اهليين اخوي فيصل

العفو يا غالي و انا سعيد بخدمتكم و مساعدتكم و لا تنسونا من صالح دعائكم

الكفرات الي تجي على السيارة من بلدها غالبا تكون غير مناسبة للقيادة في الظروف المحيطة بنا

و كفرات بريلي P7 كفرات ممتازة جدا و استغرب ما قلته عنها ... لكن ربما لمواصفات الكفر السيئة و طول مدة التخزين سبب في ظهور بعض المشاكل فيه

عموما

انا لاحظت من كلامك انه استخدامك قاسي و راعي سرعات ( استخدام رياضي )

و بالتالي اطار P6 ما يصلح لك

عندك اطار بريلي P zero nero



اطار اكثر من رائع و مناسب جدا لاستخدامك و لكن عيبه سعره المرتفع جدا

الاطار الثاني هو

ميشلان pilot sport





و شخصيا ارى ان هذا الاطار افضل من سابقه


و الله يعطيك العافية

شكرا لك اخي سناري

جعلها الله في ميزان حسناتك

العفو يا غالي

و الله يسمع منك

أشكرك اخوي سناري

وفعلا مثل ماقلت استخدامي للسياره شوي قاسي
المشكله صارت عاده ماتقدر تنفك منها :cry1:

كويس طيب يعني نطلع بالأخير بكفرات ميشلان
مع اني مقتنع بـ برللي أكثر

لكن هل سعرها مقارب للـ P6 والا مرتفع عنه مره ؟

يا مرحبا اخوي فيصل

لا تستهين بالميشلان ابدا

كفر مجنوووووون

و فيه تجارب كثيرة لي حلوة مع هذه الشركة الرائعة

و ايضا بريلي شركة ممتازة و عندنا سيارة مركب عليها كفر P 6000

انا اعتبر هذا الكفر واحد من افضل الكفرات الي جربتهم شخصيا

على العموم

الكفرات الي اقترحتها عليك في المشاركة السابقة

اثنينها حلوين و ممتازين

انا شخصيا افضل الميشلان Pilot sport PS2 على البريلي بي زيرو نيرو

بس هذا ما يقلل ابدا من جودة و كفاءة البريلي

و سعر البريلي زيرو نيرو اغلى بكثير من الـ P6

و خاصة ان مقاس اطاراتك 17 يعني السعر حيكون غالي جدا جدا

و سواء اخترت الميشلان او البريلي

انا اضمن لك الحصول على النتائج التالية

اداء مذهل - ثبات و تماسك لأبعد الحدود - سلاسة و هدوء و راحة في القيادة - عمر طويل - ....

و لو رأيت ان هذه الاطارات مكلفة جدا او غير مناسبة لك ممكن اجيب لك مجموعة اخرى من الاقتراحات و لكن اقل ميزات من سابقيها


و تحياتي للجميع ،،،،

واللهي ماقصرت اخوي سناري

انا الصراحه كنت بركب P6 بعد ماقلت لي عن سعرها
بس لول انك قلت انك راح تقترح علي اقتراحات ثانيه
الصراحه انا مايهمني الهدوء والراحه بكثر مايهمني التماااااسك والثباات
(وتحملها) لأني ابببداً ماأفضضل انه يطق علي كفر وانا امشي فوق 140

اهليين اخوي فيصل

و شيء ممتاز انك وضحت لي مطالبك في الاطار الجديد ( الثبات و التماسك )

و الاقتراحات الجديدة هي

1- بيرجستون

* Potenza RE730



من افضل الاطارات في التماسك و الثبات انا انصحك فيها بس انتبه لا تطب في الفالكين ترا عندهم نقشات حلوة و كلها منسوخة من شركات بريلي و بيرجستون و عندهم كفر زي هذا بالضبط

* Potenza RE750



اطار ممتاز جدا في الثبات و التماسك و جودة رائعة و هذه ميزة اطارات بيرجستون بوتنزا

2- يوكوهاما A046



3- ميشلان بايلوت سبورت



هذه كلها اطارات ممتازة

و بالنسبة لاطار بريلي P6 ممتاز جدا لكن ما يناسب استخدامك زي الكفرات الي انا كاتبها لاني منقيها لك تنقيه خاصة حسب احتياجك

بس شرط انك ما تعدي سرعة 270 لانه ممكن ينفقع الكفر عليك و انا ماني مسؤول:eek: :eek:

