الي الاماراتيون !!!

[ظفرة]

السلام عليكم ورحمة الله وبركاته

اخواني الاماراتيون ...بشكل خاص ...

انني من المعجبات كثيرا بالامارات العربية ..

وانا ازورها باستمرار ...

واحب مطاعمها ومجمعاتها ...

وكل شيء فيها ...

وحتي جوها الرطب ...

ولكن .....

سمعت عن مطعم " بلانت هوليوود " ...

بانه يستخدم المشروبات المحرمة في الخلطات الخاصة بالأكلات والستيكات والاطباق التي يقدمها للزبائن ...

فهل هذا صحيح ...

انا أسألكم واعتقد انكم ادري بذلك الشيء ...

وبصراحة انا معجبة بهذا المطعم واحب الاصناف التي يقدمها ...

هل فعلا الاطباق التي يقدمها للزبائن كلها مجهزة بخلطة من المشروب ؟

افيدوني .. اذا احد منكم يعلم ذلك ..؟

وشكراً

[BRABUS]

الأخت ظفره


مب مطعم بلانت هوليوود الوحيد اللي يستخدم المشروبات المحرمه في تحضير أطباقه

في مطعم اسمه فرايديز بعد

بس غالبا في القائمه يكون مكتوب إن الطبق الفلاني يحتوي على مواد كحولية

وانتي من ناحية الحذر وأخذ الحيطه اتأكدين عليهم إنج ماتبين هالطبق بالكحول

وفي مطاعم غير بلانت هوليوود وفرايديز

وأغلبها اللي اتكون في الفنادق

مثلا فرايديز اللي في فندق البستان يستخدمون فيه المواد الكحولية أما اللي موجود في شارع زايد لأ ... وهو أرخص بعد

:)

وشكرا لشعورج تجاه الامارات :)

[عيوني_حزينه]

اهلين وسهلين ........

اعتقد تتكلمون عن المطاعم الي في اماره دبي.....

وبالنسبه للمطعم الي ذكرته اختي اول مره اسمع عنه.....

والي اتكلم عنه اخوي (BRABUS) بخصوص مطعم فرايديز........معقول الي اتعشيته البارحه يكون مخلوط بخلطه كحوليه.....يمكن والله لاني رجعت ونمت وماحسيت بنفسي الا الصبح........:)
افيدوني الله يخليكم..........تراني من اماراه ابوظبي

قرايديز الي عندنااااااااا مشبوه او لا.............تحياتي لكم

[BRABUS]

مب كل الاطباق

في منيو المطعم يكون مكتوب مع الطلب إذا بغيته مع الكحول ولا لأ

هذا حسب اللي شفته

ويوم تطلب يسألك النادل إذا تباه ويا الكحول ولا من غير

والله هذا عندنا في دبي

مادري عنكم في بوظبي :)