السماعات يبغيلها عملية break in عادة من 20 الى 25 ساعة تشغيل
اعتبرها مثل السيارة يبغيلها تمرين في البداية و شوي شوي العن خيرها

و لا تنسى انه اذا حملتها اكثر من طاقتها ممكن تخترب عليك,
بالضبط مثل مكينة السيارة اذا طريتها زيادة عن اللزوم ممكن اتدق عليك.
==================================================
ادري انها كشخة:cool:

و حتى انا ناوي و يالس من البارحة اقنع عيال بن سالمين انه ناخذ سيايير "رباعة"
نبغي شيء نقدر اندخله في الرمل. اقولك وين تقدر تلعب فيها.
مب احسن عن اللعب بالدراجات:think:

امس كنت عند مركز الهوايات بس الي في العين مب الي في دبي

لقيت عنده buggy مع كل شيء (طبعا مب مزودة) بالف وخمسمية

شو رايك زين سعرها ولا ما تسوى

و بعد حصلت بجي ثاني مزود لكنه مستعمل اعتقد سعره 1700

شو تنصحنا.

Nas1 ... زين عطيتني علوم ..

.........

أنت قلتلي سعر السيارة .. بس ما قلت أي شي عن أسمها ..

عطني أساميهم وبشووف ..

ولا أقولك عطني ميزانيتك وبييبلك أحسن سيارة فيهم ..

.. وثانيا أنت حق الشو تباهم ..

رمل .. تنقيز .. تركيز .. يعني سيايير فورويل

رمل .. شوارع .. سرعه .. يعني بجي

شوارع .. سرعه .. قومه .. سيايير شوارع ..

وجذه .. طبعا أكثر شي تستانس في الفورويل .. وثانيا تزويده بلاوي على النت .. عجب العجاب ..

تعرف شو بسيو أحين ..

بطلبلي كت للسافاج 25 .. كت مكينتين يركبن على سيارة وحدة ..

الدرايف لاين كله من التانتنيوم علشان ولا شي ينكسر ..

وآخر شي مكينتين وساب 28. قوتهم 3.1 حصان والأر بي ام بين الـ41000 والـ43000 ..

الزبده .. خباااااااااااال ....... التكلفه ..

.......

لو فكرت تاخذ سيارة ريموت .. لا تفكر بالبيزات ..

يالله ولا سيارة صدقيه ..

أنا طلبت سيارتي من برع كلفتني 2200 ويا سعر الشحن ..

علشان أشغل السيارة خذيت أغراض بـ400 درهم ..

زودتها وعدلتها بـ700 درهم ..

تصليح خرابها .. 300 درهم ..

وأحين خربانه مب عارف شو أسوي ..

.......

أهم شي يوم بيتاخذ سيارة يوم أنه قطع غيارها متوفرة بالمحل الموجود بالبلاد ..

أنا بتلشت والله .. أحين خربانه ولو بصلحها يعني أطلب من برع ..

ناوي على طلبيه ضربه .. بتكلفني قراب 3800 درهم ..

بس تسوى ..

.......

فكر عدل ولا تستعيل .. ومن تاخذ السيارة .. سو سيرج عنها بالنت ... شوف كيف يمرنونها (ماكنت أعرف هالشي انا ) وشوف تزويدها وقطع غيارها وتعلم عليها .. وعقب ألعن صيرها .. (أنا سويت العكس بالضبط والنتيجه ؟؟amp: )

الله كريم ويصبرنا ..

وسلامي

السلام عليكم

بخصوص السماعات الواضحه مو شرط انها تعور الاذن ولكن اغلب الظن ان المضخم او المسجل ما يتسحمل الصوت العالي فا قاعد يرسل اشاشرات موشوشه .

اما بخصوص break-in ! 20 ساعه هههههه حيل شوي ..

سماعاتي يبيلها 60 الى 80 ساعه .

