View Full Version : عفوا اصدقاء سوالف..انا رجال؟؟
wildorchid
10-01-2000, 10:49 AM
ايه
مو لما يشوفون وحده جريئه وشجاعه
قالوا اعوذ بالله كنها رجال...؟؟؟
ليه يعني؟ مالي نفس؟
والله ان فيه حريم يسوون 10 رجال
معليش سامحوني تالي الليل
واكيد كحيلان شد شعره من عناويني..صح؟
طلعتي الشيب براسنا يا اوركيد مع هالعناوين الرهيبة اللي تختاريها http://www.swalif.net/swalif1/ubb/smile.gif
الموضوع حلو بس بقول رأيي بعدين علشان أعرف رأي الباقين .. ويا هلا بكم ..
كحيلان
10-01-2000, 10:55 AM
هاهاهاهاهاهاها
اوركيد انت منين تجبيبن هالمواضيع
مراهق
10-01-2000, 10:56 AM
والله العظيم إني انخضيت .. لما شفت عنوان موضوعك ..
قلت شالسالفة .. خير اللهم اجعله خير ..
...
نسامحك على إيش ؟!
انتي مو غلطانة علىشان نسامحك !
...
أنا أعتقد إن هذي المسألة سببها إن مجتمعنا الذكوري يقدس مفهوم اسمه الرجولة .. وأنا أظن إن كثير يمكن يختلفون معي .. بس أنا مصر على النقطة .. مجتمعنا يقدس الرجولة !
...
وهذي طبعا .. غلط !
...
كحيلان ، شديت شعرك ولاّ لأ ؟!
------------------
إني لا أؤمن في حب لا يحمل نزق الثوار ~ moraheq@web.com
wildorchid
10-01-2000, 04:25 PM
اولا:
كون الوحده تتمتع بالشجاعه (الادبيه وغيرها)
والقوه شيء ما يعيبها ابدا.....
احيانا فيه بعض المواق التي تتطلب من الواحد
الشجاعه ورباطه الجأش بغض النظر عن جنسه..
انا يمكن اكتسبت شويه خشونه بحكم عملي في
مستشفى لانه وللاسف فيه ناس لازالت نظرتهم قاصره
لعملك مما يخليك تعطيهم على روسهم....
وين ثانيا؟ مادري
أبو عبد العزيز
10-01-2000, 04:58 PM
y y y
ممكن سؤال يا wildorchid ليش تحرقين أعصابك على هذه المواضيع التافيه اللي ما يقولها إلا واحد تافه
ثانيا من قال كذا علشان يتأدب بقوه ....؟
------------------
وبلت أخبار الرجال فلم أجد رجلاً...يؤثر دون أن يأثر...إلا النبي محمد فجعله مثلا...وسرت على هداه مكبرى
أصيل الليل
10-01-2000, 05:06 PM
مستشفى يعني
ملائكة الرحمة
لا تاخذون على كلامي الأيام هذي هئ هئ هئ هئ
(just me)
أختي العزيزه
هناك مثل دارج باالعاميه يقول مادح نفسه يبيله رفسه
سواء كنت خشنه بالتعامل أو ناعمة الأسلوب والملمس هذا شيء ليس لنا فيه
أي دخل
وأتمنى أنت تكوني شجاعه كما ترين وتتقبلين ردي بصدر رحب
والعمل في المستشفى يكسب الشخص الحنان والرقه وليس الخشونه
وكل عام وأنتم بخير
wildorchid
10-01-2000, 06:12 PM
احم.... اخ ماجد
يعني اجهز نفسي للرفسه؟؟؟؟
بعدين من قال اني كنت امدح نفسي؟ ابدا
اختلاف الرأي لا يفسد للود قضيه اعرف ولكن ردك ماكان
له داعي ولا حتى اي هدف
كان مجرد للتجريح بس.. ما قول غير ان هذي مساحه حره
ومن حق اي واحد انه يكتب اي حاجه يبغاها واللي مو عاجبه
لا يقرا لي والا حتى الحريه هنا ممنوعه كمان؟؟؟؟
------------------
Nothing like a true friendship
مراهق
10-01-2000, 06:16 PM
wildorchid
...
أنا كنت منتظرك تردين عليه .. كنت متوقع انك ما راح تخلينه يطوف ويعدي كذا ..!
...
