هلا .. فيكم

من مدة ماكتبت شي من عندي وانه كنت واعدكم اني انشر من كتاباتي

على العموم اكيد نسيتوا بس انه مانسيت

او مثل مايقولون وعد الحر دين عليه ..

هاذي ممكن اقول عنها شعر حر او قصيدة نثرية يعني
عاد انتوا وكيفكم سموها اللي تسمونها

تعب طيفها فبالي
وتعبت انه .. وتعب حالي
ولمت الوقت ..
ليه الوقت يعذبني ..
ويذكرني..
فحب راح في حاله ..
نساني ولاظني على باله ..
وبقيت انه ..
وطيفها فبالي ..
وتعب حالي ..

احبك ماظنتي همك .. ولا همي !
نويت انسى ونسيت انسى ..
وبقى دمك .. ينادي ..يصرخ ابدمي
ولاظني قدرت انساك ..

تعب طيفها فبالي
وتعبت انه ..وتعب حالي
وشكاني الوقت .. واللحظة ..
اداري اليوم في بكرة ..
واظل احلم
انام احلم واقوم احلم ..

تعب طيفها فبالي
ولاذكرت .. ولاظنها بعد تدري
اموت ..وهي في واقعي ماتت ..
ومهما الوقت ينسيني ..
ويجي بعدين ويجي تالي
بعد بذكر ..وبعد بحلم
واعاند يأسي ابصبري

مع خالص تحياتي
حبوب

[b][ تم تعديل الموضوع بواسطة   حبوب   يوم   02-12-1999]

هلا وغلا .. حبوب ..
إيه كذا .. خلنا نقرا لك ..
صراحه جميل النص .. بدون أدنى قدر للمجامله ..
أعجبني جدا
لاتحرمنا من جديدك وقديمك ..
تحياتي لك

هلابك يا حبوب ......
ومين يقدر ينسى
نويت انسى .....وتعبت انسى
......
وعلى شط الحزن اغفى
واجي واروح وكللي جروح
ولملم قلبي المسكين
لاهو قادر علي يقسى
ولا قادر بعدينسى
يكيف القلب يعذبني
ونا من اول ترى مذبوح
....................
تحياتي لك جروح الزمن

------------------
نصيب قلبي قادني لين حدّك.....
واصبحت لك يا غاية النفس مشدود

الحفار

حضورك قوي ومؤثر .. انت تثري المكان بوجودك
دوم انشالله ردودك الحلوة واهلا بك صديقا لي

حبوب

هلا تي زوون

اخ غالي والله .. وانت وجودك وردودك اول شي اشوفه في سوالف

تسلم يالغالي ..

حبوب