View Full Version : صباحات شرقية ( 22 ) بياع بايعها اليوم .. بايعها ...
بياع القلوب
10-11-2000, 07:34 AM
كلمة لازم اقولها
اولا السلام عليكم
ثانيا منتدى الامارات مع احترامي خربان من كم يوم ..
طيب ..
ما قلنا شي ..
يمكن فيه تطوير ..مؤقت وبيرجع ..
لكن ..
ربعنا اللي كانوا هنا ..
ونزحوا الى هناك ..
لما خرب منتدى الامارات ..
وين يكتبون ؟
كل له اسبابه بالنزوح ...
يعني بصراحه ابقول كلمه و اكيد فيه ناس بيزعلون
طيب احنا مالنا رب نكتب معاكم في منتداكم ( الثالث ) ؟؟ اللي مانعرف وين هو ؟
مستحيل تقعدون 3 ايام بدون كتابه او تواصل مع بعض على الاقل
مستحيل ما يتم بينكم ايملات تلقون في منتديات أخرى او على الاقل على المسنجر - والله يابياع يشرفنا حضورك معنا في منتدى *****
انا عن نفسي ماجاني اي شيء منكم .. واشكرهم لاهتامهم وسؤالهم عني .
وبس
سردال
10-11-2000, 07:49 AM
بياع.,... صبحك الله بالخير :)
أسمعني وأنا أخوك، ما في أحد يقدر يمنعك أو يمنع غيرك من الكتابة (إلا المراقبين طبعاً ;)) لذلك أكتب اللي تريده، وحيا الله الأخوة الذين توقف عليهم المنتدى الثاني، وحتى يتم إصلاح المنتدى الثاني حياكم الله مرة ثانية لمنزلكم ولبيتكم الأول.
أخوي بياع، اللي صار مو سهل أبداً، لكن البعض ما لهم أي علاقة باللي صار، أتمنى إن كل الأعضاء القداما والجدد، الذين لهم علاقة ولا ما لهم علاقة ينسون أو على الأقل يتسامحون فيما بينهم.
فليس من المعقول أن تستمر هذه المشادات. ولا ما توافقني يا بياع؟
بياع القلوب
10-11-2000, 07:57 AM
هلا اخوي سردال
وصباح الخير
شكرا اخي على ردك الجميل
شوف وأنا أخوك ، محد ينكر ان فيه اعضاء طردوا من سوالف وكثير من الاصدقاء الآخرين تم تجريحهم بدون رد اعتبار لهم من المراقبين مما حدا بهم الانتقال من سوالف الى مكان آخر
والبعض الثالث ذهب مؤازرة معهم ..
طيب وش ذنب الباقي طيب؟
انا دائما على تواصل مع كثير من الاصدقاء في المنتدى هنا وفي منتدى الامارات لكن بعد ان تعطل الامارات لم يأتوا الى سوالف للتواصل ،، ؟
طيب ليش؟
لنفرض ان منتدى الامارات ما تصلح لفترة طويله ايش الوضع بيكون ؟
ننسى صداقاتنا اللي كوناها على مر اشهر طويله ؟ وليش ؟ و علشان مين ؟
عموما فكرة الشلليه مرفوضة تماما في المنتديات ومرفوضة ايضا تمام في قاموس تعاملي مع الناس ..
تحياتي
شقران
10-11-2000, 08:26 AM
كيفك بياع
خلك مثلي مدودل راسي والله مدري وش تلبس عليه
اي صفحه يتكتب بها اكتب
لنا حق نزعل اذا كانوا اصدقائنا مجتمعين في مكان ثاني وماعلمونا
بياع القلوب
10-11-2000, 08:34 AM
هلا اخوي شقران
شخبارك ؟
فعلا لو اتضح ان اصدقائنا متجمعين في مكان ثاني وما علموني؟ قسم بالله غير يكون آخر شيء بيني وبينهم ...