اما بخصوص انها تخترب لا ما اظن ما تخترب انا كنت اعليالصوت اول ما اخذتها عادي .. بس اذا كان ووففر نعم يخترب لو تسوي له بوررررررررررب مثلا .


========

شباب انتوا تسولفون عن سياير مال البانزين ؟

والله شغل عدل مدري وين ربيعي عبدالرحمن عنكم من زمان هو مينون بالهشغلات ..

تو ه شرا سياره من الهوايات في دبي اعتقد ب 2500 ريال ..

مبسوط اعتقد تمشي 80 كيلو .

بس للاسف هو بالرياض ..

بسأله يمكن عنده اي سؤال خليه يأخذ منك خبره اخوي العقرب .

بعد بحث اضافى :(


لقيت هذا وش رايكم



وهو Equalizer / crossover / LineDriver

هذا 7 باند

50Hz,
125Hz
315Hz
750Hz
2.2kHz
6kHz
16kHz

7-Band Graphic Equalizer
Selectable Main Aux. Inputs
Subwoofer-Level Control
Selectable Subwoofer Low-Pass Frequency 60Hz or 90Hz
6-Channel / 7-Volt RCA Line-Level Output


السعر = 100 - 130 دولار

الصراحة ودي اخذه مع السماعات :think:



تحياتي للجميع
محمد

عيدكم مبارك حبايبنا .. وعساكم من عواده ..

ما حبيت الموضوع يطير من الصفحه الأولى ..

فخبرونا شو يديدكم .. شو سويتو..

شو مخططيين .. وهالكلام ...

وسلامي :cool:

السلام عليكم ..

اخوي 922

عندي لك نفص المواصفات تقربيا بس 5 باند مو سبعه بسعر 70 دولار بس اعتقد انه انباع خلاص ..

مشكور اخوي العقرب على الرفع ..

خلاص ماكو شيء لووووووول ..

انا يالس انطر سماعاتيتي من امريكا بس تاخرت شوي لاني وصيت ربعي هناك ييبولي جم سيدي اغاني شغل عدل لاني اخذ اي سيدي اباه ببلاش هههههه وش حقه اروح اشتري اصلي من فيرجن ايبهم مناك احسن .

اذا وصلوا العده راح اوافيكم بالصور ان شاء الله .

السلام عليكم ورحمة الله وبركاته
كـــــــــــــل عـــــــــــام وانـــــــتم بخيــــــــــر

عساكم من عوادة جميعااا

اخوي dd ها ايش سويت لي على الاوبتيما ؟؟
اذا يمديك تشوف اذا وصلت الصفرا واذا مالقيت خلاص توكل على الله وارسل لي حمرا الله لايهينك

وشكرا لكم جميعاا

السلام عليـــكم ورحمـــة الله وبركاتــــه ......


لي كم سؤال في هذا الموضوع :-

1-ممكن أعرف أيهما افضل سماعات وأوفرات (JBL-PIONER-ALPINE)
2-أبغى امبليفاير قوته 1200 واط وماني عارف أفضل نوع امبليفاير يستحمل الأوفر عندي والسماعات
(علما بأن لأوفر عندي كينوود 1000واط والسماعات كينوود 400 واط )

وشــــــــــــكرا .....

Blue_SteeL

شحالكم

شخباركم


شو العيد وياكم ................................




UP
للرفع
==============================================
العقرب

امس حصلت سيارة نوعها Kyosho سعرها 1600 درهم كاملة
قالي الريال مكينتها 21 (شو معناتها ما ادري )

قالي كل شيء موجود (قطع غيار, زوايد, ما أدري شو)

ايقول انها عادي تصعد تل مرعب
صدق هالسيارات تصعد مرعب:think:

السلام عليكم


اخوي Blue Steel

لازم تعرف معلومه مهمه جدا جدا ..

ماركات بايونير و كينود وطقتهم لما يقول لك 1000 واط فا هذا كله دعايه هو مش 1000 واط هو تقريبا 500 واط ومرات اقل ..

