مشكلتي مع والدي >>> ساعدوني على حلها !

[مراهق]

قد لا تبدو مشكلة ، لكني أحس أنها كذلك ..
...
تربي أبي في ظروف صعبة .. فقد مات أبوه وعمره 6 سنوات ، وكان هو أكبر أخوانه من أبيه ، لأن أمه تزوجت مرتين كانت الأولى قبل أبيه ..
وقد كافح وجاهد ، حتى يتخرج مدرسا .. ثم يتزوج بعد عدة سنوات ، زواجا كنت أنا أول ثمراته .. وإلى هنا لا تبدو هناك أي مشكلة ..
..
تلك الثمرة الصغيرة ، أصبحت مراهقا .. أصبحت [ أنـا ] .. ولا أدري كيف بدأت أصطدم مع أبي في كل شيء .. من حيث أعرف ولا أعرف .. ليس أبي فقط ولكن مع كل أفرد المنزل تقريبا ..
لا شيء من تصرفاتي يعجبهم .. لا لبسي ، ولا خروجي مع أصدقائي ، ولا مشاهدتي للتيليفزيون ، ولا جلوسي أمام شاشة الكمبيوتر .. لا شيء تقريبا ...
..
وكان الوحيد الذي أحس بأنه يفهمني بعض الشيء هي أمـي .
..
في تلك الفترة كنت عصبيا .. أنفعل لأتفه الأسباب ، وأصطنع العراك والصراخ بكل سهولة ... وأصبت بحالة من اليأس من الحياة .. أنا لم يعد شيء في هذه الحياة يعجبني أيضا .. وأصبت بالسمنة لبعض الوقت .. كلما أحسست باليأس أو انفلات الأعصاب ... بدأت آكل !
..
لكن مع الوقت .. تغيرت تلك الحال ، وأصبحت الآن حالة استثنائية في المنزل من الهدوء والاتزان .. أصبحت (عاديا) أكثر، لكن بدأت أفتقد اهتمام أمي .. لا أعلم .. هل تقول في نفسها ( لقد أصبح رجلا .. ولا يحتاج اهتمامي ؟! ) لا أعلم .
..
لكني الآن لدي مشكلة مع أبي ..
أبي لا يقتنع بالتقنيات والأشياء الحديثة ولا يؤمن بها ..
..
فهو لم يقتن بيجر .. ولم يقتن جوال .. ولا يؤمن بفائدة بالإنترنت فيرى أنها خسارة للمال ومضيعة للوقت ...
وأنا مشترك في الإنترنت من دون علمه !
..
عندما أكلمه عن التقنيات الجديدة أو الاختراعات الحديثة .. أو أحاول إقناعه بشراء جهاز معين .. يرد علي بقوله :
لقد عاش الناس بدون هذا ولن يحتاجون إليه الآن !
وعندما أطلب منه شيئا ما ، أو مالا لشيء ما ، يرد علي بقوله :
لقد كنت كذا وكذا ، لقد عشت أنا بدون هذا الشيء .
..
وهكذا دائما يضعني في مقارنة معه !
..
أعتقد أن السبب هو البيئة الصعبة التي عاشها أبي .. وكانت تخلو من أي أثر للكماليات .
...
نعم أنا أقدر جهاد أبي وكفاحه .. لكنني أريد أن أعيش حياة أفضل ما دمت أستطيع فعل ذلك !
...
ما الحل !
كيف أسنطيع إقناع أبي بذلك ؟!
...
ساعدوني على حل هذه المشكلة .

...
آسف للإطالة.


------------------
إني لا أؤمن في حب لا يحمل نزق الثوار ~ moraheq@web.com

[السويليف]

الســــــلام عليكم
أخي المراهق :
أبــــــــــــــــــــــوك :
http://w1.511.telia.com/~u51102888/anims/human/eyb3_anm.gif http://w1.511.telia.com/~u51102888/anims/human/eyb3_anm.gif
مهما كان ... ومن ثم هذا نظام الكبار ...إلا ماندر .
أوصيك ونفسي بطاعة الوالين .
أما الاستقلال متى ما كان الجيب عامر .. الزواج .. الاستقلال .. ولا تنساهم أخي .

------------------
ربي أسألك العفو والعافيه وسعة الرزق .

