قال ليش ؟ وصاح بالحسرة

[العٌباب]

لي صديق في القلب له معزة خاصــــــــــــــــــــــــة
تركني لي للهم والحزن وخلا في النفس حســــــرة
مادرى بحالي بعد هجره والقلب من محبته فيه فطرة
نسى أيامنا يوم كنا على الوفا والصدق أخلــــــــــــة
وتركني للمواجع وسار عني بخاطــــــــــــــــــــــــــره
وكل ما قاله لي ليش ؟ وصاح بالحســـــــــــــــــــرة
وأنا نفسي تبغيه لكن تغلا علي وسار بهجـــــــــرة
في زمن ضاع الوفا فيه حتى من الاخلـــــــــــــــــة




:( :(

[الهيام]

السلام عليكم ..

@لي صديق في القلب له معزة خاصــــــــــــــــــــــــة

دام انه له في قلبك معزة خاصة أكيد انت بعد شاغل

باله و سالب قلبه ..

@تركني لي للهم والحزن وخلا في النفس حســــــرة

انت متاكد انه هو اللي تركك مب انت وياي الحين تحط عليه ؟؟

@مادرى بحالي بعد هجره والقلب من محبته فيه فطرة

حاولت تساله او تكلمه عن السبب او انك أصلا ما تباه؟؟

@نسى أيامنا يوم كنا على الوفا والصدق أخلــــــــــــة

نسى ؟؟ ما اعتقد .. الصدق ؟؟ ما اعتقد انك صدقت وياه ..

@وتركني للمواجع وسار عني بخاطــــــــــــــــــــــــــره

سؤال انت متاكد ان هو سار مب بعده ينتظر الليل ؟؟

@وكل ما قاله لي ليش ؟ وصاح بالحســـــــــــــــــــرة

شفت ان السبب منك مب منه ..

@وأنا نفسي تبغيه لكن تغلا علي وسار بهجـــــــــرة

تغلا ؟؟؟؟؟؟؟؟؟؟؟؟؟؟؟؟

@في زمن ضاع الوفا فيه حتى من الاخلـــــــــــــــــة

ضاع الوفا كيف ضاع ؟؟ الوفا عمره ما بيضيع دام

في قلب هايم ..




آسفة يلست احلل واخربط و ....و.......الخ

بس شو اسوي خاطرتك ذكرتني بسالفة ناس

اعرفهم بس الفرق ان الخل الثاني كانت له وجهة

نظر واسمحلي اقولك اياها :


قال في كل مرة نتواعد فيها يخليني احترق بشوقي

انتظر وانتظر و يمر علي الوقت ولا حد يفكر فيني

ولا الاقي عذر لتاجيل ولا الاقي غير الوله وهو ولا على باله

وكل ما أكلمه عن موضوع يتهرب وياجل مع انه موضوع

مهم بالنسبة لي و آخر شي سالته من غصتي ليش ها كله

تسويه فيني ولا حصلت رد ولا اي شي وبعد ما يزت وتميت أنتظره

وأنتظره وأنتظره وما لقيت حد ما لقيت غير انه الخل يلس

يشتكى للناس من الهجر ؟؟

المهم ان الخل الثاني بغى يوصله هذه القصيدة وما ادري اذا وصلها او لأ!



انتظرته قبل موعدنا بســــــــــاعة.......ما درى أن القلب في حبه أسيـر
للأسف ما جــــا.. ولا برر خداعه.........ما درى أن القلب في حبه أسير
والغريبة..كيف..وش غير طباعه؟!.......كيف باع الللي على دربه يسير؟!
كــــان قبل اليوم له سمع وطاعه.......كــــــــــان كل اللي يبي منا يصير


أتمنى أني ما أكون ضايقتك بكلامي ..

[الهيام]

آسفة غلطت بالقصيدة

انتظرته قبل موعــــــــــدنا بساعة ..........وانتظرته بعد موعــــــــدنا كثير
للأسف ما جــــا.. ولا برر خداعه.........ما درى أن القلب في حبه أسير
والغريبة..كيف..وش غير طباعه؟!.......كيف باع الللي على دربه يسير؟!
كــــان قبل اليوم له سمع وطاعه.......كــــــــــان كل اللي يبي منا يصير