بغيت أستفسر منك عن سعر الكفرات للشفر أسترو مقاس 235 - 70 - 15

بغيتك تعطيني الماركه والموديل المناسب والسعر

وبغيتك تعطيني ثلاث خيارات
الغالي والوسط والرخيص.


وأرجو إني ماثقلت عليك بطلباتي

اهلا فيك اخوي الملغوم

انت ما اعطيتني المواصفات اللي تبغاها في الاطار

لكن و بما ان سيارتك عائلية

ما اعتقد انك راح تستغني عن هذه المواصفات ( الراحة - الهدوء - طول العمر ):rolleyes:

عموما انا بديك ثلاثة اختيارات زي ما طلبت

و هي مرتبة بالاغلى سعرا ثم الاقل منه ثم الاقل :


1- ميشلان LTX

2- يوكوهاما Avid Touring

3- دنلوب D65T


انا اميل للـ دنلوب اكثر من غيره

و الرأي لك ....

:p

اخوي سناري


وش الفرق بين الميشلان Pilot LTX و الـ LTX ؟؟؟

اهلا اخوي ميل

البايلوت هو الفئة الرياضية من المنتج العريق LTX

و هو زي الفرق بين

E55 AMG

E 500


و الله اعلم


:p

واعتقادك أكيد في محله

يعني أنا أكيد ماأبي تواير سلكات

كل اللي يهمني الراحه - الهدوء - العمر الطويل


وأنت شكلك مثلي ماتعترف بسالفة الغالي سعره فيه

وأشوفك رشحت لي الدنلوب بس ماقلت لي السبب


ولا عطيتني الأسعار


حتى لو أسعار تقريبيه للثلاث ماركات
يعني 50 ريال + - في كل كفر مو مشكله

بس علشان أكون فكره


وشاكر لك تعبك مره ثانيه

اهلا اخوي الملغوم

انا من اشد مؤيدي مقولة "الغالي سعره فيه"

بس هذا ممكن يكون على اشياء ثانية

لكن هذه الاطارات عارف مواصفات كل واحد فيهم

و احنا في السعودية محظوظين بوكالة زي دنلوب

اسعارهم طايحه مرة

يعني تخيل طقم من عندهم للكروزر و من الـ ((وكالة)) مو من البنشري بـ 1400 مع كامل الخدمات

ممكن عند البناشر تلاقي الطقم بـ 1200 او اقل بشوية

و في الجهة الثانية عندك وكالة بريلي طايرين في اسعارهم و مخلينها فوووق

طقم لنفس الكروزر و نفس المقاسات يكلف 2700 ريال

يعني اختلاف مبالغ فيه

و هنا لازم يكون تدخل من الغرفة التجارية لضبط الاسعار

عموما الدنلوب من كثر ماهو قوي و صناعته متينة و جيدة

اتعاقدت معاها شركة دودج لتركيب اطارات لـ دباب يعتبر اسرع مركبه في العالم

و للاسف لا املك صورة له بس اعتقد انه 10 سلندر


و للاسف ما اقدر اديك اسعار لاختلاف التسعيره من مكان لاخر و ايضا هذه يبغالها برنامج قاعدة بيانات كاملة يعني انا بتذكر ايه و لا ايه


اما حكاية ليه رشحت الدنلوب

لانه ببساطة عمره اطول من بقية المنافسين

صحيح انه الميشلان اريح و اليوكوهاما قمة في الهدوء

بس الدنلوب تتوفر فيه هذه المواصفات بالاضافة الى عمره الطويل جدا ... 6 سنوات


هذا و الله اعلم ...

:p

في مشكلة في المنتدى

مشاركتي غير واضحة للمطلعين على الموضوع من القسم

بس وين أحصل الدنلوب في الدمام؟

ما اعرف موقع وكالة دنلوب في الدمام

لكن انت اسأل ... و ان شاء الله ما تتوه

:p

اهاااااااااااااااااا


انا اليوم تخلصت من كفرات البريدجستون اللي جات على الباثفيندر من الوكاله وركبت طقم بايلوت LTX


وماشالله الكفر انعم وارسى من البريدجستون

ألف مبروك .. لقد سعدت بهذا الخبر

الله يعطيك خيرها و يكفيك شرها

بس ما قلتلي من وين ركبتها و بكم طلعت عليك


و نصيحتي لك :

لا تعتمد بشكل كلي على معلومات الانترنت

و الله اعلم

:p

السلام عليكم ورحمة الله وبركاته

mill_955
مبروك اخوي ونعم الاختيار .
هذا نفس اطار الي انا مركبه على سيارتي غراند شيروكي وانا مركب هالمرة الثانية بعد انا استعملت اول شي حوالى سنتين ونصف تقريبا.
الاطار هادي وحلو وعلى المنعطفات والرمل حلو وسلس.

