بالخارج اعني

خارج بلدها بل خارج الخليج العربي باسره

قد يزعج البعض هذا الموضوع ويزعل آخرين

ولكن بصراحه


البنت اللي تسافر لاوربا او لامريكا بروحها وبدون محرم وتدرس في جامعات مختلطه
هل تستطيع ان تحافظ على نفسها (( صعب جدا جدا )) اعلم ان الهدايه من الله واعلم ان البنت ليست مثل بعض ولكن المغريات هناك اكبرمن احتمالها للمغريات

,,,
انا درست بالخارج وليس في اوربا او امريكا وكان فيه بنات سعوديات يدرسن طب في احد الجامعات والله العظيم اني تفشلت انهن سعوديات من اللبس اللي يظهرن فيه ومن العمايل اللي شفتها ولم يقول لي احد شيء بل بعيني رايت هذا

,,,
ويقول لي احد الاصدقاء اللي درس بامريكا
ان بنات خليجيات يدرسن هناك يسوون اشياء الامريكيات ما يسوونها سواء من لبس او من تصرفات

ياترى شو اسباب هذه التصرفات

,,,
واسال

1/ كيف ينام والدها قرير العين ؟؟؟

2/ اخوانها معقوله ما تخطر في بالهم الاشياء اللي ممكن تتعرض لها اختهم ؟؟

3/ هل الدراسه في جامعاتنا الخليجيه اقل من مستوىهذه الفتاه ؟؟

4/ اخي الشاب ؟؟ هل تقبل ان تتزوج فتاه عاشت لوحدها في الخارج بغرض الدراسه؟


,,,,,,,,,,,,لا اعلم اذا كنت كتبت هذا الموضوع في السابق ام لا ,,,,,

وتقبلوا تحياتي

اولا الحق ما يزعل
ثانيا كلامك كله واقعي وصريح وحقيقه ملموسه
واتوقع بان من يسافر للخارج للدراسه بدون محرم فليس من اصل وفصل الجزيره
اكيد فاهم قصدي

شوف

بالنسبه لان اصولهم مو من الجزيره هذي ماني معاك فيها

بالعكس فيه بنات آخر اسمائهم رنانه بعد ومن قلب نجد..؟

أولاً اخي العزيز أشكرك على تجاوبك ... و أشكرك لطرحك هذا الموضوع

و لو كان قد طُرح في السابق ما فيه أي إشكال ... الغرض التوضيح

و التنبيه لما يدور في حياتنا .

بالنسبة للموضوع .. و الله أمر مخجل و أمر محزن ما يفعله الشباب

و الشابات في الخارج ... مصائب و فراق و أحزان تسبّب فيها السفر

إلى تلك البلدان المنحطّة .. بلدان لا تعرف الله فكيف تأمن من فيها ؟

بلدان ساقطة .. لا تفرّق بين النافع و المضرّ ... فكيف تجرؤ بالسكن

و العيش معهم ؟

هو حل وحيد ... تلزم المرأة بيتها .. و يقوم الرجل بالعمل من

أجل توفير كل ما يلزمه " بيت المرأة " .

ابي ارد على كلام الجمل ...

في كثير بنات اصل وفصل من والجزيزه العربيه ...

ومسافرين من غير محرم ....وفيه شيء يقول الضروره تبيح المحضورات ......


الحفار موضوعك يبغيله قعده .....

برجع له بعدين .....

تحياتي لك ولمواضيعك اللي لازم يصير فيها تتشات ...

مشكله حقيقيه هالبنات ولا اعمم كلامي
لكن هناك منهم من يحملون على قوله الحفار اسماء رنانه وتلقاهم يتسربعون في الخارج
.......لو درست اوضاعهم تجدهم من الخضيرين ولا يهمك الاسماء الرنانه
اما يكونون ملحقين على عائلات ام تربو معهم ..واستبعد اهل الحسب والنسب.......

اسماء رنانه يعني بنات قبايل من نجد ومن باقي مدن المملكه من جنوبها الى شمالها
ولولا احترام الناس كان قلت لك من وين البنات اللي شفتهن بنفسي


خللك ساكت بس والله الشق ما تخيطه رقعه

حنا ما علينا من الدول حنا علينا من الاهل

وتفكيرهم كيف يسمحون لبناتهم بالسفر

وارجع لموضوعي

تلاقي اربع اسئله ابيك تجاوب عليها

تحياتي لك وشكرا لك على الاشاده

بناتنا في الخارج ، وشبابنا في الخارج وجهان لعملة واحده ...

