لو من تحب كانت مزاجية ... تتقلب . تتغير . وفق مشاعرها !!!

[المعاند]

ونصادف بين الناس من هم بــــــــحدة الــمزاجية
وإندفاع التناقض وقمة التطــــــرف والازدواجــية

لكن ...ان يكون بمن تحب كل تعـابــــــيير الحيرة
تخبرك ان الحــــب قوة فتتــضاحك في جنون الغيرة

لتثبت لك ان مافي قلبــها قوة وجبروت إمرأة وكيـد
فـمتى تعلمت وحدها ان الحب ياصاحبي سجـــون وقيد

تؤمن بان إندفــاع الــلهف والولـــــه دلالات نـقص
وأن الـــحب الواهن أشــبه بجــــــــــنون الرقص

على إيقاعات العــــــمر الصاخـبة والـحان تعالت
وراقصين وراقصـــــات في قلوب غدت واهنــة تهاوت

تكابر حبيبتي وتقـــوى تفــاصيل الريـب والـمكابرة
كــم اخبرتها إنها إمرأة لعــدوانها أمست الـمثابرة

تعاديني كلما أقـبـلت لها وعشقي في موجها الغريق
وتناديني كلمـا ادبرت عنها وهجرتها بقايا العشيق

هل الحب ياحبيبــتي خيبة النفس ولهفة الجروح ‍‍‍‍‍‍‍‍‍!!!!
او هو انفصال قــــــلبي عن رداء العمر والروح !!!!

تعبت وتقلباتها وأشقتني فتطرفت مع اقوالها والحنين
فماعدت ابالي اليوم إن عانـقت حبها أوقتلتني السنين

,.,.,.
موضوعي لو الله كتب لك حب لانسانة مزاجية تحبكٍ وتعشكٍ ...
لكن تحب أكثر تطرفها وفق الظروف .
ياترى تستمر معها لو كنت تحبها !!!
ولا تتركها وتحاول إنك تحمي مشاعرك من جنونها !!!

[الروح]

صباح الخير المعـــاند :)

أولا ...
اسمحلي أعبر لك عن إعجابي بالأبيات
الجميلة التي كتبت ... :)
تسلم إيدك ...




طيب .. سؤالك عزيزي سهل ...
ممكن يجاوب عليه أي إنسان نبض قلبه بحب شخص ما " بصدق " ..
إذا اللي أحبه مزاجي ومتقلب الأحوال ، بتحمل .. ليش ..؟ عشان عندي رسالة في قلبي تفوق تقلباته العاطفية .. وهي / ..

أنني أحبـــــــــــــــــــــه ... :) :) :)



شكرا عزيزي ..:)
موضوع جميل .. تستاهل عليه درجة كاملة :)

[الحفار]

كيف حالك
,,,,,,

شوف
اللي يعتقد ان هناك انسان خالي من العيوب , ما اعتقد انه اصاب الحقيقه

ولازم اي احد يعرف ان مهما بلغ حبك لشخص ومهما كانت شخصيته حلوه بالنسبه لك الا انه لابد ان ياتي يوم وتكتشف فيه شيء يعيبه
وطبعا اقصد شيء في التصرفات وليست عيوب كبيره

لكن لابد لك ان تكيف نفسك على هذا الشخص وتتحمل عيبه

غصب عنك , ويكفي انك تحبه ويحبك .

واقول لك شيء

الحقيقه انه شيء صعب انك تكيف نفسك ,وبالنسبه لي مازلت احاول اكيف نفسي ,ولكني ما زلت اجد صعوبه ,,

يالله عاد انا استأذن الحين,,

وادعي لي اني استطيع ان اتكيف ;)

[ma3gool]

التناقض!!! ما احبه مع ان هذا الطبع فيني!!!
اللي يحب يصبر الا اذا حس انه بينهبل من هذي الحركات وحس انه موب مرتاح يعلم اللي يحبه يا يغير طريقته ولا كل واحد في طريق..والله !!!الواحد يحب علشان يرتاح ويحس ان فيه احد يهتم فيه ويراعي مشاعره موب يزيد همه هم!!!!(الصراحه فيها راحه):):):)

[المعاند]

أولا ...
اشكركٍ على ردكٍ الرائع مثلكٍ دايم إختي ....
وتسلمين على حضوركٍ المشرق .