بس أنا معاك !
...
------------------
إني لا أؤمن في حب لا يحمل نزق الثوار ~ moraheq@web.com
ياجماعة احنا هنا للسوالف والترفيه . وايضا للنقاش البناء وليس للهجوم او التجريح...
ليس هناك أي داعي للزعل أختي
وحصل ماكنت أخشاه
لم يكن قصدي التجريح
ولكن أسمحيلي أذا كان ردي ماله داعي فما بالك بموضوعك اللي تصفين نفسك فيه
بالرجوله
وانا أعتقد بأنه لايمكن ومستحيل على أي بنت رقيقه بأنها تصف نفسها بالخشونه
وايضا تصف أسلوبها بأنه أسلوب رجالي
أختي الفاضله أنا لم أقصد التجريح ولكن نحن هنا بسوالف متعودين على الصراحه
وان لم أكتب ذلك الموضوع فسوف يأتي شخص اخر ويكتبه
أختاه كما قلتي أختلاف الرأي لايفسد للود قضيه
ولكي ماأردتي
and Nothing like the Truth
wildorchid
11-01-2000, 01:01 PM
حصل ماكنت تخشاه؟
ايش يعني؟
اولا: انا ما قلت اني رجال
كان سؤالي ليه ارتبطت صفات زي الشجاعه والقدره على تمالك
الاعصاب بالرج من دون المراه؟ هل هي صفات ذكوريه؟
مو من حق المراه انها تتصف بها؟
وانا هنا ماكنت احكي عن نفسي لاني انا ما عندي قدره
على تمالك اعصابي
لكن اتمنى ذلك, وزي باقي مواضيعي اما اني اشوف
موقف يعجبني او يمثلني او العكس تماما فاطرحه هنا عشان
النقاش....
ثانيا: الخشونه مطلوب انها تكون في النساء الى حد ما
وهذا ما يعيبني ( حتى لا يطمع اللذي في قلبه مرض)
انت تقول ان اللي يشتغل في المستشفى لازمبالعكس
يكون حنون. انا اقول لك ومن تجربه شخصيه انك لا يمكن
تكون كذا...كل اللي تقدر تسويه انك تشوف شغلك وبس
وكل مشاعر التعاطف والحب تخليها تنعكس في نوعيه
شغلك ومستوى الخدمه اللي انت تقدمها....
تعرف ليه؟
لانك انثى...وجودك في مجال عمل زي كذا هو تحدي بحد
ذاته والى الان فئات كبيره من المجتمع -وزي ما قلت
لمراهق- تنظر نظره قاصره للمهن الطبيه
مع انه يبغى زوجته تتعاج على يد امرأه زيها لكن
ما يبغى اخنه او بنته تكون هذي المرأه؟؟؟؟؟
يااخي الناس ماهم زي بعض واذا انت قابلت ناس
واعين يحترمون البالطو الابيض اللي انت لابسه
تلاقي عشره ينظرون لك على انك """"" حرمه"""""؟؟؟؟؟
انا ماني قاعده ابالغ بالعكس وما خفي كان اعظم....
