شوف اخوي غانم اذا انت مجنون الا تبي تجرب الصفاوه فا انصحك تاخذ Super Audio CD وليس DVD Audio ..

طبعا الاثنان بينهم صراع والاثنان قريبين من بعض في الكوالتي ما اقدر اقول الاول احسن من الثاني ..

بس انا قلت لك خذ السوبر لانه فيه ميزه ..

ان السيدي مقسم الى فصلين ..

فصل يكون Audio CD عادي ابو قناتين ويشتغل في المسجلات العاديه والفصل الثاني يكون السوبر وما يشتغل الا على المسجلات الغاليه .


انا انصحك ان تشيل من بالك فكره السديات الصافيه فكر في مسجلات او سماعات او مضخمات وراح تشوف الفرق بقوه .

اخوي X

اليوم طلبت لك البطاريه وبكره توصل ..

وان شاء الله احاول ارسلها بكره ..

----------------------------------------

اخوي بو جاسم ..

فيه 3 انواع من العوازل ..

عازل اهتزازات وعازل صوت وعازل حراره ..

انا اللي شريته عازل اهتزازات ..

طبعا هذا لا يعني ان عازل الاهتزازات ما يعزل حراره او صوت لازم انه يعزل .. بس على خفيف ..

اما من ناحيه الازعاج فا الصراحه وبدون مبالغه الازعاج راح اللي ورا يعني ما اسمع اي ازعاج من الخلف لاني كتمت السياره ومن السقف ما فيه ازعاج ..

من الارضيه خف الازعاج بس ما راح لاني لازم اعزل الابواب وانا ما عزلتها ما عرفت افكها لان اكيد بيدخل الصوت من الباب لانه هش مو مثل البقيه ..

اما صوت المكينه فا انا ما حطيت عوازل على الكبوت او الجهه بين المكينه والطبلون علشان التغير كان خفيف جدا ..

اما بخصوص الحراره فا فيه فرق السقف صار بارد جدا ..

بس عطوني فرصه كم يوم اختبر زياده لاني ما طلعت في عزل الحر وشفت ..

ولكن لما تشغل المكيف بسرعه تبرد السياره ..


سوف ارد بعدين ..

تحياتي ..........

شو رايك مشعل

هذا سستم الاحلام

ما يكلف وايد بس الووفرين ب5000 درهم, و المضخمين 1000/1 قيمتهم 6200 و مضخمين 300/2 ب2400 و الكمبوننت ندبره من اي مكان

Nas1 .... عيماني حتى النخاع ... ... تشكر على الرد ... بس انا كنت أقصد اني اشغله على الكمبيوتر مب السيارة ... :cool: ... بس قريب قريب ان شاء الله ساوند سستم .. واكيد بشاوركم قبل لا آخذه ... ماشاء الله دكاترة عندنا :banana:

922 ... ادري الغالي .. بس شو نسوي .. وأنا ناوي آخذ هالكرت 24 بيت من شركة كرييتف .. للابتوب مالي ...

Sound Blaster Audigy 2 ZS Notebook



وانا عندي سماعات 2.1 وسماعات 4.1 وسماعات 7.1 من كرييتف بعد

DDesigns .. مجنون كل شي والله ... أي شي للسيايير .. :rolleyes:

وتأكد انك انت اول واحد بتجهله علشان أسألك عن الساوند سستم اللي في بالي .. بس أحين اروح ريحته ... يا ألبينا ولا JBL ... :banana: ..

وتسلمون شباب وكثر الله من أمثالكم والله ...

أخوكم غـــــانـــــمــــ

EL_3grab

اوهووووو اخوي NAS لا ترفع ضغطي مع مضخمات JL يا اخي انقهر والله سعرهم غالي جدا جاد وفيه الف بديل واحسن من جودتهم بعد ..

لكن الوفرررات اوقف لها احترامي ..

على فكره ..

دخلت منتدى بالغلط اجنبي واغلب كتابه من دبي المهم حاطين قسم حق السيارات فا كانوا يسألون عن JL ..

واحد منهم قال يا اخي غالين سعر W7 حوالي 4100 هههههههههه ..

قلت له انا اجيبه لك بارخص ..