هو سؤال سهل متى ماكنت إختي اقصد المزاجية المحتملة الى حد ما
لكن اللي قصدته هو التـــغيير في المشاعر 180 درجة بدون سابق إنذار او تحذير .
وصدقيني إختي لو لأي إنــسان القدرة على الاجابة لمجرد إنه يحب كــنت قدرت بيوم اجاوب الف سؤال ماله للحين أي معنى ولاتفسير .
يمكن لانكٍ إختي تخيلتي بتصوركٍ إن المزاجية اللي قصدتها قابلة للاحتمال .
لكن ان يحبكٍ إنسان .
ويتلاعب بمشاعركٍ لمجرد إنه مزاجي يتغير
ويمكن في قمة احساسه لكٍ
يبعد عنكٍ لا لسبب لكن لمجرد ... التطرف والمزاجية
والازدواجية هي كانت معنى موضوعي ....
يحمل كل المشاعر تحت أسم الحب ولكنه بالحقيقة مايحب إلا نفسه وراحته لدرجة إنه يقدر يبعد عنكٍ بإرداته ولو عرفتي السبب قال
( بيدي لابيد عمرو) بمـــعنى أبعد عنكٍ انا لاتبعدني عنكٍ الظروف بكرة . مدري يحسب إنه يتدرب على زيف المشاعر ز
يحبكٍ مافيها قولان
لكن يبعد عنكٍ فيها كل الاقوال .

ومهما كانت أهمية الرسالة اللي توصلين لها .
من التقلب والتغيير يمكن يجيكٍ يوم يإما تشكين بقدرتكٍ على حبه
او تشكين بقدرته على حبكٍ .

لكن احييكٍ على الشخصية القوية الصبور . أكيد بها التعامل يمكن
تلين المزاجية أكثر .
لكن هلى الاستمرار معه فيه نوع من الامان على عواطفكٍ ومشاعركٍ معه
...
وختامي عزيزتي الروح ...
اشكركٍ على ردكٍ وعقلانيتكٍ وحضوركٍ :)

[المعاند]

مرحبتين واهلين وسهلين بعد ...
...:)
انا بخير والحمدلله ... عساك انت بخير إن شاءالله دايم
واشكرك اخوي الحفار على ردك اللي له معنى كبير بنفسي وتسلم
على حضورك المتألق دايم والمبدع .
وذي فرصة لي إني اقول لك كلمة من زمان ودي اقولها ..
الله يقويك اكثر وأكثر على بعض الردود او بعض الاعضاء اللي مالها اي هدف غير الهجوم لمجرد الهجوم ..
والتشهير أحياناً ... أسؤ مافيه أن يحاول شخص ماالضرر لكن كلنا
عرفنا اكثر شخصيتك القوية والرزينة . والرد اللي ترده يغلفه الحق وبطريقة رائدة صحيحة ... يقويك الله وينصرك على من اراد لك
السؤ باي شكل من اشكاله .

’,’,’,’,
انا معك الحفار اخوي ان كل إنسان له عيوب ولابه انسان كامل ابد
لكن هل التكيف مع مزاجيته معناه إني اغير بنفسي .
إفرض انك كنت إنت مزاجي بعد لكن غير ازدواجي ..تتغير بمشاعرك
وفق ظروفك وذا شي طبيعي .
لكن انك تتغير على من تحب لمجرد مزاجيتك .. اعتقد بيكون بعيد عن العدل تماماً
وإنت قلت اخوي عبدالله لو كانت العيوب صغيرة يعني محتملة . لكن
لو كانت ها المزاجية تشكل منحدر خطير غطته الايام بالورود .
صدقني يمكن يجي اليوم اللي يسقط فيه الحب ولاهو بعارف انه كان
يعبر فوق منحدر متواري .

