دعوه للاخوان لنقاش حول الممشى الرياضي في

[علي الشمري]

بسم الله الرحمن الرحيم...
السلام عليكم ورحمة الله وبركاته...

اولا يااخوان ....

حبيت امشي رجلي اليوم فمثلكم عارفين الشباب ما عندهم مكان الا القهوه وانا انسان مالي في التدخين وماادخل المقاهي الا مع الشباب..

واليوم من سوء حظي محد معاي قلت امشي رجلي واحرك الدوره الدمويه:OO:

وياليتني مارحت اترك لكم هذي الصور واحمدلله ان كان معي تلفوني المزود في الكامرا للاسف هذا حال شبابنا في الصيف هداهم الله

http://alhelo.s5.com/10.jpg

http://alhelo.s5.com/20.jpg

http://alhelo.s5.com/30.jpg

http://alhelo.s5.com/40.jpg

http://alhelo.s5.com/50.jpg

واتمنى من الاخوان ان يدلو بدلوهم في الموضوع وهاهو الوضوع مدعم في الصور وهذي الصور حقيقيه تم تصويرها اليوم في احد الاماكن المخصصي للمشي

تحياتي لكم

محبكم

هيرو

[MUSLIMAH]

وعليكم السلام ورحمة الله وبركاته

حاطة في بالي 3 أماكن ممكن يكون فيهم هالممشى :rolleyes:

عمومًا ..

بالنسبة للسبب الأول : في كل مكان شباب يتسكعون بلا هدف !! و هذي مشكلة ، أوقاتهم تضيع سدى بدون أي فائدة تذكر !! سبحان " نعمتان مغبون فيهما كثير من الناس الصحة و الفراغ " !! عسى الله يهديهم و يعمّر أوقاتهم بطاعته .
و سالفة نطرتهم لأي سواده تمر علشان يقطون عليها كلمة ، فهذي شقول بس !! المشكلة هالشباب نسوا أو تناسوا حديث الرسول صلى الله عليه و سلم " .. من كان يؤمن بالله و اليوم الآخر فليقل خيرًا أو ليصمت " !! ياليتهم يقطون كلمة تنفع بس !! و إن لم تستح فاصنع ما شئت !!

السبب الثاني : سالفة الجلاب سالفة :black: مادري شعندهم ، كل واحد يمشي و معاه جلبه :damp: رخصوا سعر الجلاب و انا مادري :rolleyes: انزين خلوا الجلاب في بيوتكم و تعالوا امشوا بروحكم :mad: بيقلدون اللي بأوروبا و أمريكا يعني الحين اسكت !!! اقوول ماااالت بس قلدوهم بشي سنع مو هذا :black:

السبب الثالث : على بالهم بحديقة مساكين :rolleyes: ناس ما تحس ، كل همها اهي و بسسس ، ما فكروا يحطون نفسهم مكان اللي قاعدين يمشون ، ماظن راح يرتاحون إذا لقوا هالقواري تبتون بينهم و اهم يتمشون :rolleyes: الله يهديهم .

السبب الرابع : عاد هذااااا حده ثقة !!!! قلة أدب :mad: يدري أن الناس ياية تتمشى بهالمكان شكو راز ويهه اهو و سيارته ، و لايديدة يبي يقول حق العالم شوفوا سيارتي :glasses2: الله المستعان :rolleyes:

للأسف هذولي مفتقدين الموجه و المرشد !! ما عندهم اللي يقولهم هذا صح و هذا غلط ، و شي طبيعي أن إذا سوا الواحد شي غلط و محد قاله إنه غلط ما راح يرتدع و راح يستمر فيه لين يوصل مرحلة أن الشي أصبح شي عادي مو غلط !! و لما أحد إيي يقوله هذا غلط بتآخذه العزة بالإثم و بيقول كيفي !! إلا من رحم ربي !!

عسى الله يهديهم و يردهم له رد جميل و يملي أوقاتهم بذكره و يعمّر ساعاتهم بمرضاته .. اللهم آمين .

و يزاك الله خير يا هيرو على الموضوع :)

[علي الشمري]

بسم الله الرحمن الرحيم...

صبحك الله بالخير اختي

:D اولا اعتقد انهم اثنين والمركز الرئيسي لهم (المركز.........ع.);)

والثاني الس.........

ومش.....
:banana:

الله يهديهم

للاسف يااختي عالم غريب وناس ماتفكر صح ولا تعرف تشغل وقتهم بشي يفيدهم الا التسكع والكلام الفاضي

اما بخصوص الجلاب وانتم بكرامه

للاسف والله المستعان حتى بعض الخوات هداهم الله

للاسف بصراحه شي يحز في النفس نشوف تفكيرهم محدود

نوم اكل طلعه

طلعه نوم اكل

نسال الله لهم الهدايه

وشاكر مرورك

هيرو بيروح ايب الجلاب مالته من المزرعه ويهدهم على الي ببممشى:banana:

[MUSLIMAH]

رد مقتبس من HER0


:D اولا اعتقد انهم اثنين والمركز الرئيسي لهم (المركز.........ع.);)

والثاني الس.........

ومش.....
:banana:


المركز .........ع ماعرفته :confused:

و الس .. و مش .. عرفتهم :D

صراحة ما افكر اروح امشي هناك لو شيصير .. يعني ماكو مكان الواحد يتمشى فيه الا هناك ‍‍‍‍!!!! في على البحر في الحدايق في حوش البيت اي مكااااان إلا ممشى :rolleyes:

يا خوفي باجر يصير الممشى سوق بس من غير محلات !! :(

[علي الشمري]

بسم الله الرحمن الرحيم...

