الشاعر يقول

عطني عهد ما تســتمع في حكاي
***************************حــتى معك بالحب يبتل ريقي
وعطيك عمرا راح واللي بعد جاي
***************************وذوقك طعم الغـرام الحـقيقي

يالله اكملوا عليها بنفس السياق والوزن والقافيه

------------------
انا الشعر هو راس مالي وذاتي
آتيه بحروفه مع الحب واتيه

يا حفار ما فهمت وش تقصد
المطلوب الإكمال بنفس القافية والوزن وتكون رد
أو إكمال للقصيدة ..
بعدين كيف الإيميل معاك ...




------------------
تهــ تهاني ــاني

بنفس الوزن والقافيه والمعني بيتين بس في كل محاوله
هل هذا عنوانك الحقيقي اذا كان هو شيكي على ايميلك

------------------
انا الشعر هو راس مالي وذاتي
آتيه بحروفه مع الحب واتيه

أنا ما أرسلت عنواني أنا رسلت بس إيميل!!!
لكن شيك على الإيميل الحين

------------------
تهــ تهاني ــاني

تامر أمر ياشاعرنا المبدع :
========================

عطني وعد ماتخلف الشور والراي......لامن وقف عشرين شخص بطريقي

واكون لك مادام تبحث عن رضاي.....لو هو وقف قدام دربي شقيقي

=================

نبطي للنخاع ولا يهونوا الحبايب
================

عطني من عيونك عهد لوفاي
*********************** حتى معك يكون باقي طريقي
وعطيك ياغرامي سعدي وهناي
********************** وأنا لعهدي الوفا هو صديقي

==================
نجحت في إختبار النبطي
ولا بعدي تلموذ بليد

------------------
إلهنامأعدلك *****مليك كل من ملك
لبيك إن الحمد لك ****والملك لا شريك لك
ما خاب عبد املك ****أنت له حيث سلك

الأخ الحفار أرجوا قبول هذه المشاركة :
ياللي سعيت تدور أرضاك وأرضاي --- لا تكثر الشك، دام حبي حقيقي
أنا في وصلكم كامل منــــــاي --- ولو تغير ترى أمـوت بطريقـي

هي اقل من ان تدرج هنا .. ولكنك انت من فتح الغطاء وسكب ..فكانت مرتجله ..لذا اطبعها كما جاءت ..من المخيله للكيبورد ..


عطني واجيك ودافق الشوق سراي
ياسبة احراقي ومعنى حريقي

ياماخذ كلى وياسارق اقصاي
ياراس مالي وانت خصمي وسريقي

حملتني حمول تعذر لممشاي
حملتنيها فوق مالا اطيقي

هات العهد واعطيك والود عطاي
من زهرة الود الحقيقي رحيقي

واسقيك من جدول تعابير رجواي
واهديك مايهدي عشيق لعشيقي

اطلق سراح النبض ولاتودع اعداي
تشمت بحالي واشتعالي وضيقي

يامنتهى شعري ونثري ومعناي
ويامبتدا غيمي ورعدي وبريقي

يااول اشواقي ووجدي ومسعاي
ويااخر امالي واخر طريقي

ان جيت شبيت التعابير بحشاي
وان رحت لاخابت مساعي رفيقي

حبيبها ،،،


------------------
غمض عيونك .. واجيك

الاخوهنايف وابو نواس والساري تعودت انا اقرا ابداعاتكم فهذا ليس غريب
انا الاخ /الحبيب
انا اول مره اقرالك شعر وماكنت اتصور انك تكتب بالابداع هذي رهيب بالمره

وعزالله انك حبيب الكل وبالذات.........

------------------
انا الشعر هو راس مالي وذاتي
آتيه بحروفه مع الحب واتيه

ومن يقدر يكتب بعد

.
.

الحفار زعلان .. وش دعوى !!

هونها يا اخوي .. والله لك حق كانوا شعراء من جد .. لكن الموجودين فيهم

الخير والبركة .. الله يرجعهم بالسلامة انشالله .. قل آمين ..

وبصراحة كان ودي أشارك بس الوزن والقافية عندي أكبر مشكلة as youn know

------------------
مع تحياتي: غرام الليالي