صدقت يمكن غصب عنا نتحمل لانا نحب ... لكن ليه هي ماتتغير غصب
عنها لانهاهي بعد تحب
نتنازل يمكن ...
لكن متى ماقدم الطرف الاخر التنازل بعد أو حتى التقدير لك على تنازلاتك .. لمجرد إن الحب يستمر .
المشكلة الاكبر اخوي عبدالله .. لو تكيفت وانت مجبر والسبب حبك
لانسانة بتشوف تنازلاتك من حقوقها عليك ولو رجعت من ضيقك لطبعك
اعتبرت ذا تهاون بحقها ..
,,,
وانا فعلا ادعي لك اخوي الحفار انك تقدر تتكيف اكثر . وتلغي الصعوبات اللي تجدها ... لكن لاتنسى ابد اخوى لو قدرت ياليت تعرف من هم بنفس الدائرة على طريقتك المثالية . يمكن تساعدنا اكثر على التكيف قدام ها المشكلة الصعبة .

وختامي لك الله يقويك ويحفظك
وشكرا لك كثير كثير كثير :)

[المعاند]

لو تدري معقول ويش لون احب مواضيعك وردودك وشخصيتك ..
لكن مهما قلت وكتبت يظل التعبير محدود قدام المشاعر الكبيرة الصادقة لك اخوي ... ياللي علمتنا إن ها الدنــيا كل شي فيها معقول ولابه مستحيل ابد .
لكن مدري اخوي عندي احساس قوي أنك تعرف ويش معزتي لك واحترامي
وتقديري يمكن لانك تعرف انك صاحب شخصية لابد من لقاها يحبها.
وتسلم على ردك لي وحضورك وتشجيعك لي :)
...
بصراحة اخوي معقول انت حللت الموضوع من زاوية حقيقية وعرفتني
امور كانت غايبة عني لسنوات كثير .
لانك متناقض ماتحب ها الطبع لافيك ولابمن تحب
ولاني مثلك اتناقض كثير فكرهت ها الطبع في من أحب .
وصدقت احس اني بنهبل :) لا قد انهبلت وجنيت من زمان وابشرك صرت احاكي روحي من القهر ...
ليه ؟؟؟ ويش ذا يعني ؟؟؟:(
ويش تبي هي هااااه ... تبيني انجن :(
وارد دايم ... ماعلينا يالمعاند تاليتها شهار ومن الحب ماقتل.
..هي دايم اسئلتي في حيرتي قدام اللي اشوفه يامعقول

قوووووووووووووية ذي لكن امر الله
من دون العالم كله وملايين الناس ... اختار الحب الازداوجي
تصدق هههههههههه احيانا احس انى احب كثيرررر بواحدة ويش لون‍!!
يعني لها شخصيات كثير تتقمصها متى ماحبت
( ياشينها متى مابغت تهبل فيني وتنجن هي قبلي )
.
لكن اخيراااااا عرفت الحل المبدئي بعد طول الفترة الطويلة
اني ابعد عنها وانا مطمئن نوعا ما ان مافيه غيري ابد بيقدر يتحمل اللي تحملته أبد .
او يمكن هي اكاذيب اقولها خوفاً على نفسي من اني اغار عليها حتى ببعدي .

لها السبب بعدت عنها ... لان الحب مثل ماقلت مراعاة المشاعر
والتفكير الف مرة قبل التغيير .
واللي يزودنا هموم على هموم الدنيا ذا مهو بحب
او هي ماحبت إلا نفسها فقط والانانية قاتلة خاصة اذا كنت انت تحبها اكثر من نفسك .
وصدقت الصراحة فيها راحة ...
لها السبب بعدت .. وهجرت ..وفارقت بعد :(
لكن لازلت احبها واموت فيها واعشقها
,,,,,
وختامي لك معقول
تحيتي لك ولرايك وحضورك
والله يحفظك اخوي وين ماكنت :)
واعتذر لك على الاطالة ...