كم سعر الاطار الي اخذته اخوي.

تحياتي

سنـاري


انا دايما ما اشتري الكفرات الا من الوكيل...لاني ارتاح للوكالات اكثر من البناشر

لكن هالمره كان الكفر مخلص من الوكاله واضطريت اني اشتريه من بنشر.....وطلعلي الواحد بـ600 ريال مع التركيب والترصيص......ادري ان السعر غالي لكن المشكله ان الكفر مب موجود في السوق



grandv8

مشكور اخوي.....وبالنسبه للاختيار ماكان فيه خيارات كثيره للمقاس حق سيارتي


الخيارات اللي كانت متوفره:

بريللي............لكن سعره في الوكاله غااااااااااااااااااااااااااااالي ومادخل مزاجي
كوبر................هذا كان لنا تجربه سييييييييييييييئه معه
بريدجستون.......هو اللي كان عندي ومافي امل اركبه مره ثانيه


وبالنسبه للسعر طلع لي الكفر بـ 600 ريال


بس حبيت اسألك...

انت الكفرات تطلع صوت عندك في المنعطفات؟؟

انت ممكن تشوف السعر غالي من الوهلة الأولى

لكن اصبر عليه سنة و سنتين و شوف كيف اداءه معاك

ما راح تغيره و لو صار بـ 800:cool:


اما بخصوص البيرجستون

فأقول لك لا تحكم على شركة من منتج واحد ... هذه قاعدة ثابته و بطبيعة الحال لها شواذ

و الاطار السابق ليس مناسباً من الاساس للقيادة في ظروفنا و اجوائنا

البيرجستون اطارتها احيانا افضل من البريلي و الميشلان

و منتجاتها موجودة على افضل السيارات العالمية مثل فيراري - BMW - Z350 و غيرها


و بالبركة

:p

مبروك والله يا mill_955

حركات والله

وانا اقول إشبك داعس في اللفات

الله يسامحك يا grandv8

من اول قاعد تجرجر فيا و تقولي عندك ميشلان و تمدح فيه من يوم ماعرفتك

و في الاخير يطلع LTX

طيب ياخي قلي من اول بدل الجرجرة اللي جرجرتني اياها :eek: :eek:

شكرا على مشاركتك الحلوة يا حلو

و الله يعطيك العافية

السلام عليكم ورحمة الله وبركاته

mill_955
هلا اخوي الكريم
سعر الكفرات الي انا اخذته تقريبا 490 درهم ،اما بالنسبة للمنعطفات قصدت يسوي صوت خفيف يوم تلف او انت جاي مسرع على المنحنيات.
انا عندي على اللفات مافي صوت ،وعلى المنحنيات الا كنت جاي مسرع شوي صوت خفيف.

سنـاري
اخوي احمد القرقرة الي قلت لك ،واخبرتك قبل بالموضوع الاول وعن كل شي عن اطاراتي.
والله يعافيك اخوي وحاضرين:banana:

تحياتي

grandv8

شكله يبغالك كورس جديد في اللهجة الجداوية

القرقرة لها معنى ثاني غير الجرجرة

القرقرة لما تتكلم كثير

الجرجرة لما تتعب واحد معاك يعني تجرجرو معاك:eek:

بس انا كنت امزح معاك :p

و انت صحيح كانت مشاركاتك حلوة جدا في الموضوع السابق لكن كان ناقصه حاجة وحدة بس ( الاسم )

و الله يعطيك العافية على كريم اخلاقك و تواضعك الجمّ

و جزاك الله خيرا ،،،

:p

مشكور أخوي سناري وجزاك الله ألف خير على هذا الموضوع المفيد والرائع ..

أخوي انا ناوي أغير اطارات سيارتي ... مب الحين يمكن بعد اربع شهور لان الاطار بعده

ممتاز و يمشيني اكثر ...

