المقرووووووووووووووووووووووووووووووود

[الشرجاوي]

تتذكرون المنحوس اللي طاح في حضن السايق ؟

الحين عاد جاء دور أخوه المقرووووود !!!

المسكين كان مقرود بالقو .. وين ما يدقها عويه ! المهم زهق من حياته و قرر يهاجر أي بلد ما يعرف حد فيها يمكن يعتدل حظه .

اول ما طارت الطيارة و ارتفعت و الا يعلن الطيار الطواريء و بددت الطيارة تهتز حيل !( قلت لكم مقرود )
قرر الطيار أنهم يرمون كل الأغراض ,, بس للأسف ما نفع و ظلت الطيارة غير متوازنة .. اهنيه عاد قرروا أنهم يضحون في بعض الركاب .. جمعوا اللي فوق الـ 80 كيلو و الا صاحبنا وياهم .( يا جماعة صدقوني مقرود )
قالوا نسوي قرعة و اللي تطلع عليه نرميه !!! سووا القرعة و الا تطلع عليه ... ( ما في أمل )
تم يصيح و يتراجاهم و هم يحاولون يرمونه , الطيار أنكسر خاطره و قال لهم عيدوا القرعة ... عادوا القرعة بس للأسف طلعت عليه ( يا جماعة كم مرة اقول لكم منحوس ... أفهموا )
يا الله عاد الحين مسكوه من يده و ريوله و هيلا و هوب يبغون يرمونه و هو متعلق بالباب و يصيح و يترجه ... بس ما في امل ... قال لهم يا جماعة عطوني فرصة وحدة بس .. بسأل سؤال لو جاوبتوا عليه صح برمي نفسي من الطيارة ...
قال الطيار .. خلاص جيبوه .... يا الله عاد خلصنا ما عندنا وقت .. الطيارة و شويه بطيح ... أسرع أسأل !

قال : زين ... أنا واللي جنبي كم صبع عندنا في يدينا ؟
الطيار أهنيه زعل زعل شديد ... قال لهم شيلوه بسرعة .. أكيد عشرين ! شو هالسؤال السخيف.؟
رد عليهم و هو فرحان ... لا لا لا لا غلط ... تسعتشر (19) مب عشرين لأني عندي صبع واحد مقطوع !!!

ولكن يوم عدوا أصابعهم .... لقوا اللي جنبه عنده أحدعشر (11) صبع !!!!!!!


صدقتوني الحين أنه مقروووووووووووووووووووووووود !!!!

[فتى الامارات]

^1
حلوة
:):):)
رموه والابعده

[الظامي2001]

هههههههههههههههههههههه

[هاوي نغم]

هههههههههههه .. حلوه شرجاوي :):) .. مسيكين والله !!

[شبوحة]

:):):):)

[BackstreetBabe]

والله كسر خاطري المسكين....مافي أمل أبد!!!
:) :) :) :) :)

[الشرجاوي]

فتى الامارات .... تتقبل التعازي في بيت المنحوس !!!!
:):):):):)
الظامي2001 ... الله يديم عليك و علينا هالضحكة ...:):):):):)

هاوي نغم ..... ;)شكرا ....:):):):):)


شبوحة ... :):):):):):):) مرسي اوي


BackstreetBabe ... الحين هذا المقرود كسر خاطرج ؟ المفروض اللي يكسرون خاطرج هم أهله اللي كانوا متحملينه !:) المفروض كانوا موتوا من زماااااااااان !!! :):):):)

[جاسم]

حلوووووووة يا الشرجاوي

والحلو ما يقول الا الحلو

وبالتوفيق

[الشرجاوي]

جاسم .....;)

[top_leena]

كاسر خاطري هالمقرود