أتوقع لو واحد يبي يلغم ....... اشوف افضل انه يستخدم مثل مااستخدم اللي قلتلك في المثال .....

لان مكينه 9و6 كبيره جدا وصرفيتها عاليه بالنسبه للقوه المستخرجه ....

طيب خذ عندك مثال ثاني ....

انا شفت في احد المواقع واحد معه SEC560 ( كوبيه )موديله 89 شايل مكينته وقيره ومركب عليه مكينة وقير SL500 (سياره سبور ) موديل 94

طبعا الموديل 94 له خمس تعاشيق بينما ال89 له اربع فقط

والاخ نفس الحركه استفاد من الدفرنس القديم ( حق 560 المصمم اصلا للتعاشيق الاربعه ) في عملية ترجمة القوة الصادرة من المكينة والقير الجديد ذو الخمس تعاشيق... وايضا حقق تسارع في غضون ال5 ثواني

طبعا السياره في هذي الحالة تغيرت الى SEC500 بسبب تغير المكينه

لكن كسب عدة اشياء من الحركه هذي ....... وفر بنزين ....... زاد الاحصنه الى 325 بعد ماكانت 300 وارتاحت السياره مع الغيار الخامس

يعني ممكن انك تستخدم قطع موديلات قديمه في تلغيم الموديلات الجديدة والعكس ..... دون الاستعانه بشركه تعديل كبيره ..... وربما تاكل مبالغ اكثر

السلام عليكم ورحمة الله وبركاته

انا شفت ال560 اللي مركب عليه مكينة 6.9 و هو حق واحد صاحب محل تشليح في الحاير و الموتر جايبه من ألمانيا جاهز مجهز و شغل نظيف مره و أحسن شئ فيه العمل النهائي ... ما فيه أي لخبطة أسلاك و لا ليات يعني باختصار شغل محترم مره

أداء الموتر كان غريب كان على نص الدعسه الموتر ما يمشي يفحط مكانه و كان يجاكر أصاب الفياغرات فعلا كان صاروخ و لكن مثل ما قلت يا أخوي الصرفيه كانت دمار مره و التانكي ما يكمل معه يوم أو نص يوم بس بالنسبه للأداء كان لا يضاهيه شئ

أما بالنسبه للي مركب مكينة ال 94 انا شفته و على ما يبدو ان مسألة العزم هذي ما كان مخطط لها و جت معه صدفه .. هو كان أهم شئ عنده ان المحرك يكوة أهدأ من محرك ال 560 و ان الصرفيه تكون أقل

والله شف يخوي ........ مسألة كمبروسرات تويوتا تركب على مرسيدس .... هذا فعلا صحيح ..... لكن بدون اتفاقيات ....

لان كل الكمبورسرات اليابانية تركيبتها وحده وشكلها مقارب لبعض ... لكن تغير الكرسي اللي راكب عليه الكمبروسر ويركب على طول

انا مجربه على 126 وطلع معي اوكي ....... بالنسبة للشبح وفوق انا ماعندي خلفيه عن الموضوع ياريت الشباب يفيدونا ....

نفس نظام ال W126 ما عدا ال S600 وضعه يختلف عن ال 500 و ال 320

و لكن انا و الله أشوف ان كمبرسر المرسيدس ممتاز

و لله لحد الان ما عمري اشتكيت من خراب مكيف مرسيدس الا W124 و عقدني في عيشتي و انا أصلح فيه و في النهايه جبت له كمبرسر من التشليح قطع مرسيدس اليابانيه و الان شغال 100%

معليش بطلع برا الموضوع شوي

انا بصراحه ما أحب شغل التوليف أبدا على السيارات بالذات المرسيدس ... يعني 100000 واحد قالوا لي غير مساعدات الهيدروليك و ركب بدالها مساعدات عاديه و يايات و رفضت و لحد الان انا متمسك بالهيدروليك على الرغم من ان صيانة غاليه

كثير قالوا لي ولف مكيف تويوتا على ال W124 و للأسف الفكره ما دخلت راسي و ركبت كمبرسر مرسيدس و الحمد لله شغال 100%

