آآآآآخر انباء المظاهره بالجوف في شمال السعوديه يعني بديرتنا

[الحفار]

المسيرات ابتدات من ليلة امس وتجمعات انطلقت من نادي العروبه

قبل اذان المغرب

وتم اعتقال مجموعه كبيره من البارح

وبعد صلاة الجمعه اليوم عادت المسيرات مرة اخرى وتم اعتقال مجموعه

اخرى

ومازالت التجمعات مستمره والاتعقالات مستمره

وهناك بعض الاعتداءات على المتظاهرين وهي عباره عن ضرب خفيف بالعصي للي يرفض يطلع بالباص المخصص للاعتقال:(:(


وترى معاي واحد على الهاتف

اي سؤال من اعضاء سوالف انا جاهز والمراسل جاهز

[سديم]

هلا اخي عبد الله
شخبارك؟
طيب هل المتظاهرين سعوديين ؟ أم هناك جنسيات اخرى؟؟؟

[الحفار]

تم وضع جميع قوات الامن في الجوف والقريات

في حالة طواريء

وتم تجميع كل العسكريين في مواقع عملهم ؟؟؟


على ايش ناوين


بخبركم بعد قليل

[القط الوردي]

تو ماتوقفـت المشـاريع
عـن ديرتكم !

[الحفار]

الله يسلمك

والمتظاهرين سعوديين الا اذا فيه احد من الجاليات لابس ثوب

لان كل المتظاهرين لابسين ثياب بيض


تحياتي

[ma3gool]

هلا الحفار..بداية الالف ميل تبدأ بخطوه..والله يقويهم على الحق..
لكن تبي تعرف ليش يسوون كذا!!علشان ما يفتحون مجال للمظاهرات..لانهم اذا سمحوا بالمظاهرات شوي شوي بيتظاهرون على كل شي...المهم وش آخر الأخبار!!!!الله يفرج همهم ذا المساكين..قصدي الابطال..

[الحفار]

والله يا خوك المشاريع اتوقفت من ايام ازمت الخليج

لما وجدوا صور لجنود امريكيين مكتوب عليها كتابات ؟؟؟؟؟؟

طبعا عارف انت وش نوع هالكتابات


حتى والله يا خوك ان اهلنا يروحون يتعالجون في الاردن

مستشفى زي الناس ماعندنا


والانتر نت ماشغلوها بالديره الا قبل ثلاث شهور تقريبا

والظاهر راح يقطعونها

[الحفار]

ما زالت الامور كما هي عليه

وقبل شوي اتصلت على واحد من القرايب وصديق عمر

يقولون اهله انه من امس ما رجع :(:(:(

آآآآه ياقلبي عليه

الخوف من انهم يرحلونهم للرياض :(:( هناك يضحون فيهم لاعارف ولا معروف

الا وين عبد العزيز بن فهد يقول واحد من الاعضاء انه يقوم باعمال جليله

اشوف خله يطلعهم من المعتقالات ,,


آآآآآآه بس م .ما ضيعنا الا المزمرين والمطبلين

[قايد الريم]

استخدام القمع و العنف على شو ؟



لازم يعرف النظام أنه من المفروض يخلي متنفس لشعبه

يخلهم يعبرون عن رايهم و إلا النتيجه بكل تأكيد راح تكون عكسيه ؟




وين الدبلوماسيه السعوديه ؟



و عجبي من الأنظمه العربيه ؟



دارسين سياسيه و إلا ما يعرفون غير العنف السياسي ؟




تحياتي لك يا عبدالله


الريم

[الحفار]

هذي السعوديه

اكيد ما تعرفينها

عندنا كل شيء ممنوووووووووووووووووووع

مافيه شيء تعبر عن رايك فيه

الا اذا تكتب قصيده باحد الامراء هذا مسموح !! غير كذا لا

[ليالي]

:(

[الحفار]

آآآآآآمين الله معاهم

ويفك قيدهم باذنه تعالى

[سردال]

حفار... لدي استفسار.

