للجميع .. بدون استثناء

[زهرة الليلك]

أولا أحب أن أرحب بكل الموجودين من الاعضاء القدامى و الجدد..

وبما إني شايفة ان عدد عائلة سوالف كبر بشكل غير طبيعي و الله يكثر نسلكم ان شاء الله ولا تنقرضون فجأة .. أتمنى من كل شخص يدخل يعطينا ولو نبذه بسيطة عن نفسه .. عشان نعرف بعض أكثر

على سبيل المثال ..

العمر .. البلد .. المستوى التعليمي و الثقافي .. الهوايات و الاهتمامات ..

واللي عنده شي حاب يزيده فأهلا وسهلا ..

ومرة ثانية أذكركم ان الموضوع غير مقتصر على الجدد فقط
" وحدة ما تحب التفرقة " :)

تحياتي :)

[khalid99]

خالد:)

الدمام ( الهوى شرقي ):)

بكالريوس محاسبه

الشعر والشعر والشعر

[زهرة الليلك]

شكرا لمشاركتك .. وبما ان تخصصك بكالريوس محاسبة حنعطيك وظيفة المدير المالي لسوالف :)

[Miss Internet]

العمر : اتعرفين مجلة (تحت العشرين) ؟؟
البلد : الامارات العربية المتحدة
المستوى التعليمي و الثقافي : طـالبة
الهوايات و الاهتمامات : كمـبيـوتــر + انتــــرنـت + القراءة

:)

[زهرة الليلك]

هلا فيك عزيزتي .. ولا تزعلين

العمر: زهرة في العشرين :)
البلد: المملكة العربية السعودية :)
التخصص: قريب ان شاء الله أحصل على بكالريوس إدارة أعمال
الهوايات: الرسم .. القراءة .. الكتابة :)

[شوق الامارات]

هلا اختي
العمر .. الاعمار بيد الله
البلد .. على سطح الكرة الارضية .. السطح البري و هواي بحري .. تحديدا في الوطن العربي ..
أيه مينه ..لا لا مناك .. يعني وصلتي ..أيه عند الخليج .. ما عرفتي وين .. جارتكم .. بعد ما عرفتي
خلاص راح اريحج .. أيه وصلتي .. هذه هي دار زايد .. أي والله هي ما غيرها .. الامارات ..

المستوى التعليمي . . جامعية
اهتم بالقراءة و خاصه الشعر
و بس
لا شيء ثاني
و الا اقول ما راح اقول ليج
ممصمة تعرفين ..
زين تعالي ..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
تعبتي ..
خذي فترة من الراحة
ارتحتي ..
.
.
.
.
.
.
.
.
.
.
.
.
.
.
.
.
.
.
.
.
وصلتي
حمد لله على السلامة
بس حبيت اسلم عليج


تقبلي تحياتي
اختك
شوق

[HAKoNaMaTaTa]

العمر : 18 سنه
البلد : ارض المحبة والسلام.... الكويــــــــت.....
الهوايات : الرسم والانترنت والقراءة والسباحة :)

[نسر]

العمر : 17 ( مب 71 )
البلد و المدينة : المملكة العربية السعودية .. الدمام .
المستوى التعليمي : طالب ثانوي ( و تحديدا في الثالث ثانوي ) .
الهواية : ما أهتم بشي محدد لكن أحب إنه تكون عندي خلفية عن كل شي مثل السيارات و الإنترنت ( يعني القراءة ) ...

[gadeer]

العمر : 18 سنة:)
البلد : دار الغالي زايد _ الله يحفظه_ الامــارات :)
المستوى التعليمي : سنة أولى جامعة :)
هواياتي : الكمبيوتر - الرسم:) - القراءة

شو بعد .. خلاص .. وسلامتكم :):)

[طيفان]

و الله ابي اقول الصراحة .. وش فيه احلى من الصراحة ;

العمر :- 18 .

البلد :- المملكة العربية السعودية .

المستوى التعليمي :- آخر سنة دراسية " ثالث ثانوي " .

~~ الثقافي :- زين يمشّي الحال .

البلد المفضّل :- الإمارات .

أفضل فنّان :- كاظم الساهر .

أفضل فنّانة :- ديانا حدّاد .