يعني الخلاصه حاولوا قدر الامكان تبتعدون عن شغل التوليف و شغل الخربطه

فعلا كلامك صحيح ........ يازين اللي يجي شد بلاده :banana:

ايه و الله و أصلا احنا ما احنا طالعين أفهم من اللي صنعوا السياره

على فكره انا رحت معرض الصقر وشفت المرسيدس ال 560SEL اللي يتكلمون عنه و طلع فعلا جدييييييييييييد بمعنى الكلمه الموتر ما مشى الا 26500 كيلو تقريبا و فل أوبشن ((مع هيدروليك كامل)) :banana: ;)

و قريبا جدا بجيب صور للمنتدى و نحرق أعصابكم شوي

مايحتاج

كان فيه واحد فل الفل اكثر من هذا

جلد وتدفئة وفل هيدروليك ( حتى الطاولات فيه ) وما تعدى مشيه 80 الف وانباع بسبعين الف

و لكن بالرغم من هذا كله لازلت أشك في مصداقيه حق معرض الصقر لأن اسطباته الخلفيه تجاريه و هذا يخليني أشك انه مجدد

هييييييييييييه ..

شباب شو المانع اذا كانت السيارة مجددة .. يعني شغل عدل ..

ونتريا الصور

الاصطبات اللي حصلتها يا 560 ماركتها ( ديـبـو ) او ( بوش ) ؟؟؟

اذا هي ديـبـو اعرف انها مجدده

بدون أقرا صناعتها سواء كانت DEPO أو BOSCH ... التجاري تجاري و واضح وضوح الشمس و لا يبالها شطاره و لكن و لا يهمك أتأكد لك منها

نتريا الصور صبايا .. قصدي شباب .. والنعم فيكم .. :knight:

السلام عليكم ورحمة الله وبركاته

يا أخوان ياليت لو تصبرون علي شوي الكميرا اللي عندي ما أثق فيها أبدا Genius DSC1.3M Smart

صحيح انها 1.3Mpx و لكن عليها خمات الله لا يوريكم ... عطوني مهله و ان شاء الله بجيب الصور و اذا ما حصل كميرا الشكوى لله ما لنا الا هالكميرا السبيكه

هههههههههه .. عادي الطيب ما طلبنا الا 640x480 .. كفايه ..

السلام عليكم ورحمة الله وبركاته

المشكله مو في ال Resolution المشكله في جودة الصوره بعض الكميرات تجيك 5MPx و في النهايه تلقا الصوره أي كلام مو باين فيها أي معالم و بعضها يجيك VGA و صورها تلقاها تجاكر ال Canon و ال Nikon و ال Olympus (كثر منها )

بسم الله الرحمن الرحيم

السلام عليكم ورحمة الله وبركاته


رحت لمعرض الصقر خصيصا عشان أشوف ال 560SEL :knight: فعلا يا شباب الموتر نظيف مره :banana: و جديد جدا :smart: و واضح فعلا ان هذا ممشاه الحقيقي :knight: و لكن صراحة فيه عيبين :ranting: السعر مبالغ فيه جدا جدا :bomb: حتى صاحب المعرض يقول انه بقعد عندهم 20 سنه و هو ما انباع بالقيمه المطلوبه و لا حولها و العيب الثاني ان مواصفاته مو TOP

يعني فيه اللي يجي استعمالها ياباني أحسن منه مواصفات و ممشاها قليل و سعرها أفضل و انتم اختاروا :sss: :sss:





و سلامتكم

معارض النسيم - الرياض ........اذا وصلت هناك اسأل عنه ويدلونك عليه واضح جدا

و الله من ناحية السعر فهو مبالغ فيه بدرجه كبيره و مستحيل ينباع بهذا السعر الا لشخص مجنون أو شخص متيم جدا بهالسياره و ممكن يدفع اللي وراه و اللي قدامه عشان يجربها جديده (طبعا هذا اذا كانت جديده فعلا لأن الامر لازال فيه شك)

و لكن الحق يقال السياره فعلا ملفته جدا للأنظار من قوي نظافتها و من لونها الممتاز و يكفي بس وقفتها في المعرض :knight:

أنتوا شو تسوون فينا .. غصصتوبنا .. يلا عاااااااد .. نبى نشوفها ... :ranting: