ما أعتقد سمعت نفس الي عندني لأنه لين الحين ما شفنا حد عنده منهم غيري انا و المري

(لأنه نحن اول اثنين طلبناها. يعني ما كانوا اييبونها و يابوها حقنا, و يابوا كم حبة زيادة بس خلصوا)

فهمني أكثر ..

يعني لو خذيت بس سماعتين زياده أروم أشبكهم بالأمبلي فاير مالك ..

.............

وهاي هديه مني لكم حبايب حملوها ..

معرض الشرق الأوسط بدبي 2003

http://www.uaqboost.com/up/uploading/aaaa1.zip

وتحايتي

لا اشترلهم امبليفاير صغير و يكون قناتين لأنك ما تحتاج 150 rms حق ورا يعني شيء في حدود 40-50 rms يعتبر اكثر من كافي.

بتحصل شيء رخيص يعني اقل من 300 درهم

لأنه الامبليفاير الي عندي مثل ما قلتلك قناتين بس

يعني كل قناة فيها سماعة وحدة او كمبوننت واحد

وممكن تشبك قناتين و يصيرون قناة وحدة حق سبووفر ويسمون شبك القناتين bridge او جسر
====================================================

حليله الكامري مال هارمن هاوس

اذا كانت السماعات الي سمعتها في هذا الكامري هي الي ترمس عنها

فاقولك انه السماعات الي عندي احسن عنها بوااااااااااااااااااااااااااااااااااايد

هذا الكمبوننت الي في الكامري
http://www.cardomain.com/item/JBLP650C
والي عندي اضني لاعت جبدكم من كثر ما احط الرابط مالها

فرحتني والله ...

أخوي كمن يوم وبرد عليك الخبر اليقين ...

2000 .. بس بسيولي دسكاونت زيادة .. عيماني حتى النخاااع :banana:

....

أوكيه .. أبا بعد نفس الكمبوننت اللي عندك 2ميد +2تويتر + كروس اوفر + امبلي فاير .. أوكيه وكم بيكلفوني يداد ..

....

وأبا سب ووفريين ويا أمبلي فاير ..

من ماركه محترمه أفضل JBL

أقترح عليي شي زين حبوب ..

....

وسلامي

ألسلام عليكم

هههههههههههههه ايه والله اخوي ناس حتى انا ضحكني ..

شوف انا اقولك اخوي ناس ايش الفرق بين CDT-ES و Dynaudio

الCDT صوتهم يكون Detail + Bright واعتقد انت فاهم ايش يعني وسمعت وانا كنت اقولكم ليش ما حبيتهم صح ولا لا ؟

اما Dynaudio اللي باخذهم فا هم Warm + Detail وهذا انا اللي احبه لان Braight مع اغاني الروك مو شيء بالنسبه لي ههههه .


==============================

مرحبا اخوي العقرب ....

والله شوف كل شيء سعره فيه وخليني اقول لك انا بكم شاريهم لان الفواتير جدامي الحين :

2 ميد + 2 تويتر + كروس اوفر = 500 دولار = 1825 درهم .
2 تويتر = 99 دولار = 361 درهم .
متحكم في قوه التويتر الاضافيه = 25 دولار = 91.25 درهم .
شحن السماعات من اندينوسيا الى السعوديه = 70 دولار = 255 درهم .

يعني المجموع كله = 2532 درهم واصلين لين عندي ..

وانا ببيعهم 1800 يعني خسرت كثير .. وشوف علشان يكون آخر عرض ببيعهم ب 1700 وما راح انزل ولا درهم لان اخليهم عندي احسن .

اما بخصوص 2 ميد و 2 كروس اوفر الجديد الاضافين فا انا بطلبهم لك من امريكا يعني مو مستعملين جداد ..

شوف سعرهم هني :

http://cdtaudio.com/eurosport_drivers.htm

اول واحد بسعر 359 دولار لل 2 ميدرينج .

+

http://cdtaudio.com/hd300_xover.htm

اول واحد على اليمين سعره فوق 200 دولار بس مو مكتوب ..

بس انا ما راح ايبهم لك في هذي الاسعار انا اعرف واحد بامريكا يجيبهم لي بسعر اقل من كذا بكثير اللي هو :

350 دولار لل 2 ميدبيس و 2 كروس اوفر . والشحن 57 دولار يوصل خلال 4 الى 10 ايام . يعني المجموع 407 دولار ..