__________________

[مها]

مرحبا اخوي المعاند الله يعينك برد عليك يعني خذ وخل
اولا ماشاء الله عليك (لاتقول حسدتني)
ثانيا انت تقول انها تحبك وانت تحبها اذن اكيد ان ازدواجيتها لها اسبابها
ياترى حاولت تفهمها او حاولت انك تفهم نفسك وتدور راحتك انت اولا
يمكن انت ودك تخليها مثل ماانت تبي وهي لها شخصيه مستقله
صعب انها تكون مجرد تابع لانسان تحبه وتتشكل مثل مايبي
وكون صريح انت وش اللي خلاك تحبها مثل هل الحب الا ان لها جوانب
كثيره حلوه يعني للعدل اعرض علينا حسناتها واعرض عيوبها
واحنا نحكم بس كذا نظلم البنت(المدافعة عن حقوق البنات)

[ساهر الليل]

هلا اخوي الغالي مساء الخير عليكم ....

والله بدون مجامله مواضيعك رغم انها قليله لكنها شئ كبير بصراحه

تعجبني مالديك من مشاعر وتساؤلات في الحب تشغل بال الكثيرون مننا .....

اولا الكلمات روووووووعه بكل صراحه وبديعه جداً ..

اما فكرة الموضوع

بالنسبة لي يا عزيزي اذا كانت حبيبتي اللي للحين ما شفت رقعة وجهها :)

ما احب اللي متقلبة المزاج لانها رح تتعبني معاها ولا رح ارتاح

والحب اذا ما كان فيه راحة بال وتفاهم ما هو حب ....

وهذي النوعيه رح اكون حاط يدي على قلبي وخايف منها باي لحظه

تتركني .....
يعني ما اقدر اثق فيها

رح تكون علاقة حب كلها بهدله وتعب ولا رح استمتع بطعم الحب الحقيقي ابدا

لكن المشكله الواحد ما يقدر يختار في الحب :)

------------------------

امتعنا دائماً بأفكارك المارادونيه المميزه :)


سلامي وتحياتي وحبي لك اخوي حمد :)

[شجون المحبه]

موضوع راقي جدا ..ورائع ,,,,,:) هذا اولا ...


اما ثانيا وثالثا ورابعا ......المزاجيه ...شيء صعب جدا ...
وممكن في بعض الاحيان انها تكون عيب .....ولكن الانسان المزاجي ...
هو ان يكره هذا تاره.....ويحب هذاتاره اخرى.....
وتتغير اطباعه وصفاته مرارا وتكرارا....


بس اعتقد ان المزاجيه لا تتدخل في الحب نفسه ..

اي انه عندما .....

اعشق انسان او احبه ........
فانني سبقى احبه في كل حالات مزاجي ,,
ولكن تصرفاتي هي التي سوف تختلف ...
ام الحب يبقى كما هو..




يعني في فرق من ان احب مزاجي عن الخائن لعوطفه ...





كل الاحترام والتقدير لك....:)

[المعاند]

اولا ...
أشكركٍ كثير كثير على ردكٍ وحضوركٍ ووجودكٍ إختي مها
وصدقيني توقفت كثير عند ردكٍ وراجعت بسببه كثير نفسي .. وكان
صداه عندي أقوى واقرب للحقيقة :)
احب احييكٍ على ها الصراحة والعدل والدفاع ( عن حقوق البنات :))
والموازنة بين الحسنات والسيئات .