يعني انت امش على شيء اسمه nominal power او watt RMS هما الواط الحقيقي ..

الكينود اللي عندك لو اعطيه 1000 واط حقيقي كان احترق من اول ضربه يعني حده 500 ولا 600 .


افضل مضخم من الماركات التاليه :

للسماعات الاثنين الباين و JBL .

وللسب وفررات JBL افضلهم ..

فيه شيء غريب الاحظه عند الشباب يسمون كلمه اوففر على الوفرر اللي ينحط في الطبلون الخلفي واعتقد يسمون سب وففر للي ينحط في صندوق طبعا هذا كلام خطاء ..

الاسم الصحيح هو سب وففر subwoofer .

المهم ما علينا ..

انت تبي مضخم واحد للسماعات وللسبوففر اووه انا فكرتك تبي مضخمين منفصلين ..

طيب شوف تبي نصحتي ما دام انت تدور على الرخيص في سوقنا ما لك الا Pioneer GM-X944

قيمته تتراوح بين 900 الى 1100 .

ركب عليه سماعتين وركب عليه وففر واحد يكون بريدج ..

وخلاص ...

اما اذا تبغى شيء فوق وميزانيتك كبير ه فا كل الي في السوق زباله واذا بغيت شيء اجيب لك من برا عادي .

على فكره دير بالك تشتري اي منتج من JBL ترى كلهم تقليد طول ما انك تشوف كلمه china حتى لو مكتوب امريكا برضوا يضل الصين لازم تشوف مكتوب على المضخم مصنوع في امريكا او على الاقل كوريا .


تحياتي .....

Nas1 ...

هلا الغالي ..

أي شي من كيوشو ييعني فنان ..

...

يقصد حجم مكينتها 21 .. وشي حلو ..

هيه ما عليك تصعد تل مرعب بالريوس بعد :banana: :banana: ..

هاي السيايير خفاااف .. ومكينتهم فوق الـحصانين .. يعني شي عجيب ...

وشي حلو يوم قالك قطع غيارها متوفرة صدقني .. بتحتاجهم وايد

...

بس لو تبى آخر سيايير كيوشو الا وهي ..

MP777 Special 1 سعرها 699 دولار = 2520 درهم ( بالنت )



في العاديه MP777 سعرها 399 دولار = 1437 درهم ( بالنت )

(يمكن هاي مالك .. بس مادري أسأل عن أسمها )



بس فرق السما والأرض بينهم .. أسأل عنها بالمحل ..

نفس المكينه بس الأسبيشل في مواصفاات روعه والبودي أكثر صلابه ومرونه من العاديه ..

وهذا الموقع علشان تشوف الفرق من بين السيارتين ..

http://www.kyosho.com/cars/kyoc0564.html

طبعا السيارتين توب في البجي .. وتزويدهم متوفر .. وعادي تحط عليهم مكينه 28 لو ودك .. يعني خبااااال

ولو ودك تطلبها من برع ..

أحسن موقع ومضمووون 100%

http://www.towerhobbies.com

وسلامي للحبايب .. :p

انا اقصد20 ساعة تشغيل و بعدين تقدر اطول على الصوت اخر شيء

ال20 ساعة علشان تلين المطاط الي في السماعة, مش علشان تشتغل السماعة بكامل جودتها.

تخيل الinfinity kappa perfect تحتاج شهور من الاستخدام عشان يتحسن الميد بيس فيها

مرحبا شباب عندي لكم عرض حلو ..

ربيعي عنده امبليفاير من نوع JBL اللي هو اقوى واحد في العالم 8000 واط يبي يبيعه سعره جديد 4500 دولار .

هو يبي يبيعه ب 3200 دولار بس

وش رايكم مو رخيص ؟

:anger: :anger: :anger: :anger: :anger:

والله لو مينون ما راح اشتريه .

