5 نجوم في حماية البالغين ومو في كل شي :rolleyes:


شوف معلومات الSTS في الاختبار..السيارتين 6 سلندر

3.6 L, V-6, 5 speed Automatic
0-505.10 sec.
0-606.80 sec.
0-708.80 sec.
1/4 Mile15.00 sec.
60-0 Braking120.00 ft.
IssueMar-05
Skidpad0.83 g.
Slalom64.30 mph

وال GS300

0-607.20 sec.
1/4 Mile15.40 sec.
60-0 Braking128.00 ft.
IssueMay-05
Skidpad0.81 g.
Slalom62.00 mph


وهذا ال8 سلندر

الكادي
0-10015.80 sec.
0-504.50 sec.
0-606.00 sec.
0-707.70 sec.
1/4 Mile14.20 sec.
100-0 Braking315.00 ft.
60-0 Braking113.00 ft.
IssueAug-04
Skidpad0.82 g.
Slalom64.40 mph

ال\GS430
0-504.50 sec.
0-606.00 sec.
0-707.90 sec.
1/4 Mile14.50 sec.
60-0 Braking129.00 ft.
IssueMay-05
Skidpad0.83 g.
Slalom63.60 mph


كلهم موتور ترند ;) والجي اس 6 سلندر دفع رباعي



بالنسبه للنوافذ الاربع تاكد بنفسك

http://www.edmunds.com/new/2006/cad...8/standard.html

وعلى فكره كل المواصفات المذكوره على ال Base


يعني الكاديلاك داخله المنافسه ومن اوسع ابوابها ;)

هذي لغة الارقام اللي تخلي الحقائق تظهر


واضح الكادي متفوق في اختبار التسارع ........ اختبار الفرامل ........ اختبار السلالوم ( التنطيل أو التجديع )

على نطاق الـ 6 سلندر ........ والـ8 سلندر


هذا كلام الارقام اللي الواحد يحكم فيه ......... مب كلام التعبير والانشاء

تختلف المواقع المدفوعة مع اختلاف الوقت ... والا وش القصة ؟؟؟
الاختلافات بسيطة جدا بالارقام و انا لم ادعي بالثبات الخارق للكزس جي اس ولكن ثباتها عالي وكافي لدرء المشاكل والمواصفات والتقنيات الاخرى تتفوق فيها الكزس ايضا ....
وممكن تشوف الام 45 كم جابت في السلالوم تيست ...
واعطينا لسته بالمواقع المدفوعة عشان نحترس منها بارك الله فيك ...








اخوكم الشبابي

والله لو عندي عطيتك اخوي ... بالعكس


لكن أي مجلة أو موقع شاطر بالتعبير والانشاء من غير ارقام واثباتات..... هذي اسفطها على جنب واعرف ان ماعندهم سالفه و جاهزين لتقبل اي رشاوي لأعمال دعائية لترفيع اي شركه
ولعلمك الشركات والوكلاء يحبون الحركات هذي ... وتلقاهم مخصصين ميزانية مقطوعه تحت بند ( الدعاية و التسويق ) لدهن سيور المجلات والمواقع وغيرها

مؤيد الت اف 4 ...
نفس الموقع اللي جبت منه تقييم الكادي بتلاقي اعطوه الناس تقييم اقل من الجي اس وهذا دليل على ان الكادي غير محبوب مثل الكزس ...
جي اس 9.5 من 10 بينما الاس تي اس 8.7 فقط .... وحتى تقييم الموقع للكزس افضل ... لايطلع بعد هذا الموقع عميل وياخذ فلوس ؟؟
وبالله لاتجيبيلي مواقع تقييم او مقارنة مثل هذاك اللي قيم الكيو اكس 56 ..







اخوكم الشبابي

مانحتاج آراء الناس..كل سياره تتكلم عن نفسها وحنا نوضح


انا جبته من الياهو..وفيه بعد الارقام المعلن عنها والارقام الي صارت في التست..وماحبيت اعلق على هالنقطه :laugh1:


اسمي مؤيد آلت كنترل ديليت عشان اعيد تشغيل الكل هنا

صراحه أرقام قويه جدا

انا سمعت ناس كثير يقولون الكدلك تغيرت بالذات ال STS

هذي ما صارت منافس هذي صارت خطر يهدد الصناعه الالمانيه الله يسستر بس

فعلا قفزه قويه و نقله نوعيه من كدلك

لا لا

يبيلي أجربها

خصوصا ضمان الخمس سنوات ....... فعلا عرض مغري على سيارة قمة في الاغراء (( ماصارت سيارة ياخي طلعت رقاصه هذي ) :lol:

بعد ؟!!

ضمان خمس سنوات يعني قمة الدلع .