ثانياُ ....
نعم احبها واعشقها بعد
ومثل ماقلت إن أكيد لإزدواجيتهاأسباب وصدقيني لغيت نفسي للحظات
وركزت عليها هي وحدها .
والمشكلة يامها إني داري ويش هي اسباب ازدواجيتها .
وهي معاناتها قبل تعرفني وصدمات كثير خذتها لطيبتها ورقيها من الناس اللي حولها الى ان اوصلتها الى التقوقع حول نفسها .وفرض
سياج من الخوف الكثير والحب القليل .
فتشكلت على حسب ماتبي هي وتحسب ان البعد عن الحب قوة .. وانها
تقدر تمسك زمام الامور متى ماملكت قلبها واحساسها تجنباً لصدمات جديدة هي بغنى عنها .
فهل ذنبي إختي مها ان الدنيا قـست عليها ‍‍‍‍قبلي ‍‍!!!
وهل ذنبي إن ظروفها شكلتها قبل تعرفني وان الحب عندها معناه الجروح والغدر ‍‍!!!
هي فقدت الثقة بكل شي حولها ماعداها هي وحدها ‍‍
وتأكدي ان سنين الحب اللي بينا ...حاولت بكل قدرتي أني اغيرها واتغير انا معها . لكن يبقى الحب بنظرها جروح في البعد والقرب احياناً .
هي ذي اسباب ازدواجيتها ..عطت الدنيا قبلي لين غيرتها الصدمات وقابلتها انا بعد فوات الاوان .
وتدرين ويش اسهل شي عندها كلمة النهاية ولو ناقشتيها ردت تعبت
واخاف اتعب بعد اكثر :) سبحان الله منطق غريب جدا
,.,.,
وبكون صريح يامها واقول ان حسناتها اكثر بكثير من سيئاتها
حبيتها لانها صادقة شفافة راقية . وعادلة بموازينها. راقية الى حد الكمال .والكمال لله وحدة (:) وفاتنة بعد )
كل شي فيها يبهرني الى حد إيماني باللي تقوله . واللي تعمله
هي الوحيدة اللي قدرت اثق فيها اكثر مااثق انا بنفسي .
لكن ...
كثر الجروح إختي والنهايات الكثير . تفقد الحب بريقه . وتفقد
الصبر قوته .
والمزاجية في احساسها خلت احساسي اليوم مثلها احبها واموت فيها لكن بيني وبينها قارات وفاصل الدنيا بطولها وعرضها .

...
وختامي لكٍ
إختي مها اشكركٍ على ردكٍ اللي كان اقرب للواقع او هو الواقع نفسه :
واعتذر لكٍٍ على الاطالة ( تحمست شوي اعتذر :) )

[المعاند]

ومساء الخير عليكٍ
وصباح الخير اخوي الحبيب سلطان .
ولو كان الراي من فنان صار للرأي معنى فن وتعبير وقيمة اكبر. أعتز كثير برأيك وقولك ومعناك وكل ماتكتب
واشكرك كثير على تواجدك وحضورك بموضوعي اللي زاد خبرة وحكمة بأرائك ..
...
فعلا ساهر الليل متقلبة المزاج متعبة كثير وغير مريحة بتعاملها
يوم تهدي الدنيا بيمينها ويوم تهدي العذاب بيسارها
لكن الغريب ان بعض الحب اللي مافيه راحة بال يكون فعلا حب تغرك نفسك تحسب انك تقدر تغيرها وتمر السنين والحب محلك قف لايتحرك
ولا يتغير .وبعد كل السنين تكتشف فعلا اخوي سلطان انه كان حب من نوع خاص البعد والفراق هو تعبير الحب فيه .
,,,
وصدقت ان ها الانسانة بتكون مصدر خوف وعدم امان وتوقع نهاية بكل لحظة بداية ولاعمرك تثق بإحساسها حتى لو وثقت فيها هي .
:) اما عن التعب فحدث اخوي ولاحرج .ولاعمرك بتستمع بالحب الحقيقي
الاوقت ماهي تبي .
وارجع واعيد كلمتك اللي شرحت ابعاد الحيرة
انا مانقدر نختار في الحب . لكن الحب هو اللي يختارنا .
اممممممممم وانا حظي رااااااااااائع من خلق الله كلهم ... إختار
انتحارية المشاعر ومتقلبة المزاج .. وازدواجية الشخصية .
لاتنسانا اخوي من دعواتك لعل الله يزيل ها الحب اللي مايتلاشى ابد
ولا يتضائل . بل على العكس كل مامرت السنين كل ماكبر أكثر :(