السلام عليكم

انا عارض سيستمي للبيع

السيستم كامل من عند ساوند أون ويلز و مصنووووع في أمريكا( ماركة EarthQuake )

اللي هو:


1- كمبوننت (طقم سماعتين + تويترين + كروس اوفر) للامام 6.5 انش
2- سماعات 2way (سماعتين و داخل كل و حدة تويتر مدمج فيها) للخلف 6.5 انش
3- 2 سبووفر مع صندوق ported ( معناه انه الصندوق في فتحات اخراج الهواء)
5- امبليفاير 4 قنوات للسماعات (كل سماعة لها قناة)
6- امبليفاير قناتين للووفرات
7- مكثف لدعم النظام النظام الكهربائي للسيارة

و السعر 3700 درهم
------------------------------------------------------------------------------------------------------------------
------------------------------------------------------------------------------------------------------------------
To Nas1
(سوري ناس انا ما سويت اقتباس انا سويت كوبي بيست من موضوعك اللي برع)

السلام عليكم ورحمة الله وبركاته

اليوم جايب لكم موضوع قريته في sounddomain.com
"كل واحد يقول ليش دخل عالم الصوتيات"

ابغي كل واحد يقول شو الرد الي عجبه و حس انه رد مقنع

تحياتي للجميع خصوصا 922 و M.A.M الي صارلنا فترة ما شفنا ردودهم:(

يا هلا ناس ..

والله الموضوع زين .

انا عجبني رد الاخ rockout77 و Formerly known as - AO

احس انهم يتكلمون عني ..

انا صراحه اول ما دخلت كنت احب البيس بعدين قلبت صرت اكررهه لان الصفاوه والتوزيع والوضوح افضل وامتع .


شباب باركوا لي السماعات بكره تنشحن والفلوس كملت بعد طلعت الروح والان انا على الحديده انتبهوا لا اطيح .

Nov 18, 2004: Sorry, the forum will be unavailable until no later than 7AM on Nov 19 (Pacific time), while we perform routine maintenance.

نترياهم

انا الحمدلله عديت مرحلة البيس (الله يخلي المري:rolleyes: ) خلاني اعدي هالمرحلة
و الحين كل همي انه الصوت يكون في سيارتي واضح (و اهم شيء اكون انا مقتنع بالصوت) و ما علي من الي يقولونه الناس عن الصوت. و بقول حق الي مب عايبنه الصوت دورلك جدار و دق راسك فيه لين ما تشبع :anger:
====================================================
ثانيا كيف تكتب لي ناس المفروض تكتب Mr. Nas1
انا الحين معلمك جلست وياك سااااااعااااااات اعلمك تستخدم الدريم ويفر و اخر شيء تكتب لي ناس
((من علمني حرفا صرت له عبدا))
====================================================
عندي لكم طلب شباب
الي يبغي يكتب اسمي يكتبلي Nas1 او اسمي ناصر لأنه كلمة ناس خالية احس انها مب حلوة :rolleyes:
تحياتي للجميع

يعرفني عدل شكله ..

بديت أحب الصوتيات من أفلام الـDVD وخاصة أول ما نزلت موضة الـ5.1

وأول سماعات خذيتها لكمبيوتر ي من كرييتف 4.1 .. وناسه ويالأفلام ..

هاي كبداية .. وعقب تعمقت .. كنت بألمانيا وأبا أشتري مجلات للسيايير .. ويا كثر مجلات الأوديو والساوند سستمز ... شوية شوية ..

وأنتوا ما قصرتوا خليتوني أرد لها الطريج .. عقب قطعة منه ..

وأحين احاول أفهم كل شي ..

بس عالم الأوديو صغير الصراحة وما يباله هاك الزود ..

مب مثل عالم التزويد .. يبالك راس يفهم .. علشان تقدر تحلل ..