هل أشعلوا النار؟
أم نددوا بالعار والشنار؟
هل هم عبيد أم هم أحرار؟
إن كانوا أحرار
فلماذا يريد حكامنا العار؟
---------------------------

سؤالي يا حفار، هل قام هؤلاء المتظاهرين باعمال تخريبية؟ إن كانت الإجابة بلا، فعار على هؤلاء الجند أن يعتقلوا هؤلاء الأحياء.. نعم غنهم أحياء بروحهم التي لم ترضى العار.

لماذا يريد حكامنا العار؟

[الحفار]

لا والله يالغالي لا احرقوا ولا خربوا

بس احرقوا علم امريكا وعلم لاسرائيل

وطبعا عارف انت ان حرق العلم امريكا جريمه يعاقب عليها القانون عندنا:(

..

كانوا يرددون

الاقصى الاقصى يناديكم

و

الجهاد الجهاد


وبس

[ليالي]

طيب يالحفار كم عددهم ؟؟واعتقلوا منهم كثير ولا كلهم ؟؟

[الحفار]

البارح اعتقلوا مجموعه

واليوم مجموعه ثانيه

بس عددهم الان ما اعرفه لكن انشاء الله بعد ما تنتهي المسيرات

راح احاول عرف العدد

,
فيه واحد قال لي تقريبا 60 شخص اللي تم اعتقالهم

لكن ماهو متاكد بالحيل بس يقول تقريبا

[زهرة الليلك]

عمو الحفار ..
متأكد ان الضرب كان خفيف وبالعصي بس !!!

[فارس مشاعر]

السلام عليكم ورحمة الله وبركاته
احب ان اوضح عدة نقاط00واتمنى ان يكون صدرك رحب للنقاش الهادف والموضوعي00البعيد عن الغوغاء واساليب انتم امبرياللين واسلوب الناصريين اللي عاف عليه الزمن0وانت مزمر ومطبل للسلطه00(على الاقل ماني من ادوات السلطه ولابس بدلتهم:)0)0عزيزي ان راح اتكلم معاك من منطلق واحد وهو امن ومصلحة وطني السعوديه بالدرجه الاولى فقط0ولست مع او ضد النظام00ولكن اعرف بانني ضد المخ والتفكير الضيق والقصير المدى واللي نفيسته في راس خشمه:)00وحاشاك يامستر عبدالله من ذلك00معليش اسف اقصد يا اخ عبدالله نسيت انك تكره كل شي امريكي0000
1-صاحب السمو الملكي عبدالعزيز بن فهد امير ولد ملك واجداده حكام00ولهم كل احترامهم والتقدير لهم00مثل ما انت من قبيله كبيره وشجاعه ويشهد لها بذلك قبيلة شمر خوال اميرنا المحبوب ولي العهد صاحب السمو الملكي عبدالله بن عبد العزيز000يمكن انت لاتعلم شي عن الامير عبد العزيز00ويمكن تقرا وتشاهد بعض الشائعات المغرضه00عزيزي افعال هذا الامير الطيبه كثيره00ولست اعلم شيئا عن افعال مشينه او سيئه عنه والله العالم00وايضاليس كل الامراء باصحاب سمعه طيبه ككل البشر000
2-عزيزي عبدالله السياسه والملك امور معقده منذ اقدم العصور وحتى بعد وفاة الرسول صلى الله عليه وسلم00عزيزي السياسه لعبه قذره جدا00عزيزي ان تحكم شعب وامه ليس من السهل000عزيزي هناك امور تجري وتجري في كل الدول وتباح من اجل استقرار كل بلد00كمثال الدوام والعمل المهم فيه الحظور والانصراف لكي يكون معلوم ان عدد من الموطنين منهمكين وموجودين في مكان معلوم وفي وقت محدود وهذا من المهام الامنيه لكل دوله فلابد للدول ان تعرف اين مواطنيها وماذا يعملون00وهذه سياسه داخليه فاحيانا الدول لاتنتظر منك انتاج المهم تحظر الدوام حتى لايكون هناك مجال لكي تفكر او تخطط وغير ذلك من الامور00عموما هذه امور امنيه وسياسيه00شرحها والكلام فيها طويل0000ومن اجل الحكم واستقراره يذبح الالف لكي يعيش المليون ويذبح الولد اباه لو احس بانه سوف يفرط بالحكم وغيرها من امور وحساسيات الحكم00القصد ان الحكم والامن الداخلي من الامور المعقده00
3-تخيل ياعزيزي لو انك فجاه صرت لواء وش راح تسوي ياعبدالله وهل قناعاتك وكلامك راح تختلف000 ونظرتك للوضع العام والامني خاصة؟؟00تخيل لو انك الملك او احد افراد الاسره الحاكمه00وش كان مرئياتك للاوضاع وردة فعلك عليها00عزيزي حبيت بس اني اقولك ان كلا يغني لمصالحه واهدافه00والنظام هو الاعرف لمصلحة الوطن اكثر من الافراد00
4-عزيزي انا والله العظيم صار يجيني غثيان من نغمة امريكا اللي تعزفون عليها000عزيزي انا راح اتحالف مع ابو الشيطان من اجل مصلحة وامن وطني000عزيزي الحفار انت من رجال السلطه وادواتها فالاجدر بك اذا لم تكن راضي عن الاوضاع ومتذمر دائماان تكون لديك نوع من الاخلاقيات اللتي تبيح لك رمي هذه البدله والدعس عليها لكي تكون فعلا صادقا اولا مع نفسك وثانيا صادقا في كل ماتكتب000
وسلامتكم جميعا000

