^^^^^
والله انك صادق
كل واحد يبي يثبت ان السيارة الي يحبها ومتعصب لها هي الاحسن
وانا اقول لكم وش الاحسن
السيارات الصينية

الصراحه الصور الاخيره الي حطها اخونا Amg تتكلم عن نفسها وتقول وين الي ينفاسني

مشكور اخوي والله ابهرتني هالسياره والكلام كله ضايع ننتظر نزول السياره ونشوف

مواصفاتها :banana:

أخوي لكزس كلامك و ما قلنا فيه شئ

و الانتقادات اللي حطيتها حطيتها مجرد وجهات نظر مبدئيه و قد تتغير و كن مثل ما شفت بعض الناس الله يهديه صار يرد بهمجيه و لا يفكر في الكلام اللي يقوله و طبعا لكل فعل ردة فعل مساويه له و الاتجاه و أشد منه قوه

و انت أدرى واحد هنا انه ما فيه شئ بيني و بين لا لكزس و لا غيرها :-)

لو كنت ادري بس اني بسبب لكم هالمشااكل

كنت ببيع الشركتين :ranting:

خليتوني اندم اني عطيتهم التصريح يعرضون اللكزس



على العموووم مانقدر نحكم عليها الا لما نشوفها على الوااقع لان حتى الحين

مواصفااتها غير معلن عنها :sss:

مابقووول رأي في اللكزس انا اخااف ياكلوني بعض النااس :cry1:



سي يو لييطر


:knight:

^^^^
قول رايك ولاتخاف من حد
كلنا قلنا وجهات نظرنا
اجل ليش سجلت في المنتدى اساسا لو كنت راح تحاتي فلان وعلان ..


انا شخصيا ما ضايقني غير بعض الردود ( الهامشية اللي مالها داعي)
يعني اشوف الموضوع ارتفع اتوقع ان فيه رد مهم راح يوضح لنا شي جديد
واخرتها اكتشف انه مجرد رد للتعليق على ردود الاعضاء في الموضوع

يا اخوان لامانع من خفة الدم ..لكن لكل شي حدود واحنا هنا في نقاش جدي
او يجيك واحد يطالب باغلاق الموضوع !!
اللي مو عاجبه الموضوع يستطيع بكل سهولة انه يتجنبه ويشوف موضوع غيره

والله امركم عجيب ..

أنا يودت راسي يوم شفت الموضوع 6 صفحات .. قلت شي مستوي ..

ياخي أنا أموت في اللكزس وأموت فالمرسدس ..

لا تقارنون شركه بشركه ..

أذا عيبتني سيارة لكزس خذيتها .. وأذا عيبتني مرسدس خذيتها ..

ليش بالشين عماركم واايد .. تقول حد هاتك عرضك ..

كمثال آخذ الـ IS ولا آخذ الـ C ..

وسلامي

لتوضيح المعلومات لكزس الأن لها معارض خاصة في اليابان تحت اسم لكزس وما راح تكون تحت ظل تويوتا ومنافساتها انفينيتي وأكيورا هم أيضا بدوا ينفصلون عن الشركة الأساسية يعني احتمال انه نشوف سيارات أكيورا عندنا وارد جدا خصوصا انه أكيورا راح تدخل السوق الياباني في 2008 كسيارة منفصلة عن هوندا ليش ما تكلمتوا عنها وانفينيتي ليش ما صارت ضجة عليها مثال (أرمادا وكيو اكس 56)

أخوي AMG كم أتوقع سعرها

وشكراً

أنا ذكرت في آخر كلامي أننا ننتظر المواصفات المتبقية في اللكزس حتى أقدر أحكم .....!




تسارع اللكزس (( أقل )) 5.5 ثواني <<< هذا ماذكرته لكزس بدون تحديد حتى الآن.



اللحين أنا اللي أتكلم بعواطفه وتعصبه ولا أنت ؟


كلامك هذا غير مقتنع فيه لا سيمنس ولا غيره ......أجل فيه شركة عريقة وحريصة على سمعتها راح تسمح لشركة أخرى تصمم لها مقصورة (منسوخة) من شركة ثانية ........؟؟؟؟ وش الهبال هذا ؟؟



النظام VSC هو نظام ESP .....والـ VSC اللحين صار في الأفالون والكامري الجديدة ...وهو نفسه نظام VSA في الأكورد ......الـ VDIM شيء ثاني ياليت تروح وتقرأ وتتعرف عليه عن كثب .



أكيد ماراح تسمع عنها لأنك جالس على المرسيدس وتظن أنها هي مصدر الإختراعات الوحيد في عالم السيارات .... :-)



لازم تشوف حل وتطلع من (بوتقة) مرسيدس .....وش دخل نظام الديسترونيك بالوقوف الذكي ؟؟ ......اخوي هذا النظام يجعل السيارة توقف نفسها في الموقف بدون تدخل منك إلا في الفرامل ......أجل X5 ...وش دخل هذا بعد



أجل الكلام اللي قلته هذا تعصب لفولفو ولا ساب ؟؟؟ تعصب احترافي بعد لمرسيدس ...أجل طوروا 8 سرعات عشانهم شافوا 7 سرعات ؟؟ ...الله يصلحك ويجزاك خير ...قل آمين بس .