و الله يا ولد شكلي بقلب على مرسيدس و بحول على كدلك !! من جد عرضهم لا يقاوم و العالم يمدحون ال STS الجديد

هذا اللي فعلا يقال عنها منافسه

فعلا أهنيهم على هذي النقله النوعيه ... و لكن باقي تتحسن خدمات الوكيل :geek:

الوكيل مستحيل يتغير الا اذا احد هدده بالقتل..وشكلي باجرب

خلاص رح هدده

و اذا استجاب للتهديد عطني خبر عشان أروح أشتري

ما ننكر انه كاديلاك قامت بنقلة نوعية خصوصا في STS الجديدة وسوقها ماشي بالامارات ولكن سعر السيارة أحس مبالغ فيه نوعا ما

سعرها بره 180 الف لل8 سلندر دفع رباعي وكل شي

تصدقون ، قررت أبدي أقرا الموضوع من أول << مراجعة << حتى حق الجامعة ما أراجع جذي :lol:

بس بعد الفاصل ، الأكل

الصراحة الصراحة أقدر أرشح الموضوع لأفضل موضوع نقاش خلال هالسنة << حتى الآن

بعد ما شفت هدية مشرفنا والمعلومات عن اللكزس ومناقشات الاعضاء مادري ليش
حبيت السيارة وانتظر وصولها علشان نقارن بينها وبين الكبار


يعطيك العافية مشرفنا

تخيلوا لكزس تبني LS350 تتوقعون شو ممكن يصير :rolleyes:

موضوع لتلطيف الجو :laugh1:

بتنجح أكثر عن الـ460 .. :banana:

مب قافلنه بخليه الين شهر 4 :lol:

تصدقون يا شباب ما راح يكون فيه نتيجة نهائية لهذا الموضوع كل عضو له وجهة نظر معينة وكل شركة لها سياسة معينة يعني بالنهاية العميل هو اللي يقرر شو يحب يشتري والسوق مفتوحة لجميع الشركات :banana:

أكيد بيجي على البال S350

الشبابي


أنا ما قلت والله كل هالمواصفات مالها أهميه.... لا تفتري علي كلام

انا ماقلت الذاكره للراكب مو مهمه...

انا ماقلت الأنوار اللي تلف مو مهمه... انا قلت ان مسافة الاضاءه الأماميه أهم من كونها تلف...

لا تفتري لو سمحت



وبعدين لا تثق برأي أي مجله....


مجلة Car and Driver اللي فضلت اليابانيات على الألمانيات تكلموا عنها في كل منتدى وانتقدوها أشد الانتقاد....


وانا قلت لك ... تبي شي عادل بيننا ... ادخل هالموقع www.consumerreports.org


ولازم تشترك فيه بفلوسك (لا تخاف مو انا صاحب الموقع )... هذا علشان بس يبين لك انهم عادلين ويختبرون السيارات بفهم


ولا تقارنها بـ Car and Driver... لأن Consumer reports منظمه كامله... مو مجله


انا اشتركت في الموقع قبل لا اشتري السياره... حاطين على الجي اس Recommended

وحاطين على الكادي Recommended


يعني يحبذونهم كلهم... بس حاطين افضل انتاج 2005 واسوأها...


من افضل انتاج 2005 الكادي STS لأن سواقته شي مبهر


ومن أسوأ انتاج 2005 لكزس جي اس الجديده... مو لأن فيها عيوب او مشاكل...


بالعكس... يقولون السياره هاديه ومافيها مشاكل ومريحه... بس سواقتها تعبانه

واستجابتها بطيئه جدا... ومافيها اي نوع من المتعه



ولا تقول اني افضل منظمه عن مجله علشان كذا بس... لا بالعكس انا اشوف الصح....


ما اخذت رأيهم الا لأني واثق انهم بيعطوني الرأي الصح... ومجلة Car and Driver ممكن تكون مدعومه بطريقة او بأخرى


لكن ال non-profit هي بلا شك الأفضل... وعلى فكره ترا مو بس سيارات... اي شي تبي تشتريه خذ رايهم... ترا ممتازين جدااااااا





----- Xenon ----

وش فايدة المواصفات اللي قلتها و مو موجوده عندنا...


وتراي ذكرت مواصفات بالهبللللل... مو بس هالثلاث اللي قلتهم

وبعدين السياره عندي ولا تفتري عليها.... النافذتين الخلفيتين Auto ... بضغطه واحده لأعلى ولأسفل وتوي مجربهم علشان اتأكد.... معليك من الSTS الأمريكيه... هي اللي نوافذها الخلفيه مو Auto



========================================


560 SEL


معليك يعجبونك الكادي...


يكفي لسيارات الكادي الجديده ان اختباراتها في ألمانيا... هذا لحاله يكفيها فخر.... يكفيها فخر تدوس على حلبة نوربيرغ رنق .... اللي ما تدوسها الا السيارات القادره على الأداء المتكامل ... لا حظوا كلمة "الأداء" بس (يعني بعض الناس لا يوطوطون ولا نشوفهم في الحلبه)


صدقني اذا كنت متعود على متعة الألماني جربها...



متعة الكادي .... اذا مسكت فيه خط ...


===================================
CL Class



حبيبي السياره تجي نوعين 6 سلندر و 8 سلندر...


المواصفات نفسها نفسها.... بس فروق بسيطه...