فا هو بيروح يشوف بكم يعطونه وبيرد علي يمكن يعطونه بغالي علشان اذا كذا باخذ واحد عن طريق سالم ويرخصون لنا نربح شوي من وراه ههههههههه .

فيه واحد طلب يقابلني يبي يشوفني ..

قلت له والله انا اقابلك عادي بس لا تفكر اجيك في سيارتي الا اذا انت ناوي تشتري واسويلك سيستم انا مش شغال شاشه عرض للناس .

ان شاء الله احصل لي زبون من هنا ولا هنا .

على فكره NAS حطيت اللزقه على الللوحه فرق كثير خلاص ما صارت تهتز نهائيا ..

اما بخصوص العوازل سألت في الساوند دومين قالوا لي ان وضع العوازل الخاصه بالاهتزازت هي عباره عن حرب ولازم تقاوم يعني يمكن ما تروح من اول طبقه لازم تحط اكثر من طبقه علشان تتغلب عليها .

واحد قال لي استعمل الرغوه اللي تتوسع فا بشوف بحاول استخدمها يمكن تنفع هي نفس حق الحمامات اعتقد او اللي يستخدمونها في الشبابيك .


على فكره اليوم رحت فصلت لي صندوق جديد اكبر من القديم بشوي لان القديم الموجود حاليا ولا خلاص تفكك من كل مكان يطلع الهواء فيه تسريب ..

طبعا رحت محل ACE والله توني اعرفه عنده شغلات مو طبيعيه عجبني حيل فيه اشياء كنت ادور عليها من زمان وحصلتها عنده ..

اشتريت الصمغ النوع الممتاز من عنده مع انه غالي شوي بس يالله يستاهل ابي اشوف كيف راح ينفتح الصندوق ..

====================

اخوي اللي يسأل عن العوازل في الصفحه اللي قبل شوف الشركه اللي شريت من عندهم هم الوكاله الرسميه اللي يستعملونها سركه فورد حق Mustang Shelby G.T500E ...

شوف هنا الصور :

http://www.cascadeaudio.com/images/...0E_CAEparts.jpg

http://www.cascadeaudio.com/images/.../500Efront1.jpg

http://www.cascadeaudio.com/shelby_500e.htm

مثل ما انت عارف هذا الموسنج وحش اللي في فيلم Gone in 60 sec وصوته عالي جدا جدا ويخرش .. فا هم استعملوا العوازل لتخفيف الازعاج والاهتزازات من جراء قوه المكينه ..

طبعا في الصوره الاولى انا ما عندي الا المنتج الموجود على الباب المربع الازرق وزوايا الدبه فقط يعني البقيه ما استعملتهم ما اعرف كيف مستواهم هم خاصين للازعاج .


اذا بغيت شي او اطلب لك انا حاضر .

حياك الله اخوي غانم الظاهر كتبنا مع بعض هههههههههه ...

اي وقت تبي سيستم بس انت قول لي ....

بس يا ليت تجمع لك كم قرش علشان تيب سيستم حلو شوي ..

انت الحين مشغل سيستمك على اللاب توب في السياره ؟؟ لاني توني اشغل الفيديو اللي حاطه .

طيب ليش ؟؟

ولا يكون تبي تاخذ الاوديجي علشان الاب توب في السياره ؟؟

DDesigns


الصراحة حطمتنى بمفعول العوازل


هذا وانت مركب شي ممتاز شلون عاد لو مركب Dynamic والشلة اللى كنت ناوي عليها


شكلى بشيل فكرة العوازل نهائي




تحياتي

اخوي 922

لا ما فيه شي غلط اخوي ..

كل سياره تختلف على الثانيه لما تحط عوازل على بي ام غير عن كامري ..

كل وحده ولها جوده في صنع السياره ..

الهوندا يمكن ما ينفع معها طبقه وحده يحتاجون اكثر من طبقه علشان تسكت ..

انا فهمت الموضوع خلاص

يعني الغلط مو من المنتج لانه زين بشهاده كل الناس ..

يعني راح اسوي طبقه ثانيه ونشوف الفرق ..

اهم شيء هي خفت حوالي 50% يعني فيه شيء ما راحت فلوسنا ..