انا اؤمن في مهنتي ومدى انسانيتها بغض النظر لانه
ما يعيب الا العيب...احنا كسعوديات اثبتنا انفسنا في
جميع المجالات وخصوصا الطبيه منها
انا كان بامكاني اني اشتغل مدرسه واريح نفسي لكن
ليه اعطي الاجانب فرصه؟ انا اقدر اخدم بلدي وبكفاءه
وباخلاص - الشيء الي ما راح تعطيه الاجنبيه-
البلد ماراح تنهض الا بسواعد ابناءها وهذا شيء معروف
كل واحد منا يساعد حسب قدرته وبكذا نقدر نوصل,صح؟
ارجع واقول انك لازم تكون tough شويه في تعاملك وخصوصا
مع الجنس الاخر لانك ماتعرف ايش نوعية هذا الانسان ولا مستوى وعيه وادراكه
وما اقول تعليمه لانه للاسف التعليم ماله دخل..كذا والا
راح تسمع كلمه زي " مابغى احكي مع مره؟؟؟؟؟؟؟؟؟"
ثالثا: انت في اول رد لك قلت " مادح نفسه يبي له رفسه"
وهذا اللي ضايقني لانه كان تجريح واهانه لشخصي
ماكان فيه اي انتقاد للموضوع وحتى لو كان كان بامكانك
تستخدم الفاظ اخرى بعيده عن الرفس والاهانات
بعدين رجعت تقول انك انتي غلطتي لما قلتي عن نفسك كذا؟؟
طيب انا مدحت والا ذميت نفسي؟؟؟؟؟
على العموم ما حصل الا الخير وارجوا اني خليت نفسي واضحه هنا
------------------
Nothing like a true friendship
Bravo Wildorchid
http://www.swalif.net/swalif1/ubb/smile.gif
أختي العزيزه والله أحنا لنا الفخر بأمثالك من بنات الوطن
اللي هم يكابدون من أجل صنع بسمه ولو صغيره على شفاه المرضى
وانتي أن شاءالله منهم
لكن أنا والله مأترك هذا الموضوع وأنتي زعلانه
وللمره الثانيه أنا لم أقصد التجريح في مثلي مادح نفسه يبيله رفسه
لأنه مجرد مثل أو عباره ربما تنطبق وربما لا
لكن أحب ان أنوه على سعة بالك وردك على الموضوع بعقلانيه التي هي مفقوده
عند كثير من الأعضاء هنا
وهذا أن دل أنما يدل على أخلاقك العاليه
ودائما وأبدا نحن بسوالف نرفع شعار لا للزعل
وعل قولة واحد من الشباب الله لا يجيب أم زعل
ولكن في ختام هذه الردود
بصراحه ليه تجرأتي على كتابة مثل هذا الموضوع
الذي يراه بعض الأعضاء مجرد موضوع عابر يرد عليه خمسه ولا سته ثم يندفن في
أرشيف سوالف
ولكنني أراه في بالغ ألاهميه
ومن واقع الحريه الأن التي نعيشها من خلال هذا الموقع ومن خلال تلك الشبكه
العنكبوتيه الضخمه التي ليس فيها شيء أسمه ممنوع
أريدك أن تخبيرنا على الدوافع التي جعلتك تصيغين مثل ذلك الموضوع الخطير
وأتأسف للأطاله
وأنا في أنتظار الرد أختاه
wildorchid
11-01-2000, 03:09 PM
اهلين ماجد
وما حصل الا الخير
انازي ما قلت في تعريفي لنفسي في البدايه اني من كثر
ماحب وطني قاعده اشوف عيوبه مو عشان النتقاص من قدره
او من قدر افراده لكن عشان نقدر نوصل لبدائل وحلول
افضل من اجل مستقبل رائع لنا ولعيالنا من بعدنا
ليالي
12-01-2000, 07:20 AM
والله اني ما تفجأت كنت متوقعه انك حاطه العنوان لجذب الموجدين لا أكثر ..بس الموضةع من جد حلوه ويستاهل الواحد يتكلم فيه ..ليه ندور هذا بنت ولا ولد ؟؟ليه علمات الأستفهام هذي وليه لماتصير الوحده صريحه وتتكلم بطلاقه دون حواجز يقولون عنها ورجال ؟؟؟؟؟؟؟الصراحه موضوع جدا حلو .......
ليالي
نريد المزيد من الاصدقاء يبدوا رايهم في هذا الموضوع ....
wildorchid
14-01-2000, 12:12 AM
وين الباقين؟
الجمل
14-01-2000, 12:37 AM
بسم الله
انا كنت متابع لكتاباتكم ونقاشكم لا سيما الاخ ماجد اعرفه من زمان وهو يملك اخلاق عاليه وعيبه الوحيد انه يمون بسرعه http://www.swalif.net/swalif1/ubb/smile.gif لكن هذا لايفسد للود قضيه.اعتبروها مداخله بسيطه
المهم
انا ومن وجهه نظري اشوف الموضوع ما يستاهل اللي قاعدها تسوينه من اعطاء الموضوع اكبر مما يستحق
واللي اضفاء للموضوع نقاش هو كلمه قالها ماجد وهي رفسه يعني لو ما قالها ماجد كان اندفن الموضوع.
لي سؤال بسيط اتمنى ان تجاوبي عليه وبصراحه
وهو:
ليش تدخلين بعض الكلمات الانكليزيه في الموضوع؟
هذا ما لفت نظري؟
واللي لفت نظري شي اخر اقوله بعد جوابك.
تحياتي