سوالف للجميع - ...................مقابله خاصة............

أسير الليل

14-08-2001, 03:51 AM

صباح الليل..وأسعد الله اوقاتكم بكل خير..

يرحب بكم عسة سوالف...في هذه المقابلة..مع أسير الليل...

العسه..حيالله أسير الليل..
أسير..هلا عسه..الله يصبحك بالخير..
العسه..مادري أسير لو تسمح ونأخذ القليل من الوقت..
أسير..أقول أخلص..وخل عنك الفلسفه..

العسه..أول شئ أخبارك..علومك..
أسير ..ماهو شغلك..
العسه..خير اش فيك أقشر من أولها؟؟؟؟
أسير..على كيفي..ماعجبك طبق أوراقك..وقطر يودي ولا يجيب..
العسه..ياسااااااااااااترعليك..أنت مره معصب..متخاصم مع نفسك؟؟
أسير..ياحليلك تفهمها وهي طايره..

العسه..ماعلينا استحملك..أنا كم أسير عندي..
أسير..أقول خل عنك المجاملة..وأخلص..
العسه..ودي أعرف بدايتك مع سوالف؟؟
أسير..قبل أختراع أسمه أنترنت..
العسه..هههههههههه دمك خفيف..
أسير..أقول ترسم..ولا تمزح تراك تزعل..
العسه..لا من جد..
أسير..شوف من الشهر اللي يجي بعد عيد الفطر..وقبل عيد الأضحى..
العسه..يعني من القعده..
أسير..عليك نور..عاد ذاحين تتفلسف..وتحوله أفرنجي أعرفك تحب
الجغرفة..

العسه..أسير الظاهر جاتك رسالة على الجوال..
أسير..عارف وش مكره الناس فيك لقافتك..
أقول أنطق خل نشوف الرسالة..

أسير..طبعا..هذا رقم أخوي..الرسالة تقول..
أحبك بجنون..
خلهم يدرون..
وش بيسون..
بيزعلون..
خلهم من بحر جده يشربون..

أنا عرفت السالفه على طول..وحطيت يدي في جيبي وطلعت المحفظه
وشيكت على الفلوس..في من فضل ربي..

العسه.ها وش تقول الرساله؟
أسير..تقول خل عنك اللقافة..

المهم دقائق..والثابت يرررررن كشخه جوال وثابت ولا أحلى من كذا
أخوي..هلا أسير أخبارك؟
أسير..اناعرفت السالفه من بدري..قلت خليني أقطع عليه الطريق
أنت ماتلاحظ نفسك سرت تمون..وتناديني أسير..على بالك
صاحبي..أنت ماتستحي الواحد لا عطيته وجه يرفع الكلفه
ماباقي غير ترسلني..
أخوي..خير..خير..ايش فيك..زعلت وكبرت السالفه؟
أسير..ماباقي عليك غير تقولي يابوالشباب..
أخوي..لا..لا..باين رطوبة جده مأثره عليك..
أسير..ماهو شفلك وخلك رسمي..

تقول زعل..أبدا..عارفني مازعل منه..بس برضوا حب يكمل المشوار
عشان يوصل للى في راسه..

أخوي..ترى حنا وصلنا الطايف..الساعه.. ونزلنا في مركز..
أسير..خير ياطير..على بالك منزعج وقلقان عليك؟
أخوي..على فكره بعد العشاء على طول بروح اشتريلك عازتك..
أسير..غصبن عليك..والله لا يجمل....
أخوي..أعوذ بالله من الشيطان الرجيم..ايش فيك مقاشر؟
أسير..أقول لاتقعد تسويلي قلق..وتتصل كل ساعه..وخلك الفضاوة..
وبصراحة محبته زايده..هذى من جد عاد..مصدق اني أخوه..يتصل
في أي وقت..يمكن كل ساعه..فينك..مين عندك..فين رايح..
وبعضها بدون تركيز..لدرجة يتصل على الثابت..يقول انت وينك؟؟؟
سبحان الله فين يعني في السطوح..

أخوي..والله الجو..يحبه قلبك..هواء عليل وسحاب..
أسير..يافرحتك؟
أخوي..على فكره تراني..انا.....
أسير..هات الزبده..وخل عنك الفراخه الزايده..

