طيب انا شو دخلي!!!!!!!!!!!

[cruiser2000]

السلام عليكم ورحمة الله وبركاته



كيف حالكم؟


ياخي هالوجه عاجبني :headshak:


يذكرني بشي

طيب وانا شلي منه تراه وجه


الزين خلونا ندخل الموضوع عطوني المفتاح عشان افتح بابه

" الاخ رايق "


تفضلوا يمين يمين


لا حلفت

طيب خلاص انا ادخل واجهز القهوة اوه نسيت محد يشرب قهوة

تبون نص كافيه طيب اسوي 3/4 الكافيه احسن

تعرفونا نحن اهل كرم وطيبة

الزين خلونا ناكل شي من الحلو

تبون حلاوة نحن ما نعرف الحلاوة

هريس جاهزة في المجبة وعندكم خبيصة بعد ومبثوثة
وطبعا محشي واهم شي واحلى اكل احبه الثريد

خبز وصالونة لحم

عندكم توست حق البنات وممكن انكم انتوا يا الشباب تاكلون منه



اقول خلوني اقول موضوعي وبعدها نسوي المشكلة




طيب شو كنت اريد اقول

طالع بسبتكم نسيت شو لازم اقول

شو هذا :mad: لاحقين على بطونكم همكم الا بطنكم وتمزرون الكرش

لا تنسون تعملوا شوي تمارين بعد الاكل :banana: تراه زين


اقول قولولي مبروك

تذكرت شو كنت اريد اقول :D

لا تضحكون تراني اهرج على الفاضي بس مرات على الاول
ومرات يوم يعكر المزاج على الريوس ها ها ها

شرايكم بموضوعي





هندي فلته!!!!








هههههههههههههههههه

تعرفون ليش أضحك !!!! لانكم اعتقدتم انها وصله :D

انا غيرت اللون فقط :rolleyes:

ما دريت حبكم وصل جذي حق موضوعي



هندي فلته !!!! (صصص . هوتميل دوت كوم)





هههههههههههههههههههه



تعرفون ليش أضحك؟


لاني حطيت وصله غلط ومش موجودة :rolleyes:


تبون تضحكون معاي


مرر لفارة فوق الوصلة القبلية وشوف الزاوية اليسرى الى الاسفل
هناك يبين الموقع اللي مكتوب او اللي بيوديك له الوصله

شوفوا الموقع الهبال :shock2:





طيب شرايكم بالوصله هذي؟

لا تنقر هنااا وانظر يسار الشاشة الى الاسفل ( دبليو ثلاث مرات دوت مرة واحد يبي ينكت دوت كوم)


هذا موقع حق النكت فيه كل النكت مرة :D











شريت شكلاته اليوم حق الموظفين عزمتهم يعني

مع اني ما اشتغل لاني ما اتوصل بالكهرباء

لكن اقدر اعمل لاني اعمل بالطاقة مب بطاقة :D " <<< رايق







علومكم وشخباركم


اقول مب لازم السب تراني ما اسمعكم

خلاص بلاش قرض ادري الحرارة واصلة فل

خلاص انا هونت ما بقول موضوعي




وواحد بيسألني

عجل ليش حطيت الموضوع؟

جوابي للتسلية والترفيه


الواحد لازم يرفه شوي عن نفسه صح ولا لأ




يالله حياكم الله


امل بانكم قضيتم وقتا ممتعا معاي


اخوكم
خالد

[بو علاء]

اخي العزيز كروزر 2000
تعرف كم اني احبك ودايم احب مواضيعك (( هذي الصراحه ))





بس تصدق هذي ثاني مره احس انك (( مهسسسسسستر ))
(( هذي الصراحه ))


اظن انك كاتب الموضوع وانت جوعان او وانت توك قايم من النوم


والله اعلم




بس عموما موضوعك (( فللللللللته زيك ))
والله يشفيك :damp: :damp: :damp:






اقول كروزر 2000 ذكرتني
بيني وبينك
لا تقول احد اوكيه :think:



(( ترى في حارتنا واحد يمدحونه
يقـولـون انه يرقي زين انت تعال
عندي وما يصير خاطرك الا طيب ))

بس لا تنسى تراني كلمته عليك
وقالي هذي حاله من الحالات النادره جدا وقالي انت جبه ولا يهمك




المحب لصحه دائما بو علاء عزيزك



شباب اللي يكتب رد يحاول يواسي صديقنا كروزر 2000
لانه في حاله نفسيه خطيره زي ماقالي الشيخ :D :D



ودمتم (( س الم ين ))

[cruiser2000]

السلام عليكم ورحمة الله وبركاته




بو علاء :

شكرا على ردك الحلو وصراحتك

بس تبي تعرف شي من كلامك صحيح :)