اما الثبات فهذه هي النقطة الاساسية الي اعتمدت عليها قبل ما اقترح عليك اي اقتراح


و نصيحة اخوية لك ابتعد عن السرعة و لا تتجاوز 120 في الطرق السريعة ولا 80 في وسط البلد

انا مركب اطار رياضي و مسوي زحمة فيه و في النهاية على الخطوط الطويلة ما اعدي 110 او 120

و الله يكتبلك الي فيه الخير

هلا اخوي سناري حبيت استمر معاك في موضوع الإطارات لأن الصراحة الواحد صعب يحصل خبير مثلك

السؤال هو
ايش هي التواير الي تنصح فيها للوانيتات اليابانية الصغيرة مثل الهايلوكس والددتسن والمتسوبيشي
الملاحظ ان تواير الهلكس تيجي من الشركة يوكوهاما واعتقد ان الددتسن دنلوب او برجستون

والموضوع الثاني ايش الفرق بين التواير التيوب وتواير التيوبلس ((بدون تيوب))
هل التواير بدون تيوب افضل
هل هي مقياس لجودة التاير

اتمنى تشرح لنا هذا الموضوع وسمعت من واحد من الزملاء ان تواير الهلكس الخلفية تيوب والأمامية تيوب لس فهل هذا صحيح ولا دجل من محل الإطارات

سيارتي كامري Gli موديل 2001

مقاس الكفرات 195/70/R14

الكفرات الموجودة حاليا هي من نوع بريدجستون نفس الي تجي على السيارة من الوكالة

ايش افضل الكفرات الي تنصحني بيها ( اي شي غير البريدجستون الي يجي من الوكالة لأنه مايجيب اكتر من 30.000 كلم

مايهمني السعر اهم شيء الثبات والراحة ويكون الكفر عمره طويل وجزاك الله خير :banana:


ولو انك من جدة ياليت تدلني على المكان الي احصلها فيه .. ويفضل وكالة :banana:

اهلا حبيبي بوعبود

استمرارك يسعدني جدا و الله لا يحرمنا من تواصلك الطيب

بالنسبة للونيتات خليك على اليوكوهاما و الله كفر ممتاز جدا عندنا كم ونيت دايما سفريات على الخرج و بيشة و القصيم و نحمل عليه بضايع و انت عارف لو انفقع كفر لا قدر الله حتصير مشكلة كبيرة و خاصة انه البضايع ورا في الحوض

و الحمدلله ما واجهنا اي مشكلة في الكفر اطلاقا بسم الله ماشاء الله عليه

و بالنسبة للبيرجستون ايضا كفر ممتاز جدا و لكني افضل اليوكوهاما عليه

اما الدنلوب فهي شركة ممتازة و لكني لم اجرب اطاراتها الخاصة بالونيتات


----

السؤال الثاني و الخاص بالتيوب

الاطارات الحديثة 95% منها تيوبلس ( من غير تيوب ) و ذلك لانها اكثر امانا

لذلك التيوبلس افضل من التيوب في الاطار و الذي يعتبر تقنية قديمة اختفت مع تقدم صناعة الاطارات

و من فوائد التيوبلس

لا يتأثر بسرعة من الحرارة - الاطار يصبح اخف وزنا - تسارع و فرامل اقوى - اقل خطورة عند حدوث مشكلة في الاطار - و العديد من الفوائد الكثيرة

و بالنسبة للمعلومة الاخيرة هذه اول مرة اسمعها و لا اعتقد بصحتها

هذا و الله اعلم

اهليين اخوي كابريس

الراحة و طول مدة استخدام الكفر هذه ميزات سهل انك تلاقيها للسيارات ذات المقاسات الصغير 13 - 14

لكن الثبات و هو اهم ميزة رياضية صعب انك تلاقيه و اذا لقيته ما راح تقدر تجمعه مع ميزات اخرى مثل الراحة و طولة العمر

على العموم انا بحاول اني اديك كفرات ان شاء الله تركبها و تدعيلي


1- ميشلان RainForce MX4




2- ميشلان Pilot XGT




3- بريلي P 4000




هذا افضل كفرات اقدر انصحك فيها و مستحيل تلاقي كفرات احسن منها و اكثر ملائمة لمتطلباتك و احتياجاتك

و بالمناسبة

في واحد من الاخوان كان يدور عن افضل اطارات للكامري 2001 و شوف تعليقه على الكفر الي ركبه

http://www.swalif.net/sforum1/showt...256#post1549256

و بالنسبة لمركز اطارات بريلي موجود في طريق المدينة بالقرب من شارع صاري كأنك رايح على البلد

