السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين.

اخوني اهل الامارات الكرام نبغي نسوي تجمع ،بنفس المكان الي تجمعنا فيه.

والتجمع بيكون بعد الامتحانات ان شاء الله.

وخاصة ان التجمع الي بيكون ضروري لنا لااهل الامارات مايصدر من قرارات ومناقشة بينا من كل الجوانب.

وان شاء الله انتو حددو الموعد وان بااي وقت حاضرين وخاصة يكون يوم الخميس احسن بعد صلاة العشاء .

والدعوة مفتوحة لااهل الامارات الكرام واهل الخليج بعد.

بالتوفيق للجميع ان شاء الله.

شكرا لكم

اخوكم محمد
:rolleyes:

السلام عليكم ورحمة الله وبركاته


اضم صوتي لصوت محمد وفعلا محتاجين تجمع ان شاء الله

يا شباب بعده وقت على التجمع................

من فترة أريد أكتب موضوع عن التجمع وخصوصا في في الجو الحلو


الصراحة حرام يروح علي الجو بدون تجمع :(

ونفس ما قال أخونا S8 يمكن البعض بيحسبه إحتفال لعيد السنة :banana: (ماشاء الله عليك)


أنا اول واحد بكون في التجمع وفي مفاجأة بعد ^_^


سلااااااااام

شحالكم شباب ؟

أنا جاهز للتجمع ان شاء الله ..
بس أتمنى يكون بعد تاريخ 7 / 1 / 2005 ...!
لأني حالياً عندي امتحانات ..

تحياتي / عبدالله ..

أنا جاهز بعد تاريخ 6-1-2005 أي مكان و زمان انشالله

خليل

لاحظو تاريخ تسجيل AMG + SLR55 فرق بينهم سنتين بس

خليل

ثلاث سنوات :think:

ليش متجمعين


:
::
:
::
:
::
:
::
:::
::
:
::
::
::
:
::
:

رحلة قنص !!!!

:
::
:
::
::
::
:
::
::
::
:
::
::
::
:
::
:

عليا أطرش لكم

أملال الحلوى

انا جاهز في اي وقت تحددونه :eek:

السلام عليكم ورحمة الله وبركاته

والله الفكرة في وقتها وانشالله وقت التجمع يكون بمثل هالجو الحلو حاليا برد ومطر خخخخخخ
احنا فعلا محتاجين تجمع
وانا اقترح انه يكون يوم 13 يناير الخميس اي قبل العيد باسبوع
بس انشالله الكل يكون مخلص من الامنتحانات في هالوقت

السلام عليكم ورحمة الله وبركاته

زورو الامارات
شكرا اخوي خالد :rolleyes:

S8
شكرا على توضيحك اخوي وكرسيمس يكون بليلة 25 من ديسمبر ونحن الحمد الله بعدين عن هي العادة من المسيحيين،

AMG
كانت فترة بين آخر مرة اجتمعنا فيه وهي المرة اجتماع ضروري ولازم تجي اخوي عمر بالتجمع هذا.

SLR55
حياك الله اخوي وتشرفنا مرة ثانية ،بس لازم تضبط موترك ولاتفر بحر

uae speed
هلا اخوي عبدالله ،انت ماشاء الله جوكر التجمع ،اوكي بعد التاريخ الي قلته يعني تاريخ 13 يناير 2005 يوم الخميس هالوقت زين.

خليل أبو سمرة
اوكي يازلمة بعد هذا التاريخ ان شاء الله ونحن باانتظارك ان شاء الله اخوي خليل.

هيا
تجمع شبابي وخاص جدا بعد

Nas1
هلا والله راعي عيمان بنتظرك ان شاء الله اخوي:eek:

وين باقي الشباب

شكرا لكم
محمد
:banana:

السلام عليكم ورحمة الله وبركاته



شباب انا لازم احظر هالتجمع لازم لازم لازم


اخوي معرسنا محمد

ممكن تعطيني خريطة حق المكان

واذا اي واحد يعرف درب حقه من العين بيسوي خير



شباب انا لازم احظر التجمع ما بيفوتني هالتجمع



انا اعرف درب العين-بوظبي

حتى قصر البحر انا اقدر اوصل هناك






يا ليت تفيدوننا بكل الوسائل

الايميل مالي:
www: sniper_alain@hotmail.com

او على هاتفي الخلوي
اذا تريدوني احطه


انتظر الرد اخوي محمد

وعليكم السلام ورحمة الله وبركاته\

cruiser2000
هلا والله اخوي خالد

تشرفنا زيارتك هالمرة والمكان ان شاء الله مايضيع.

انت تجي على خط العين دبي ،مب خط دبي ابوظبي.

اخوي انا برسلك على الرسالة خاصة كل المعلومات ان شاء الله

اخوك محمد

كع كع كع ......


