20 سنه وانا احترق...متي اتفحم؟

[المبتسم]

اربع سنين وانا احترق..ما جا الوقت اللي اتفحم فيه..؟؟؟؟
نفسي القى مبرر وحيد ماله ثاني ..مبرر واحد لوجود اللي مثلي على سطح الكره الارضيه...
تشوف نفسك في المرايه..هذا وجهك..هذي عينك...
هذا مجرى الدمع في خدك...هذا انت في المرايه..شوف وجهك ..من زمان ماشفت وجهك...
ارفع راسك فوق...
ارفع طرف القميص واكشف يدك اليمين...
تذكر يوم ابوك بحديدة المكيف ضربك بقوة على يدك..وانجرحت جرح غاير استلزم عمليه وهذا مكان الغرز لليوم ..
تذكر يوم جيت وقلت لأمك يممممه بروح معك عمره وقالت لك روح الله ياخذ عمرك؟؟؟
تذكر يوم اخوك قام يهزأك بين زملائه ويكذب عليك...؟؟
تذكر يوم تخرجت من الجامعه وجيت بكل فرح الطفوله تبشر اقرب الناس لك امك وابوك..وقالوا لك روح بلها واشرب مويتها..؟؟
تذكر يوم ابوك سوى حفلة لكل اللي تخرجوا من الجامعه الا انت ..؟؟
مع انك نجحت بتقدير احسن منهم كلهم ..الا انهم فرحوا بنجاحهم وانت بكيت وبقت دموعك على شهادة الجامعة..ذكرى
تذكر والا تذكر والا تذكر...
اشياء واشياء..
سبحان الله ولاحول ولاقوة الا بالله...
يوم بعد يوم تحس انك تقرب من قبرك من كثر ما تشيل في قلبك من هموم ...
حتى نومك تنام والدمعه في عينك..وتصحي وهي باقيه اثارها..
وليت احد يحس ..؟
حتى لو صرخت الله اصابهم بالصمم عن صوتك..
حتى لو بكيت ماحد راح يمسح لك دموعك ابد..غير الدبدوب اللي اشتريته خصيصا علشان لما تنام تحضنه وتتخيله مخلوق حي ...
تدعس راسك في صدر الدبدوب الدافي وتتذكر حضن امك اللي ممنوع الوصول اليه حتى اشعار اخر ...
ما طلبت من الدنيا قصور وعمارات وفلوس مالها اخر...
كل اللي طلبته عائله متحابه وبيت صغير يجمعنا بحب ...
ليش انحرم من اني ارفع راسي بابوي وباخواني ...
ليش انحرم من اني احس مثل ما يحسون الناس كلهم بدفء الاب وبحنان الام وبأخوة الاخوان...
ليش لما اطيح ما احد يمد يده لي ويسندني ...
ليش لما ابكي ما احد يكلف نفسه ويمد يده ويمسح دموعي..
ليش هالزمان مسح من جدوله المعايير والاخلاق والقيم...
ليش صرنا ننفر من الصادق..
ليش صرنا نضحك على الطيب ونعيب عليه بطيبته...
ليش الانسان البسيط اللي راس ماله اخلاقه وتربيته يدور في هالدنيا وحيد ...
ليش تغرينا الدنيا بزخارفها المزيفه...
ليش ننسى ابسط معايير الاخلاق عند اتفه مغري..
ليش بسهوله ننسى بعض...
ليش بسهوله نبيع بعض..
ليش بسهوله نجرح بعض...
من سرق قلوبنا...
من نهبها منا في وضح النهار..
الله يخلف علينا وعلى هالدنيا...اللي اسال الله العلي العظيم ان يريحنا منها ومن عنائها ومن بلاويها..
واسال الله ان يحسن خاتمتي فيها...ويارب يارب يارب امووت شهيد..يارب يا اكرم الاكرمين...
يارب انت اللي عارف اني انظلمت في هالدنيا كثير...
يارب انت اللي عارف اني اطهر مما يقولون عني...
يارب انت اللي عارف اني مدت يدي لهم وهم قصوها ...
يارب انت اللي عارف اني وصلت وهم قطعوا...
يارب انت اللي عارف اني كل ما جيت بطلع فوق سحبوني معهم لتحت..
يارب انت اللي عارف اني مظلوم...
انصفني يا اكرم الاكرمين انصفني...
بذمتكم اللي مثلي يستاهل يعيش؟؟؟
بذمتكم مو الحفرة اللي مترين في متر ونصف هي المكان المناسب لي...؟؟؟
يوم كنت في اول عمري..كنت احلم اني اصير كذا وكذا..
كنت احلم اني اودي امي للحج بنفسي..
كنت احلم اني البس امي من راسها لرجولها ذهب ...
كنت احلم اني اصير شي له قيمه...
كنت احلم اني ارفع راسي وراس اهلي ...
ويوم بعد يوم صرت اسحب حلم من الاحلام الكثيره اللي كانت في بالي..
لما وصلت لمرحله لقيت نفسي سحبت كل احلامي وتنازلت عنها ..مو علشان شي..
بس علشان اعيش بين اهلي بسلام وحب ...
ولكن ياخساره خسرت احلامي وخسرت اهلي...
ولكن ماراح اخسر نفسي...
وبقى قدام عيوني حلم واحد ماله ثاني..
الشهاده....
وهذي قولوا امين كلكم..
اسال الله ان يبلغني اياها ...
وفي الجنه نتلقي بحول الله ومشيئته...
حتى ذلك الحين ادعوا لشجون القلب بالراحه..يوم او يومين او شهر او سنه او قرن او العمر كله...
آآآآمين يارب العالمين...يمر طيفي عليكم وتدعون له بالرحمه...
ياشجون القلب لو تدري....
آآآآآه...