وصدقني انا ما حطيت في جيبي ولا ريال من الطلبيه هذه .

يعني الموضوع راجع لك اكثر من كذا ما اقدر انزل صدقني اخسر ..

والله يوفقك في الاختيار ما احب اضغط على احد .

لما تشتري سماعاتي راح تحتاج مضخم ابو قناتين يعطيك على الاقل 90 واط ..

او تصدر تشتري مضخم بايونير 944 ابو 4 قنوات وتسوي له بريدج يصير يعطيك 150 واط في قناتين وبكذا عطيتهم قوه مو بصاحيه وصوت عالي سعر المضخم اثل من 900 درهم . وانا مجربه وكان عندي واحد صوته حلو جدا جدا .

اختيار موفق :cool: :cool:

اووووووه نسيت بخصوص سماعاتي الاسعار اللي حطيتها فوق اللي هو المجموع 2500 وشوي هذا سعر خاص لي انا بحكم علاقتي مع الشركات يعني لو يطلبها واحد عداي تعدي 3500 درهم


تحياتي للجميع ..........

ياخي الصوت الي يجيك Bright احلى منwarm , لكن السماعات الي تجيك warm أريح للأذن لساعات الاستماع الطويلة لأنه صوت التويتر يجيك انعم شوي.

بس تقدر اتحد من الاصوات الحادة المشكلة اذا عندك إكويلايزر سواء خارجي او في المسجل نفسه, او انك اتنزل على treble و بهاذا يصير صوت التويتر اخف شوي.
ولا شو رايك؟

تحياتي للجميع

مرحبا اخوي العقرب

الامبليفاير بعته لأني حصلت صفقة فيه مول ما تتعوض المهم سماعاتي ببيعها ب900 درهم بدون الامبليفاير.

اذا تبغي نفس المبليفاير الي كان عندي فسعره يديد في حدود 1200 درهم (شوي اكثر او شوي اقل)

او ممكن انك تاخذ نفس الامبليفاير الي عند EVO_ALMARRI و هو JLaudio 300/2 و سعره 1200

الناس مختلفين بين هذيل الامبليفايرين في ناس يقولون هذا احسن و ناس يقولون هذا احسن:think:

بس عن نفسي انا باخذ JL audio حق السماعات اليديدة.:banana: لأنه حجمه صغير و كشخة و فيه مواصفات حلوة.

http://www.jlaudio.com/amps/3002.html

======================================================
سعر الكمبوننت عند الوكيل 980 درهم (يوم انا اشتريته)

الحين شو اشلهم من المحل ولا اخليهم عنده (عادي قول, لا تستحي )

اتريا منك جواب
======================================================
مشعل شوف هذه السيارة

شغل 100% مب نحن:cry1:
http://www.sounddomain.com/id/daniele

الله الله الله قسم بالله احلى صفحه ساوند دومين شفتها !!!!!!!!

يعني شغل نظييييييييييييف وواحد رايق ..

انا من شفته مرر الكيابل من تحت السياره طلعت عيوني !..

هذا المفروض يفتح له محل ويكون اغلى سعر لانه فعلا قوي قوي قوي .

يالله والله اللعاب يسيل وانا اشوف الصور يعني فعلا كل شيء متوفر عنده ومخه مفتح ..

لا تنسى اخوي ناصر لا عندنا قراج زين ولا جو زين و عده تمام نشتغل فيها ولا يمكن نقدر نقلد بعضهم ..


بس صراحه هذا هو اللي صح يموت في الصوت ويضحي بكل شيء شفت شلون شق الطبلون الامامي بس علشان يحط التويتر !!!!!

مو برعنا هنا ما يبي يحط مسجل حجمه صغير علشان ما يظل فراغ لوووووووووول .


على فكره هذولي السماعات اللي انت ناوي عليهم ؟ ولا شو ؟


والله انه مجنون شوف شلون فتح السكان علشان يلزق الرموت فيه !!!!!!

يعني فعلا رجال يستحق المركز الاول على التعب اللي سواه بس يالله هو اخذ المركز الثاني مو مشكله ههههههه .


تحياتي ...........

