كتب الموضوع 14-08-1999 04:11 AM
حســـــــــــــــــافه !! ألا يا ليت ما قالوه عنّك يا ( حبيبي )فيـــــــك …
ألا يا ليت طبعك صدق .. مثل ما هم يقولـــــوني
وألا يا ليت شين الخلق كله مجتمع لي فيـــــــــــــــك …
وأني صدق مخدوع بهواك .. ولا نتَ مظنونـــــــــــي
وأني عايشه في كذبةٍ عنوانها : (( أغليـــــــك )) …
دراما مسرحية .. والخداع .. أشكال وفنونـــــــي
يجوز أني فيومٍ لا عرفته أبتعد وأسليــــــــــــــــك !!
وأبيعك وأرخصك وازهدك واعدّك من عدويـــــني
ولا مريت في دربٍ أجي في غيره وأجفيــــــــك …
وإذا ما مرّ بي ( إسمك ) عبر .. ما حرّك شجوني
وقلبي يرجع القَبلي .. خلي من رسمك وطاريك …
وأظمن ما عليك فيوم .. مرّه تدمع عيونــــــــــــــــي
ولا أشتاق لك وأشكي لقلبي عنك منك وفيك …
ولا من قصف نبضات الخفوق يبوح مكنونـــــــــــــــي
ولكن .. للأسف .. ما هو صحيح اللي انحكى لي فيك !
حسافه شخصك أكبر من .. ملام اللي يلوموني !
وحبك لي وحبي لك حقيقه ما بها تشكييـــــــــــك …
ولا خيّبت لك ظنك ، ولا بك ســـــــاءت ظنونــــــــي
وعهد الله .. ما أصغي لمن هو بالقفا يشنيــــك …
ولا اسمع فيك لوم اللي .. على حبك يحسدونـــــــي
-------------
عندما كنت في زياره احد الصفحات
لفت انتباهى هذه القصيده اردت ان تشاركونى اعجابي بها ولا اعرف الشاعر لمن سوى ان من اختارها شخص بلقب ظبي الجزيرة