اذكر ان السقف ما يهتز نهائياااااااااااااااااااااااااا . خلاص راح

ليش لان السقف مو معقد مقل الدبه اللي كلها زوايه ولمبات ..

مشكلتي هي اللمبات فيها فتحات ويدخل منها بكل مكان ..

راح اضبط الوضع ان شاء الله قريب ..

وراح اصور فيديو اوريك كيف ضغط الهواء عندي يحاول انه يفتح الباب .

اخوي 922

لا ما فيه شي غلط اخوي ..

كل سياره تختلف على الثانيه لما تحط عوازل على بي ام غير عن كامري ..

كل وحده ولها جوده في صنع السياره ..

الهوندا يمكن ما ينفع معها طبقه وحده يحتاجون اكثر من طبقه علشان تسكت ..

انا فهمت الموضوع خلاص

يعني الغلط مو من المنتج لانه زين بشهاده كل الناس ..

يعني راح اسوي طبقه ثانيه ونشوف الفرق ..

اهم شيء هي خفت حوالي 50% يعني فيه شيء ما راحت فلوسنا ..

اذكر ان السقف ما يهتز نهائياااااااااااااااااااااااااا . خلاص راح

ليش لان السقف مو معقد مقل الدبه اللي كلها زوايه ولمبات ..

مشكلتي هي اللمبات فيها فتحات ويدخل منها بكل مكان ..

راح اضبط الوضع ان شاء الله قريب ..

وراح اصور فيديو اوريك كيف ضغط الهواء عندي يحاول انه يفتح الباب .

DDesigns

زين انه نفعت حركة اللزقة الي ورى الرقم

الحين بس يبالك اتبدل سلك الRCA الي اخترب

و السلك الي بين المضخم و الكمبوننت لااااااازم يتغير و 10000000% بتلاحظ فرق في الصوت

DDesigns ... الغالي ...

الفيديو هذا سماعات السيارة الأصليه ... يعني بعدني .. بس قريب ان شاء الله .. وبتكون في سيارتي مب سيارة البيت ...

أنا كنت أشبك الابتوب بالسيارة علشان كل الأغاني موجودة في اللابتوب وأصلا ما عندي سيدي بالسيارة :p

وعن بطاقه الأوديجي هاي حق الكمببيوتر واللألعاب :banana: ... بس فكرة حلوة ..

الصوت بيتحول من 16 بت الى 24 بت .. وبالتالي .. يوم بشبكها ويا السياره بيكون الصوت أوضح وأحلى ...

وسلامي لكل حبوب على التواصل الطيب ويانا ... :p

غـــــانــــمـــ

السلام عليكم ورحمة الله وبركاته

اليوم رحت انا و الريال راعي الW7 الى وكيل الJL audio في دبي و بصراحة حصلنا اسعار حلوة.

12W7 ب1900 درهم
12W6V2 ب1000 درهم

بعد ما كانوا ب2200 درهم و 1250 درهم (لكن هذه الاسعار بس حقنا)

طبعا الهندي راعي المحل ارتفع ضغطه اليوم بسبب الاسئلة الي اساله اياها و المشكلة اني ما بشتري من عنده شيء لأنه في بالي شيء ثاني مش موجود عندهم:banana:

المهم وانا طالع سألت الهندي اذا كان كارهني ولا لا قال ما اقدر اكرهك لانه ما عندنا ناس نتناقش معاهم و لسانهم طويل:anger: قلتله عيل كل يوم بجيك المحل طبعا الريال صار :cry1:

لووووووووووووووووول ....

تعجبني اخوي ناس ..

بس يا اخي جان سألتهم متى المسابقه ؟


شباب ترقبوا قريبا راح احل مشكله الاهتزازت الباقيه في اللمبات واحتمال يكون فيه فيديو :banana:


عموما نرد عليكم قريب .....

يا شباب ..

اللي كانوا يسألون عن عوازل الصوت ..

انا راسلت الشركه وطلع كلامي اللي قلته لكم صحيح ..

اللي انا شريته هو عازل اهتزازات وليس عازل صوت ..

لان عازل الصوت يختلف واصلا سمكه يختلف ..