وتشكر على السؤال يا نــاصــر

وسلامي :p

منو قالك انه عالم الصوتيات صغير (طبعا صغير بالنسبة لعالم التزويد, لكنه اكبر مما تتخيله)

صدقني كلنا كنا انقول جذه لكن اكتشفنا انه الي نعرفه ولا شيء و كل يوم اكتشف اني جاهل في عالم الصوتيات اكثر من اليوم الي قبله اذا تبغي اتحس انك جاهل ادخل منتدى sounddomain.com و شوف (الخبراء الامريكان) كيف يسؤلوون اسئلة احيانا تكون اسئلة تعجيزية لدرجة انه في بعض الاحيان نقرا و نحن مب عارفين شو السالفة.
هذا و هم خبراء. عيل نحن شو نطلع.

نحن انشوف الموضوع هين لأنه الانظمة الي نسويها تعتبر بسيييييييييييييييطة جدا جدا بانسبة للانظمة الاحترافية.
=======================================================
تعال انته ترمس عن الانظمة المنزلية يبالك سماعات B&W حق الكمبيوتر كل وحدة قيمتها 7000 درهم. و انته تبغي نظام 5.1 يعني 35000 + الووفر و الامبليفاير

يعني قول من 40-45 الف اقل شيء

مشكور على ردك غانم

بس برايي انه الواحد بيرضى بساوند سستم يوصل لـ 150 db ولا أكثر .. وترى الباقي ازعااج ..

بس التزويد ماله حدود ..

كل ما قوة سيارتك كل مارتبشت أكثر :banana: .. عندك من 20 حصان لين 12000 لو مكاين سيايير ومالا نهاية لو مكاين اكبر ..

اخوي غانم
الناس الحين يفكرون بجودة الصوت اكثر من ارتفاع الصوت.
ترا الصوت العالي كله من الووفرات و ما اعتقد انك بتقدر تتنفس في السيارة اذ و صلت 130 DB فشو بالك ب150 db

150db صارت سهلة جدا هالايام بس يبالك شوي فلوس و ما بيكون في اسهل منها.
و ثاني يوم بيي واحد عنده سستم اقوى من الي عندك.
عشان جذه الاغلبية يشاركون في DB drag بس مب اي حد ايشارك في فئة SQ

بس انك اتصمم سستم يكون Sound stage او الصورة المسرحية فيه Perfect و جودة الصوت الي فيه ممكن ما تخليك تنزل من السيارة شيء صعب جدا جدا و مب اي حد يقدر يصمم هالسستم. (اقصد التركيب و اسرار التركيب)

======================================================
على فكرة التزويد نفس الشيء تقدر اتوصل سيارتك الى 1000 حصان و اكثر

انزين و بعدين

بييك واحد ثاني يوم و بيغلبك و هو يضحك.


تذكر اول ما فتحوا الحلبة كل الناس شافوا كيف الجيتي الاحمر (ابراهيم السعودي) كيف طاف الجيتي الاصفر لكن في حد (الين هاليوم) يقدر يقول انه الجيتي الاصفر مب شي (ايخسون وانته بكرامة)

ليش محد يقدر يقول انه الجيتي الاصفر مب شيء :think:

لأنه السيارة كاملة من كل النواحي (الشكل, السيفتي, القوة.....الخ)
عشان هالسبب الناس لين الحين يتذكرون الجيتي الاصفر.

في المقابل شوف الgt الاحمر الناس نسوه لأنه ما في شيء مميز فيه (لا شكل ولا لون ولا رنقات حلوة ولا فيه سيفتي ولا بدي كت حلو) ما فيه شيء غير مكينة قوية (و التزويد غش مال بانكوك )
يعني لا لاتفكر بالموضوع من ناحية و حدة بس فكر فيه من كل النواحي.


لأنك فكرت بالسستم من ناحية كم DB يقدر يجيب, و نسيت كل النواحي الثانية.

اتمنى انه اتكون فهمت قصدي.
-------------------------------------------
اهداء

والله فاهمنك حبيبي ..