أخوي..أناأبغاك تسعفني ب 500 ريال عشان....
أسير..عجيب بتسافر ماليزيا..ماحد قدك..يحقلك..
أخوي..ها بدينا..في التريقه..
المهم..أنا عازم شباب جايين بعد كم يوم جايين جده
وبقلطك معاهم..كيف انت أخوي الكبير..أتشرف بك..
أسير..وأنا وش دخلني..عندك الوالد..تراه مايقصر..وبالعكس
تراه يفرح لما يشوفك تكرم ضيوفك..

أخوي..ياخي أنت مامنك فايده..ماتتجمل..
أسير..ها أشوفك قمت تخور..
أخوي..لا قصدي..بس..
أسير..لا ترقعها خلاص كلمه ونزلت..ياعديم الرجا..
بعدين على فكره..ليه ماتوديهم البيك..ولا أي مطعم والدعوه 50
ريال..

تقول بعد هذا كله زعل؟ وفقد الأمل..أكيد لا..

أخوي..المهم أسير..انا عارف كلامك هذا مزح ومن ورا الزير
لاجيت أحصل الفلوس جاهزه..وانت لازم تحضر..
أسير..أقول عندك المجلس تحت..أنطق أنت وضيوفك..وقهويهم
واتسمموا..ومالك ومالي..
أخوي..خلاص أنت وسوالف حقتك ويافرحتك..
أسير..ورع..خلك سنع..وخل سوالف..فيها براسك يالدويشه..
أخوي..خلاص صافيه لبن..أتفقنا..
أسير..لعيونك قشطه قشطة مراعي..

والحين نرجع لخوي الغفله..
أخينا..غلق القهوه والشاي..ماغير يشفط..وراخي جسمه بكل >ألاطه<
ولا تقول بيت أبوه..

أسير..هيه انت يابو اللقافة..مامليت ماوديك تطس..
العسه..احنا ماقولنا شئ توا الناس..
أسير..أقول وش رايك تضف وجهك عني وتجيني مره ثانية..
العسه..يالله يمكن تكون أخلاقك زانت..
العسه..يالله مع السلامه..
أسير..مع السلامه ياروح ماما.

عبودي 1

14-08-2001, 03:54 AM

هلا والله بشيخ العسة :)

ديمة2020

14-08-2001, 07:25 AM

أحلى ضيف اسير الليل

الرجال مالة خلق اتليقفون ليش والله زين سوى

اسير الليل (ام بى سى )طالبين يسوون معاك لقاء فى برنامج الو رزان

أسير الليل

14-08-2001, 12:31 PM

أهلين عبودي1..حياك

أنا برضوا شيخ العسس..

قول غيرها..الناس تنام..وانت لسه صاحي..

تسلم على المشاركه..

أهلين ديمه2020

ابدا لا لقافة ولا شئ..أهم شئ استانستي مع واحد مقاشر..

على فكره..انا أول مره يمر على اسم هالمفعوصه رازان..

يالله عاد ديمه رتبي معاهم الميعاد..وباخذ معاي سلة السهر

اللى في سوالف..

تسلمي ديمه..على المشاركه..

البحاري

14-08-2001, 01:46 PM

صباح الليل .. أسير الليل

ما شاء عليك .. حوار جميل

بس ليش مااعطيت اخوك مساعدة ..؟؟!!! :):):)

هههه
أحبك بجنون..
خلهم يدرون..
وش بيسون..
بيزعلون..
خلهم من بحر جده يشربون

اخاف تقول يابحاري .. انت من جماعة من بحر جدة يشربوووون :)

تحياتي :)

Huda76

14-08-2001, 01:49 PM

أخي العزيز أسير الليل

هلا بك والله اخوي :)

وأسعد الله أوقاتك بكل خير :)

مقابلة خاصة رهيبة جدا .. استمعت بقراءتها كأني كنت موجودة في الموقف ..

أسلوب " أسير " في الحوار رهيب .. مو معطي حد مجال يكلمه :) :)

تحياتي لك

أسير الليل

15-08-2001, 11:37 AM

الظاهر أمس أتغير شعار جده غير......وسار..جده عليها غبار..

بحاري باشا حياك..

لا تشيل هموا تراه زي الثعلب المكار...

أفا عليك..انت تشرب من زمزم..

البحر للعوازل عشان يغصون من الملح..

تسلم على التواصل.

حياك أختي العزيزة..هدى..

والله يسعدك بكل خير..

زين عجبتك..بس لايكون تقشارتي يوم مع احد من العائله..

هدى..أخاف البعض قال هذا مقاشر خليه في حاله..

مشكوره هدى على تواصلك

تحياتي للجميع