حتى في ال W140 اللي يسمونه الشبح فيه ريحه مميزه جدا و ما تروح أبدا

أما بالنسبه للبطاريه فلا تهمك بطاريات هاليومين اللي تجيك 25 امبير أو 40 أمبير ... انا ما جتك بطاريه مثل بطارية عطي الله ...88 أمبير .... أمبير ينطح أمبير

بس انها مشكله اذا قطعت بك .... يبيلك ماطور بنزين عشان يشحنها

أكذب عليك لو قلت لك ان هذي مرت علي و لكن بحاول فيها ...

انا أعرف انه فيه مرسدسات تجي فيها لمبه في نفس المكان أو تحت شوي و هذي تولع اذا وصلت سرعة 130 كلم و هي بدال المنبه المزعج حق المرسيدس

ما أدري اذا هالكلام ينطبق على موتركم و الا لا

علامه المثلث الأصفر .. على ما أعقتد هي التراكشن كنترول .. أو الـASR اللي يتحكم بانزلاق السيارة .. ويلبق أول ما تشغل السيارة وعقب يطفي .. وأذا تم والع .. يعني في خراب ولا زم تجيك .. الا أذا في فص تبند وتشغل الـ ASR ..

فعلا المربع يظهر فيه وميض المثلث الأصفر هو للتراكشن ومايولع الا في حالة التراكشن فيقوم بفصل الحركه عن الدفرنس ..

بالنسبة للريحة الداخلية أضمن لكم ضمان انها ماتروح ولا بعد 25 سنة .. بسبب استخدام جلود فاخرة بالاضافة لاستخدام قش جوز الهند المضغوط والمعالج في تصنيع ألياف المقاعد ( بدل الاسنفج الصناعي الرخيص المستخدم في كثير من السيارات ) وهذا مايجعل مراتب المرسدس تحافظ على قساوة مقاعدها وشكلها وان امتد بها العمر ......


بالنسبة لعلامة الخط أو الشرطه البرتقالية فوق الستين وشرطتين بعد الـ 100 والثلاث شرطات اللي بعد 160 هي فعلا تدل على ( أقصى سرعه يوصل لها كل تعشيقه من تعشيقات القير ... ويمكن الاستفاده منها لمعرفة ان القير يقوم بالتبديلات القصوى بشكل صحيح او لأ ) وااللي في الصوره يدل على انه طبلون محرك ستة سلندر ...


بالمناسبة ........ هناك رسمة خطوط برتقالية كثيرة مائلة بين سرعة 60 وسرعة 55 تدل على انه ضروري تبدل التعشيقة الأولى كحد أقصى قبلها ولا تتجاوزها للمحافظه على القير ....


الأخ 560 .... تنبيه السرعه مايجي على شكل لمبه بل على شكل صوت متصل ... وأكثر المرسدسات تجي من غير منبه سرعه ( لأنها سيارات خطوط )


ياشباب ...
- شوفولنا صورة 560 مطيح ..... نبغا الرفرف على الكفر اذا امكن ...
- صورة طبلون 560 وهو مقفل على الـ 260 ( ابيكم تشوفون RPM ) ( اذكر الاخ 560 قد جابها ونزل برضو مقطع 560 وهو يتسارع للميه فياريت يفزعلنا )

^
^
^
^
^
^

ما قلت لي الزر الموجود في الشبح يقوم بنفس الوظيفه و الا لا ؟

أبشر و الله بسعدك



560SEL



450SEL 6.9L



560SEC AMG



الشئ اللي لازم تلاحظونه هو السرعه مقارنة بال RPM .... و على فكره ال 500 ضغطه أقل من 560

و هذا الفيديو لتسارع 500SEC مو 560 و طبعا فرق السما للأرض بي تسارعهم .... ما فيه وجه مقارنه
500SEC 0 ----- 100Km/h

اخوي 560 ....
الزر هذا موجود في الشبح نعم ولكن على الـ600 فقط وليس كله....... وعلى فكره الـ 600 مانزل فيه هيدروليك كامل بالارتفاع والا نخفاض ... بل هيدروليك اوتوماتيكي يتحكم بشدة قساوة او نعومة المساعدات.
أزيدك من الشعر بيت ...
موجود في SL600 السبور ايضا في جيل الشبح وينطبق عليه نفس الكلام ...



مقارنة ال RPM ....على فكره ال 560 ضغطه أقل من 500 وليس العكس كما ذكرت اخوي 560( لان المكينه اكبر وتوصل للسرعه المطلوبه وهي مرتاحه ) والدليل قارنهم في بعض على نفس السرعه ..

بصراحه صور خياليــــــــــــــــــــــــــــــــــــــــــــــــــــــــة :banana: :banana: :banana:
يعطيك العافيه عليها وعلى المقطع :knight:
شوفوا نظافة السيارات ياجماعه ....