على فكرة الي في الطبلون 3 انش mid range و شكله يشبه التويتر مثل الفقاعة

نفس هذه السماعات بس انا ابغي 2way و سعرها 835$ (retial طبعا)

:cool:

تحياتي لك

السلام عليكم ورحمة الله وبركاته
شحاكم شباب
===========================
DDesigns و EVO_ALMARRI تذكرون الاندكروزر الي مسواي في ساوند اون ويلز (audio bahn)

لقيت النك ماله في السونددومين
http://www.sounddomain.com/memberpage/716260/1

مشعل انت تقول ان ال 944 صوته حلو جدا جدا
طيب حلو .. فيه سؤال فني : هل من الممكن تعويض ال HU الغير جيد بامبليفاير جيد
ولا لازم يكون ال HU جيد علشان يطلع الصوت جيد ؟؟
يعني مثلاً واحد عنده مسجل وكالة وتعبان هل من الممكن يعوض النقص اللي في هذا المسجل عن طريق امبليفاير جيد ؟؟

تحياتي

هههههههه ايه والله هذا هو اللاند كروزر صوته حييييييل خايس بس ديكور حلو هههههه .

اما بخصوص المسجل والمضخم ..

فا يعتمد ..

اذا كان المسجل وكاله فا انصح مسجل جديد .

اما اذا كان مسجل سيدي من ماركه جيده فا انصح في مضخم .

انا انصح في المضخم فقط لانك راح تقدر تعلي الصوت بدون ما فيه اي وشوشه .

السلام عليكم ورحمة الله وبركاته

اخوي dd ها بشر ايش حصل على الاوبتيما ؟
شوف خلاص انا شكل بطاريتي قربت تودع لانها كانت مخزنة تقريبا 6 اشهر ورجعت استخدمتها واحتاج بطارية
فأقترح عليك تنتظر الى يوم الاثنين اذا ماتوفرت الصفرا اشتري لي الحمرا واتوكل على الله ايش رأيك ؟ ادري اني تعبتك معي بس ايش نسوي الحظ اليييم هاليومين

براحتك اخوي

ننتظر يوم الاثنين اذا ما حصلت بشتري الحمراء هم بعد هي زينه

على فكره اخوي NAS ..

كل واحد وله ذوقه ..

انا عارف انت تحب bright والوضوح .. بس انا من النوع اللي احب الشيء الناعم على الاذون الدفيء warm ...

انا اعتبرها مسأله ذوق وكل واحد له رأي

انا احب الصوت يكون bright اول ربع ساعة بس

و بعدين ابغي الصوت يكون warm , يعني حتى مع سماعات الوكالة اول ما اشغل المسجل يكون treble على اعلى شيء و بعد 15-30 دقيقة انزله الى النص لأنه الذن تبدا اترن من صوت التويتر.

بس اقولك حق الخرشة الصوت البرايت احسن يعني اتحس انك مطول على الصوت.

بعكس السماعات الwarm احس انها ما توصل لمستوى البرايت في ارتفاع الصوت و قوته.
(هذا شيء نفسي, احساسي يقولي هذا الشيء):p

Nas1 و DDesigns ... أسمحولي على الرد المتأخر ..

ما ظني أقدر آخذ شي والله احين .. تونا مخلصين أمتحانات التقويم الأول وسيده دشينا في الثاني ما عطونا فرصه الله يقطع بليسهم .. ومن عقب هالأمتحانات العيد وشهر واحد وامتحانات نص السنه ..

انا فكرت عدل والله .. بييمع بيزات لين ما أخلص الثانويه .. وأن شاء الله تكون بحدود الـ6 والـ8 .. وبنضربها مرة وحدة طلبيه من أمريكا .. حق سيارتي الزد اليديد اذا الله قدر :banana:

والله يوفقكم وتلاقون الشراي الدفييييييييييع وتربحون اكثر .. وبين وبينكم أقولكم زيدوا في الأسعار .. لأنه في ناس بتاخذ والله .. ( أذا كانت فاضيه ) ..

السموحه حبايبنا وان شاء الله ما نقطع عنكم ..

قريييب الأسأله بترد ..

أخوكم منكم وفيكم والسلام عليكم

غـــــــانــــــــــــEL_3grabــــمــ

حياك الله اخوي العقرب ..

عادي مو مشكله دراستك اهم ..