لوبيـــــــيز

[taxi]

النار ما تعقب الا الرماد................





a7eba3aned@hotmail.comhttp://www.najdyat.com/images/icons/witch.gif

[سعودية]

السلام عليكم ورحمة الله وبركاته ..

ولا تقنط من رحمة ربك ..

يا أخي الكريم ..

قل على الدوام ..

" اللهم أني عبدك أبن عبدك ~~أبن امتك ناصيتي بيدك ~~ ماض في حكمك ~~ عدل في قضاؤك~~أسألك بكل أسم هو لك سميت به نفسك ~~ أو أنزلته في كتابك ~~ او علمته احد من خلقك ~~ أو أستأثرت به في علم الغيب عندك ~~ أن تجعل القرآن ربيع قلبي ~~ ونور صدري وجلاء حزني وذهاب همي "

وعسى ربي ان يزيح عنك ما ألم بك من هم وغم ..

تمنياتي لك بحياة سعيدة ..

[المبتسم]

لا انتم فاهمين الطبخه
غلط
هدي مجرد خواطر لا اكثر
ومالها اساس من الواقع
علعموم
مشكورين علي
تفاعلكم معاي

[سعودية]

وأعتذر أخوي عن الغلط ..

والحمدلله اللي الكلام مو من القلب ..

وتمنياتي لك بحياة سعيدة ومليئة بالأفراح ..

تحياتي لك :)

[taxi]

لا تكون مثل راعي الاغنام................



وانت تعرف القصه الماثوره لراعي الاغنام ينادي الناس ككم مره لنجده من الذئب كم مره وكان اذا جاءوه قال........انما كنت ........على قولتنا هالايام امزح.......المهم مرت الايام واخينا الراعي ي م ز ح ....المهمم كثر المزح وراحت عليه جاه الذيب واكله ....والناس على بالهم ان ابو الشباب ,قصدي ابو الهلال,قصدي ابوالنصر......اسف الراعي ي م ز ح ....المهم ضيعت السالفه اكله الذئب والسبه انه كان يمزح........مزح ماهو قده.........



a7eba3aned@homail.comhttp://www.najdyat.com/images/icons/witch.gif

[سنفور غبي]

:)

[المبتسم]

سعوديه:لا يا اختي عادي خذي راحتك

انا الصراحه كنت مضايق قلت اهون عن
نفسي ورحت كاتب الكلام البايخ دا
معليش اعتذر


تاكسي:ان شاء الله


سنفور غبي:بدون رد :)

[مرايا مبعثرة]

خرعتنا يا لوبيز

لو تشوف وجهي وانا اقرا الموضوع!!!!!!
تعفست حواجبي وطلعت كل التجاعيد اللي بجبهتي
وقلت هذا مسكين هله ما يبونه الله يعينه..



خدعتني.........بس الحمدلله طلع كل هالكلام مجرد خواطر :)

بس حلوة الخاطرة

[البحاري]

مساء الخير .. لوبيز

خاطرة رائعة .. واسلوب اروع .. صدقني كلمات .. تجبرك على ان تتصور الموقف .. وتشعر بصدق مشاعر هذا الشخص .. وقسوة الزمن .. تصورك جميل .. استمر ياعزيزي .. فهي خاطرة جميلة :):)

تحياتي :)

[لجين]

السلام عليكم
لوبيز..:)
خاطره جدا رائعه
مواضيعك واسلوبك في الكتابه جميل جدا
لقد قرات لك عدة مواضييع ,اعجبتني ..
سير الى الامام وفقك الله وسدد خطاك:)

[المبتسم]

صراحه..
كنت تعبان...قلت ارفع الموضوع دا
لان له ذكريات خاصه في قلبي..
تحياتي..

[عاشقة]

لالالالالالالالالالالالالالالالالالالالالالا
لوبيز .. أقول ياااااااااااحرام هذا كله من الخووووووووف



ههههههههههههههههههه
من ظهور شلة البنااااااااااااااات


لسه بتتفحم بعدين:D :D

[المبتسم]

اهلين عاشقه
اقول ياريت ننقل المعركه في اي موضوع تاني غير هذا
علشان ما تقل جوده الموضوع من كثر الردود
اختاري الموضوع
تحياتي

[SAUD33]

الله يساعد قلبك :)

كل نار تصبح رماد مهما تقيد

إلأ نار الشوق في يوم عن يوم تزيد

[زهرة الكركديه]

hahahahahaahahahhahahhhhhhahhhhhahhahhaaahhahahaaaaaaahahhahhahhhahahhahahahhahahahahahahahhhahhhahhahhhhahahhhahahahahahhahhhahhahhahahhhhhahahhahhahaahahhaaha

يقطع بليسك:p :p :p :p :p

[بحر الحنان]

رد مقتبس من SAUD33
الله يساعد قلبك :)

كل نار تصبح رماد مهما تقيد

إلأ نار الشوق في يوم عن يوم تزيد