السلام عليكم ورحمة الله وبركاته

تعاني سيارتي من مرض غريب
الانوار اصبح لونها اصفر ..
و هي غير واضحة ..
على ما اعتقد انني نسيت في احد السفرات ان اضع الشحم او الصابون على مقدمة السيارة
مما سبب في بهتان الواجهة و منها الانوار

سؤالي .. هل هناك طريقة لتلميع الانوار
الصدام حليت مشكلتة باعاده دهنه .. و اللوحة تتغير مو مشكلة
المهم عندي الانوار لانه من الصعب ان اغيرها حيث ان سعر النور الواحد 560 ريال وكالة

للعلم سيارتي ماكسيما 2003 ..

شكرا لكم

في محل أسمه ( ارمز ) ...

هذا يرجع لك الأنوار كأنها جديدة وأحسن ...

وسعره شوي غالي لكن نظيف .... 100 - 200 ريال ... على حسب ... اذا كان معها كشفات أو لأ ,,,,



ويوجد باسواق الزينة منتج خاص بتلميع الأنوار ... وسعره الظاهر 50 ريال

ابحث عنه وان شاء الله تلاقيه ..

انا كانت عندي نفس المشكلة وبعد استشارة شباب سوالف ما قصروا معاي ودلوني على أرمز ورحت له وبالفعل رجع المصابيح 95% جديدة وهو موقعه في الدمام مقابل الحياة بلازا

اذا انت من الشرقية انصحك بزيارة اي محل تلميع يستخدم منتجات ميجوايرز

جودتها عالية والنتيجة مبهرة وقوية وعندي الثقة التامة انك مراح تصدق النتيجة

واحد من الشباب صادفتة نفس مشكلتك ولما لمعها بمنتج مايجوايرز وربي ضنيت ان الانوار جديدة

وبرضو الصدام اذ البوية بعدها موجودة ماتساقطت امكانية ارجاع اللمعة محتملة

وشكراً

ارمز شغله نظيف

وسعره معقول ويرجع لك الانوار كأنها جديده زي ما قال أخ FSM

وايضا عندهم فرع في الثقبه الصناعيه الجديده وانا ناوي انشاء الله اودي سيارتي عندهم ألمع الانوار

هل هناك أحد من إخواني في الإمارات يدلني على محل يفعل هذا الشئ

السلام عليكم ورحمة الله وبركاته
بصراحة اخلجتوني بكرمكم الزائد معي
راح اشوف محلات التلميع و انشالله
اخواني وفقكم الله و شكرا لكم جميعا دون استثناء

اخي FSM السعر غالي نوعا ما بس وش جابرك على المر قال اللي امر منه

تقبلوا تحياتي

تلميع الأنوار ابو 50 ريال ما منه فايده:cry1: ..

وديها أرمز اللي في الدمام احسن لك .. حتى لو الأنوار متوسخه من داخل يفكونها و ينظفوها ويرجعوها مثل أول .. كذلك فيه محلين جدد قريبين من ارمز عندهم نفس هالشغلات..

عموما لو مادليت المحل خذ تلفونه من الاستعلامات ..















تحياتي