المركز العلمي :p معلم سياحي :)

:black: :black: :black: :black: :black:

الصور وين راحت @@

:cry: :cry: :cry: :cry:

[علي الشمري]

http://alhelo.s5.com/a.1.jpg

http://alhelo.s5.com/a.2.jpg

http://alhelo.s5.com/a.3.jpg

http://alhelo.s5.com/a.4.jpg

http://alhelo.s5.com/a.5.jpg

ملاحظه باذن الله بمر على ممشي اليوم واشوف الوضع حتى نكمل النقاش حول هذي القضيه

ملاحظه قصدي النقاش وليس الفضايح


هيرو يستعد للرياضه :banana: :banana:

https://a248.e.akamai.net/7/248/497/0001/www.proflowers.com/prodimg/MSOrose_red1_lg.jpg
هذي الورد لكل شخص مر ولم يدلو بدلوه

[bnt-alsaif]

صراحه موضوع جيد أخي هيرو ................
آنه من الناس اللي أحب أمشي واايد ..في فترة الشتاء كنت أمشي بالممشى وقت العصر وما كنت أشوف هذي المناظر اللي ذكرتوها ... لكن مره من المرات تأخرت عن الموعد شوي و رحت بعد صلاة المغرب وشفت العجب العجاب :(
شفت أكثر من الأشياء اللي ذكرتوها ................ ( خلنا ساترين على ما وايهنا ) === مثل كويتي :D
لكن آنه أعتقد مهم إناقش الحلول .. لو في كل ممشى يكون في رجل أمن .. أتمنى .. لأن البلاوي اللي تصير هناك تحتاج إنسان صارم ...
و مثل ما تكون هناك عبارات في الممشى عن فائدة الرياضة و و و .. إلخ ..
من الأفضل أن تكون هناك عبارات عن إحترام الناس و حق الطريق ... إلخ


تحياتي

[علي الشمري]

شاكر مرورك عزيزي bnt-alsaif

فعلا يااخي في اشياء وايد مااذكرتها ولكن اليوم مخصص لي مرور بعد صلاة المغرب (كبسه ) على اي ممشى

وبنشوف الي صاير هناك ونحاول نصوره

ومثل ماقلت اخي خلنا ساترين على ما وايهنا

لانه تطرقة مجلة الجريمه لهذا الموضوع في احد اعددها ومن ممشى مشرف وبحاول نقل المقال مع الصور ان وجد في موقعهم على الانترنت

والله اتمنى فعلا ان توجد عباراة مثل ماذكرت

وعتقد حتى في بعض الدول الخليجيه تواجهه هذي المشكله وليس حكر على الكويت


تحياتي لكم

جميعا

محبكم

هيرو:banana: شارب باور هورس حق الركض اليوم ;)

[دانا]

سلام عليكم

ما نقول غير عافانا الله ........فعلا يحز في خاطرك تشوف أوادم ما لهم هم غير جيه ... :rolleyes:

و انا عن نفسي ما أتمشى غير قرب البيت بس ..لأنه لازم تواجه إزعاج وطفيليين:rolleyes: نحن في غنى عنهم إذا بعدنا شوي ..

ملاحظه : الكاميرا ما شاء الله صورها واضحه ( والله الواحد لازم يخاف الحين من الموبايل بو لكاميرا ):rolleyes:

تحياتي

[علي الشمري]

يا هلا اختي دانا

للاسف اليوم ماحصلت شي الممشي يخزوني اكيد احد من الممشي يدش النت وقالهم عني

فعلا اختي شي يحز في النفس لانه بامكان هذا الشباب ان يعطي لنفسه ولدولته اكثر من التسكع الله يهديهم


اختي دانا جهازي بكامرا القديم وليس جديد نوكيا فهذي صوره تقريبا واضحه لكن تم توضيح الصور في برنامج الفوتوشوب

:banana:

[حمامه]

و عليكم السلام و رحمة الله و بركاته

للاسف الحين الناس صارت في كل شي مظاهر :rolleyes:

يعني في ناس تروح اماكن و لا تسوي أشياء بس فقط عشان يقولون شوفووا إحنا سويناه و ما في حد أحس من حد :mad:

بس تدري علميا أثبت إن المشي في أيام الصيف مو زين حق القلب بس عاد من اللي يسمع :o

و بالنسبة حق أصحاب القواري و السيارات للأسف تشوفهم شباب صغار في السن مو مستثمرين وقتهم و أكيد راح يشيبون على الشي هذا :Sad2:

مع إن ما شاء الله النوادي الرياضية تارسه الديره اماكن نظيفه و مغطيه ما فيها إختلاط ولا شي كل واحد ياخذ رااحته وستمتع بكل أنواع الرياضه :cool:

بس أقول HER0 وين قناة الرياضيه الثالثه في التلفزيون ياخذونك معد برامج لهم الصراحه إنت مكسب للتلفزيون :glasses2:

ننتظر باقي التحقيق :)

[علي الشمري]

بسم الله الرحمن الرحيم....


حي الله اختي حمامه

والله محد يسمع امس في الرطوبه والناس تمشي وتتسكع بالقواري ولا حول ولا قوه الا بالله المغرب وقت الصلاة وكل واحد حاط الهتفنويسمع اغاني نسال الله لهم الهديه

لا يا الغاليه خلينا في العلوم السياسيه و والـNLPـ احسن من التلفزوين

تحياتي لك