و مركز بيع ميشلان ما ادري عنه لانهم كل مرة يغيروا اماكنهم مرة عند دوار الفلك و مرة في شارع فلسطين لكن ان شاء الله واحد من الاخوان يفيدك عنهم و اذا ما قدرت تلاقي مركزهم روح لـ ك2 تلاقي كل انواع الكفرات في العالم مع انه نصها مضروبة و مخزنة بس انت روح لمحل معروف و كبير و بضاعته تمشي اول بأول مافي شيء يتخزن لمدة طويله عنده

و الله يكتب لك الي فيه الخير

اخوي سناري

ويييييين عاد 270 مره وحده
لاتحسبني مجرم عاد ترا ماجبت الا 250 مره وحده وبالياااالله بعد :blink:

وان شاء الله راح تبدأ رحلت البحث عن وكالاتها من يوم الاثنين الجاي

واشكرك اخوي مره ثانيه وماقصرت

بالتوفيق اخوي

و لا تنسى تبشرنا بالكفرات الجديدة و تقلنا ايش رايك فيها

اخوي سنـاري

انا ابي اسالك عن كفرات الشاهين وش رايك فيها او اذا عندك نوع افضل خاص بالقياده على الرمال ياليت تفيدنا

وبالنسبه للمقاسات انا ابي :

16/70/275 او 15/70/275

وبالنسبه للاخ اللي يسال عن وكالة ميشلان تلقاها على طريق المدينه جنب وكالة مرسيدس (الجفالي) الجديده

اهلا اخوي mill_955

اعتقد قصدك كفرات السوميتومو

هذه الكفرات لم اجربها شخصيا و لكن لدي خيارات افضل منها بكثير

1- بيرجستون Dueler A \ T







هذا الاطار اعتبره افضل اطار للقيادة في الطرق الوعرة و تلاقيه في الشركة الموجودة في شارع فلسطين عند الكوبري الي يودي على البلد من شارع الستين


2- جوديير رانجلر





من افضل الاطارات المخصصة للقيادة في الطرق الوعرة


3- بريلي سكوربيون A \ T




هذا الاطار ممتاز ايضا و لكن بيرجستون افضل منه


و الله يكتب لك الي فيه الخير

مرحبا اخوي سناري تم تركب اطارات بيرلي للاند كروزر مادري هل هي ممتازه او لا

ولاحظت مكتوب عليها SRT اعتقد مش متأكد مادري شنو معناها

الف مبروك اخوي TOP SECRET

و الله يعطيك خير الكفر و يكفيك شره

الكفر الي انت مركبه الآن ممتاز جدا و احلى شيء فيه الهدوء و التماسك

بس ما قلت لي الكفر دفعة عام كم و كم مخلي ضغطه و بكم طلع عليك و من فين اشتريته

و ياليت تجربه في كل الظروف و تقولي رأيك فيه و ايش واجهت من سلبيات و ايجابيات


و اي خدمة انا حاضر

و بالبركة

السلام عليكم ورحمة الله وبركاته

اخوي سنارى
بارك الله لك اخوي على مل ماتفعله وتساعد الجميع وماتعمله من خير،ويزيد من حسناتك ان شاء الله.

اخوي انا ركبت اطارات ميشلان على سياراتي جيب غراند شيروكي
مواصفات الاطارات
Michelin pilot LTX
245/65/R17
107H LTX M+S

بصراحة هي المرة الثانية ركبته على سيارتي والاطارات كملت عندي سنتين ونصف تقريبا،اطارات هادية وخفيفة ،ونقشتها ماتغيرت مع اني كنت قاسي مع الاطارات،والهواؤ معبأ به نتروجين ومما ساعد الاطار اكثر معي انا.
بس آخر المدة من انتهاء صلاحية الاطار قام تظهر منه اصوات مزعجة بس ماتحس معاه على سرعات عالية.

وانا ابحث عن هذا الموديل من الاطارات من سنة كاملة لين قبل شهر حصلته من طول عناء.
سعر اربع الاطارات 2100 درهم.

حمدالله اطارات حلوة ومريحة وقوية.

