بعد ان اثبت الحظ انه صديق وفي...ولا يتخلى ابدا عمن يعتمد عليه حين قابل الهلال الاتحاد وهو ينقصه فريق الاتحاد...وبعد مباراة له صعبة مع الاهلي وايضا كانت المباراة في الرياض.....وطبعا هذا ليس ما انا بصدد التحدث عنه لأني اعتقد انه شي معروف ومستهلك........
لكن مالفت نظري وأثار شفقتي في نفس الوقت حين منظر الحكم العقيلي بعد أن بلغت به الجرأه ان يرى سامي بن عبدالله الجابر يقع في منطقة الجزاء ولا يحتسب ضربة جزاء (والله عاد المدافع ضربه ماضربه مو شغلنا...أهم شي حنا يجينا بلنتي وخلاص) وزاد عرقه واحراجه مع صيحات جماهير الهلال وتذكر مصير من سبقوة الى تعكير مزاج الهلالين والوقوف في طريق أهوائهم والقائمة هنا كثيرة.....ولسان حاله كان يقول ويتمنى ان يعود الزمن دقائق ليحسبها بلنتي بل ويطرد المدافع وكل من له علاقة بالمدافع سواء من قريب او من بعيد....
لكن صدقوني العقيلي حاول يصلح غلطته الشنيعة رغم انه في اثناء المباراة ما قصر سوا اللي عليه...الغى هف وحسب كم تسلل...(واحد يقولي بس هذا شوي...اقوله الهلال كان فايز خلاص موب لازم)..المهم كان الي سواه الضعيّف انه في كل كوره بعد هالحادثه يدخل لاعبي الهلال منطقة الجزاء يحسب بلنتي والهلال يضيعون ويحسب الثاني وهم يضيعون حتى طرد لاعب اتحادي بس حس انها ما تكفي ..(كني احسه يقول ياربي وش اسوي...احسب هدف على طول بدون بلنتي..مع انها صعبه شوي لكن مو اصعب من مواجة الهلال ومن وراه...

اقووول وانا طالع اتعشى بعد المباراة كأني شبهت عليه واحد من مهابيل الهلال اللي يرقصون بالتخصصي ..والله لا تستبعدون كله يبي رضاكم...

وانا اقول رايي...ارحموه تراه ابو عيال ووالله مو قصده ما يحسب بلنتي على سامي بن عبدالله بس وش يسوي غلطه ومعد يكررها...ولا تنسون وقفته معكم يوم طرد لاعب النصر فيكتور والغى هدف للنصر وحماكم بعد الله من هزيمة كبيره

هلا اخوي توكس ليش توك تكتب الموضوع لا تصير حاضر المباراة مع جماهير الاتحاد

وش المباراة الي فكنا فيها من هزيمه ساحقة اذا كنت تقصد المباراة التي طرد فيها فكتور ( صاحب

المنشطات باعترافه ) فاعقتد انها انتهت 2-0 للهلال عن طريق المبدع سامي الجابر والمبدع الاخر خميس العويران

بعدين تصدق توني ادري ان الحكم الي يحتسب التسلل هو حكم الساحة اجل رجل الخط وش فايدته ؟؟؟

بعدين وين التسلل الي تقول عنه حدد الدقيقة ويرد عليك الغالي الاعصار بالصور

الكنكورد

[b][ تم تعديل الموضوع بواسطة   الكنكورد   يوم   15-04-2000]

ما نجيبها الا بذراعنا والا رئيس رابطة مشجعين النصر في منطقة القصيم نخليها بينه وبين الله

المهم الله يبارك فيك ثالث نهائي

------------------
انام ملء جفوني عن شواردها

ويسهر الخلق جراها ويختصم

^
أولا :
يا أخ تويكس، المباراة بين الهلال و الاتحاد، وش دخّل النصر و فيكتور ..الخ.
ثانيا:
لا تبرر الهزيمة بنقص في الاتحاد، (نقص الاتحاد جاء عن طريق قضاء و قدر والا ودك نحط قوانين جديدة علشان هالمباراة).
ثالثاً:
جميع النقاد أكدوا ان ضربات الجزاء و حالات التسلل صحيحة 100% والا انت احسن منهم.
رابعا:
العقيلي على فكرة كان رئيس رابطة المشجعين للنصر في القصيم، فلذلك ما أتوقع انه يضع قرارات لمصلحة الهلال، ولكن لوضوح الأخطاء لم يستطع ان يتفاداها.
خامساً:
اذا كنت انسان رياضي عاقل، ما أعتقد ان لك الحق في ان تحكم على الاشخاص اللي يعبرون عن فرحتهم بالهبل.