فبدون الوازع الديني والرقابه الذاتيه والتى تسبقها رقابة الأهل

وفي ظل المغريات الهدامه والكثيره في الخارج حتما ً سيكون الإنحراف

حليف الطلاب والطالبات إلا ممن رحمه الله ..

أخي عبدالله :

صحيح أنه سفر البنت للخارج بدون محرم حرام ، حتى لو كان

للدراسه وخصوصاً إذا كانت الدوله غير عربيه مفسده للأخلاق ، لكن

أصابع إيدك مب وحده وأنا أعرف الكثير من البنات سافرن للخارج

بقصد الدراسه ورجعن كما هن ، بل قد يكون الإيمان زاد في نفوسهن ،

وهذا يرجع بالطبع وكما قلت قبل قليل للتربيه الحسنه التي نشأن

عليها وللرقابه الدائمه من قبل الأهل .

جامعاتنا الخليجيه بألف خير ،ولكن رفيقات السوء في كل مكان

..ألست معي في هذا الرأي ؟



أرجوك خفف هجومك على الخليجيات ، فالدنيا ما زالت بخير على ما

أظن ، إلتفت حواليك ، سترى الكثير من الملتزمات ، والكثير ممن

يخافون الله .


آسفه على الإطاله......

شــكرا عـبد الله على هذا الطـرح
الهـادف اللي مـوغـريب عـلـيك
لي ردة للمـوضـوع هذه الليـلة.

الأخ الحفّار ..

1 ) مسألة كيف ينام الأب قرير العين ، ( و أنت تقول قبايل )

أعتقد أنه من ضعاف الشخصيّة ، لأنه من غير المتوقّع أن يسمح لبنته

بالذهاب هكذا ، أو ان يكون الأب " مقطوع من شجرة " بمعنى آخر

ما له أصل ، مثل اخواننا ... و ... و أنت عارفهم زين .

2 ) الأخ : قد يكون ما لها اخوان أو قد يكون الشبل من ذاك الأسد .

3 ) إذا كانت الفتاة لديها مواهب و ذات ذكاء باهر ، أعتقد من

الأفضل الدراسة في الخارج " و يشترط وجود محرم طبعاً " ، و أنا أذكر

طالبة إماراتية حصلت على المرتبة الأولى في الإمارات ، ثم درست الطب

في إيرلندا و حصلت على الدرجة العلياء مع مرتبة الشرف ..

4 ) زواج بنت درست في الخارج بدون محرم ، أعتقد جوابه لا يحتاج

لفك الطلاسم و الغموض .

و تقبّل فائق الشكر و الإحترام ... اخوك طيفان

لا ادري مالداعي الذي دعاك ان تقولي هجوم على الخليجيات

انا لا اهاجم الخليجيات انا اهاجم شريحه معينه من الناس الذي تفعل هذا ,لاتنسين اني خليجي وابن خليجي وامي الله يرحمها خليجيه واختي خليجيه وحبيبتي خليجيه

لذلك لاارى فيما قلته هجوم على الخليجيات

وهنا لم اريد ايضا المقارنه بين بين الشباب والبنات

كل مافي الامر هو معرفة اراء اعضاء سوالف في هذا الموضوع


وتقبلي تحياتي

الأخ عبدالله :

شكلك وااااايد زعلت ، وأنا ما كان قصدي أزعلك ..

والدليل على أنك زعلت أنه ردك كان فقط على آخر جمله كتبتها...

إتصدق والله إني عرفت أنك بترد علي بهذا الرد، حتي إني لم أستغرب

كل كلمه قلتها، فأنا كنت متوقعه الرد على هذه الفقره بهذه

الكلمات ....

يا الله خلاص لا تزعل

أختك هفوف الخواطر

اللي ذكرتيه في بداية موضوع

حقائق سليمه ولا يوجد عليها اي ملاحظه حتى اعلق عليها

ويمكن فيه نقطه واحد وهي
انت قلتي انهن رجعن مثل ما ذهبن رغم اني اتقوع انه من الصعب ان ترجع كماهي .؟؟