بخبرك من غير حياء ان ولا واحد يريدني عقب ما يحلل شخصيتي وانا ما ادري

حتى احيانا احس اني اتغير وانمو ولكن احيانا احس نفسي غبي
احيانا احس كل شي غامض امامي
تطلع لي مهارات مختلفة جدا جدا وكثيرة ولكن مب كلها مرة وحدة
لا تطلع المهارات اللي حسب الجو الموجود

بخبرك اني حاليا ما اعمل

لكن انا اتدرب الحين كجزء من التعليم عندنا في الكلية
وبتستغرب ان المكان مستشفى توام

تعرف احس ان ولا واحد يدز لي ويه

مب احساس بل حقيقة

لاني كل ما احاول اتكلم لازم حد يقاطعني معهما كان
اتصال مفاجيء مب لي لا لللي يستمع لكلامي

وانا متاكد اني يوم اكلمهم عن مثلا كيف اقولك

ربعي يحسون اني معقد لكني اقولهم الحقيقة بس المشكلة

دايما كلامي يطوووووول

يعني كلامي يكون صحيح ببس ما اقدر اعطيهم كل الحقيقة مختصرة

لاني ما احب اخفي شي لاني
اخاف اني ما اكمل اللي في بالي ويفهمون غلط لاني ما قلت كل شي


انت اذا لاحظت شي من مواضيعي تكون طويلة

انا عادتي اني اطول شوي

ولا يخفى عليك لما اصلي بالناس جماعة على فترات مثل يوم
نكون مع الشباب ولوحدنا

تكون صلاتي طويلة لاني ما اقدر اعطي شي قصير

انت لاحظ القصص في قصتين نزلتهن في القسم هذا

روح شوفهم بعدني ما كملتهن ليومك هذا

وحدة واصلة الجزء 10
ووحدة ما اعرف وين



احس ان الناس مب فاهمتني عدل
وماخذة فكرة غلط عني



ما فيني اكمل لان كلامي بيطول واحتاج وقت طويييييييل


على العموم مشكور اخوي بو علاء على الرد الحلو


وين الباقيييييييين ؟؟؟؟؟؟؟؟؟؟

[نواف بن أحمد]

لا تخاف اخوي مابعد الضيق الا الفرج:(


انت زور مستشفى شهار ويصير خير ان شاء الله:D

[بو علاء]

اخوي بو حمد مستشفى شهار مره وحده

لا لا خله يمشي خطوه خطوه :D :D :D



اخي كروزر 2000 امزح معاك هذا اولا ثانيا
انا اعتبرك واحد عاقل وحبوب وكل شيء وبين قوسين (( تعجبني ))
وانا الصراحه تفاجات من كلامك هذا لاني احسن انسان رهيب جدا جدا وبكل صراحه
اما قصه كلامك طويل او انت ما تختصر هذا شيء طبيعي جدا
او انت تحس انه محد يبيك فانت غلطاااااااااااااااااان
ومره غلطان وصدقني اللي يسويلك الشي هذا
مايكون الا انه يبي يقهرك وصارتلي هذي ولاكن لا تصبح كتوم او تخفي الصغيره والكبيره في قلبك اذا كنت حساس فهذا الشي قد يؤدي الى مرض
نفسي خطير تتحول الى ازمه نفسيه بعد ذلك واسالني
انا لا اخفي عليك او للاعضاء مدام ن اموضوع انفتح
انا كنت اروح اخصائي نفساني (( اجتماعي )) ونفس مشكلتك يا اخي كروزر 2000
كنت احس اني غير مرغوب فيه واني ما انعطى وجه زيك يعني
ولكن تم علاج الشي هذا انت اكيد حتقول كيف
انا اقلك بعد ثلاث جلسات اكتشف الدكتور/ه :D الحل وهو توقع ايش
شي يذبحك من الضحك ؟؟؟؟؟؟؟؟؟؟؟؟؟؟؟؟؟؟؟؟
طنش عش تنتعش وبس
يعني اسمع الكلام من هنا وطلعه من هناك وفعلا طبقت هذا الشي
فصرت اقهر كل واحد يستهبل بالطريقه هذي الا ان بطل هو لحاله
والحين صرت خفيف دم لدرجه ما تتصور (( بسم الله الرحمن الرحيم علي يبو حمد :D ))
اللهم لا حسد :D فطبق الشي هذا وانا اكيد انك حتكون افضل بكثير
واوعدك ولا تنسى اني واحد من المعجبين بك وبقصصك
والدليل لو ماكنت احبك (( في الله )) لو ما كتبت لك هذي النصائح وسلامتك
وصدقني انت منت غريب الاطوار على قولتهم :p :p

[cruiser2000]

مشكوووووووووووورين على الردود


بوعلاء انا بسوي هذا وبجرب اذا نفع بتكون انقذتني :)

تحياتي لكم اخوكم
كروزر2000