مرحبا
الحين الشباب خلوا كل الموديلات و قاموا يتصيدون على القديم و الضعيف منها
اخوي TOP-SECRET اولا انت تقول 12 ثانيه مو 10,6 ثانيه.....و انا حاطلكم تشكيله غير هذا و كلهم استعمال شارع و في ربع ميل 9 ثواني....هذا الي الربع ميل ماله 10,6 ثانيه تره انصنع سنه 1988 و عدلوا سنه 1988 و تره اهو استخدام شارع مو دارق
....ابي موتر ياباني سنه 1988 هذا ادائه....؟!
اخوي سياف اولا حبيت اقولك ان الكورفيت تون تيربو الي يقوم من غير سلكات و تسارعه 3,2 ثانيه هذا قوته 700 حصان يعني مو نفس الي انا حاطه...شي اكيد يعني الي قوته 802 حصان يعني نفس الي انا حاطه تسارعه اقل من 3 ثواني.....:cool: ......الي قوته 802 حصان هذا بالتواير العاديه الربع ميل ماله 9,5 ثواني
....و شي ثاني الكورفيت التوب سبيد ماله 400 كيلو و البليتز 348 و مافي اكثر....
اخوي TOP-SECRET لا تحاول بالدراق لا تحاول
......انا مستعد احط دراق بس في شروط ان الموتر الياباني الي تحطه تكون مكنيته يابانيه مو شغل خري مري(مثل السوبرا الي في رابطه سمت طلع على الفايبر و الكورفيت بمكينه كورفيت لوووووووول)....و انا احطلك موتر دراق امريكي و مكينته امريكيه.....
و من الحين اقولكم في موتر دراق مكينته شفروليه قوته 3000 حصان و يقطع الربع ميل في....في جم تتوقعون المهم ان هذا الرقم سري للغايه...قال ياباني دراق قال لوووووووول بالشارع ماشفنه شي......
و الحين اخليكم مع المقارنه الحلوه الطريفه المضحكه...تره هاذي نكته مو مقارنه...
طبعا الكل يعرف الكورفيتLingenfelter و الكل يعرف السكايلن Skyline GTR R348
خل نسوي المقارنه و ابي راي الجميع لانه يهمني::::
الكورفيت قوته 802 و السكايلن 850 حصان<----------السكايلن اقوه ب48 حصان
القير بوكس...الكورفيت 6 سرعات و السكايلن 6 سرعات
نظام الدفع...الكورفيت دفع خلفي و السكايلن دفع رباعي<-------يعني الكل يتوقع بما ان السكايلن اقوه و دفع رباعي فأكيد قومته اقوه
الوزرن.......الكورفيت وزنه 3340 lbs و السكايلن وزنه 3397 lbs <---------فرق تافه لا يذكر يعني تقريبا كيلو واحد مع فارق القوه لصالح السكايلن 48 حصان!!
كل شي و كل الضروف تقول سكايلن اقوه و اسرع لاكن نيي حق الضحك...
التسارع....الكورفيت بتواير سلكات 1,9 ثانيه و بتواير الشارع اقل من 3 ثواني..السكايلن تسارعه 3 ثواني و نتذكر الفرق 48 حصان و دفع رباعي
الربع ميل...الكورفيت بالتجربه بالسلكات يقطع الربع ميل ب9 ثواني و بتواير الشارع 9,5 و السكايلن طبعا بعد صعوبه لان المعلومات شبه معدومه يقطع الربع ميل ب10,8 ثانيه<---------تحتاج تأكيد
التوب سبيد..الكورفيت 400 كيلو و السكايلن 348 و هذا سبب وضع الرقم بالاسم Skyline GTR R348 .....الكورفيت z06 بقوه 405 حصان التوب سبيد ماله 330 و البورش تيربو التوب سبيد ماله اكثر من 340 و انا يوم شفت عداد التيربو و اهو يمشي لين ال340 و قارنته بعداد البليتز قمت اضحك لانه عداد البورش اسرع!!!!
و رجاء لحد يقولي شركه البليتز ما تعرف تلغم و يسوي روحه خبير عليهم...مساكين معطينهم 6 سلندر و يبونهم يبدعون لووووووول.....و اذا احد عنده رقم اقوه لسياره يابانيه مخصصه للشارع خل يحط لانه البليتز مخصص للشارع و بالتجربه قاعدين يتمشون في بشوراع ضيقه بنيويورك<-------الظاهر راحوا هناك يسون عرض عضلات لوووووووول....
اخوي VIP_GTS الفايبر وحش و سالفه القير بوكس انا اتوقع ان ال6 سرعات للاستعمال العادي و الاوتو للدراق........و انا هم سامع خبر الفايبر ال1700 حصان بس ناطرين و نشوف:cool: ..و مشكور على المشاركه و يعطيك الف عافيه
اخوي RamAir خلهم مساكين ما يعرفون شسالفه بعدهم على ربع ميل 6 ثواني و اقوه دراق باليابان...و مشكور و يعطيك الف عافيه
اخوي حسين خل الsupra توصل 5000 مو مشكله بالاخير بيلها موتر امريكي اضعف منها و اثقل منها و يطوفها على الراحه....مثل ايل صاير الحين بين الJun Akira Supra و الHennessey Venom 1000TT فرق 100 حصان على الفاضي....:cool: ....و مشكور على المشاركه و يعطيك الف مليون عافيه...
تحياتي و تصبحون على فايبر