[الحفار]

لان البلد مو كبيره واغلبهم يعرفون بعض او يقربون لبعض

ومظطرين يسوون هالشيء


بس الخوف انهم يودونهم للرياض :(

[زهرة الليلك]

عمو .. طيب واذا خذوهم للرياض ايش بيصير ..
يعني ضاعوا المساكين !!!!!!!!!

[دمعه]

الله ينصر المسلمين ولو كانوا في آخر الأرض...
وإن شاء الله ينصر الأبطال منا ومنكم .. فاهم قصدي ..
وتدري كنت أفكر من البارحة اني اسوي مظاهرات في المدرسة يمكن ترق قلوبهم ويقولون هذولي بنات نخليهم وما نسويلهم شي؟؟؟

[الحفار]

كلامك حلو وماعليه خلاف وعلى عيني وراسي

وحياك الله قبل كل شيء

......................

بس تعال وقل لي

وشو الشيء اللي انا كتبته غير صحيح ؟؟

ردك ياعزيزي هو مبررات للافعال والممارسات الخطأ , وتبرير الخطأ يا عزيزي خطأ

,,
قبل لا اتخرج انا اقسمت على شيء ولا اقدر انقض هذا العهد

وكان من ضمن القسم

,,
ان ادافع عن مليكي ووطني فوق كل ارض وتحت كل سماء,,


وشعار العسكريه (( الله , المليك , الوطن ))

وانا ما زلت عند قسمي ولن اخلفه حتى لو قتلت دونه .

لكن هذا لا يعني , ان مانراه يحدث من سياسة خاطئه لا ينكرها عاقل

تدار بها البلاد

يا اخي .هناك فرق ان نقول هناك خطأ او او نقول كل شيء صح ,,

اما اني ارمي البدله وادعس عليها برجلي فوالله اني ما انهبلت حتى الان حتى اسوي هالسالفه واضيع تعب سنين وشقى عمر,,

الان خريجين جامعات ماهم لاقين وظايف محترمه ,,,,

واذا انت تعطيني مجموع رواتبي اللي باقيه لي من الخدمه . انا ممكن اقدم استقالتي
,,

ها وش قلت :)

تحياتي لك اخي فارس

[الحفار]

لا تفكرين بهالسوالف وانا اخوك

يمكن ما يسجنونكم

بس راح يفصلونكم من المدرسه

,,,

[جواد الليل]