أنت وصلت فيك المواصيل إن الكبوت هو نفس كبوت المرسيدس ...تبي يعوق معك قير ؟



وأنا مالي ومال مرسيدس ؟؟؟ ......إلا سالفة الكبوت والـ 8 سرعات اللي مو عاجبتك ....والله حالة

تحياتي لك


وسلامتكم .......

السعر يتوقع ان يكون بين 60 الف و 65 الف دولار وسوف يكون أرخص من منافساتها

أشكر سرعة أستجابتك

:( دوختني ياخي,,,ما قدرت اكمل الكلام اللي انت كاتبه... :m:

[QUOTE=XenonX®]

يا أخي و الله انك مسلي مره

و ليه شركة عريقه مثل لكزس تستعين ب DENSO و BOSCH الي تمتلك مرسيدس فيها 80% مرسيدس تستعين بسيمنز اللي هي شركة رائده في مجال التكنولوجيا و هي لها السبق في تصميم ال I Drive و الجير المخفي و المقصوره كامله في ال BMW .. فالله يخليك ادرس ردودك قبل ما تطرحها الله يهديك و اذا كنت غير مقتنع ابحث بنفسك و تأكد لأني منيب مكلوف بك أقنعك و اذا ما ودك تقتنع فهي مشكلتك و أيضا انا منيب مكلوف بك أقنعك

زين انك اعترفت انهم آخذين نظام ESP و ال ABS اللي من ابتكار مرسيدس

ثاني مره أقولك و لكن الله يهديك انت منتب لراضي تقتنع ... تبيني أطلع من بوتقة مرسيدس و أنزل لبوتقة تويوتا ؟؟ يا أخي بالله عليك فكر شوي و حاول ترتقي من تويوتا

نظام الوقوف الذكي أول من طلعه BMW و كان في عام 2003 على سيارة X5 و جابوا حلقه كامله مفصله عنه في برنامج Motor Vision فياليت توسع مداركك و ترجع لها و تعيد تأسيس معلومات شوي

اللهم آمين ... الله يهدي الجميع

فعلا مرسيدس هي مصدر الاختراعات و لكزس مبنيه عن بكرة أبيها على معامل مرسيدس و لا تنسى ان مرسيدس هي أول من اخترع التالي

الايرباق ال SRS اللي ما شاء الله ما وفرته تويوتا في كل سياراتها

ABS اللي فرحانين فيه تويوتا و حاطينه أحد المواصفات الاختياريه و هو قياسي في المرسيدس من سنه 1978

ال ESP في 1994

النوافذ الكهرباء

محرك ال V8

ال Auto Climate control اللي ما شاء الله لكزس ما تستعمله أبدا

الرديتر الشرايح من سنة 1914 و أشوف لكزس ما تستعمله

ال تعليق الهوائي اللي لكزس فرحانه فيه و تعتقد انت انهم مخترعينه

البخاخات

محرك ال V8 و ال V12 اللي يقفل نصفه

هاه تحب أكمل و الا لا ؟



خلك على تويوتا و لا يكثر هرجك لأنك لو حطيت مرسيدس في بالك بتدخل متاهات ما لها أول و لا آخر


الله يصلحك بس ... قل آمين

فيها باللاندكروزر

مو بس في امريكا ...انا عندي مجلة توب قير اخر عدد واللكزس اخذ المركز الاول ظمن 36 شركة
والمرسيدس اخذت المركز 32!! يعني اللكزس الشركه رقم واحد في بريطانيا... شوف الفرق العضيم !!وبعدين انا بصراحه مااهتم مين يقلد مين اهم شي سياره توفر لك اخر ماتوصلت اليه التكنولوجيا وباعلى مقايس (الجودة) وبارخص سعر !!والجوده هذي علم مستقل ومو اي شركه تتقنه

راح أقول نفس الكلام اللي قاله مشرفنا في بداية الموضوع .. المرسيدس تعجبني جداً جداً لكن لو بشتري راح أشتري لكزس لأنها ببساطة :

سيارة فخامتها معقولة جداً ..

جودتها ممتازة جداً وصيانتها مريحة ..

وفيها تقنيات كافية ما يهمني كمشتري من وين جابتها ولا من مين سرقتها لأني مو محامي للشركات الأخرى ..

أعتقد ان هذي هي الأسباب اللي خلت اللكزس تتربع على عرش أكثر السيارات الفخمة مبيعاً في أمريكا والعالم ..

أنا عارف ان المرسيدس فيها أكثر من 20 نظام أمان ( العدد مو صحيح لكن لتوضيح الفكرة ) لكن كمشتري ما أحتاج كل هذي الأنظمة يكفيني نظامين أو ثلاثة لأنها أريح في الصيانة و 3 أنظمة الكترونية أكيد راح تكون صيانتها أسهل من 20 نظام الكتروني ..

هذا السبب اللي يخليني أختار اللكزس مع اني أحب المرسيدس لكن اللكزس عرفت تلعبها صح وعرفت ان 80% من المستهلكين ما يحتاجون كل هذا التعقيد لكن يحتاجون سيارة فخمة بتقنيات معقولة والأهم صيانتها قليلة ورخيصة ..

ماشالله الموضوع كله ضرابه



انا بخليييكم في حالكم تضاربون بس عندي سؤال مادري بجوفونه ولابيضيع بين المعركه :blink:




متى تقريبا موعد نزولها ؟؟؟؟


وهل تتوقعون يوصل سعرها 300 ألف درهم ؟؟

نزولها في خريف 2006 واكيد سعرها راح يوصل 300 الف او اكثر