[أصيل الليل]

لا تاخذ بكلامي يا مراهق
أنا عقلي الأيام هذي مقفل مررررررررره
---------
من شب على شئ شاب عليه

[wildorchid]

اهلين مراهق
اولا...انا ماراح اقعد اتفلسف عليك ولكن خذها مني
كلمه مهما يكون ومهما سوا تراه ابوك..
انا راح اقول اشياء يمكن ما تعجب بعض الناس
لكن .......
عمره ما كان حب ابوك ام امك مرتبط بجوال او بيجر
انت يمكن ما تتخيل هم حرموا انفسهم من ايش عشان يربونك
انت واخوانك..شوف لاشياء اللي سووها لك واللي اعطوها
لك قبل لا تشوف ايش ناقصك..بيجر؟جوال؟
يعني انت تعتقد ان ابوك ما يبغى يشوفك احسن الناس؟
والله تلقاه ما ينام الليل لما تتاخر حتى لو ماوراك هذا الشيء
والمشاكل اللي صارت صدقني انت سببها.. ايوه انت
انا كنت مراهقه يوم من الايام وعندي اخو مراهق ذابحنا
كل ما قلنا له لا قال انتم ما تحبوني انتم ضدي بينما
ما فيه احد اخذ اللي اخذه او اتدلع الدلع اللي هو تدلعه

[أبو عبد العزيز]

أوافق ما قيل يامراهق أبوك مهما كان وله حق عليك

------------------
وبلت أخبار الرجال فلم أجد رجلاً...يؤثر دون أن يأثر...إلا النبي محمد فجعله مثلا...وسرت على هداه مكبرى

[مراهق]

أوركيـد ..
...
أنا مو ختلف معاك في نقاط كثيرة لكن ..
ممكن تشرحين لي عبارتك ( المشاكل اللي صارت انت سببها )
ليش أنا سبب المشاكل ؟! كيف أنا سبب المشاكل ؟!
...
يعني وش ذنبي أنا إذا أبوي ما فهمني .. ما فهم اللي أنا وجيلي أعيشه !
...



------------------
إني لا أؤمن في حب لا يحمل نزق الثوار ~ moraheq@web.com

[wildorchid]

اهلين مراهق
اولا...انا ماراح اقعد اتفلسف عليك ولكن خذها مني
كلمه مهما يكون ومهما سوا تراه ابوك..
انا راح اقول اشياء يمكن ما تعجب بعض الناس
لكن .......
عمره ما كان حب ابوك ام امك مرتبط بجوال او بيجر
انت يمكن ما تتخيل هم حرموا انفسهم من ايش عشان يربونك
انت واخوانك..شوف لاشياء اللي سووها لك واللي اعطوها
لك قبل لا تشوف ايش ناقصك..بيجر؟جوال؟
يعني انت تعتقد ان ابوك ما يبغى يشوفك احسن الناس؟
والله تلقاه ما ينام الليل لما تتاخر حتى لو ماوراك هذا الشيء
والمشاكل اللي صارت صدقني انت سببها.. ايوه انت
انا كنت مراهقه يوم من الايام وعندي اخو مراهق ذابحنا
كل ما قلنا له لا قال انتم ما تحبوني انتم ضدي بينما
ما فيه احد اخذ اللي اخذه او اتدلع الدلع اللي هو تدلعه
لكن؟؟؟
بعدين من حق اخوانك انهم يحصلون على نفس الحاجات مو كلكم واحد
يخي كبر مخك ...الواحد لازم يتصرف حسب امكانياته
يعني بالله عليك انت راح تحتاج النقال في ايش؟؟؟؟؟؟؟
جيمس بيكر على غفله؟
ما ابغى اكون قاسيه عليك ولكن ابغاك تشوف الصوره
كامله مو من جهتك بس
لا تقول ان اللي يده في النار ما هي زي اللي يده في
المويه..لاني انا كنت مراهقه واعرف ايش قصدك..
احيانا الواحد يحس انه مظلوم وماحد فاهمه الخ الخ
لكن لما تكبر شوي راح تندم على كل حاجه انت سويتها
وكل كلمه انت قلتها...
فكر كويس و شوف هو ايش سوا لك؟ هل قصر عليك في لبس؟
اكل؟تعليم؟علاج؟
هذي هي الحاجات الي تهم وغيرها مجرد مظاهر ما تسوى ان
ربي يعاقبني عليها ولا اني اضيق صدر ابوي
تخيل ولو للحظه انك لاقدر الله فقدت ابوك اللي مو عاجبك؟
انت عارف ايش ممكن يصير لك؟؟؟؟؟؟؟؟؟؟؟؟؟؟؟

[مراهق]

سمعوني يا ناس ..
...
أبوي على عيني وراسي .. وحقه لازمني من فوق لتحت .. وأنا قلت في موضوعي ..
(نعم أنا أقدر جهاد أبي وكفاحه .. لكنني أريد أن أعيش حياة أفضل ما دمت أستطيع فعل ذلك !)
...
أنتوا تدافعون عن أبوي .. لكني ما أهاجمه !
...
حاولوا تفهموني وتقدرون وضعي أنا بعد !