عموما هم سووها معي مره لما تركونا هنا وراحوا منتدى الامارات قبل كم اسبوع .. ومشيتها بمزاجي .. لكن المره الجايه ماراح امشيها بهدوء .. واللبيب من الاشارة يفهم ....
تحياتي
هلا والله...انا بعد قمت اسير منتدى الامارات ابا اقرا المواضيع بس ما يشتغل..يقولون السيرفز خربان..
حبيت اقول لك يا اخوي بياع القلوب..
شو رايكم تردون الموقع..واللي فات مات..والله الموقع فاضي..قبل المواضيع كانوا ينزلون إلى صفحتين وثلاث بس الحين ما ينزلون من الصفحة الأولى...والله الموقع صار شبه ميت..مع احترامي للأعضاء الموجودين طبعا...
تحياتي نملة
زهرة الليلك
10-11-2000, 02:17 PM
ايش فيك قاعد من الصباح تصارخ صوتك وصل لبيت الجيران .. ذبحتنا الله يهديك ..
وبعدين انا عن نفسي لارحت ولا جيت لأي مكان ..
واعتقد انك بنفسك ذكرت سبب توقف أغلي الاعضاء عن الكتابة .. وانا وحده وبصراخه شايلة بخاطري كثير على سوالف ويمكن ما أرضى عليها بعد وانت عارف ليه !!!
شكرا لك .. ومرة ثانية خفض صوتك لو سمحت :)
بياع القلوب
10-11-2000, 02:42 PM
هلا اختي نمله
شخبارك؟
انا هنا وما تركت سوالف ابدا
وبكون متواجد دايم :)
تحياتي
زهرة ؟
اصارخ وأنا على حق
وانا معاك انك زعلانه من المراقبين بس احنا مالنا ذنب تزعلين مننا ؟
عموما مدري عن ربعنا وين غاطسين
لكن نصبر ونعطيهم مهلة الى المغرب وبعدها لكل حادث حديث
تحياتي
زهرة الليلك
10-11-2000, 02:51 PM
انا مازعلت منكم .. وعمري ماراح أزعل .. لأن قلبي غير
بس بصراحة ماعدت اعرف مين اللي معاي ومين اللي علي .. مين اللي فعلا ممكن يعيش مع زهرة بكل كلمة تقولها .. سواء كانت بفرح أو حزن .. أو ضحك ..
ومع احترامي للجميع ..
انا ايش يضمني ان يكون احد الاعضاء اللي كتب كل الكلام اللي فات و الاهانات اللي سمعناها ماهو موجود بيننا ومتخفي باسم جديد ..
صدقني ماعدت اعرف اتكلم مع مين أو أرد على مين ..
احساس بالغربة شديد حتى وأنا موجودة هنا بينكم .. حتى وانا أرد على مواضيع الاعضاء اللي أعرفهم من زمان !!!
بياع القلوب
10-11-2000, 02:57 PM
زهرة
بصراحه انتي ضربتي اروع مثل في الوفاء
بالرغم من الكلام الذي طالك وقت المشكله
لكن آثرتي على البقاء والتواصل معنا هنا
فمرحى لك ولشخصك الكريم :)
ولا داعي للزعل والحزن
يقول المثل
الجنة من غير ناس .. ما تنداس
والشعور بالغربة موجود هناك قبل ان يكون هنا
تحياتي
زهرة الليلك
10-11-2000, 03:00 PM
للأسف الاحساس بالغربة صار موجود هنا وهناك .. ويمكن بالنسبة لي صار موجود في سوالف كثير..
الله يسامح اللي كان السبب ..
nextjune
10-11-2000, 03:01 PM
مرحبا بياع ... ( وراك وراك ) ...
اقول بلاك معصب ؟ هدي اصابك :)
( اعرف داخل عرض بس استحمل ) ...
