-
-
-
-
-
-
-
-
-
-
-
-
-
-
-
-
-
-
-
-
-
-
بليييييييييز غيروا الموضوع...
تراني مليت ...:)

[home alone83]

احترم نفسك و خلي لسانك طري .. فهمت زين لأنك توك جديد ترانا مستحملين ثقل دمك أوكي ...

ولا تحسب نفسك شي ترا بكلمة وحدة مني .. أتحدى احد يكلمك بعدها .


اتمنى ان تكون الرسالة وصلت ؟



تحياااتي للجميع إلا ...

[King Dived]

الاخ : ما ادري 83

اقول للمرة الثانيه
لاتدق ماسنجر
عشان انته ولد خطير مررررررة موقف المشاركين على رجل

هذا اول شي

ثاني شي انا ارد على موضوع مطروح من اهات الليالي
يعني مررررررررررررررررة مالك فيه اي دعوى

الا اذا انه موكلين وكاله شرعيه تتكلم عنهم هذا شي ثاني(مع احترامي للاخت اهات وجميع الاخوان الموجودين )
بعدين اسلوب ال...... ما احيه
عشان انا باقرف على طول

وللمرة الاخيرة رد على قد مستواك الفكري لمن نتكلم في موضوع
جايين للنقاش مو للفلسفه ايميل عاجبك والا مو عاجبك
هذا شي مررررررة ما يخصك
اطرح رايك وبس

حلوةةةةةةةةةةةةة طري لسانك


في الاخير اتعلم اسلوب الرد مو اسلوب الشوارع
(اكلم اللى موجودين ما يكلموك) ......والله حاله

والحمدلله هذا بيكون اخر رد لك

[bint_alriyadh]

( King Dived ) البنت مو هي اللي جابتك؟؟؟؟اعتذر عن التعليق الاخ جاي من كوكب المريخ.....يمكن انتوا غيرنا رجال اللي يولدونكم:) احنا عندنا في كوكب الارض حريم اللي يجيبونا..

[home alone83]

أقول يا حياتي للمرة الثانية خل لسانك طري ...

و نصيحة اكسب اصحاب ولا تربي عداوات .. و الله والله انا اول ما دخلت سوالف عملت مثلك .. لكن الحين اول ما اذكر هذيك الأيام اندم على ( ثقل دمي ) بس الحين تبرعت بدمي لك .. و دمي صار خفيف ;)



واللي يرحم والديك ما ابي اشوف اسمك موجود في اي موضوع من مواضيعي زين ؟؟ و انا بالنسبة لي بعتبرك مو موجود في سوالف لين تطري لسانك يا حلو اوكي ؟


تحياااتي للجميع إلا ... :)

بعدين ياتكتب كلام مفهوم او لا تكتب احسن ؟؟ فسر هالكلام اللي انت كاتبه : ((في الاخير اتعلم اسلوب الرد مو اسلوب الشوارع
(اكلم اللى موجودين ما يكلموك) ......والله حاله ))
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واسلوب الشوارع شكلك انت اللي المخترعه لأني اول مرة أعرف ان كلمة إلا من اسلوب الشوارع ؟؟ :) ؟؟


بعدين انت تقول و تردد زي الببغاء ((ناقصات عقل ودين)) وانت مو عارف ايش معناها ؟؟؟ وانت طبعاً فهمت معاني الكلمات بس ..

[آهات الليالي]

والله انا كان قصدي من نقل الموضوع الترفيه عن النفس و الله العالم و الظاهر ان بعضنا ما فهم القصد و صار يقوول كلام ماله داعي...
البنت هي اللي جابتك و الكل عارف هالكلام...
البنت امك اللي وصاك الاسلام عليها الرسول قال(امك ثم امك ثم امك)
البنت هي الاخت الخاله العمه الجده ......و باقي الاقارب من النساء اللي الاسلام وصى بصلتهم...
البنت هي الجاره و ....... اللي وصى الاسلام على رعايتها و توفير حقوقها...
وان كان هذول كلهم ناقصات عقل اجل بعض الناس وش؟؟؟
مالهم عقل ابد... :)
اما انك تقول البنت ما جابتنك فمثل ما قالت لك بنت الرياض شكلك من المريييييييخ!!!!
وعلى قولتك اسلوب مادري وشو و كلام شوارع اظن المنتدى هذا و كل اعضائه ارقى من انهم يستعملون الفاظ الشوارع
الله يهديك بس انت انسان متعلم ما يصير الكلام هذا..
شكر خاص ل
بنت الرياض (ما في مثلك)
بسمة امل (لوووووووول)
و الاخ هوم الون
و الاخ باسم






وآسفه لاني تاخرت بالرد بس لما جيت لقيتكم ما شا الله قلتوا كل اللي عندي كفيتو و وفيتو يا بنت الرياض و هوم الون عسى الله يكثر من امثالكم....