------------------
إني لا أؤمن في حب لا يحمل نزق الثوار ~ moraheq@web.com

[مراهق]

كنت متوقع إني راح أطلع بنتيجة أحسن من هالموضوع ...
...
لكن للأسف كانت كل ردودكم دفاع عن الوالد - الله يخليه - .
...
أنا أبغى تعطوني حلول ..
...
كيف أقدر أقنع أبوي باللي حاصل هالأيام ..
كيف أقنعه بالإنترنت مثلا ..
كيف أقدر أبرر لأبوي مواقفي هذي اللي هو يرفضها ؟؟!
...

[wildorchid]

سببها لان ما عندك اي استعداد انك تتنازل عن اي حاجه
وعلى فكره ابوك مهوب مجبور انه يجيب لك هاذي الكماليات
وانت لازم تقدر كل حاجه هو يسويها لك....
وطبيعي ان فيه اختلافات بين الاجيال لكن انت ما تقدر
تثور على كل حاجه لمجرد اثبات وجهة نظرك
اذا كان ابوك راسه يابس حاول انت تقرب منه
مهما كان هذا ابوك و احنا ما نختار اهلنا لكن نقدر
نختار من نكون....
لا تخلي رغبتك في الاستقلال و الحريه تدمر علاقتك مع ابوك
او اهلك
ما فيها شيء لو انا تنازلت الان عن هذي الاشياء
بكره راح تكبر وتقدر تسوي كل اللي حلمت فيه مو بس
بيجر وجوال
الصبر و الكلمه الحلوه هي الحل عشان ترتاح

[مراهق]

طيب يا أوركيد ..
أنا تمام مع أبوي هاليومين ..
...
وأنا ما أبغى لا جوال ولا شي ..
لكن يعطيني حرية شوي .. مثلا
لما أجي أفصل ثوب يتركني أختار الطريقة التي تريحني وتناسبني وما يفرض علي رايه ويقول : البس مثلي ..
...
مثلا .. وش السبب اللي يخليه يمنعني من الاشتراك في الانترنت ..؟
وأنا هنا مو قاعد ألعب ولا أضيع وقت و لا أسوي أشياء محرمة !
بالعكس أنا قاعد معاكم أتسلى ، وأحل مشاكلي !
...
...
...

------------------
إني لا أؤمن في حب لا يحمل نزق الثوار ~ moraheq@web.com

[wildorchid]

والله حكاية الثوب قويه شوي....
لكن اصبر....
اقعد معاه, احكي له واحكي معاه حسسه انك قريب منه
عشان هو يحاول يكون قريب منك

[مراهق]

أنا بحاول والباقي على الله !
...
شكرا على اهتمامك يا أوركيــد .

[كحيلان]

تبي نصيحة مختصرة جداً جداً

و اوعدك انها تكون مفيدة جداً جداً

(حاول دائماً ان تفهم الناس لا تنتظر ان يفهموك)

وبعد ما تفهم الشخص اللي انت تتعامل معه زين

بتعرف ماهي افضل وسيلة لأقناعه

[مراهق]

كحيــلان ...
...
أنا أتكلم عن أبوي ، مو عن واحد من ربعي !
...

[كحيلان]

صدقني يا مراهق

انا اللي قلت لك ينطبق على كل البشر

و ابوك انسان مثله مثل اي واحد من ربعك

اقصد انه بشر .. مثل انت ماتبي ابوك يفهمك هو

يبيك تفهمه .. وتقدر وجهة نظرة لأن الناس

تقدس افكارها .. ومثل ما انت ترى ان مواكبة

العصر ضرورية ومقتنع في هذا الامر .. ابوك

مقتنع بتمسكه بجذور الماضي ..

وصدقني لو عرفت تفهم جوانب شخصية ابوك جيدا

رايح تجد سهوله اكثر لتقنعه في كثير من الامر

لأن لايوجد انسان ضد الاقتناع ..لكن اهم شي تعرف كيف

تقنعه .. وهذا ما يتحقق الا اذا عرفت جوانب شخصيته تماما

[مراهق]

وكيف لي أن أجلو غياهب شخصيته .. وهو مبتعد عني يا كحيلان ..
...
من الصعب أن تأتي المبادرة مني .. هل أقول له : تعال يبه أبيك في سالفة !
...
بيقول : قل هنا ، ولا اقلب وجهك !
...
كيف أستطيع التعرف على جوانب شخصيته ، وكلامه معي يقتصر على الأوامر والنواهي والطلبات !
...
كيف !