------------------------
هاهاهاهاهاهاهاهاهاهاهاهاهاها :)
امتعنا دائماً بأفكارك المارادونيه المميزه
والله الافكار المارادونية تقدر تخليك تجيب اهدااااااااااااف من غير حارس ولامرمى ويش لون ذي انا مدري :)
------------------------
اشكرك كثير يالحبيب الغالي سلطان
واشكرك اكثر على ردك العزيز الصادق
وعلى فكرة توقيعك رائع كثير ولامهو بغريب عليك ابد عزيزي الغالي
والله يحفظك بكل الخير

[المعاند]

اولا وثانياً وثالثاً
اشكركٍ إختي على مشاركتكٍ وصفوة ردكٍ وروعة كلماتكٍ
وتسلمين على تعبيركٍٍ الراقي وحواركٍٍ القيم الصادق .
وصدقيني سعادتي كبيرة بردكٍٍٍْ ... صدقها هو تعبيري لكٍٍ بردي .

,,,
إختي شجون المحبة .,
صدقيني المزاجية تاثر على الحب بشكل كبير ويتوقف ذا بعد على
قدر المزاجية نفسها ... فيه ناس مزاجيتهم الى حد المرض والسقم
احيانا .
وهي اكثر من عيب لانها تضيع اجر حسناتها .
وتفقد المشاعر صدقها وتلقائيتها وعمقها
ومثل مافيه إنسان مزاجي يكره هذا تارة ... ويحب هذا تارة اخري
وش ها الشي اللي يحبه ويكره اكيد انسان معين يعني صارت مزاجيته هي محور حبه او كرهه لسواه
ولو حب ها الانسان بتعكس ازدواجيته على من يحب ...إلى شكل ملاحظ
يشكل خطر على العلاقة وينهيها ولو أوفت شروط الحب كلها .
لان أي طبع فينا هو يعكس على علاقتنا وتجاربنا وغلطاتنا اللي مصدرها الطبع نفسه .
... بزعمي إختي شجون المحبة ...ان المزاجية تتدخل كثير بقرارت
الحب او الحب نفسه . لانها طبع والطبع جزء كبير من التعامل .

....
اي انه عندما .....
اعشق انسان او احبه ........
فانني سبقى احبه في كل حالات مزاجي ,,
ولكن تصرفاتي هي التي سوف تختلف ...
ام الحب يبقى كما هو..
....
لأنكٍ إختي انسانة منصفة بمشاعركٍ وإنفعالاتكٍِ ماتخلطين أبد بين مزاجيتكٍ وحبكٍ ..
أحييكٍ على ها القدر الكبير من الطيبة والعدل
والشخصية الكريمة في مشاعرها .
لكن لو تصرفاتكٍٍ إختي إختلفت تعتقدين ذا بشكل غير مباشر أو مباشر بيجعل الحب مثل ماهو ... صدقيني لابد لها بحالة تبان اعراضها على الحب . ويتأثر منها وفيها .
ولكن لانكٍٍ تخيلتي كرم شخصيتكٍٍ وعطف انفعالاتكٍٍ ...
أعتقدت إن الناس مافيه بينهم منهم مزاجيين الى حد الترف في احزانهم .
لكن للاسف موجود إختي من يخلط بين مزاجيته وبين حبه كثير .
..
وختامي تحيتي الصادقة لكٍ
واحترامي وتقديري لكٍ
والله يحفظكٍ في كل حياتكٍ
وتسلمين :)