آهــــــــــــ الليالي ــــــــــــــات

[AseerX]

السلام على الجميع ,,,

يعطيكم العافية يا شباب وبنات

مع أحترامي أخت آهات ,,, الموضوع oــــ1صــ|_, الى أبعد الحدود,,, ومادري وش عاجبك وعاجب الباقين فيه ,,, وكل ما نزلت سطر ,, زدت قرفين على قرف السطر اللي قبله ,,, وصلت نص القصه ولا كملتها ,,,

اذا كان رجل كاتبه فهو أنسان معقد وشاذ الى أبعد الحدود بكونه ينشر كلام محرض للأنحلال مثل هذا على الخلق ,, وبتشخيص الدكتور شنتويش الأرعن اللي بجنبي ,,, وصف حالته بـ (نوع من التهتك في النخاع ,,, ومغص شديد في العقل ,, وحالة نقص في موارد الفص الأيسر ,,)

وأذا كانت بنت كاتبته ,,, فما عندي تعليق غير .................................. + .................... × ................. وبس

مع احترامي يا أخت آهات الكلام السابق مهو موجه لك ,, موجه لكاتب الفتنه ,,, لكن بقول لك ان ناشرها يأثم ومن فوق خشمه ,,, ولاحد يزعل من الحق ,,,


الأخوان باسم وهوم الون ,,, أشوفكم متحيزين لسواقة البنات للسيارات !!! ,,, مانيب معقب الا بشئ واحد ,,, تخيل واحده تقرب لك بالشارع تسوق وسط الشباب الداج ,,, بس تخيل الوضع دقيقتين ببالك ,,, واذا انت راضي بتخيلك فما اقول الا الله يصلح الجميع ويهديهم للصواب ,,,

شئ ثاني أخوي هوم ألون ,,, أخبر فيه مربع يطلع لي اول ما ادخل منتدى سوالف مكتوب فيه المنتدى لهوم الون وحده !!!؟ ,,, حبيب ألبي المنتدى وضع لطرح مواضيع ومناقشتها من كل الأعضاء بدون أستثناء ,,, وكل واحد يكتب رد بمكان ما يبي ,,, طالما انه ما يتعدى على غيره بألفاظ بذيئة ويتهجم على الآخرين بدون سبب ,,, :)

أخوي King Dived ,,, معاك بكل كلمة قلتها عن سواقة النساء للسيارة ,,, يعطيك العافية بطرح وجهات نظرك السليمه ,,, وأن كنت اعارضك ببعض التعديات على الغير بكلام ما يليق بأسمك ,,, يعطيك العافية كلامك صحيح وأن كان يتخلله بعض الذب اللي يبغالك تبطل منه ,,, :) :)

كان بودي ارد برد مناسب وأناقش ,,, لكن لا الموضوع يستاهل نقاش ,,, ولا بعض الردود اللي شفتها تدل على أنه موضوع مطروح للمناقشة ,,, أنما موضوع مطروح لتشعيل الفتنه ,, وبدء مصادمات مثل ما حصل بالفعل ,,, ناس تكتب وناس ترد بكلام بذئ بيوم من الممكن أنه يكون ليلة القدر !! ,,,


وأخيرا احب أحط كلام أعجبني هنا ,,,أخذته من منتدى الأقلاع ,,, وكاتبه هو (الملثم) أرجو أنه يعذرني على نشر كلامه هنا قبل أخذ أذنه لأن معد فيني صبر انتظر أذن وأنا ادري انه كريم ولا بيعارض على شئ زي هذا ,,, وبالأسفل وصله لموضوعه الأساسي بمنتدى الأقلاع لحفظ الحقوق للكاتب ولمن يحب يطالعه ,,,