ال8 سلندر تفرق فيها المساعدات... سبورت أكثر واخشن شوي من مساعدات ال6 سلندر


ال8 سلندر جنوطها 18 كروم وفيها مسامير صغيره في الطرف على مدار الجنط... وال 6 سلندر جنط 17 يجي عادي ويجي كروم


ال 8 سلندر يجي فيها خيارين زياده... تجي بعضها برادار أمامي وشاشه تطلع على القزاز اللي قدام...

وتجي نوع دفع رباعي....



وال 6 سلندر في 2006 صارت تجي رباعي ... بس ما شيكت مع الوكاله اذا يجيبونها هنا ولا لأ



=========================================
بالنسبه للوكيل... الجميح اذا كنت في السعوديه



انا كنت شايل هم الوكاله جدا



لكن رأيي انقلب 180 درجه... لحد اني مستعد أقول انه افضل وكيل في السعوديه


سبب الفرق... انهم فصلوا سيارات جي ام سي وشفروليه عن كاديلاك وهمر....


التعامل في قسم جي ام سي وشفروليه زباله (وانتم بكرامه) ولا يزال زباله ولن يتعدل ابدا....


التعامل في قسم كاديلاك العكس تماما



انا اقول لك تجربتي...



دخلت الوكاله... شاهي قهوه .. تجلس مع المندوب... يشرح لك السياره والمواصفات المطلوبه وكل شي تمام التمام


يخيرك بطريقة الدفع .. ويعطيك كل شي قدامك... ويجيب لك مندوب التأمين اذا تبي تأمن عليها الى عندك...


طلعت مع مندوب المبيعات ورحت المستودع اللي فيه السيارات واخترت اللون الي ابغاه وكلهم اشوفهم على الطبيعه قدامي... واخترت اللون اللي يريحني


من ناحية الصيانه انا ما جت اول صيانه للحين... لكن واحد اعرفه عنده CTS وقبل فتره موديها الصيانه وذهلت بطريقة التعامل....



اذا كانت الصيانه تشييك وتغيير زيت بس تاخذ ساعتين بس....


بس سيارة خويي كان يبي يعدل فيها شوية اشياء


قالهم شوفوا لياها اذا تخلص بسرعه او لازم تقعد عندكم...


يقولون لك خلاص انت استرح وحنا نشوفها لك ....


تدخل غرفه... شاهي ، قهوه ، كنب ، تلفزيون....


اذا سيارتك خالصه يجون عندك "تفضل سيارتك خالصه"


سيارة خويي كان يبيلها أكثر من يوم.... قالوا له معليش لازم تقعد السياره عندنا تفضل سياره بديله لين ما تخلص سيارتك



عطوه همر



وعرفت فيما بعد ان السياره البديله لازم تكلمهم قبلها بكم يوم يجهزونها لك قبل لا تجي



ضمان السياره 4 سنوات او 100 الف كيلو



بس مو ضمان عادي... لأن الصيانه مجانا



يعني فحمات هوبات بواجي واي شي استهلاكي وغيره عليهم



الله لا يهينك بس يبون منك تدفع للبنزين والكفرات



هذا غير الخدمات على الطريق... اذا تعطلت السياره جو شحنوها لك



اذا بنشرت يجون يركبون لك السبير



خلص البنزين يجون يعبون لك (وتدفع قيمتها طبعا )


في اي مكان في العالم




و اذا ضعت وما عندك نافيقيشن تتصل عليهم يحددون موقعك من عندهم ويدلونك على الطريق اللي تبيه



اذا تعطلت عليك السياره في دوله خارج دولتك يجون ياخذونك.... واذا السياره لازم لها اكثر من يوم علشان تتصح يعطونك اقامه في فندق لك وللي معك....



واذا تاخذ أكثر من ثلاث أيام يعطونك تذكرة طياره رجوع لديرتك ببلاش ويصلحون السياره ويجيبونها لحد عندك



في شي ينقال اكثر من كذا....... ؟؟؟؟؟؟



دمتم سالمين :-)

الموضوع وصل الى اعلى نسب الردود والقراء 1928 بينما الردود 169 رد بواقع رد لكل 11.4 قارئ ... ...
لهل درجة الكزس مثيرة ؟؟؟









اخوكم الشبابي

:laugh1: مستعد اكتب جمله اخليه يوصل بدل 7 صفحات 14 صفحه

بس الموضوع تفرع وايد واعتقد كل واحد صعب يغير وجهة نظره ;)

كل شخص مقتنع بالكلام الي يقوله ;)

وفي انتظار الجوهره للوصول ;)

صراحه من كلامك و كلام ناس كثير ... و كلام واحد قابلته في الشارع ما أعرفه و لا يعرفني يقول الموتر مسكت بكل ما في الكلمه من معنى ..... أقتنعت بها تماما و لازم أسوي Test drive لها و بالذات STS-V شكلها جنان

و لكن ما أدري هل الكدلك يستخدمون التعليق المغناطيسي لحد الان و الا لا ؟

أتمنى يكون مستخدم

ان شاءالله في أقرب فرصه بطلب Test Drive لها و بنشوف ... مع اني عارف النتيجه مسبقا

ايه مستخدم لحد الآن ;)