انا ارى ان المظاهرات ما تفيد في شي , يعني زين طلعو مظاهرة , طيب وبعدين !! وش استفادو ؟! حررو فلسطين !؟؟
النظام عندنا ما يسمح , ويجب ان نطيع النظام , ولا تحسبون ان الدول الأخرى يخرج المتظاهرون بها بدون اذن السلطات .
لا حبيبي كل شيئ يتم بموافقة السلطات عندهم .
بعدين بصراحة حنا شعب ما يعرف عن هذه الأمور ولا تنفع لنا والدليل انه اذا فاز المنتخب او النصر او الهلال شوف اللي يصير من الشباب من تخريب واستهتار , ليش ؟! لأنهم تجمعو , فما بالك اذا كان الأمر سياسي !
شوف يوم افتتاح برج الفيصلية ! صار اعمال شغب في شارع العليا العام والثلاثين من الشباب الغير واعي , وفعلا اثبت انه غير واعي .
فشباب مثل هذا يخشى منه وعليه من المظاهرات فمن الممكن ايضا ان يندس بينهم الحاقدون ويحمسونهم ويملأون رؤسهم باشياء لا يحمد عقباها .
اذن انا ضد التجمع , خصوصا ان التجمع لن يعطي المسلمين مترا واحدا في القدس . فما الفائدة منه .. ؟؟
الا انهم يبون يقلدون الآخرين ؟! بس الآخرين أوعى منا في هذه الأمور وعاشو عليها , ويعرفون ان مظاهرة يعني احتجاج على وضع معين , لكن عندنا بتصير تفحيط وهبل وتمرد و و و ... .
الله يهديكم بس , احتجاجكم الكل يعرفه وأكيد ان كل مسلم يشعر بشعوركم ولا حاجة الا ان تتجمعو كي تقولو نحن محتجين , أصلا احتجاجكم لن ينفع القدس ولا اهلها الذين يذبحون الآن .
---------------------------------------------------------------
والله من وراء القصد

[دمعه]

إذا انفصلت من المدرسة اهنيه في السعودية ..
بنقبل بره واحنا عدنا ناس يصيرون لنا في البحرين ، لبنان ،إيران يعني ما راح اتعطل .. صح؟؟؟

[الحفار]

شوف الموضوع هذا
http://www.swalif.net/sforum/showthread.php?threadid=65145


,,,,,,,,,,,,,,,,,,

هلا دمعه

لا غلط مو صح

واهلكم واخوانكم وظايفهم واعمالهم ومصالحهم

حرام تروح على شان مظاهره , لا يمكن انها تجيب نتيجه

[دمعه]

أخوي كلامك صح ...:(
بس والله ابي اسوي شي الوضع هذيه ينرفزني وايد وانا الحين ابي اكسر هالكمبيوتر على راس اللي ايي قدامي ويقولي طفي الكمبيوتر وقومي...

[شرخشين2000]

ما عندك سالفة ،، بقوووووووة

الحين جالس معبي لي صفحات عنت معاناة فلسطين ،،
ولا انتبهت لتوقيع أحد الاعضاء / العضوات اللي ردّوا عليك ؟؟

الصراحة كنت منشد لك في البداية بقوة ،، لكن بعد اللي قريته :(

طحت من عيني ،،

وش هالمهدي ؟؟ بالله قل لي ؟؟ ما تجرح في دينك هالكلمة ؟؟

الله يهديك يا عبدالله

أنا أنتظر ردّك

[الحفار]

ونا مالي انا

كل عضو حر بتوقيعه

وشوف تو قيعي الجديد.
.
.
.
.
.
.
.
.
.
http://www.geocities.com/qaeidalreem/uandmeee.gif

[نعمة]