أفضل أغنية :- اغسلي بالبرد .

أفضل قصيدة :-

اغسلي بالبرد ... قلب صبٍّ تشهّد

بعد عقلٍ يدلّه ... ضاع منه الدليل

ساهرٍ ما رقد ... لين جفنه تجمّد

يسهر الليل كلّه ... في نحيبٍ طويل

جمر شوقي توقّد ... في ضميري و عوّد

بالعنا و الكلافة ... و البكا و العويل

له نصيب الأسد ... في فؤادي مؤكّد

و ناظري مستحلّه ... و ما لحبّه بديل

( كلّما الليل رد ... ذكرها له تجدّد

علّةٍ فوق علّة ... و من يداوي العليل ؟؟؟ )

Who can do that ???

الفريق اللي أشجعه :- الهلال السعودي " الزعيم " .

أفضل لاعب :- يوسف الثنيّان " النمر الأزرق " .

الهوايات :- كرة القدم و البحث في المجالات العلمية و الأدبية .

الأمنية :- مبرمج أو مهندس حاسب .

نصيحة :- لاخواني و اخواتي العرب و المسلمين و اقولها بصدق ...

انتبهوا للخطر القادم من الغرب جيّداً ... فهم العدو الحقيقي

لنا .. و بإذن الله سننتصر عليهم .. و أنتم اخواني أكبر

من ان أنصحكم ... و شكراً .

[تم تعديل الموضوع بواسطة طيفان يوم 18-08-2000 في 04:28 AM]

[gar7_al7beb]

السلام عليكم
شكرا اختي زهرة على هالموضوع الشيق
العمر : 19
طالب ثانوية عامة
من المملكة العربية السعودية جدة
الهوايات :السيارات +المغامرات
وأنا صديق جديد
بس يااخت زهرة الليلك (اسم جميل)ماعرفنا شي عنك

[شرخشين2000]

مرررررررحبا ،، أنا مدهش ،، قصدي شرخشين

العمر 18 سنة ( أكبر من نسر ،، ويويويو )
البلد ،، المملكة العربية السعودية ،، من عروس الشرقية الدمام
المواصفات ،، جلد وفتحة سقف وطبلون الكتروني ،،
العداد ،، 44 ألف و شوي ‍

السعر المطلوب ،، الى الحين ما سيم ‍‍

تحياتــــ للجميع ــــــي

[lip_gloss]

عمري والله
:) :) :) :)
19او نص يعني عقب خمس الشهور بكون 20 ..
المستوى التعليمي: طالبه جامعيه
البلد بالتحديد:
دبي دار الحي...
أما عن هوايتي ..
الفروسيــــــــــــــــــــــــه :) والتسوق :)

[زهرة الليلك]

شوق الامارات

HAKoNaMaTaTa

نسر


gadeer


طيفان


gar7_al7beb

شرخشين2000

lip_gloss

للجميع .. شكرا لمساهماتكم .. بس أنا لاحظت عليكم شي ..
كلكم تقريبا من نفس السن يعني بالعربي كذه شكلكم شلة وحدة ومتفقين تسجلون مع بعض :)

تحياتي لكم جميعا وأتمنى تكون مشاركاتكم دائما هادفة في سوالف والاحترام متبادل بين الجميع ..

عمتكم ..

[لميس]

انا كنت ناويه اكتب لكم عن نفسي في أول موضوع..بس كنت مستعيله واليحن يات الفرصه..

أسمي لميس..وتراه أسمي الحقيقي
عمري 21
ادرس ادارة اعمال تخصص ادارة
هوايتي الي اموت فيها السباحة..وهذا الي خلاني اشتغل مدربة سباحة لاطفال في روضة ضمن النشاط الصيفي ووقتها كان عمري 16سنه يعني من خمس سنوات وواصلت معاهم كل صيف الا السنه هذي لاني مرتبطه بكورس تدريب عملي (يعني بعد شغل)..وهوايتي الثانية الكمبيوتر

بعد شي...أكثر شي اكرهه هو الطبخ :)

كفايه هذا..عشان ما اطول عليكم
وسلامتكم...