قافل طبلونه وهي موديل كم ؟؟؟ والمكينة ماشيه أكثر من 300 ألف ( ياويلي على النظافه )

كتابة RS اللي في الطبلون تحت معناها الاكياس الهوائية وتغير مسماها الى SRS

ترى ياشباب اللي في الفيديو ماقرص للسيارة مضبوط والدليل انه عشق الاول بسرعه وماوصل للشرطة البرتقالية الاولى :m: الظاهر خايف يفحط الكفر عليه في القومه

ياشباب ملاحظين شي ؟؟؟؟ :think:

ركزوا في الصوره اللي فوق وقارنوها مع هاذي ....



طبعا كل الصور لـ 560 بس الاولى يبدو انه أقدم شوي من الثاني والدليل ..

الاول فيه كتابة RS ( يدل على انه موديل 87 )
والثاني SRS ( شكله موديل 90 لان التسمية جديده للنظام ) هذا اللي خلاني اقول انه يختلف الموديل

بس اذا كان كذا ؟؟ معناتها ان الاول مكينته 270 حصان والثاني 300 حصان

ومع ذلك الاول جايب طبلونه والـRPM على 5و5 والثاني جايب طبلونه والـRPM فوق 6 ؟؟؟؟
يعني ليش الأول مرتاح اكثر من الثاني مع انه اقدم ومكينته ماشيه اكثر ( فوق 300 ألف )

تتوقعون الثاني قيره رايح فيها ؟؟؟

بالنسبه لأبو الشباب SEL450 6.9
هذا موديل 79 ياشباب




8 سلندر سعة 83و6 لتر يجيب الميه في ست ثواني اذا ماكان اقل بعد !!!
مره شفته ماسك مع S500 فياقرا قومه وفوق هذا تعداه في الخط وأكل الفياقرا برسيم



والله ياهو ارهاااااااااااااااااااابي ذا التمساح
وأزيدكم من الشعر بيت .... يجي فيه هيدروليك كامل ينبطح زي ماتبغاه

التمســـــــاح في وضع انقضاض على الفريسه










نظام الهيدروليك في التمساح









باي باي يبو 286 حصان :knight:

ماشاء اللة

معلومات اكثر من المانويل تبع السيارة

بالنسبة للمبة الي في العداد

طبقت 230 في خط الطايف جده ولا ولعت

جربت

ادعس دعسة قوية في التراب الكفرات سحبت شوية بس ما ولعت

فكرت اجرب في طريق مبلل بس اصبرولي كم شهر الي ان تمطر عندنا

---------------------------------------------
بانسبة للتمساح

تحصلة الي الان يمشي في الشوارع فعلا سيارة عجيبة

بس مشكلتة الحرارة وما ادراك ما الحرارة

كنت في ورشة وحصلت واحد 450

وكان جمبة فياقرا 320

اللديتر تبع ال450 فاجاني انة صغيرر جدا مقارنة بحجم المكينة يعني

عرضة تقريبا 35سم لهذا السبب حراتة فوق دايما

اما لديتر الفياقرا فكان كبير جدا ومالي الواجةة كلها مع انة 6 سلندر :banana:

The 560 revs a bit higher than the 500, supporting a more sporty driving style. Keep in mind that this feature means that some of the 560s were abused as Porsche hunters


هذا الكلام يؤكد اللي قلته

و لكن ما فيه شئ أعجبني في التعليق كثر اللي مكتوب بالاحمر :knight:

و الله هذي كانت مشكله حتى في ال W124 أول ما نزل و في ا ل280 و ال 300 و لكن بكل بساطه اشتر رديتر 560SEL من الوكاله ... لا تروح تشتري مستعمل أو تجاري و ركبه بتلقا ان الحراره عمرها ما تتعدى ال 80 تحت أي ظرف من الظروف الا اذا كانت وجه الراس حق المكينه خربان أو فيه مشكله ثانيه


ممكن يكون حجم رديتر ا ل560 كبير و لكن الشغله يبيلها شوية توليف و تضبيط و يركب مضبوط و بعدها انسى الحراره نهائيا

هذا الي قلتة حل وعندي حل اخر وانصح فية اصحاب الW126
الي تواجهه مشكلة الحرارة

اذا كانت السيارة مجهزة بمروحتين صغار

قفل الفاصل تبع المروحة((الي يقفل المروحة لمن يبرد الحرك))

بحيث تصير المروحة شغالة على طول..

وبعض البنزات تجي بمروحة وحدة كبير :في هذي الحالة انصح بنفس الحل
ال فوق

وفي بعضها يجي بمروحة وحدة صغيرة:
انصحة هنا انة يستبدلها بوحدة كبيرة

او يضيف وحدة صغيرة ويخليها شغالة على طول..

