الشبابي
أنا ما قلت والله كل هالمواصفات مالها أهميه.... لا تفتري علي كلام
انا ماقلت الذاكره للراكب مو مهمه...
انا ماقلت الأنوار اللي تلف مو مهمه... انا قلت ان مسافة الاضاءه الأماميه أهم من كونها تلف...
لا تفتري لو سمحت
وبعدين لا تثق برأي أي مجله....
مجلة Car and Driver اللي فضلت اليابانيات على الألمانيات تكلموا عنها في كل منتدى وانتقدوها أشد الانتقاد....
وانا قلت لك ... تبي شي عادل بيننا ... ادخل هالموقع
www.consumerreports.org
ولازم تشترك فيه بفلوسك (لا تخاف مو انا صاحب الموقع
)... هذا علشان بس يبين لك انهم عادلين ويختبرون السيارات بفهم
ولا تقارنها بـ Car and Driver... لأن Consumer reports منظمه كامله... مو مجله
انا اشتركت في الموقع قبل لا اشتري السياره... حاطين على الجي اس Recommended
وحاطين على الكادي Recommended
يعني يحبذونهم كلهم... بس حاطين افضل انتاج 2005 واسوأها...
من افضل انتاج 2005 الكادي STS لأن سواقته شي مبهر
ومن أسوأ انتاج 2005 لكزس جي اس الجديده... مو لأن فيها عيوب او مشاكل...
بالعكس... يقولون السياره هاديه ومافيها مشاكل ومريحه... بس سواقتها تعبانه
واستجابتها بطيئه جدا... ومافيها اي نوع من المتعه
ولا تقول اني افضل منظمه عن مجله علشان كذا بس... لا بالعكس انا اشوف الصح....
ما اخذت رأيهم الا لأني واثق انهم بيعطوني الرأي الصح... ومجلة Car and Driver ممكن تكون مدعومه بطريقة او بأخرى
لكن ال non-profit هي بلا شك الأفضل... وعلى فكره ترا مو بس سيارات... اي شي تبي تشتريه خذ رايهم... ترا ممتازين جدااااااا
----- Xenon ----
وش فايدة المواصفات اللي قلتها و مو موجوده عندنا...
وتراي ذكرت مواصفات بالهبللللل... مو بس هالثلاث اللي قلتهم
وبعدين السياره عندي ولا تفتري عليها.... النافذتين الخلفيتين Auto ... بضغطه واحده لأعلى ولأسفل وتوي مجربهم علشان اتأكد.... معليك من الSTS الأمريكيه... هي اللي نوافذها الخلفيه مو Auto
========================================
560 SEL
معليك يعجبونك الكادي...
يكفي لسيارات الكادي الجديده ان اختباراتها في ألمانيا... هذا لحاله يكفيها فخر.... يكفيها فخر تدوس على حلبة نوربيرغ رنق .... اللي ما تدوسها الا السيارات القادره على الأداء المتكامل ... لا حظوا كلمة "الأداء" بس (يعني بعض الناس لا يوطوطون ولا نشوفهم في الحلبه)
صدقني اذا كنت متعود على متعة الألماني جربها...
متعة الكادي .... اذا مسكت فيه خط ...
===================================
CL Class
حبيبي السياره تجي نوعين 6 سلندر و 8 سلندر...
المواصفات نفسها نفسها.... بس فروق بسيطه...
ال8 سلندر تفرق فيها المساعدات... سبورت أكثر واخشن شوي من مساعدات ال6 سلندر
ال8 سلندر جنوطها 18 كروم وفيها مسامير صغيره في الطرف على مدار الجنط... وال 6 سلندر جنط 17 يجي عادي ويجي كروم
ال 8 سلندر يجي فيها خيارين زياده... تجي بعضها برادار أمامي وشاشه تطلع على القزاز اللي قدام...
وتجي نوع دفع رباعي....
وال 6 سلندر في 2006 صارت تجي رباعي ... بس ما شيكت مع الوكاله اذا يجيبونها هنا ولا لأ
=========================================
بالنسبه للوكيل... الجميح اذا كنت في السعوديه
انا كنت شايل هم الوكاله جدا
لكن رأيي انقلب 180 درجه... لحد اني مستعد أقول انه افضل وكيل في السعوديه
سبب الفرق... انهم فصلوا سيارات جي ام سي وشفروليه عن كاديلاك وهمر....
التعامل في قسم جي ام سي وشفروليه زباله (وانتم بكرامه) ولا يزال زباله ولن يتعدل ابدا....
التعامل في قسم كاديلاك العكس تماما
انا اقول لك تجربتي...
دخلت الوكاله... شاهي قهوه .. تجلس مع المندوب... يشرح لك السياره والمواصفات المطلوبه وكل شي تمام التمام
يخيرك بطريقة الدفع .. ويعطيك كل شي قدامك... ويجيب لك مندوب التأمين اذا تبي تأمن عليها الى عندك...
طلعت مع مندوب المبيعات ورحت المستودع اللي فيه السيارات واخترت اللون الي ابغاه وكلهم اشوفهم على الطبيعه قدامي... واخترت اللون اللي يريحني
من ناحية الصيانه انا ما جت اول صيانه للحين... لكن واحد اعرفه عنده CTS وقبل فتره موديها الصيانه وذهلت بطريقة التعامل....
اذا كانت الصيانه تشييك وتغيير زيت بس تاخذ ساعتين بس....
بس سيارة خويي كان يبي يعدل فيها شوية اشياء
قالهم شوفوا لياها اذا تخلص بسرعه او لازم تقعد عندكم...
يقولون لك خلاص انت استرح وحنا نشوفها لك ....
تدخل غرفه... شاهي ، قهوه ، كنب ، تلفزيون....
اذا سيارتك خالصه يجون عندك "تفضل سيارتك خالصه"
سيارة خويي كان يبيلها أكثر من يوم.... قالوا له معليش لازم تقعد السياره عندنا تفضل سياره بديله لين ما تخلص سيارتك
عطوه همر
وعرفت فيما بعد ان السياره البديله لازم تكلمهم قبلها بكم يوم يجهزونها لك قبل لا تجي
ضمان السياره 4 سنوات او 100 الف كيلو
بس مو ضمان عادي... لأن الصيانه مجانا
يعني فحمات هوبات بواجي واي شي استهلاكي وغيره عليهم
الله لا يهينك بس يبون منك تدفع للبنزين والكفرات
هذا غير الخدمات على الطريق... اذا تعطلت السياره جو شحنوها لك
اذا بنشرت يجون يركبون لك السبير
خلص البنزين يجون يعبون لك (وتدفع قيمتها طبعا
)
في اي مكان في العالم
و اذا ضعت وما عندك نافيقيشن تتصل عليهم يحددون موقعك من عندهم ويدلونك على الطريق اللي تبيه
اذا تعطلت عليك السياره في دوله خارج دولتك يجون ياخذونك.... واذا السياره لازم لها اكثر من يوم علشان تتصح يعطونك اقامه في فندق لك وللي معك....
واذا تاخذ أكثر من ثلاث أيام يعطونك تذكرة طياره رجوع لديرتك ببلاش ويصلحون السياره ويجيبونها لحد عندك
في شي ينقال اكثر من كذا....... ؟؟؟؟؟؟
دمتم سالمين :-)