[بياع القلوب]

لازم الفضايح يعني ؟؟؟؟
مو مشكلة

انا بياع
من السعودية - الدمام
خريج جامعة - أدب انجليزي - وكنت ادرس ماجستير لكن اجلت الدراسه شوي ...
العمر احسبوا عاد - جامعة واشتغل من كم سنه - وعليكم الحساب

اعمل مدير علاقات عامة ....
وكاتب شبه معروف بالجرائد المحلية ( الصفحات الثقافية والادب الغربي) .. واخر مقال لي كان امس الخميس بجريدة اليوم السعودية:)

هواياتي / السفر - الطيران (طيار خاص) - الفلسفة الزايده :) - الانترنت /

لكم تحياتي
بياعوه

[imposiple]

انا

العمر :استحي اخاف تجولون ياهل
البلد:الحر تكفيه الإشارة
الهوايات: بعدني اختار ومب عارف ارسيلي على بر
المستوى التعليمي :وين تبون بعد خلاص راحت علينا
http://www.harrythecat.com/graphics/k/eye4.gif


المستحيل

[HaMaD12]

الإسم:حمد





العمر:12سنة (كبير شوي)




الدولة: الإمـــــــــا رات




الهوايات: ؟؟؟؟!






المهنة: طالب (ثاني إعدادي)








أنا أكبر واحــــــد في http://www.swalif.net/sforum/images/1.gif

[طيفان]

حبيبي حمد حبّيتك يا اخوي العود و الله حبّيتك .. بس شوف

احترم اخوانك اللي اصغر منّك .. مو تسوّي فيها عود و تشرشحنا ..

زين ..

http://taifan.8m.com/moh3.jpg

[MUSLIMAH]

يا بأختي العزيزة زهرة الليلك .. :)

الاسم : مسلمة . :)
العمر : ----- .
البلد : الكويت . :)
المستوى الثقافي : الثانوية العامة ( لي الحين ما خلصتها ) :)
الهوايات : القراءة .

[ريانة]

مربا زهرة طبعا ما يحتاج اعرفك على نفسي:) والا اش رايك

بس على العموم نعرف للي ما يعرف من اعل سوالف

الإسم/ ريانة( اسم مستعار،الصراحة راحة)

العمر/ 25 ربع

البلد/ المملكة العربية السعودية

موضفة ولدي الكثير من الهوايات..................إلخ.)

[زهرة الليلك]

لميس ..

والله وطلعنا مشتركين في نفس المجال :) إدارة ها :)

----------------

بياع ..

هلا والله بطيارنا اللي راح نسافر معاه في سوالف :)

[القط الوردي]

هـأ تبين اقـول ولا عـارفة:):)

[زهرة الليلك]

imposiple

ما اتفقنا على كذه .. لو سمحت تعرف على نفسك بشكل واضح .. مثل الباقي يعني :)

-----------------------

HaMaD12

هلا والله بالطالب المجتهد :)

-----------------------

طيفان ..

غيران من عمك الصغنن :)

-----------------------

MUSLIMAH

وان شاء الله كلنا مسلمين بعد :)

-----------------------

ريانة ..

ها خيتو .. كيفك ولا كأني تو جايه من بره وانتي معاي :)

[HaMaD12]

أنـــــــا طــــــــــــــــــــــــــالب راسب مب
نـــــــــــــــــــــــــــــــــــــــــــــــــــــــــــــــــــــــــــــــاجح

[زهرة الليلك]

القط الملون ..

قول عشان الباقي يعرفون :)


---------------------------

حمد ..

طيب وراسب ليه :(

[HaMaD12]

الدنيا هيك!! :):):)

[طيفان]

إذا كان أنت اخونا العود راسب ... احنا بأه إيييييه ..

[HaMaD12]

أنا ناجح مب راسب منو طلع الإشاعة

[طيفان]

مبروووووووووووووك حمّودي .. عقبال ما أصير مثلك و ارسب في ثاني

إعدادي .. شوف اخوي .. ثاني إعدادي مو سهل ... انتبه من مادة

الرياضة أصعب مادة في ذي المرحلة ..

OK ...