عموما انا بنطرك لين ما تيمع لك كم قرش علشان ايب لك من امريكا .

افا عليك يا غانم

ما بينا هالكلام

اذا كانت 6-8 الاف صدقني بسوي شيء ما فيه مثله

بحط قدام عندي DLS uridium 6.2

و 12W7 في الدبة
و 1000/1 و 300/2 و ديكور فيبر (عنبو خلصت البيزات )

و مسجل بايونير الملون

=تقريبا 10000

تحياتي للجميع

فيك الخير حبوب .. وأنت الأول والأخير لو في شي عن الصوتيات ...





هههههههههه .. بس تصدق أهون عن التزويد بواايد .. يعني لو بحط اقوى سستم ما ظني بطوف الـ80 ألف ... بس لو أبا أقوى تزويد من كل النواحي .. بطوووف الـ200 ألف ...

واقووول ياخي طلع سيارتك برع خلنا ندل بيتكم عدل .. كل يوم أخطف من الشارع راد من المدرسه .. بيتكم مخطط ببني ولا شو ..

والله يقويكم علينا حبايبنا بس تريوا

80000

باخذ فيها 12 w7 او xxx

12 امبليفاير

6 كمبوننت محترم

6 امليفاير حق السماعات

6 مسجلات

و بركبها في سيارات
1- DDesign
2-922
3- M.A,M
4- Evo_Almarri (ما بعطيه w7 عنده واحد )
5- EL_3grab
6- Nas (انا بيكون عندي 4 ووفرات, لأنه المري ما بعطيه )

================================================

ثانيا تعال ياخي لو الواحد يطر عمره من التزويد ثاني يوم بيحصل موتر اقوى عن موتره

بس في السستم اهم شيء انه يعيبك انته و ما عليك من الباقين.

كل حد بيقول شوفوا فلان مزود موتره و مخسر و طفناه بVETC و غير المشاكل و الشرطة وفي كل تفتيش يبهدلونك.
(شكلك بتشل التزويد من راسك)

لا تفهمني غلط (ابغي ارقع السالفة )
شيء حلو انه الواحد يكون عنده سيارة مزودة بس مرات الشيء يزيد عن حده و يتحول الى خبال

طبعا نفس الشيء في السستم,مرات الشيء يزيد عن حده

انا أأيد انه الواحد يزود موتره على الخفيف يعني توربو صغير , اكزوز سستم.

يعني شيء مب مال سباق, شيء عسب ترضي نفسك فيه و تحس انه سيارتك قوية.

و اسمحلي عاد وايد اتفلسفت عليك.

اهداء لك سيارة لاسلكي z350

:eek: :eek:
الله يرزقك يا Nas اكثر من 80000
وش رايك خلها 8000000 بس وش بتركب لي

ماشاء الله عليكم ياشباب الإمارات تقدرون تسمعون سماعات وشغل محترم .. تخيلوا انا بحياتي ماسمعت سماعات كومبينينت :cry1:

مشعل ... كيف السيستم بعد العزل ووش الاشياء اللي لاحظتها ؟؟

تحياتي

حياكم الله شباب ..

اخوي MAM افا بس انت تعال انزلك نزله الامارات واعتبر البيت بيتكم تعال اسمع كمبونينت لين تقول بس لووووووول .

بخصوص العوازل 100% انا مرتاح بالنسبه لاداء العوازل الصلبه ولكن السائله ما عجبني احس خراط مدري الطبقه اللي سويتها نحيفه ..

عموما انا ما خلصت للحين باقي بعد تلزيق بس خليني افضى .

حبيت أسأل الكهربا عندكم يا شباب كيف تقووها يعني عن طريق الكاباسيتر أو عن طريق تغيير الدينمو .
ومشكورين

8000000
بسوي فيها ست سيارات تاخذ المركز الاول في البطوله العالمية في ال SQ

و كلهم المركز الاول مكرر (ما عدا سيارتي لازم اتكون الاولى من غير كلمة مكرر):banana:

و مثل ما قال DDesigns انته انزل عندنا و بنحطك في عيونا

اذا فكرت تنزل عندنا خبرنا قبلها بيوم او يومين

علشان اسويلك برنامج سياحي علشان اتشوف محلات السستم المحترمة الي عندنا