وهو يتصدى لجميع انواع الموجات الصوتيه ويوقفها عند حدها شوفوا هنا :

http://www.cascadeaudio.com/prod/vb4.html

طبعا السعر المكتوب غير عن اسعاري اقل من نصف القيمه ..

فا لو واحد يبي يقول لي وان شاء الله ما فيه ندم لان انا اللي شاريهم عوازل اهتزازات وعزلوا شوي من الصوت اجل كيف اللي مخصصين للصوت ! ..


تحياتي ......

طيب عوازل الصوت هل تخفي الاهتزازات؟؟

طيب كم قدم مربع احتاج؟ انا حجم سيارتي بحجم الكورولا؟؟

ناوي احط عوازل اهتزازات في الارضية و البيبان (عند السماعات بس) و بين المكينةو المقصورة!!
و الباقي بحطه عوازل صوت!!!

كم ممكن يكلفني؟؟

سؤال مهم!!! هل هذه العوازل افضل من dynamate؟؟؟
و هل تطلع ريحة مزعجة؟؟

اخوي بو جاسم ..

والله ما عندي علم هي اكيد تخفي شوي بس مو مثل المصنعه مخصوص ..

انا بحاول اسألك ..

كيف تحط عوازل اهتزازيه في الارضيه و المكينه و المقصوره !!

انت اذا ما عندك سيستم لا تحط عوازل اهتزازيه من الاصل ..

اذا عندك سيستم فا حط في الدبه لانها هي اكثر شيء تهتز ..

اما الابواب فاصح اهتزازيه ..

ولكن الارضيه فا تحط عوازل صوت لان الارض هي الي تطلع الصوت .

هذه العوازل افضل من داينامايت بالتاكيد .

تحتاج !!

انا جبت لي 100 قدم مربع وكفتني للدبه والارضيه والسقف فقط .. والباقي جبت صبغ .

بالنسبه للريحه فا تطلع في البدايه بس وهي اصلا مو ريحه ما اعرف كيف بس مواد كيماويه تحص تضايقك شوي بس بعد كم يوم تروح ..

اما بخصوص السعر فا هي رخيصه يعني انا كلفوني رخيص يمكن حوالي 200 او 250 دولار ما اذكر ..

بس الكلام هو الشحن هو الغالي لان سعر الشحن بأرخص شركه اللي هي البريد العادي نفس سعر الشراءه حول 250 دولار بعد لان وزنهم كان 32 كيلو جرام ..

عموما انت اذا عزمت قول لي علشان اسأله بالاسعار .

اخوي ديزاين

اليوم قابلت اكبر خبير صوتيات في جدة مشتري سيستم بـ 62 ألف ريال

طلب مني بطارية اوبتيما الصفراء ... 95 امبير و فيه حاجة الكترونية قالها ماني متذكرها

فقلت اكلمك اذا تقدر توفرها لنا

و ياليت تحدد لي سعر البطارية و سعر الشحن الى جدة و عمولتك و متى توصلنا و كيف طريقة الدفع و اي معلومة اخرى عندك


و جزاك الله خيرا

:p

حياك الله اخوي سناري ...

62 الف مره وحده !!!!

شو مسوي هذا ! اكيد ثلاث ارباع المبلغ للديكور ..

عموما يا ليت لو تقدر تجيب لنا صور او تجيب لنا اسماء الماركات اللي عنده او لو تخليه شخصيا يجي يكتب هنا خلينا نكبر المجموعه شوي ..


اما بخصوص القطع انا حاضر اخوي اي شيء تبيه اقدر ارسله لك ..

شوف الاخ X انا شريت له البطاريه عطاني فلوس قيمتها ارتفعت شوي صارت 640 درهم يعني قول 650 او اكثر شوي ريال .

المهم انا برسلها له اليوم بس بالصدفه طلع واحد من الشباب بيرجع في البر اليوم فا بدزها معاه ..


انت اي شيء تبيه قول لي وانا اجيب له كل شيء حتى لو يبي اجيب له سيستم من امريكا واركبه له انا هم بعد حاضر اطق تذكره واجيكم لين جده الفلوس تسوي كل شيء لووووووووووووووووووووووووووووووووووووووووول .

بانتظارك ..