[marwah]

الاسم ::: اخت زهرة
العمر ::: 50 سنة و4 شهور ويوم واحد
الهواية ::: القعدة على الانترنت والنوم والاكل والطلعة ......الخ
بعد في شي .. ما اظن اسكت احسن صح

[شمس الشموسة]

مرحبا الغاليه.. تدرين عجبني فيج.. شيء واحد وهو حبج للكل وانج مااتحبين التفرقة.. ونحن هاليه نبغيه من كل اعضاء سوالف سواء القدامى او الجدد.. الله يبارك لج ان شاءالله في كل شيء.. ومدام انه معظم اليه ردوا عليج. اعطوج نبذه عن انفسهم.. انا بعد قلت ليش ما اسوي مثلهم.. واصير وحده حالي كحالهم.. يعني بالعربي الفصيح( رازه ويهي في كل مكان) او مثل ما يقولون عندنا.. ( راس البصل في كل مطبخ) المهم::)
اسمي.. ع.ح.أ:)
العمر.. صح اني ما ابغي انفضح.. بس يلاه كلنا اخوان وربع اهني في ساحة سوالف.. عمري 20 سنة:)

المهنة... مثل ما يقولون لو انه ما امبين عليه.. طالبة جامعية.. :)

تخصصي... انظمة معلومات.. الله يستر.. من الياي:)

الدولة.. دولتي.. وحبيبتي.. الامارات العربية المتحده/ دبي:)
وشكرا لج.. والى الامام ان شاء الله تعالى

[شمس الشموسة]

مرحبا.. شفتي عاد.. انا اشلون اتبهدلت.. اوني عاد قاعده اكتب لج عن نفسي.. واعرف بنفسي.. وقاعده اقول انا منو.. فآخر شيء.. اكتشفت اني سجلت كل هاي الاشياء في صفحة ثانية.. عاد لو تبغين اتعرفين الله يخليج.. دوري .. لاني انا بروحي ما اعرف وين سجلت كل اليه كتبته.. بس هو مب خارج عن صفحة.. (سوالف الاصدقاء) الله يجازي الظالم.. خلوني.. مول ما اعرف وين شرقي ووين غربي.. والسموحه..:)

[فارس مشاعر]

فارس مشاعر
الدوله:بني فارس0
الوظيفه:مهندس0
الحاله الاجتماعيه:اعزب
حالة المشاعر:توقف النبض00وماينام الليل الا ابو قلب خالي0
العمر:25سنه
الهوايات:الشعروالسباحه والفروسيه والانترنت

[ونات]

اللقب : ونات
العمر : 23 مواليد برج السرطان
المستوى التعليمي:بكالوريوس علوم الحاسب الالي- جامعة الامارات
البلد: مقيمة في الامارات
الهواية : احب كل شي...الطبيعة، القراءة، الطبخ ...الخ
فصيلة الدم :+ A
بس يكفيكم

[amera1]

أما بخصوصي فأعرفكم بنفسي

الإسم أميره

أنا من دانة الخليج عرفتوها ؟؟

الهوايات كل الاشغال اليدويه والحرف

اوووه صح تبين العمر بعد مو مشكله مره ثانيه :)

المستوى الثقافي الحمد لله ماعليه غبار :)

[HaMaD12]

طيفان أشكرك على النصيحة
Thanks

[HaMaD12]

طيفان أشكرك على النصيحة
Thanks

[خله على كيفه]

كويتي
19
السنه الدراسيه اليايه اول كورس لي بالجامعه
هندسه وشكلي بروح كليه العلوم لاني سامع يقولون
اذا يبت معدل عالي تقدر تدش الكليه الي تبيها
وانا حلم حياتي وامنيتي وكل شي ما اقدر اوصف لكم
كليه الطــــــــــــــــــــــــــــــــــــــــــــــب
يا رب ادشها قولوووو وياي بليز

[طيفان]

بليـــــــــــز ... فيه غيره أقوله ؟

[زهرة الليلك]

marwah

أهلين بخيتوا :)

------------------

شمس الشموسة

هلا والله وحياك ياشموسة :)

-------------------

فارس مشاعر

هلا والله وحياك يا باش مهندس :)

-------------------

ونات ..

:)

-------------------
amera1

هلا بأهل البحرين :)


--------------------

خله على كيفه..

الله يوفقك وتدخل التخصص اللي تبيه :)