الفصل الأول – مقدمة عامة
1- وحدة أول ما سمحوا بالسواقة راحت للمعارض تدور على سيارة الدركسون باليمين (طول عمرها راكبة يمين وصعب التغيير)
2- وحدة معييه تقطع رخصة (الوجة ما يساعد للصورة) وحطت صورة رجلها وكتبت عليها حرمه من زين وجهه !!
3- وحدة حالفة يمين ما تسوق وفي الشارع رجال (سلم لي على المحافظين)
4- واحد عربجي حالف على حرمته ما تسوق تماتيك
5- واحد محافظ حالف على حرمته ما تسوق قير أرضي لو تموت (مدري ليش)
6- وحدة تخاف تقلب الشريط تنقلب السيارة
7- واحد مطلق حرمته اذا جت تسوق تحط رجلها اليسار على الطبلون (يعني محترفة)
الفصل الثاني – في الصناعية (الورش + قطع الغيار)
1- وحدة طالبه لون الكفرات على لون الروج والطيس على لون أظافرها
2- وحدة طالبه بواجي من ياردلي
3- وحدة تطلب رمان بلي مقلم وبدون حب ما عندها سنون
4- وحدة تبي الكبوت تفته وزم عند الباب الأخير
5- وحدة تبي الماطور ورا والسبب ما تشوف اللي قدامها الكبوت يأخذ عليها مسافة (الله من زين الشوف)
6- وحدة تبي موية الرديتر من (كارتير) ووحدة عجوز تبيها موية ورد
7- وحدة تبي الزيت مخلط ملكي
8- وحدة من زود اللعانة حاطه الدركسون وراء علشان التضليل مسموح فيه ورا وبس
9- وحدة تدور على بستم ما تدري وشو ولا تبيه أصلاً بس تسمع انه يرفع
10- وحدة ما تعلم وش تغيير لسيارتها من زيت (تخاف العين)
الفصل الثالث – عند الأسواق
1- ولا وحدة تعرف تلبق (لا تفهمون غلط) وتشوف السيارات داخله في بعضها ولا يطلعونهم الا بونش
2- كل وحدة واقفه في سيارتها وتنتظر زوجها يطلع من السوق
3- فيه وحد سواقة ليموزين متضاربة مع وحدة تسوق باص والروج ملطخ الدنيا (راعيه الباص ما تعرف الروج (ديرم) ويخب عليها )
4- وحدة عند باب السوق معها لكزس وتنادي زوجها بعد ما نزلته (ابغير زيت وارجع لك)
5- وحدة على طريق الملك فهد تبيع كراث وكليجة ونعناع المدينة
الفصل الرابع – في الدوام
1- واحد تمر عليه زوجته وتستأذن له (وليه أمره) يا ليت تشوفون التلبيقة (لاتفهمون غلط) في مواقف الموظفين .. الأمن ماخذ راحته .
2- وحدة تودي بزرانها الصباح ولا ترد الا الليل (تدوج)
3- وحدة بس شغلها الشاغل وشلون تدق إشارة يمين وإشارة يسار وهي ماشية للمدير حقها .
الفصل الخامس – منوعات
1- شرطيه ما وراها الا تمسك الحلوين أمثال ابورويشد وأول ما تسأل عن رقم التليفون والحالة الإجتماعية ؟؟
2- فيه وحدة مروجة مخدرات تلف بونيت أحمر بس على العيال وكلمة السر (الشكمان وردي)
3- شريطية بدل ما تحرج تغني لأحلام (راعي المعارض)



الوصلة الأساسية هي :
http://www.eqla3.com/file/ubb/Forum14/HTML/000098.html


المعذرة على الأطالة ,,, الزعل مرفوض والرزق على الله ,,

تحياتي للكل ,,,

أسير×

[King Dived]

تحيه للجميع ( مو الا ) على قول صاحبنا

الاخ اسير : كفيت ووفيت واوعدك امسك نفسي عن الذب ولو اني ماتعديت الحدودبس مجرد رد على اساءة

الاخ باسم وما اعرفه اسمه 83

جاوبوا بكل امانه وواقعيه على السؤال بدون التعصب

اتمنى اجابه منطقيه وبس بدون اطاله عشان نحسم الموضوع ( وترا الاعتراف بالحق فضيله )

الاخت اهات

خلي فكرك ابعد من كذا انتي وبنت الرياض

واللى جابني وجاب امك وجدتك وخالتك وجارتك وعمتك وبنت الجيران وصاحبتك اللى بالمدرسه وكل االبشر بما فيهم سيدتنا ام البشر حواء عليها السلام ( هذا قصدي اساس البشر مو قبل عشرة سنين اتكلم )


عرفتي اني من كوكب الارض والا الى الان مصرة اني من المريخ

الاخ ما اعرف 83 ( والله العظيم ما اعرف انطقها )( بس اتكلم انجليزي مكسرررررررر)

ترا اسمي كينج ديفيد ( حاول تتهجاالاسم كي نج دي فيد )

وكودو مطعم ممتاز وعنده وجبه كلوب ساندويتش ( مو برنامج في اسرائيل انتبه )
انا ما اكل غيرها

وهذا اخر رد انشالله على الموضوع هذا

فاصله اخيرة ,,,,,,,,,,,,,,,,,

اشكر الاخ مراقب الصفحه على سعة صدره ووتكرمه بالرد لي
كل الشكر للاخت اهات الليالي , بنت الرياض ، باسم, اسير و83 وكل من شاركنا الحوار الجميل
وعلى قول اخونا اسير الزعل مرفوص والرزق على الله

ـــــــــــــــــــــــــــــــ
للماسنجر
agg030@hotmail.com

للمراسله ( تم التغيير درء للمشاكل )

Hopkinz@hehe.com

[ShantO]

ما اقول الا انا لله وكفى
ايه يا اهات اليوم تسوقي وبكره اشوفك ببكت الدخان والسجاير

[home alone83]

و اتمنى ان ما احد يرد على هذولي منعاً لحدوث المشاكل ...