اشكرك اخوي مرة ثانية.
تحياتي لك اخي الكريم

و عليكم السلام و رحمة الله و بركاته

اهليين حبيبي محمد

العفو يا غالي و هذا واجبنا و الله يسمع منك

الاطار الي انت ركبته ممتاز جدا و مميز في كل شيء بسم الله ماشاء الله

و المبلغ الي دفعته معقول جدا

و الله يهنيك فيه

بس لاتنسى نقطة مهمة جدا

و هي تبديل مكان الاطارات كل 7000 - 9000 كم

و ان شاء الله كذا عمرها يطول اكثر و تعطيك اداء افضل

و شكرا لمشاركتك بتجربتك الرائعة و ان شاء الله يستفيدوا منها الاخوان


و الله يعطيك العافية

بسم الله الرحمن الرحيم
السلام عليكم ورحمة الله وبركاته

هذي هي مشاركتي الاولى في المنتدى وأتمنى أكون خفيف عليكم شباب.
عندي استفسار بسيط

في واحد من الربع عنده كيا شوما موديل 2001 عليها إطارات هانكوك مقاس
P185/65 R14 85H ويحب يركب إطارات مناسبة بحيث تزيد من ثبات وهدوء السيارة
علما بأن جانب باب الراكب الأمامي مكتوب عليه مقاسين الأول وإلي ذكرته سابقا ولي
هو على السيارة و والثاني هو P195/60 R14 85H وهل ممكن يركب مقاس أكبر من
إلي مذكور على السياره.

ياريت من الخبراء في الإطارات أو إلي عنده معلومة أن يفيدوني

ودمتم.........

اهلا اخوي Performance

حياك الله في منتدى سوالف و نورتنا بمشاركتك

انت تبحث عن الثبات و الهدوء

و انا راح احط لك الخيارات المتوفرة على حسب سعرها

1- بيرجستون B700 أو B70 انا مجرب الاثنين على سيارات البيت و كلهم ممتازين ... سعر الطقم ما راح يزيد عن 650 ريال في اقصى الظروف

2- ميشلان RainForce MX4

و لو كنت انا مكانك و عندي سيارة كيا شوما راح اختار لها بيرجستون لانه انسب لها من غيره

و بالتأكيد ممكن تركب مقاس اكبر لكن انا افضل انك تظل على نفس المقاسات المكتوبه و اذا بتزيد المقاس عشان الثبات زيد العرض حقها بس


و الله يكتب لك الي فيه الخير

جزاك الله خير :banana:


وان شاء الله اشوف بريللي هادي المرة


بس ان شاء الله احصل مكانه بسرعة :banana:

السلام عليكم ورحمة الله وبركاته

اخ سناري بارك الله لك اخوي الكريم ماعلى ماتقدمه لنا من خبرة ومعرفة بالاطارات ،ويزيدك بميزان حسناتك.

واشكر لك على ردك على موضوعي،وانا اخوي ابدل الاطارات كل 10 الاف كلم اغير اتجاه الاطارات.

تحياتي لك

اهليين حبيبي كابريس

لا تنسى تبشرنا بالكفر الي ركبته و قلنا عن تجربتك معاه

و الله يوفقك للي فيه الخير يارب

----------

اهلا بالحبيب grandv8

شكرا لمشاركتك التي اثلجت صدري و اعطتني دفعة معنوية كبيرة:rolleyes:

و الله يسمع منك اخوي

و حركة ممتازة انك تغير الاطارات كل 10 الاف كم

بس منت ملاحظة انه سوقي طاح هاليومين مافي استفسارات عن الاطارات ابدا

على فكرة انا افكر افتح مركز خدمة سيارات و مركز متكامل يحتوي على أفضل الاطارات و المركز مزود بأحدث الاجهزة لخدمة الاطارات مع طقم عمال فلبيني و راح اخلي اسم المحل مركز سوالف لخدمة السيارات

و ناوي افتحه في شارع التحلية منها انه قريب من البيت و منها انه الشباب كلهم هناك

ايش رايك في الفكرة بس المشكلة انه ميزانيتي كلها 22 ريال و انا رايح احلق ذحين يعني تسلفني كم مليون بس اردها لك بعد كم يوم:eek: :eek:

و تحياتي لك ...

السلام عليكم ورحمة الله وبركاته


اخوي سناري
هلا بك اخوي وبالتوفيق وشغل الاطارات عندكم بجدة مناسبة وربحها كثير ،لان شوارعكم والله يعينكم كلها حفر وبروز غطاء البلاعات،.
احسن ان السيارات ماتعيش كثير الا وصايرة مفككة.
بالنسبة للمنتدى اظن ان الشباب بدأت الكليات والجامعات والمدارس وكل واحد مشغول. الله يعينهم.
بالنسبة للسلف انا حاضرين

دمت سالم اخوي وجزاك الله خير.

تحياتي