* مساك الله بالخير يا خربوط.
هلا والله ومرحبا
* وش بلاك ضايق صدرك؟!
آه يالقهر لو تدري وش فيَّ؟!
* عسى ما شر.
الجوال ياخوي خفضوا رسومه.
* وأنت وش اللي قاهرك دار همك بتنقص؟!
لا بس بيكثرون اللي يتفشخرون بالجوال عند الإشارات!.
* بس الأمر سهل سو مثلهم.
لا توصي حريص أخوك ذيب.
* والله اظنك ذيب تحت وايت.
خلنا من خفة دمك.
* وش عندك غير خفة دمي.
سمعت آخر خبر رامي ولد حارتنا.
* وش به,!
عينوه؟!
* الله يبشرك بالخير وين؟!
مدرس في ديرة مهيب على الخريطة.
* ولا حاول يقرب؟!
ما له واسطة ولاحظ.
* يا رجال الواسطة أم الحظ وش يسوي به؟!
طيب ما تعرف أحد يتوسط له.
* يا حبيبنا ما له إلا كبائن وحقين الجامعة سروات يقدمون عليها وإلا مدرسة اهلية والله يعينه بيحللون دراهمهم حتى الخميس بيداوم.
والله شور زين هالحين فوق اربع عشرة سنة دراسة وآخرتها كباين.
* يعني وش تبيني اسوي قالو لك اني الوزير على الطاري وش اخبار سنيناتك؟!
الحمد لله نصفها طاح والباقي بالطريق والبركة في مواعيد مركز الاسنان بالشميسي.
* ليه متى معطينك موعد؟!
قالوا لازم إذا كبر ولدك تجي انت وياه.
* وراه.
من باب التوفير وعشان ما نخسر بنزين ونتردد بسيارتين؟!
* والله جزاهم الله خير يبغون يوفرون.
ياخوي هالصحافة ظالمة هالمركز والا قصدهم مثل ما قلت.
* بقي عندك شيء؟!
لا سلامتك.
____________________________________________________________
http://www.al-jazirah.com/2000/masapr/27/kk4.htm
------------------
***أزعلوا من عقلة***
oglah@swalif.com
عرض نسخة للطّباعة |
ارسل هذه الصفحة لصديق]
