في البداية أحب أرحب بجميع أعضاء سوالف السيارات

و راح ادخل في صلب الموضوع على طول عشان التعبير عندي ( صفر )

قبل فترة فكرت بلغم سيارتي ( تزويدها ميكانيكياً ) لكن خفت من المشاكل اللي راح تنعكس علي من ورا هاللغم

لكن سمعت من شباب ان في أشياء ممكن تتركب وليس لها أي أعرض جانبية ( على قولتهم ) على السيارة

و خاصة وأنا عندي سيارة من تقول كح وديتها الوكالة

فسمعت عن البكرات الرياضية ،، و فلتر الهواء الرياضي و حاجة مو عارف شسمها بالضبط لكن تجي على راس المحرك على ما أذكر

اللي عنده أي معلومات عن هالكلام يزودنا ببعض المعلومات عن إيجابياتها و سلبياتها ،، و السعر

تحياتــــــ للجميع ـــــــي

شوف يالحبيب:
ليمونتك عليها سعة جبارة "3.8" وستة سلندر ..
فاعتقد "بس مو على مسؤوليتي ;)" ان مدى التلغيم عندك واسع جدا..
على قولتك فلتر بس يكون ماركة طيبة "K&N,,AEM,,DC Sport" وكنداسة "أو دبة" وهدرز بساعدون سيارتك على التنفس بشكل اريح وبالتالي أداء عام افضل ;)

بالنسبة للمشاكل فاعقلها وتوكل

انا على ما أعلم أن الدبه تبطىء من السرعه
كم ان الهدرز ممكن يخرب السياره و الله أعلم

ياليت لو تذكر نوع السيارة فأنا قاعد أكتب كلام عام عن كل السيارات......

خذها مني و أنا أبو هداد.........

تغير الأكزوست سيستم بالكامل.....يعني نظام الشكمان أو المفلر.....من عند المكينة وحتى الفتحة النهائية....
و هذا كما قال المعلم S2000 يريح المكينة جدا ويزيدك عدد جيد من الأحصنة...........يعني مفيد من كل النواحي.....
فلاتر رياضية معلمنا ما قصر وكتب احسن الأنواع..........
كمبيوتر جديد+أسلاك رياضية مع بواجي ممتازة......وراح تدعي لي..

و لو تذكر السيارة ممكن أبحث لك عن أحسن التعديلات المتوافرة لتلك الماركة خصيصا......

إلى هذا الحد كل شي مأمون..........حسب علمي.......

و أنتظر منك رد حول نوع السيارة.....

الله يسلمك ياعزيزي IMPALA SS '96
نصيحة لاتاخد فيا مقلب ;)
الميكانيكا عندي ميح وحتى باين من ردودك انك انت اللي تستاهل تكون المعلم
انا انفع اكون معلم كباب وبس
اخيرا اشكرك على تعاملك الرائع...المايك لك

S2000 ،، مشكور على هالمعلومات ،،
طيب الفلتر والدبة و الهدرز متوفرة في السعودية ؟
وعلى طاري الدبة ،، ما أبغى أركب دبة ويصير صوت سيارتي كأنه صوت جراندي أمريكي
في لومينا SS في الدمام مركب دبة صوت لو تسمعه من بعيد تقول كرسيدا GTX

وإذا تعرف مكان يضبطها لي في التركيب ،، مشينا من بكرة أنا وياك


الأعــرابي ،، والله خوفك من هالخربات والله ،، بس الله يستر

IMPALA SS ،، أنا عندي LUMINA 2001 V6 ،، وعلى فكرة في واحد من الشباب ركب شبس كمبيوتر جديد يعطي عزم خيالي لكن فيه مشكلة صغيرة انك من تمشي 100 كيلو لازم تعبي بنزين مرة ثانية يعني تصير السيارة للمناسبات فقط لاغير

وما أدري بخصوص الأسلاك والبواجي الرياضية ،، أنا سمعت انها تضر المحرك :( و ترفع الحرارة :(




تحياتـــــــ للجميع ـــــــي

الأسلاك تقوي الكهرباء
و مادري يمكن أحد نصحك ب MSD ignition
و انا ما أعرف هذي شنو , أعتقد الأكزوز سيستم يطلع الهواء من الموتر بشكل افضل مما يجعل المكينه تعمل بشكل أفضل لأن الستوك السيارات مسوين لهم حراكات عشان حماية الطبيعه و عدم خروج الكاربون شيء هالون
و في فلتر اللي يدخل هواء أكثر على المكينه و أنظم و هو ك اند ن
و أشتر الغالي بو 800 ريال , عشان يقولون ب250 ريال تقليد و ما ينفع و الله أعلم
أحين صار عندك دخول هواء أكثر و خروج هواء أكثر يعني مكينه تعمل أفضل.
و أنصحك بأكزوزات بورلا
أحن عندنا في البحرين بطلوا دبة بورلا و شافوا شلون مسوينها عشان الهواء يطلع منها بشكل أفضل و سواو عليها تقليد نفس الشكل بالضبط و بيعونهم رخص لتراب الفرق أن مافي ضمان (على ما أعتقد) و مافي كلمة بورلا على الدبه

بس كلمة حق في جدة بتلاقي البضاعة النظيفة..
هنا على قول الاعرابي كل شي مقلد او مافي!!
بالنسبة لمحلات التركيب هنا "الشرقية" فماعندي خبرة عن اماكن تواجدهم :(
اذا ودك محلات في جدة فابشر

*ركز على الكلمة اللي ذكرتها ياشرخشين عن صرف البنزين,,
كل اللي راح تركبه بيكون على حساب الصرفية ;)..

انتممممممممممممممممممم ساكنين بالشرقيه 1؟!؟!
وين بالدمام

نازل جدة أركب هالقطع

الأعرابي مشكور على هالمعلومات القيمة

S2000 شف متى انت فاضي بس ونطلع جدة صد ورد ما قصرت يالغالي

دكتور مجنون وينك كل هالمدّة ؟؟ لا يكون ضعت في المستشفى بس ؟؟ أنا من سكان الدمام وعلى الكورنيش كمان ;)