تحيااااتي للجميع إلا ... و ....:)

[bint_alriyadh]

عذرا ...تتكلم عن تفكيري انا؟؟

مااعتقد ولله الحمد اني احتاج ان تفكيري يكون اكبر من كذا ردودي كانت منطقيه لحد ما قلتلي الكلمه اللي رديت عليك فيها بالاخير اسلوب الاستهتار وانت تتكلم عن المرأه واللي حسيته في كلامك هو اللي اثارني واي شخص تقوله ان البنت مالها الا الجزمه القديمه على كلامك راح يترفز والا الموضوع ترا ما يشكل بالنسبه لي ذيك الاهميه والاخوان اللي اصاروا يغلطون على الاخت آهات ارجع واقول انها كتبت قبل القصه (موضوع اعجبني).....يعني ترا اسلوب فرد العضلات موحلو..
والاخ اللي دخل السجاير بالموضوع تراالمنتدى يستاهل انك تحترم اللي فيه ...

تحياتي للجميع

اخواني واخواتي..

(اختلاف الراي لا يفسد للود قضيه)

[آهات الليالي]

انا لله و انا اليه راجعووووووون

اسير:
على العموم هذا رايك و انت حر فيه و انا شخصيا ما اعتبره ماصل و بالعكس اعجبني و لهالسبب انا نقلته هنا في سوالف...
وانا ادري و واثقه ان الكلام اللي كتبته مو موجه لي لاني مو انا اللي كتبته :)
و الاشياء اللي انت ناقلها من الاقلاع تراها قديييييييمه قريناها في الايميل بس انها حلوه...


كنق:
والله انا آسفه بس صراحه هذا اللي فهمته من كلامك الاول


شانتو:
اقول احترم نفسك و سد فمك الـ.... بـ...... الله يرحم والديك
انت تكلم بنت و مفروض الفاظك تكون محترمه و لازم تفكر بالكلمه اللي تطلع منك قبل لا تقوولها...
ثاني شي انا ما قلت سجاير و كلام فاضي الحمدلله مانيب ضايعة اصل عشان توصل هالمواصيل
فاحترم نفسك احسن لك و حسن الفاظك لاجيت تحكي مع بنت و لا تنسى انك مبتدئ توه طالع ريشك


هوم الون و بنت الرياض:
لووووووووول@هوم الون
بنت الرياض ما فيه مثلك كالعاده كفيتي ووفيتي يا اختي الغاليه






آهــــــــــــ الليالي ــــــــــــات

[King Dived]

بعد التحيه للجميع ( مو الا ....... )

في رائي الشخصي لمن فكرنا كلنا نكتب في منتدى سوالف
الكل كان يبحث عن الحوار الهادف والنقاش المفيد
وموضوع السواقه للبنات كان موضوع مثير للجدل طرحته الاخت اهات الليالي وكانت الردود جميله ومثيرة في نفس الوقت وان شابها بعض الردود التى لاتمت للموضوع بصله واخذت منحى خارج عن المنحى الذي كنا نهدف اليه مما ادى الى ردود شخصيه لا تخص الموضوع بصله ( انا اول الناس اللى ردو احقاقا للحق ) وايضا كانت هناك ردود لم يكن فيها اي شي الفائدة سوى فرد العضلات على قولة الاخت بنت الرياض ( اكلم الشباب لا يكلموك , لاحد يرد على فلان وغيرها من النفخ الكاذب )

لم اكن اتمنى ان يحدث مثل هذة المداخلات البريئه ولكن ما حدث حدث

شكرا للاخت اهات الليالي على سمو الاخلاق
تحيه لبنت الرياض على قمة الاتزان
تحية دائما للاخ اسير
وتحيه للاخ باسم ( ما زلت انتظر ردك )
وللاخ ما اعرف اسمه 83 ( لاحول ولاقوة الا بالله )

ـــــــــــــــــــــــــــــــ
للماسنجر
agg030@hotmail.com

للمراسله

Hopkinz@hehe.com

[سوار العسل]

يا ليت يخلوني أسوق سيارة..
وناسة..

[آهات الليالي]

كنق
مشكووور

سوار العسل
لوووووووووووووول ايه والله انها وناسه و نص بعد :)





آهـــــــــ الليالي ــــــــــات