وهذي الطريقة مجربة تخلي الحرارة بين ال80 وال40 في الظروف العادية

وعلى ال80 اقسى الظروف

اذكر اني مرة كنت راجع من الشفا((الطائف)) الي جدة

الساعة 12 ظهر في عز الحر (درجة الحرارة كانت 45)

والمكيف على اعلى سرعة ومعايا 4 اشخاص

والعداد ما نزل عن 180 طول الخط يعني الامبير تقريبا على 4ونص 300Se

وما شاءالله الحرارة ما زادت عن ال80 :banana:

انا أنصح انك تترك كل شئ كما هو

المروحه اذا فصلت الحساس حقها بيجيها يوم و تحترق ... لذلك انا أنصح بالبتعاد عن هذي الحركه
لأن اذا كان الموتر فعلا ترتفع حرارته فاعرف انه فيه مشكله اما في الرديتر أو في الخراطيش يعني فيه تهريب أو في طبات المكينه و كلها حلها سهل و لكن يبيلها واحد فاهم شغله يعرف العيب من أول فحص للسياره

المرسيدس اللي عندي جاه وقت صار اذا مسكت به خط ولعت حرارته نار و توصل على حدود ال 120 مثل ما هو موضح في الصوره المرفقه و كان كل ما أسرعت زادت الحراره و كنت عند كل اشاره أطفي المكيف على طول

وديت السياره عند ورشه متخصصه جدا في المرسدسات و تعرف وش سوى ؟؟

غير الرديتر برديتر جديد من الجفالي .... و من يومها الى الان و الحراره على ال 80 صبح و ظهر و ليل و في وسط الزحمات و مع المكيف

مع العلم ان الموتر اللي عندي مروحه وحده كبيره .و صار الموتر الان بكجرد ما توصل الحراره 85 تشتغل المروحه تلقائيا و تنزل الحراره الى 80 و تفصل المروحه ... يعني تماما شغل بلاده

هل هي مراوح كهربائيه .. ولا ميكانيكيه موصوله بالمكينه ..

فيه مروحه ميكانيكيه متصل بها سيرين بدل السير الواحد

و فيه مروحه كهربائيه تشتغل اذا وصلت الحراره 85 و تطفى اذا نزلت الحراره الى 80

و للمعلوميه آخر دفعه من ال 89 و ال90 و ال91 يجي فيه مروحتين كهربائيه بينما في ال 88 و تحت يجي بمروحه كهربائيه وحده كبيره طبعا هذا بالاضافه الى المروحه الميكانيكيه

اشكرك عالتعقيب

بس الحمد للة ما قيد صادفتني المشكلة هذي ابدا :smart:




لاحظ درجة الحرارة في الصورة الي انت حطيتها

51 درجة :eek: :eek:

ياشباب ترى اخونا 1100R مايقدر يغير رديتره الى مقاس 500 لان سيارته 300 واذكر اكثر من واحد واجه نفس المشكله وحاولوا يولفون رديتر ال500 عليه ولكن كان الحل لهم هو ربط المراوح ..
لكن ال280 تقدر تولف رديتر ال500 عليها

عموما مشاكل الحرارة ماتجي غير في سيارات وارد ألمانيا أو اليابان ...... اما الخليجي ميه ميه

والحل بسيط ياجماعه ويقتصر على :
تغير رديتر كبير حق 500 ( هو نفسه حق 560 )

او تغير بلف الرديتر وتركب واحد يفتح على 60 درجه مئوية بدال ال80 الموجود بالاضافة لتغيير حساس المراوح معها

او تربط المراوح كلها وتخليها شغال على طول



(اصحاب ال300 يتبعون الحل الثاني او الثالث )

The 560 revs a bit higher than the 500

اخوي 560

هل يقصد عزم الدوران ( وانا معك ان العزم اكيد اكبر ) ام الRPM ؟؟

شي يحير الحقيقه :blink:

المقصود بها ال Revolution per min اللي هي ال RPM العزم اللي تتكلم عنه على ما أعتقد اسمه Torque


وبالنسبه للحراره أرجع وأقول انا أعرف كثيرين معهم وارد اليابان عمرهم ما اشتكوا من الحراره الا واحد و بس و ما اشتكى منه الا يوم انصدم في الوجه و غير الرديتر برديتر جديد من الوكاله و السياره الان TOP و الحراره 80 لا تزيد و لا تنقص

و لا تصدقون اللي يقول لكم ان حرارة المرسيدس طبيعيه هي 100 كله كلام ما له أي أساس من الصحه الحراره الطبيعيه هي على 80 و الدليل انه بمجرد ما توصل 85 تشتغل مروحة التبريد الكهربائيه و اذا رجعت الحراره 80 تفصل المروحه

انا بالنسبه لي تغيير الرديتر هو أول حل يمكن تلجأ له ...

و الباقي تخلونه على شغل المصنع لأن مهما سوينا ما احنا أفهم من اللي صنعوا السياره :sss:

و هذي بعض الامثله للوضع الطبيعي للحراره على جميع السرعات




طبعا نسيت أقولكم ان الحراره ترتفع شئ بسيط جدا وقت المقاومه يعني مع الدعس القوي وبس يعني توصل 85 --90 و ترجع على طول مثل الصوره تماما :

:blink: :sss:

ما تأثر أبدا في حرارة المحرك اذا كانت الامور سليمه

الاخير طبلون CLK موديل 99

اجرااااام

الموقع كاتب انه E55 AMG

و هي على العموم E أو CLK كلها ما تفرق