اما بالنسبه لعمولتي فا ما هي كثير لا تخاف .

ترى الواد فناااان ماشاء الله عليه

عنده ورشة في البيت

و ناوي يسوي حركة في البيبان حق سيارته يبغا يخليها تفك على فوق بس بطريقة عجيبة مو زي اللي نشوفها دايما

بس شغله كله هواية على حد تعبيره

ناس كثيير تبغاه يشتغل لهم ما يرضا

اخر سيارة اشتغل فيها بورش حق واحد من العيال عندنا

شغل يده 20 الف ريال غير حق القطع اعتقد 26 الف ريال

انا وهو كانت علاقتنا خفيفة

بس اليوم الصبح لما عرف اني خبير اطارات

قعد معايا و وراني جنوط اشتراها بمبلغ خيالي مقاس 24 و طلب مني اطارات لها و شروطه تشيب الراس :( يقول اهم شيء ما يزيد السعر عن 12 الف

و بعدين دخلنا في هرجة عن السيستم و الاشياء هذه قلت له انا اعرف واحد في الامارات اسمه ديزاين فناااان عنده هوندا اكورد 2002 و يشتغل فيها بنفسه يركب لصقات سودا في السقف و يحط جهاز زي الرسيفر في الشنطة

وراني اشياء خلاني ابلع لساني:eek:

السيستم القديم حقه اشتراه بـ حاجة و اربعين الف

و السيستم هذا يقول انه باقيله 18 الف و يكمل المبلغ كامل و توصله بقية القطع

و على فكرة هوا دايما يكتب في دفاتره OMEGA و كلام زي كذا اعتقد انه نوع من انواع السيستم او ما ادري ايش تسمونه


المهم الآن

سعر البطارية لوحدها كم

و سعر الشحن لوحده كم

و سعر العمولة حقتك كم


---------

و اذا تبغى صور

ابشر و لا يهمك انا بكلمه يوم السبت و استأذن منه ... و السيارة هي نيسان باترول 2002

حياك الله اخوي ..

والل هشيء طيب انه يشتغل بنفسه انا يعجبني الشخص اللي كذا ..

بس الى الان مو قادر استوعب ليش 60 الف !!!!!! ايش جايب هو ؟

تعرف 60 الف ايش اسوي فيها ؟؟

يا شيخ اخذ احد المراكز الاولى في اقوى سيستم في العالم ..

عموما نرجع لموضوعنا ..

بخصوص البطاريه فا سعرها 640 درهم = 659 ريال يعني قول 660 ريال .

يعني :

660 = قيمه البطاريه .
10 = الضريبه لما اسحب الفلوس من حسابي في البطاقه السعوديه من هنا .
100 = عمولتي .
؟؟؟ = الشحن غير معلوم .

ولكن لو كان الشحن غالي اقدر مثلا اشوف واحد نازل الشرقيه واعطيها اخوي بعدين هو يرسلها من الشرقيه للغربيه .

اتمنى تكون اسعاري عجبتك ههههه ترى ما فيه اي غش انا صريح .:banana:

اكرر خلي خويك يجي يكتب معنا خلينا نتعرف عليه .


تحياتي .......

وانا بعد نفس الطلب
علشان نبغى يزيد عدد المهتمين في هذا المجال ونتبادل التجارب والخبرات وتزيد الفائدة
تحياتي

مشعل وشو هذا اللي في الصورة

انا اعرف وشو بس ابغى تفاصيل زيادة عنه
هو حق التحكم بمستوى ال image tweeter
ياليت يامشعل تقول لنا شوية معلومات عنه
تحياتي

:eek:
هذا M.A.M الي كاتب

ياخي وينك من زمان شاركت. (((والله))) ياخي اليوم كنت ناوي اكتب رد في الموضوع اسأل فيه عن غيبتك.

تسلم والله يا Nas1 وشكراً على شعورك الطيب
وتراه شعور متبادل وانا دايم احاول اقرا ردودك ومواضيعك
تحياتي وتقديري لك
تحياتي للجميع

نعم هذا تحكم حق مستوى قوه التويتر حق الايمج يعني ما فيه اي شرح زياده بس يتحكم في قوه صوتها ..