أنا جداً معجبه بأسلوبك الهادئ في الحوار بدون التطاول بالألفاظ أو الأسلوب على من تحاور, وهذا إن دل على شيء فهو يدل على كبر عقلك وإتساع آفاقك. بس هالشي مايمنعني من الإختلاف معاك في بعض النقاط الجزئيه. إنت قلت:
------------------------------------------------------------
وقضية أن البابا مشغول حسب كلام الأخت بنت الدين فهذا هراء يا أختنا
------------------------------------------------------------
أخوي ممكن تقوللي الكلام اللي مو هراء؟ يعني ألحين أخوي في جامعته وبابا راح مكتبه وأنا جهزت ومستعده باروح الكليه. يالله خبرني شنو ممكن أسوي؟؟
أخوي العزيز, أنا ماني يالسه أهلوس هني ولا أقول كلام "هراء" أنا يالسه أصورلك حالتي كمثال من بين حالات وايد جذي وأنا الحمدلله عندي سياره أروح وأيي بها وماعندي مشاكل بس أقوللك تصور لو ماعندي؟ مو معقوله أخوي أقول ييب سواق لأني أرى إن ضرر السواق أكثر. طيب بتقوللي لا حتى السواق حرام طيب أقوللك شنو البديل؟ تقوللي أهلك إيوصلونك طيب لو ماقدروا لسبب معين؟ خلاص توقف الدنيا؟
خليك واقعي أخوي وودي في رد بعد مااتفكر في الموضوع زين. من الأمور اللي خلت الدين الإسلامي يستمر هي واقعيته وهذا واقع أخوي ماممكن نتهرب منه. وأهم شي لاإتقوللي إذا مايقدروا أهلك إيوصلوش فماله داعي تدرسي لأني متأكده إن عقلك أكبر من جذي.
وعلى العموم آسفه لإسلوبي الحاد بس كنت متحمسه شوي.
أخوي ولد دبي
أولاً مثال الشاب هل النطق بالنيه واجب أو لا هذا مثال قالته لي الأبله وممكن أستفسرلك منها وبعدين أرد عليك.
بس أنا تهمني النقطه الثانيه, إيش هو تعريف الحاجه في نظرك أخوي؟
متطلبات الإنسان تقسم إلى (3) أقسام رئيسه: أساسيه - حاجيه - وتكميليه.
الأمور الأساسيه هي حفظ الدين وحفظ العقل والمال والنسب والنفس. وهذي يكفلها الإنسان دون نقاش ولا إختلاف في ذلك.
أما الحاجيه فهي التي تقوم الحياه بدونها ولكنها لاتستوي بشكلها الصحيح.
أما التكميليه فهي التي تتحقق بوجودها الفطره السليمه والأخلاق الحسنه .
وأعتقد بأن قيادة المرأه للسيارة تدخل ضمن هذه الأمور لأنه بدونها تقوم الحياه ولكنها لاتكون مستويه بشكل صحيح بالنسبه لمجموعه غير قليله من الناس.
وبعدين خليني أمشي معاك شوي وأقوللك إن البنت فرضاً لايجوز لها قيادة السياره إلا في الحالات اللي تكلمت عنها "لكل فاعدة شواذ". طيب هل الحكومه في السعوديه تسمح لمن هم ضمن هذا الإطار بقيادة السيارات؟ ولو حصل تصور بنت تسوق سياره لحالها مختلفة عن جميع بنات جنسها ألا يكون ذلك نوعاً من الشهره المنهي عنها؟
أخواني فكروا بعمق ورويه وإتركوا عنكم التحامل على الإناث فنحن نشكل 65% من سكان العالم حسب إحصائيه قرأتها مؤخراً وشكراُ
وودي أخيراً إنك تقرا هالقصه:
http://gesah.net/st380.htm
بنت الدين