[كحيلان]

مراهق

ممكن اعرف كم عمرك

وهل انت اكبر اخوانك الصبية

وليش تعتقد ان ابوك قاسي معك دائما

[b]<small><small>[ تم تعديل الموضوع بواسطة &nbsp; كحيلان &nbsp; يوم &nbsp; 10-01-2000]

[مراهق]

أنا عمري 16 سنة ، في الصف الأول ثانوية عامة
...
وأنا أكبر أخواني ، وهم جميعا ذكور ، ليس لدي أخوات .
...
وأبي ربما يقسو معي لأني لا أعجبه ... ولا تعجبه تصرفاتي .

[كحيلان]

مراهق

يعني ماعندك اي مصدر للدخل

وعلى ذالك عندك تلفون خاص مدفوع الفاتورة

في غرفتك عشان النت وعندك اشتراك في النت

و طريقة ظرحك للمواضيع وردك عليها تكبر سن 16 سنه بكثير

= = =

المهم انك الاكبر والمفروض انك ولي العهد يعني الساعد الايمن

ولازم تحسسه بوجودك ..وانه يستطيع الاعتماد عليك

كذا تقرب منه ويزيد تعامله معك وبتتعرف عليه اكثر ..

[مراهق]

يا ليت أبوي يعطيني بعض المسؤوليات حتى أحس بوجودي في البيت ..
...
أنا ما أبغى أبوي يعطيني مسؤوليات بس علىشان أحس بوجودي ..
على شان أحس باستقلالية بعد .. لأن الشخص لما تكون عنده
مسؤلياته الواجب تأديتها تجاه ناس معينين يكون عنده
أيضا استقلالية وحرية يقدر يتصرف فيها على الجانب الآخر ..
...
لكن الأهل ما ينعرف لهم ..
أحيانا .. يقلولون هذا صغير وتوه على المسؤولية ..
وأحيانا .. يقولون صار رجال وقد المسؤولية ..
...
ويوظفون كل جملة حسب احتياجهم . والواحد يحتار فيهم .

[المعشوقه]

أوّل شي
أحب أقول لك إنّي فعلا انعجبت فيك بعد هالموضوع
وصدّقني هاذا شي طبيعي جدا
وكلّنا مرّينا بهالمرحله
وما زلنا نمر فيها
بس والله صدّقني لمّا اتذكّر هالسوالف إلّي أستوت لي مع اهلى من قبل والله أضحك عليها وأقول إشلون كنت أسوّي جذي ؟؟ واشلون كنت أقول هالكلام؟؟
والله
وبتتذكّر كلامي وتقول صدقتي يالمعشوقه
بس أنصحك بشي واحد
وهو الصبر وحاول قد ما تقدر تمسك لسانك وتتحمّل
مرحله وتعدّي وبتضحك عليها والله
أوكي؟؟؟؟
يالله
الله وياك

[المعشوقه]

نسيت أقول لك
إصبر عليهم شوي
والله بتصير ريال وقدها وقدود وبتتحمل مسؤوليات وبتمل منها وبتلعن الساعه إلّي صرت فيها كبير
صدّقني والله

مع تحياتي لك

[المعشوقه]

نسيت أقول لك
إصبر عليهم شوي
والله بتصير ريال وقدها وقدود وبتتحمل مسؤوليات وبتمل منها وبتلعن الساعه إلّي صرت فيها كبير
صدّقني والله

مع تحياتي لك

[عبرات]

اولا يا مراهق ما يبين انك ولد عمرك 16
واذا كان هذا صحيح تراني اقولك انا 19 سنة واكبر وحدة في العيلة
وكانت امي ما تخليني البس واسوي الا اللي هي تبيه لانه انا اول وحدة
يعني تجربة جديد وانت نفس الشي انت اول واحد يعني انت لازم تتحمل
عشان يصير التغيير في بيتكم ويتغير ابوك انا من سنين احاول اكسب ثقة امي وابوي
عشان يوفرولي الكماليات مثل الانترنت و و و الخ والحمد لله اهلي تغيروا والحين خواتي وخواني اللي
هم اصغر عني ما يمرون غير ببعض المراحل اللي انا مريت فيها يعني حاول تصبر وتتفهم الموقف و تحاول
ترضيهم باي طريقة و تعرف هم شو يريدون و يتمنون .......

------------------
(وما تدري نفس ماذا تكسب غدا وما تدري نفس بأي أرض تموت ان الله عليم خبير)