أسمحلي أن أقول لك بأن كلامك غير منطقي أي أمن داخلي هذا الذي تتحدث عنه وهل البلاد التي ينظم شعبها المسيرات السلمية هي بلدان تفتقد للأمن الداخلي؟الا اذا كانت هذه الدولة واهية الأركان بحيث أن مجردخروج مظاهرة أو مسيرة سيهدد أمنها الداخلي (على حد تعبيرك )أوسيقلب نظام الحكم فيها
هل من الممكن أن تقول لي بأي دين يقبل هذا الكلام الذي تقوله(من أجل الحكم و استقراره يذبح كذا كذا الخ) أهذه هي مسؤولية الحكم برأيك أمام الله سبحانه وتعالى أخي أعلم بأنه شرعا الحكم أو الاستخلاف المراد منه اقامة حكم الله و ليس الهدف من الحكم هو الكرسي وتثبيت العرش لهذا الملك أو ذاك والا أصبحت دكتاتورية كما في باقي البلاد العربيةوأعلم أيضا بأه في الدين الاسلامي الغاية لاتبرر الوسيلةقد يفلح الملوك والأمراء باضفاء الصبغة الشرعية على حكمهم باضافة المسميات (خادم الحرمين الشريفين)والسماح ببعض الأنشطة التي لا تهدد أمن كراسيهم (وليس أمن البلاد الداخلي) وما الى ذلك ولكنهم لن يستطيعوا الاستمرار في ذلك
والا ما داعي الأعتقالات بسبب مظاهرة ومظاهرة قامت لنصرة اخواننا في فلسطين الحبيبة لنصرة الاقصى الأسير هذه أدنى مظاهر النصرة والمؤازرة أليست السعودية بلد مسلم أليس عليها حق نصرة المسلنين في كل ماكن أم أن واجب الأمراء والملوك مقتصر فقط على مد يد العون للموارنة في لبنان(وقت الحرب الأهلية)بارسال السلاح اليهم لذبح السلمين السنة هناك أم أنه مد يد العون لجيش جون قرنق الصليبي
يأخي ان الخير في الشعب وليس في حكامهم كما تدعي

اللهم هل بلغت اللهم فاشهد

[wildorchid]

لحظه..


بارجع لك بعدين :)

[جواد الليل]

كل اللي موجودين هناك راحو يتفرجون !!
يبون يشوفون وش هي هذه المظاهرات , والشرطة كانت واصلة قبلهم , والناس تتمشى وتناظر بعضها وتقول وين المظاهرة !
والشرطة تحاول تفريق التجمعات بكل أدب , وكذلك فتح حركة السير .
هذا كل شيئ .
خلاص تحررت فلسطين من شارع الستين .
قلنا لكم المظاهرات والتجمعات ما منها فايدة , بس خلاص الناس صارت ودها تقلد في كل شيء !!
قلدتو الآخرين ؟! مبسوطين ؟! طيب وبعدين !!
والله صدق اننا عرب :(

[الحفار]

ابشركم ولله الحمد تم اطلاق جميع المعتقلين

والناس راحت لبيوتها

وكل شيء تمام

والامن مستتب

ومافيه احد بالمستشفيات

والحمد لله على نعمة الامن والامان


وتم اقفال الموضوع وفكونا منها سيره لا تكبر السالفه ,
.
.
.
.
.
.
.
.
http://www.geocities.com/qaeidalreem/uandmeee.gif

[تفاحة]

مظاهرات على ايش ؟؟؟؟؟؟//

لا يكون على ارتفاع اسعار الكهرب // ولا البنزين ؟؟؟؟:(

تحياتي //

[الحفار]

عاد هذي نخسى نسويها:(:(

على شان اسرائيل ويالله السلامه

:(:(

والله يا تفاحه انتي اللي فاهمتني

[فارس مشاعر]

الاخ العزيز الحفار اشكر لك ردك الكريم000وعلى طاري الوظيفه انها لاتطير00فاقولك تحمد الله على العافيه:):)ولاطارت الوظيفه لاقدر الله لافارس ولاغيره راح احد ينفعك:(000وسلامتك00

