صبحكم الله بالخير \ مساكم الله بالخير

ماندري من المصبح ومن الممسي بهالنت

المهم :rolleyes:


شباب انا متحدي مع واحد :eek:


يقووول هالشخص هذا اللي انا متحديه ان هوندا أكورد (( أم أربع سلندر )) ..... تقوم على الألتيـما مكينة 3500 ،(( 6سلندر ))


أنا ما صدقته


أنا أتوقع أن الألتيـما هي اللي تقوم بهالحاله على الأكورد (( 4 سلندر )) <<== حطوا على 4سلندر خطين :p


والمشكله لا انا عندي ألتيـما ولا هو عنده أكورد


بس أنا ان شاءالله ناوي على الألتيما بس هذا غسل مخي يوم يقول ان الأكورد تقووم عليها


وبصراحه أنا أبي القووه.......!!

فالسؤاااال هوو...

من بين هالسيارتين من يقوم على الثاني...!!


هوندا أكورد (( 4 سلندر )) أو ألتيما مكينة 3500 ، (( 6 سلندر ..!! ))

وشكرااااااا

صل على النبي اخوي

الله يهديك او يهدي صاحبك

اشلون بالله عليك اتقوم الأكورد على الألتيما

لا الأكورد 4 والألتيما ال 6

انا من رأي انه اجرب مع الألتيما الأربعة سلندر

اذا مسك مع الألتيما الأربعة سلندر خل يجرب مع السته



مع السلامة

ويييييييييييييييييييييييييييييييييييييييين مب صاحي ذا خويك

انا شايف قدام عيني التيما 6 سلندر قير عادي طالع على كابرس LTZ

عاد مدري شف خويك اذا كان يقدر يطلع على الكابرس ولا لا

يمكن المكينه عليها سوالف او المكينه فيتك


اقول اخوي مستحيل

:think:

لا لا مستحيل

قويه:banana:

وين الناس اخويي

قول الى خويك يستهدي بالله

الاتيما 6 سلندر حجم مكينتها 3.5

الاكورد ماتقدر عليها لا الاربع ولا السته سلندر
والكامري بعد ماتقدرعليها لا اربعه ولاسته
والمكسيما 2004 كل الشكل الي نزل عدنا في الخيج مايقدر عليها

انا سايق وحده في دبي حرييييييقه

طبعا انا اتكلم عن لستاندر فقط:banana:

شوف يا طويل العمر اذا كان يقارن بين اكوورد 4 سيليندر وكاله فا مستحيــــــــل يعدي الا اذا كان ملغمها ولا شيء من هذا القبيل ..

ولكن اذا كانت اكورد وهو مغير مكينتها وحاط لها مثلا H22a VETC وهي نفس الشيء 4 سليندر بس قوتها 200 حصان او يمكن عنده التايب اس قوتها 220 حصان فا بكذا يمكن يعديك ما ني متاكد الاخ NFSيقدر يفيدك لانه عنده هذه الميكنه وهي 4 سيليندر بس انها حق بلريود وهو ركبها على اكورد عادي ..

الكوردـــــــــــــــــــــ
الاتيماـــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــ

والله يالحبيب ماادري شسوي.

اظحك لو اصيح لو اطق روحي؟؟!!!:think:

لاتزعل مني بس شكله صاحبك من هذولي اللي من اوقف وياهم
في الاشاره وسمعهم صوت الكزوز حرقو كفراتهم
ومن ابدل ثاني صار وراي ههههههههههه
وغالبيتهم هوندات

قال ايش قل اكورد اربعه سلندر:p
خل السته يتكلم علشان الاربعه يفج حلجه.

الأكورد 6 سلندر ماتقدر على الألتيما وخويك يقول الأربعه سلندر مشاء الله واثق قول له يستريح:p

احلى نكتة سمعتها

الاكوووووووووووورد اربعه سلندر ماتتحرك (( اسأل مجرب ))

الاتيما يطلع وبدون ضغط كامل بعد :banana:

يطلع بالريوس ;)

الألتيما أسرع لكن ما أعرف بالنسية لل6 سلندر لأن الأكورد 270 حصان والألتيما 247

الأكورد 240 حصان ماعليك من اللي يقول 270

ما عندكم سالفة ..