ولاداعي للاعتذار اطلاقا

فاختلاف الرأي لا يفسد للود قضيه اذا فيه ود

اولاً الغلطة مش غلطة البنات ...
الغلطة غلطة الاهالي اللي سمحولهن بالسفر للخارج من دون محرم,,
ويعدين في دول خليجية( من دون ذكر اسماء)
يقديدون خروج البنات من السكن الجامعي ...ولازم تعرف ان البنت قادرة على ان تحافظ على نفسها وين ما كانت...اما اذا كانت تسوي اشياء فاضحة فهي ممكن تسويها وهي في عقر بلدها...
صح ولا انا غلطانه..
وفي شي يحيرني كثير ...انت ليش تبحث في امور بنات اليوم؟ ليش ما تتكلم عن الشباب مثلاً ..
احسن لي اسكت ..لاني لو تكلمت باتكلم عي كثير ..بعدين بانتفاهم
ولنا لقـــــــــــــــــــــاء

انا معاك في ان هذا الشي خطا
لاكن في نفس الوقت مهو كل البنات اللي يسافرون للدراسة في الخارج ممكن يكونون من نفس الصنف يعني انا اقصد ان هذا يرجع للبنت والتربية اللي ربت عليها
وبعدن تذكر ان ربي خلق وفرق

موضوعك وكلامك ما عليه أي غبار .. بس اسمح لي أقول لك ان البنت إذا تبي تسوي شي بتسويه سواء مع أهلها وبوجود محرم أو بدون .. أنا ما أنكر كلامك وجود فتيات من عوائل ذات أسامي رنانة ومعروفة عندنا تطلع منهم هالتصرفات ..
وفي المقابل تقدر تشوف بنات أهاليهم معطينهم كل الحرية في التصرفات ومع هذا تلاقيهم محافظين على أنفسه أكثر من غيرهم .. السبب الأول والأخير يرجع على التربية الصحيحة والمجتمع اللي هم عايشين فيه .. وما ننكر بعد أن تصرفات بعض شبابنا تدعونا للخجل منهم خارج بلدهم ..
أنا مثلا كنت في الصيف خارج البلد .. صدقني مافي أحد تعرض لنا هناك أو حاول يتكلم إلا وكان .. للأسف من شبابنا ..

وثانياً .. مسألة ان البنت تطلع للدراسة في الخارج فما أعتقد ان فيها شي لو كان معاها محرم .. وخصوصا الحمد لله انت شايف جامعاتنا ما تقبل أحد منهم إلا بواسطة لو ان شاء الله جايبة امتياز .. ولا تقول لي غلطانة لأني أعرف كثير من هذا النوع ..

وسلامتك ..

نتفاهم ليش لا

اسمعي

انا طرحت الموضوع هذا وحددت اسئله معينه حتى لا اشعب الموضوع

انا قلت ايضا ان البنت ممكن تكون على خلق وكل شيء بس المغيرات اللي تواجهها هناك كبيره جدا ومهما كانت الا ان الامر صعب الاحتمال

,,,
اما البنات اللي هنا فهذا موضوع ثاني وليس مجاله هنا

,,,

انا يهمني كيف اهلها يرتاحون وبينتهم بعديه عن عيونهم وبالذات انها ليست في بلد عربي

,,
مشاكل الشباب ..ايش ؟ اللي يمنع انك تطرحين رايك فيهم وتكتبين شيء عن هذه المشاك,
,,
واعيد واقول نتفاهم ليش لأ

قولي واقول

صحيح يا مروه

الله خلق وفرق

لكن صدقيني اللي تتعرض له البنت هناك شيء يخلليها

تتعب كثير ؟ وتتنازل عن شيء اكثر

وسلاااااااااامتك

هلا عبد الله .

كلامك صحيح ومع الأسف الشديد .
واللي قالوا فيه بنات قبايل وكبار العوائل في الخارج اقول لهم كلامكم صحيح .. ومع الأسف .
واللي قالوا ان اغلب الشباب الخليجي هم اغلب زبائن الطاولات المستديرة في امريكا واروبا عموماً فهذا صحيح مع الأسف .
والمؤسف في الأمر حقيقة ان هؤلاء الشباب والفتيات هم أحفاد الصحابة الذين ملكوا الأرض وذل امامهم كسرى وقيصر واوصلوا الإسلام الى آفاق المعمورة .

