الكاتب الموضوع:   هــل صحيح ستحدث مشكله الكمبيوتر بعد تسع أيام ؟؟
شاطر   كتب الموضوع   01-09-1999 06:22 AM   الملف الخاص للعضو  شاطر     
السلام عليكم ورحمة الله وبركاتة ..

أقعد الصبح اغسل وأروح أفتح صندوق الجريده وأطلعها وأقعد اقراها وأنا أتريق , تعرفون حلو الجو لما تكون اتريق مع العجوز على هالصبح بس بشرط ماطالع وجهها طالع الجريده علشان تصير نفسك حلوه للأكل لووووول . المهم القى اعلانات عن الكمبيوتر ومواصفاته وشغلات جذي ,ومن هالمواصفات متطابق مع سنه 2000 , أروح الدوام أسمع الربع يسولفون عن الكمبيوتر وسنه ألفين بعد أرد البيت أشغل التلفزيون ولا سنه ألفين طالعه لي بالتلفزيون بعد , والمشكله توني شاري جهاز جديد ويوم وصل الا أمي تقولي ليش تشتري الحين جان ناطر ورا سنه ألفين (لااااااااا حتى أنتي بعد سنه ألفين ذبحتوني ) المهم . طولتها وهي القصيره هاا أنا متعقد من سنه ألفين ماأعرف شيقصدون فيها ولا أبي أعرف مليت بصراحه .
خلونا من سنه ألفين قبل جم يوم قريت بجريدة مممممممممم مادري شسمها والله ناسيها المهم موضوع أن في شركات خايفه من تاريخ (9-9-1999) يقولون راح تصير فيه نفس المشكله , وبصراحه كان عندي شغل ومستعجل وماقريت الموضوع كله ودورت الجريده ومالقيتها (الظاهر حاطينها تحت الأكل وراحت نفس اللي قبلها ) المهم (لااا الحين لازم فصحى)

هل صحيح بأن بتاريخ 9-9-1999 سوف يؤثر على أجهزه الكمبيوتر والحسابات ؟؟

طبعا مو لنا للشركات والبنوك وهالسوالف

صج ولا حجي فاضي

أخوكم شــاطر قبل وبعد
الخــــاطر

انا هو   كتب الموضوع   01-09-1999 09:23 AM   الملف الخاص للعضو  انا هو     
لاتصدق كل اشاعه
ترى كل اشاعه وراها تصريف بضاعه كاسده
تلقى عند الشركه اللي طلعت الاشاعه برنامج وتبغى تصرفه وتربح من وراه
وهذى كل القصه
على فكره تدري ان اان فيروس تشرنوبل لما
ظهر كات المضاد له موجود بعد ساعات عند الشركات اللي تصنع مضاد للفيروسات
طابخينها مع راعي الفيروس علشان يربحون من ورانا ورى غيرنا

شاطر   كتب الموضوع   01-09-1999 06:53 PM   الملف الخاص للعضو  شاطر     
اي والله يانا هو الظاهر اشاعات من الشركات علشان البضاعه مثل ماقلت , كله حجي فاضي

وتحياتي لك


أخوك شــاطر قبل وبعد
الخــاطر

Sindbad   كتب الموضوع   05-09-1999 02:26 AM   الملف الخاص للعضو  Sindbad   أرسل بريد إلكتروني إلى  Sindbad     
الله يعينا على هالبلاوي ...


مع تحياتي
Sindbad

الموضوع الـتــالـي | الموضوع الســـابق

أدوات المراقبين : غلق الموضوع | أرشيف أو نقل | إلغاء الموضوع

للمراسلة | سوالف للجميع | شبكة سوالف