اريد أفضل إطار لسيارتي ... سيارتي من نوع BMW 325 سيدان موديل 2003

و مقاس الإطارات الي راكبه على السيارة من خذتها من الوكالة هي 205/55-16

ونوع الإطارات هي كونتينتال ...

أول شي شو رايك في إطارات كوتنينتال .. ؟ علماً بان الإطارت نفسها إطارات الوكالة

من اشتريت السيارة مثل ما ذكرتك ..

و بعدين شو هو أفضل نوع يناسب سيارتي .. و عن الميزانية تراها مفتوحة بس الأهم الثبات

والهدوء و العمر ...

وتقبل تحياتي و آسف على الإطالة ..

بسم الله الرحمن الرحيم

اول شيء اشكرك اخي الفيصل على تسهيل عملية انتقاء الاطار الجديد و البحث عنه و ذلك بفضل الله ثم بفضل مشاركتك الواضحة و الشاملة و التي تحتوي على جميع البيانات و المعلومات التي احتاجها ..


رأيي في اطارات كونتينينتال ... انه يوجد في السوق منتجات افضل منها و اكثر جودة

و هي اطارات مجهولة لدينا بسبب عدم وجود وكيل محلي لها و ان تم استحداث ذلك فاتوقع لها الفشل بسبب كثرة المنافسين و سمعتهم القوية

الطريقة الوحيدة لمشاهدة هذه الاطارات هي ان تكون قادمة من المصنع بها

كـ الفورد اكسبدشن و المرسيدس CLS


بخصوص الاسعار اتطمن لان مقاسك معقول جدا و اسعار اطاراته مناسبة و في متناول الغالبية


انصحك باطار واحد و ارى انه الانسب لك بلا منازع

Good year EagleF1



هذا الاطار يعتبر من افضل الاطارات اللي عرفتها

وفيه ميزة اضافية عن الميزات اللي انت ذكرتها و اللي هي نعووومة شديدة بسبب زيادة نسبة المطاط الطبيعي في هذا المنتج الرائع

توكل على الله و ركب هذا الاطار

و لا تنسى تدعيلي

:p

ما أعرف كيف أشكرك على ردك و أفادتك و إن شاء الله بمشي على شورك الي ما اشك فيه

و أنا مغمض ...


وجزاك الله ألف خير

هلا اخوي سناري رجعت لك من جديد

خلاص قررت اخير كفرات سيارت ابوي الباجيرو

كفر الوكاله يوكوهاما جيولاندر 265-70-16 ممممممم كفر محترم الصراحه السياره موديلها 2002 يعني تقريبا 3 سنوات من غير الإهتمام فيها

ايش رايك انا ناوي اجرب كفر جديد غيره

ايش تنصح هل في كفر ميشلان ممتاز
او بريجستون
او دنلوب

مايهم السعر اهم شئ الهدوء وان يكون معمر

العفو اخوي الفيصل و لا تنسى تخبرنا بالنتيجة بعد التركيب

و الله يعطيك العافية

:p

=============

اهليين اخوي الانصاري

خذ عندك الميشلان ساينكرون




و لاتنسانا من دعائك و قصة تجربتك مع الكفر الجديد مع الصور

و الله يعطيك العافية

:p

هال اخوي سناري ..

انا ودي اسأل عن كفر مواصفاته كالتالي :
ثباته ممتاز ومريح وهادي وبرضه مايفحط كثير يعني يعطي انطلاقه ممتاز بدون مايفحط كثير ( لوزم المقاومات ) ومايتعدا 500 ريال او ممكن زياده شوي ..

<<<<< يابوالشباب المواصفات هذه احسن شي وتبي بسعر رخيص مافي امل

لكن بحكم خبرتك اخوي سناري على الاقل تعطينا لو مواصفات ممتازة

والكفر مقاسه 235/45/17 .. ومايهمني كثير الشكل

ومو مشكله مو لازم تلتزم بميشلان او بريجستون لاني ملاحظك كثير تذكر ميشلان وبريجستون بخياراتك

تحياتي ...

اهلا اخوي اوبل

انصحك بشراء اطارات جوديير F1



و اذا كان السعر غالي عليك مالك الا دنلوب


و الله اعلم

:p