واللي قالوا فيه بنات وشباب انتموا الى بعض الأكاديميات العربية والتي وفرت مجمعات سكنية نسائية للعائلات العربية هناك .. فأقول هذا صحيح والحمد الله .
( انك لاتهدي من أحببت ولكن الله يهدي من يشاء )


تحياتي لك
المجروح

كلامك مافيه شيء

ولكن انا اعني البنت اللي يروحون يدرسون للخارج لوحدهم

وقلت ايضا ان البنت ممكن تكون على اخلاق ومستقيمه لكن الضغوط اللي تتعرض لها هناك اكبر من طاقتها

..
والدراسه بالخارج ماقلت انها حرام انا اعترض على عدم وجود محرم معاها

وسلاااااااااااامتك

اسمحلي بس اقول رايي بهاذا الشي .....
صدق صدق هذا شي يفشل و محرج انك تشوف البنات بهذي الطريقه ...
لكن الغلط مب منهن بس لاء الغلط من الاهل اللي يسمحون لبناتهم السفر لوحدهن ...
بعدين عندنا في الاسلام ( الرقابه الذاتيه ) يعني البنت اذا مكانت مربايه زين وعلى اخلاق و دين
اظن تصرفاتها مابتكون وايد مختلفه في الخليج ولا خارجه ... يعني اذا هي من نفسها
عارفه كيف تتصرف و كيف مربايه ....
و اكيد لازم معها محرم ... .....
بعدين الشي المحزن انهن يعكسن صورة سيئه عن بلادهن ... يعني انت قلت سعوديات راح ياخذ
الناس ( اكيد مب كلهم ) فكرة غلط عن السعوديين و الخليجيين ...
اسمحلي .. البنت اللي ترضا على نفسها توي ها الاشياء تر اهلها ما عرفوا يربونها ... و ايمانها مب قوي.....

==============
و اسف اذا خانني تعبيري في توضيح المعلومه ....

الوالد سلمك الله يا الحفار ينام وهو في باله شي واحد :

بنتي سايرة تدرس في الخارج .. منو قدها ...؟؟!!!!

موضوع مهم وحساس ونشكر الحفار عليه. انا معاكم ان الشباب يسوون بلاوي في الخارج ولكن نحن كمسلمين وعرب لانقبل البنت لو انها مسويه ربع اللي سواه الشاب والبنت اللي ضيعت شرفها من سابع المستحيلات انها تلاقي من يتزوجها .

1)انه يعتقد ان هذا هو التطور ,ويحب المظاهر(ابو الدكتوره)
2)اذا كان من شيم رب البيت ضرب الدف, فمن شيم اهله الرقص.
3)لا بل اعلى.
4)لايمكن, NO WAY

مثل ...رجال القبايل .. اللي يدرسون في الخارج...وفطوره واين(للي ما يعرف الواين..هو النبيذ) مع كروسان وغذاه هام برجر (هام=خنزير)...مع بلاك مخلوط ببيبسي..وعشاهم لازم يكون لشخصين ..(يعني القيرل فريند)...وبعد العشاء اللي غالبا ما يكون في دسكو(الهارد روك...ياهل الخليج)..
وبعد العشا..والسمره والسكره ...احلى ليلة حمرا ...مع الشقرا اللي مالقا مثلها في بلاد السمر..(هنا)...
انا ما الوم احد ...لا البنت اللي يكون عندها بوي فريند امريكي او خليجي (اووووووووه ما اكثرهم).. ولا الوم الولد ..اللي رايح عشان يجيب لاهله اعلى شهادة(مع مرتبة السكر)...
خلوهم يدرسوا بره ...خلوهم يسكروا...خلوهم ...يتعرفوا على اجناس ثانية..هه يمكن ينسوا انهم عرب...(احسن)...ويمكن ما يرجعوا(وش يجوا يسووا هنا؟؟؟)
بناتنا في الخارج....لا والله يا عبدالله ضحكتني...تبيني ابكيك .... ابشر ..راح اكتب لك موضوع اقوى ... (بناتنا في الداخل) ...وش رايك..واذا ودك تعرف الموضوع كلمني ...:(
كلكم يا شباب ويا بنات ...وش تتوقعوا بيكون حالكم لا سافرتم للخارج...هذا الواحد لا سافر بالصيف شاف عجب...شلون لا سافر لمدة سنين ..للدراسه...صدقني كل شيء يختلف (وهذا اللي ذابحني:(:()
اخواني ... اتركوا الناس في حالها ... واذا ودك تتكلموا عن اللهب اللي بعيد ... قبلها ..فقط ... فكروا تطفوا النار ..اللي حواليكم ...فاهمين ...يا فلاسفة العصور النفطيه ...
------------
عســـــــــــــ ارجو انه محد يتفلسف زياده وخصوصا علي انا...لاني راح امزعه... مفهوم ـــــــــل