الاكورد 4 سلندر تطلع على سكايلاين twin turbo

والله خويك ذا شكله متحمس مره :eek:

ياخي اكورد 4 سلندر قير اوتوماتك ما طلعت على كامري 99 قير عادي

بالله كيف تطلع على ألتيما 6 سلندر

ياخي انا طالع بمكسيما 97 على اكورد 2004 6 سلندر

ياحبيبي .. فالسرعة نيسان مالها منافس



سلاااام

يااااا شبااااب إلي يسمعكم يقول توكم تتعلمون على قوة السيارات

مو شرط إذا كانت قوة السياره 270 أو 200 أو حتى 10

يعتمد على وزن السيارة والتسارع ومتى يعطيك المحرك أقصى قوة في الضغط يعني الديناميكية للمحرك
اوكيه حلو إذا كان المحرك جبار وقوته 240 مثل الأكورد 6 سلندر

أو مثل الألتيما 247

لكن كم يعطيك المحرك قوة اووون ويييل؟؟؟؟ يعني كم يعطيك القوه على الكفرات :think:
أكيد يختلف من سيارة إلى ثانيه ;)

بس إلي متأكد منه إنه الألتيما 6 سلندر تشششق الأكورد 4 سلندر

وهذا الشي ماله دخل في إنه المكينه 4 سلندر او 6 سلندر

وسلامتكم

ههههههههههههه
احلى نكته سمعتها حتى الحشرات يطلعون لهم راس


صاحبك شكله من صوب الحشرات
دبيب صوت و بوم بوم ههههههههههههه

شي اكيد ما يقدرون على الا لتيما 4سلندر بيقدرون على 6سلندر من سابع المستحيلات :banana: :banana: :banana:



نيسان مو اى كلام

ههههههههههههههه ... والله في حاجات غريبه في الدنيا

ههههههههههههههه ... والله في حاجات غريبه في الدنيا

كل شي جايز ..... والأكورد لو ما طافت الألتيما في السرعة .... بتطوفها في اشياء وايد .... كفاية انها هوندا :banana:

عرفت قصدك......:think: اشياء وايد هاااااااا

اكيد تقصد في عدد المرات اللي الوكاله تبدل لك فيها
الجامبينات وانت ماتدري.!!

علشان تروح لربعك وتقول لهم الهوندا احسن سيارات

تصدقون من اخذتها مابدلت فيها برغي!!!!

على فكره السالفه هذي عندنا في البحرين وصاحبي بدلو له مرتين خلال سنه(يحسبون الرجال مايدري مايدرون ان له عيون في كراج الوكاله)

بسم الله الرحمن الرحيم

حبيبي

قول لخويك المسكين


"اللي مايطول العنب..حامض عنه يقول"

:p


والله هو اللي باقي



ناس ماتقدر

اسف .. بس والله كلام يضحك

تحياتي..,

ليش نكته


فيه كورولا قام على لومينا اس اس وبالفيديو وفي هالمنتدى يعد




امزح معليش

اكيد لوبنقارن التيما 6 مع اكورد 4
نظلم الاكورد قبل مانظلم الالتيما
وبالعقل ماتجي



بعدين الشباب اللي يتكلم عن القوة
القوة مب كل شي
الا واحد مراهق
او شاري سيارته يقاوم ويسابق ويخربها


لو سوينا معادلة بين القوة والجودة والشكل وكل شي
الاكورد بترجح كفتها وبقوووووة

اتمنى ماندخل في نقاش طوييييل معروفه نهايته

الالتيما تفوقها في القوة فقط

طبعا هذي وجهة نظرك واحنا نحترمها :p

بالنسبه لي

الشكل
+
المحرك
+
التقنيات المتوفره فيها خاصه القير العادي للسته سلندر


وطبعا هذي وجهة نظري:p وبالنسبه لي يكفي ان اسمها نيسان:banana:


طبعا صحيح كلامك واوافقك فيه ان القوه مش كل شي لكن شي مطلوب في السياره مثلا عندك ولد عمي مش راعي سباق ومش متهور ولا حاجه كان يبغي يشتري مرسيدس E240 شاف كل شي فيه حلو الا المحرك ضعيف جدا عشان كذا اخذ له بي ام الفئه الخامسه