انزين تعال شرفنا هناك :) we miss u so much :)
-- اسمحلي بياع تراني ياي اسلم عليك لاني مب فاهم شو صاير ----
نجمة المساء
10-11-2000, 03:03 PM
أشعر بالغربه بينكم
بياع القلوب
10-11-2000, 03:08 PM
هلا زهرة
شيء طبيعي ان الواحد يشعر بالغربة بدون وجود من يعز عليه
لكن انا مثل ما قلت
الصبر زين
ولك تقديري
هلا وغلا نكست جون
حي الله ربعنا في السامر :)
شخباركم هناك؟
والله لكم وحشه
وفيك الخير تسأل والله
وابشر بجيكم قريب هناك
بس لا تحذفون مواضيعي .. زين ؟ :):)
تحياتي
بياع القلوب
10-11-2000, 03:11 PM
هلا اختي نجمة
الشعور موجود معنا جميعا
لكن لانريد هذا الشعور ان يسيطر علينا ويشل قلمنا
صدقيني كثير من الاصدقاء موجودين لكنهم يقرأون كلامنا فقط
وراح يجي يوم يكتبون لو كلمة هلا ..
تحياتي
unique
10-11-2000, 04:48 PM
ايش الي صاير
اترككم يومين ارجع القى الدنيا محيوسه
عموما انا من ناحيتي ما اعرف شي
ولا رحت اي مكان جديد
والباقيين والله ما ادري عنهم وينهم فيه
وحشتوني مووووووووووت
SARA120
10-11-2000, 04:56 PM
مرحبا اخي بياع لابد ان تلتمس العذر
حتى تتضح الامور ... مع اني موفاهمه شئ :)
ســــــــــ الغايب عذره معاه ـــــــــــــارا :)
Huda76
10-11-2000, 05:14 PM
هلا أخوي بياع القلوب
حبيت أسلم عليك وآخذ أخبارك :)
فعلا اشتقنا الى الكثير من الأصدقاء واللي ما لهم لا حس ولا خبر ..
كل اللي أتمناه أن الجميع ينعم بالصحة والعافية ..
تحياتي
marwah
10-11-2000, 05:20 PM
ولا شي :)
حبيت اسلم انافس هدى :)
بياع القلوب
10-11-2000, 06:25 PM
يونيك ؟؟
هلا وغلا
شخبارك؟؟
وين هالغيبات ؟
كل هذا مذاكرة ؟
هلا بك واحنا اكثر والله :)
اختي سارا
هلا بك والغايب حجته معاه :)
هلا اخني هدى
وشخبارك ؟
وشكرا للسؤال والله وتسلمي يالغاليه :)
مروه
طيب يا منافسه :)
ياليتك تنافسي على الدراسه ابرك لك :)
ma3gool
10-11-2000, 09:03 PM
هههه تصدق نفس تفكيري..:) ظنك انهم يتجمعون ويخلونا!!!!لالا..
اما بالنسبه لي تصدق اني مشترك في اكثر من عشر منتديات وفي مثل هذي الظروف يمكن تلقاني في المنتدى الساخر..وهذا العنوان..:) (http://www.alsakher.com/cgi-bin/forumdisplay.cgi?action=topics&forum=مواضيع+جادة+وساخنة&number=8&DaysPrune=2&LastLogin=)
ولا تعصب مره ثانيه...مع تحياتي لاخواني واخواتي في سوالف..:):)
بياع القلوب
11-11-2000, 01:55 AM
هلا اخي معقول
شخبارك؟
ياخي من حقي اصارخ
بس بصراحه تعبت اسجل كعضو جديد في كل منتدى انا هنا بتم هنا
والا وش رايكم ؟
كيف الحال؟
و الله مشتاقييييييييييييين لكم..
ترى انا زي يونيك..غايبة عشان الإمتحانات..
كلها يومين و ارجع انشا الله..:)دعواتكم:)
فتــ ايش عنوان منتدى الإمارات..؟ـــــــو
بياع القلوب
11-11-2000, 04:30 AM
اهلين فتو
شو اخبارك؟
كل هذا عشان الاختبارات ؟
مو مشكلة
الله يوفقكم يا رب
ومنتدى الامارات صار له مده خربان
وعنوانه هو
uae4ever.net
تحياتي