والأصفر ماشتهر عندنا بس .. العالم كله رمس عنه وبعدهم والله يرمسون .. (أكثريهم يسبون .. السبب الأصفر مال واحد عربي ) ..

ما علينا منهم ..

أدري أنه عالم الصوتيات عوود .. وخاصة في تخصص أسمة هندسة الصوتيات .. أخو ربيعي داشنه ويدرس فيه ..

والله ودي اكون دكتزر في عالم الصوتيات والهاردوير والألكترونيات .. والسيارات وكل شي أحبه ..

بس بداية الطريج بخطوة .. وللحين الحمدالله راضي عن المستوى اللي أنا فيه ..

بس المشكلة اللي حواليك غجج .. ما عندهم سوالف .. فيمنو بترمس وبتستفيد .. (علشان جه الواحد يتحبط ) ..

بس يوم بتسولف يا ناس فاهمين في الشغله وتستفيد من كل جملة يقولونها .. جه بطور عمرك بسرعة وبتفهم (وهالسبب أحب الأنجليز .. )

والله كريم ..

والسبب الثاني انهم ما جد شافوا سكايلاين سكان يسار من جذه كلهم كارهين (ابراهيم البلوشي)
على فكر موقع toprpm يوم من الايام وصل المركز الاول في الtop1000 على العالم (مواقع السيارات طبعا) و السبب انه الاجانب مستغربين كيف GT سكان يسار و الله يخلي ربعنا يدخلون و يرشحون الموقع 100 مرة في اليوم.
===================================================
شو رايك بيلسك ويا DDesigns و Evo_Almarri و Nas1 و اسمعنى ونحن نرمس عن السستم و بلاويه و اكتشافات الي اكتشفناها من الانجليز (هم يكتبون في المنتدى و نحن اونه اكتشفنا شيء يديد )
بتسمعنى نرمس الين ما تلوع جبدك:geek:
===================================================
واسمحلي وايد اتفلسفت اليوم

الله الله شفيكم تتناجرون !! لوووول ..

هدوا اللعب شباب ..

على طاري الجي تي اخوي NAS1 عطني لنكات حق صور جياتي اماراتيه ولا سعوديه ولا اي شيء خليجي ابي اخرش الساوند دومين ما دام هم مستغربين من السكان اليمين ..

نبي جياتي حلوه شوي ههههه بقولهم شرايكم في السيارات هذه .

اما بخصوص الصوتيات والسيارات فا شوف ..

انتا لما تتكلم عن الصوتيات فا معنها تتكلم عن الكترونيات ولما تتكلم عن الكترونيات فا معناها تتكلم عن الكهرباء ولما تتكلم عن الكهرباء معنها تتكلم عن فيزياء وكيمياء يعني السالفه ما تخلص :blink: :think:

ونفس الكلام في السياير تتكلم عن ميكانيكا وفيزياء يعني هم حوسه كل هم متعمقين ما نقدر نقول هذا اكثر .


اهوي العقرب كلام NAS1 صحيح انا اول ما دخلت الساوند دومين كنت اطرش بالزفه ما اعرف وش يقولون بس مع مرور الوقت تعلم ولله الحمد وصرت 100 % بس برضوا للحين في اشياء ما عرفتها يعني اشياء لها علاقه في السماعه وكيفيه صصنعها ..

شوف ما ابي اروح بعيد واعقدكم بسألكم سؤال بسيط .

روحوا حق اي موقع سماعات ويكون فيه معلومات عن مواصفات السماعه بتلاقون مصطلحات متكونه من حرفين او ثلاثه وجمبها ارقام تقدرون تقولون لي شنو هذولي ؟

انا نفسي ما اعرفهم كلهم يمكن نصهم بس علشان كذا انا اقول لكم عالم كبير ..

من خلال هذه المواصفات تقدر تحكم على السماعه كيف راح يكون صوتها .


طولت آسف تحياتي ......