من جمال الحلم أروع وأحلى ماشـافته عيني يستحيل الـوصف فيها وينتهي كـل القصيد

نـورها نـور بحياتي وأشـعـر انه يحتويني كل أبيـاتي وشـعـري.. لجل خاطرها عبيد

أهرب بنظرات عيني خايف إنـها تحس فيني ما أريـد أجـرح خجلها بس نظـراتي تريد

إن لمست الشعر الأشقـر ثار شـلال بيميني وإلتفت وجـه تسـاوى بالفجـر أو هو يزيد

لا قمر لا شـمس تشبه..أسـعدتني في سنيني نـورت كامـل حياتي وإجعلت عمري مديد

تـجرح النظره خجلها ..كيف عاد النظرتيني وأنـا مـا تكفيني نظـره وأعتبر لقيـاها عيد

ماهـره بتعذيب قلبي رائـعه بلمسـه يديني وأجله مـن عين حاسـد حبها أصـبح فريد

يستحيل ألقى مثلها يا أحـاسـيسي أبعديني ما أبي حب العـذارى عـايش بعالـم جديد

من بنات الحور إنتي لكن أرجـوك اعذريني ما وصل شعري لوصفك واقبلي عذري الشديد

يا حياتي وكل عمري طالبك بـس اخبريني كيف أصبح حبك إنتي يجري في وسـط الوريد