إقرأ كلامي

قلت بطرش لكم

هذا من الجود والأصل الكريم

بس صدق مش ويه حلوى


:

السلام عليكم ورحمة الله وبركاته

هيا

الحلوى عدنا مكودة وشكرا لك،وواصلة مع القهوة

حددو المكان والزمان و انا حاضر

السلام عليكم ورحمة الله وبركاته



محمد يا ليت تطرش على ايميلي بيكون احسن


الدرب مال
العين - دبي


هو اللي كني رايح الهيلي ومناك اخطف على دبي ولا درب ثاني؟


ترا ولا مرة رحت دبي

انتظر التفاصيل

أخوي cruiser2000

أكيد درب الفوعة إلي توديك دبي من صوب الهيلي

هذا الدرب بيوديك دبي


بس لما توصل دبي حاول تدور على شارع الإمارات

وبعدين بتحصلنا

شو رايك في الشرح


سلااااااااااااااااااام

السلام عليكم ورحمة الله وبركاته

SL55
بغيت اسألك بخصوص درب الفوعة


مب هو اللي ييك من دوار مال كارفور؟


يا ليت تعطوني خريطة لاني ولا مرة كشيت على ذلك الشارع

يا ليت لو يبين دوار اللي يوديك الهيلي

عقبة الخط والتفاصيل

انا لازم احضر التجمع رضيتوا ولا لأ انا بحضر يعني بحضر


يا ليت التفاصيل

الشرح زين بس يبيله بعد

السلام عليكم ورحمة الله وبركاته

Turbo X50
هلا اخوي اظن بيكون بتاريخ 13 يناير 2005 يوم الخميس بالقرب من حلبة اتودروم على طريق الامارات الدائري،واذا الشباب يبفون وقت ثاني نحن حاضرين وبالخدمة،وتشرفنا اخوي بالتجمع.

cruiser2000

اخوي خالد
الدرب الي بتي من العين تأخذ دوار الهيلي وكا،ك ساير دبي على طووول،وخط العين معروف انه خطين ساير وجاي ولين توصل منطقة المرقب تابعه لدبي بتحس ان الشارع يتوسع ويصير الطريق ثلاث ساير وثلاث جاي، وبتروح بعد على طووول تمر فترة لين توصل منطقة الروية وتخفف شوي من السرعه لان بعدها بشوي بييك جسر تأخذ على يديك اليمين مكتوب خط الامارات الدائري ومكتوب لوحة عليها دبي والشارقة وابوظبي والامارات الشمالية،وروح على اللوحة الي مكتوب فيها ابوظبي وكأنك ساير على طريق ابوظبي ولين تأخذ الطريق على الجسر وتستلم الخط بتجوف طريق سريع اربع ساير واربع جاي ،وخليك على طووول وبتحصل على يدك اليسار قرية العالمية ودرها وروح على طوول لين ييك دوار وبعد الدوار بتحصلنا متجمعين هناك بعد الدوار على يدك اليسار.
والطريق مايضيع وان شاء الله وقت قرب تاريخ التجمع برسل لكل واحد رقم موبايلي.
ملاحظة(انا ارسلت لك على الايميل رقم موبايلي وصلك)

SLR55
شكرا اخوي على المعلومات وماتقصر :banana:

والله ودي اجي

بس انا انتهي تاريخ 17/1
هالجامعة تبدى قبل الناس وتخلص بعدهم
اذا كان بعد الموعد وما سافرت باذن الله ابجي

السلام عليكم ورحمة الله وبركاته



محمد:

اعتقد عرفت الدرب بس شكله سهل


بعد دوار الهيلي اكمل على طووووووووووول

حتى شارع الامارات الدائري امشي عليه

ثم اكمل وبعد ما اتجاوز قرية دبي العالمية

بعدها بدوار اكمل وبلقاكم على اليسار صح؟



مممم لازم اروح هاللقاء مهما كان الثمن


بحاول امشي سيارتي وايد لاني اريدها تخلص تشييكه ال 15 الف قبل الموعد
عشان تكون جاهزة للخط

السلام عليكم ورحمة الله وبركاته


اخوي محمد بغيت اقولك على شي


بخصوص الزمان :

افضل ان الوقت يكون على العصر

لان وراي خط والاحسن ان التجمع هذا بيكون الاول بالنسبة لي

فأتمنى ان يكون التجمع يكون طويل شوي
حتى نلقى فرصة للتعارف عن كثق لباقي اعضاء سوالف الذين
سيحضرون هذا التجمع

السلام عليكم ورحمة الله وبركاته

cruiser2000

ان شاء الله اخوي خالد مانختلف على المكان ومايصير خاطرك الاطيب ونحن نتظر ،ردود بقية الشباب.

شكرا لكم