الاخ جواد الليل اعجبني ردك واحترمه جدا000واحب ان انوه للجميع وللمندسين واللذين يخلطون الاوراق عمدا بان السعوديه وغيرها ليست ضد احراق حتى علم البرازيل ولكن هو مبدا ان المظاهرات مرفوضه وان المضاهرات لن تعيد فلسطين00فهي اشبه باسواق البورصه الذي ترتفع فيه المزايدات فقط بالاصوات0000وسلامتك00

الاخت نعمه العزيزه اشكر لكي ردك الطيب واحترم رايك 00ولكن هل تعرفين وتعلمين بان السياسه ليس فيها نخوه ولا مباديءولا شجاعه وانما مصالح واهداف مشتركه0و السياسه من اقذر الالعاب وممكن تكون عدو اليوم وتصير حبيبي غدا00او العكس0وعشان مصالحي وانت عدوي اتفق مع اشد اعدائي ضدك حتى لو كان يخالفني في المبدأ والدين ولكن جمعتنا المصالح00عزيزتي انا لااود ان اسهب في هذه المواضيع المقرفه عن السياسه00عزيزتي ما تتكلمين عنه من استخلاف وخليفة الله في الارض00ووامعتصماه00 اشياء اندثرت وانتهت00لان الايمان والاسلام اندثر معها000فلذلك اتمنى ان نتحدث في الواقع ونتخلى عن الخيال والاماني0وانتي تقولين بانني لست منطقي:) سبحان الله؟؟؟00عزيزتي انا اتكلم عن الواقع واحب ان اكون واقعي وليس بالضروري ان اكون مع او احب هذا الواقع ولكني اعرف جيدا ان علي الاعتراف به والتعاطي معه00وسلامتك0000

[لميس]

اليوم وفي الساعة 10صباحاً أنطلقت مسيرة سلمية في جامعتنا (جامعة البحرين) وكان هناك تجمع تم فيه إلقاء عدد من الكلمات والخواطر.. وأعلنت الجامعة أستمرار هذي الفعاليات لبضع أيام قادمة...

اللهم أنصر المسلمين في فلسطين..
اللهـــم أعـــز الإســــلام والمسلميـــن...

[المسطول]

اعذرونى دخلت متاخر بس متعمد
اسفطوا كلامى هم معليش

انا كنت بشارك بعدين رفعت ايدي
قلت خلينى اتفرج على الردود

وتراكم وسعتوا سدرى بس ياخواني الاعزاء
مواضيع زي هذى مايصلح انها تنعرض حاليا
فى سوالف (وخصوصا السياسه السعوديه)
(يمكن لانه القليل اللى فاهم سياسة الديره
وترى لوا فكرتوا فيها نحمد الله احيان)
لانه فى ناس لسه جالسه تنافق نفسها وتنافق غيرها
بس تبغى تستفز والردود اللى عليها ولا احلى (لاتزعلون)
لانه واضح جدا انه مافى احد كاتب من قلبه والكل يبغى يتضارب
يعنى اقروا الموضوع مره ثانيه وبتلاحظون قصدى
يعنى مايسوي كل هالكلام الحلو اللى ممكن انه يحرك مشاعر ناس
قلوبها باردة يروح هدر ويتحور الى لا شيئ في الاغلب
شوفوا الردود تلاحظون انه في بعضها يقهر
وودكم لو تكون احلى بس مين اللي بيرد

الاخ الحفار اشكرك على هالموضوع لانك ربما الاشجع والافضل
بس لسه فى ناس يقهرون

كلمه اخيرة

انا متاكد انه كلامى يمكن ما يعجب الاغلب

بس هو موجة للكل بشكل عام

وما احب انى اخص

واتمنى انه ماحد يزعل منى


الحفار انا اسف لانى ادهرت في موضوعك عزيزي
بس حسيت انى مجبور
____________________________________

سامحونى
ترى سطل لسه بريئ
مع تحيات المسطول ياحبائى
y_stop@yahoo.com

[صوت الحب الحزين]

معقول ليش هالرعب كلة