اتمنى ان تكون انسان رياضي متفهم يتكلم بعقلانية

والسلام ختام

هذا بالظبط اللي اقصده...بديتوا هجومكم على الحكم المسكين أول الاتهامات انه رئيس رابطة مشجعين النصر بالقصيم (لاحظ رئيس) والقادم احلى مع انه ماسوى شي لكم ...اجل وشلون لو تخاتذل في أداء واجبه تجاه الهلال..
لو وصلت لكذا ووقفت زين وشرف له انه يتهم بانه نصراوي لكن الخوف من بكرة وش بتقولون عليه ..

الكنكورد...اكتب الموضوع مع اني والله ما اميل لكل الفريقين لكن من قهري من حالة التحكيم عندنا والخوف من فريق وظلم الجميع على حسابه..
بعدين مباراة النصر والهلال وما دامت ذاكرتك قويه تذكر احداث المباراة وكيف كان النصر ضاغط لين الطرد وقدر يسجل هدف في وقت مبكر....وكيف تغيرت احداث المباراة بعد الطرد والغاء الهدف وكل اهداف اهلال كانت بالشوط الثاني..مع اننا قبل الطرد ماشفنا حارس النصر....وفيكتور ان كنت ما تعرف وش دوره اسأل السلومي كيف خلاه يصدم بالعارضه بعد ما سحب لاعبين....
في اي بي ...انت مصدق انكم فزتم على الاتحاد ...هذا رديف الاتحاد وناقص بعد...لا وكلهم بيرجعون قدام النصر...شف الحظ كلهم يبعدون قدام الهلال وكلهم يرجعون قدام النصر......ولا تنسى ان المباراة بالرياض....قال ايش قال ذراعنا انا لو ودي اقترح على جماهير الهلال بدال ما يقولون هلال هلال اوه اوه يقولون حظ حظ اوه اوه..

سانشيرو دخل النصر انه جا استشهاد على وقفات العقيلي التاريخيه مع الهلال
بعدين عزيزي سانشيروا كل شي بهالدنيا قضاء وقدر اقول بقضاء الله وقدره فتحت الكمبيوتر وبقضاء الله وبقدره كتبت موضوع وبقضاء الله وقدره رديتوا ..هذا شي مسلم به لكن الله سبحانه وتعالى بعض الاحيان يمنح ضعفاء خلقه بعض التوفيق لتعوضهم عن نقصهم ولتتساوى فرص المعيشه على الكرة الأرضية..

الحين حسبي الله عليهم رقص وهبال وسادين كل التخصصي وتفتيشات ماعرفت ارجع بيتنا غير التكسير ووذيه خلق الله وتسميه تعبير عن فرحه؟؟؟؟اذا هذا مو هبل وشو الهبل اجل؟؟؟؟

------------------

بطولتان هذا الموسم
والقادم احلى

[b][ تم تعديل الموضوع بواسطة   الطيب   يوم   15-04-2000]

هـــــاردلك ولو أني شافيك متكمبس في الملعب بعد الهدف الثاني

------------------
ليس كل مايلمع ذهب !
--
ردد الجمـهور سامي ... وجاب القول سامي
وانتشى جمهور الازرق وحققنا البطولة

لا تراه الغى هدفين للاتحاد كانك ماتدري وكلها على علااااالي
وترى فيه اوت للاتحاد بس حسبه للهلال .. لو حسبه للاتحاد يمكن يكون كلام ثاني

بس انت ما انتبهت للي يطبل له وهو يرقص تراه الشنار بس ركز زين

سامي بن عبدالله الجابر ... رفع سعر مو ظغط .. رفع سعر حبوب الظغط