كتب الموضوع 04-10-1999 01:50 AM
السلام عليكم ..صباحكم\مسائكم فل وياسمين .
الطريق المهجور .
تخوفني مشاوير الطريق المظلم المهجور
والى مني ذكرتك قلت طولي يامشاويــري
عزاي إنك رجاي العذب لو كل الدروب عثور
وصلت أو ماوصلت اعرفك مانته منتظر غيري
حبيبي وكل الله .. لاتحسب إني بليد شعور
لو إنت المستحيل الصعب ماأبدي لك معاذيري
احبك رغم تجريح الليال لقلبي المقهور
اشوف الجرح يكبر.. وانت تكبر وسط تفكيري
احبك لو يموت الحب .. وتصير القلوب قبور
احبك كلمة .. لو حرموها حل تفكيـــري
احبك من هنا حتى طلوع الفجر حد النور
صحيح إنك قدر محتوم بس أجمل مقاديري
بعذر اللى يحبك لو يصير الشاعر المشهور
لانك تنهمر حلو القصيدة في تعابيري
احد ربي يحطك له حبيب .. وما يجيه غرور
وانا مهما بغيت أستوعبك ياقل تقديري
هلا بك من قدمك لغرتك .. لشعرك المنثور
هلا في كل شيء فيك وأنت أغلى مساييري
اثر صدق الغلا يجبر حطام الخاطر المكسور
وأنا مهما منحتك من غلاي .. أشعر بتقصيري
ولو طالت مشاوير الطريق المظلم المهجور
أنا لامن ذكرتك قلت .. أحبك يامشاويري ..
(((مساعد الرشيدي )))
كتب الموضوع 04-10-1999 01:50 AM