اخوي oil_HKS_lio اولا انا من الكويت يعني ما اقدر اظبطلك قومه...و لعلمك الكلام الفاضي الي مو عاجبك هذا فيديو جدام عينك و انطر بس جم يوم و بحطلك مقطع كمارو يهجد بالسكايلن..و اذا السكايلن الي تقول عليه في شده حياه الكويت..المواسم عندنه شغاله و الشوارع بعد شغاله اذا ما شفته بالرابطه ينقط الاخير ..... و بالشارع هم يحصله من يلعب في لعب...هذا الي ناقص سكايلن ياخذ نفس بالكويت...حبيبي اذا بالسعوديه و الامارات تهتمون بالسكايلن و هاملين الكورفيت فهذا مو ذنبي..و ما يعتبر مقياس و السكايلن الي تقول عنه اذا يه الكويت انا مستعد اظبطله قومه مع كمارو مو كورفيت بعد.....

و ياي تقولي الحلبه و مادري شنو وين قاعدين احنه لا يكون السكايلن الي تقول عن يقوم حلبات و انا ما ادري.....انت خلك على الي صاير عندنه بالخليح مو تقولي حلبات و باجر بتيي تقولي ثبات و تكيف هذا مو شغلي احنه نتكلم عن سبورت يعني سرعه.....

و الله الكورفيت مو تارس عينكم و بعدين تقولي كورفيت انديانا بولس اخوي الكورفيت هذا شكله غير و متميز بصبغته و قوته ما تفرق عن الكورفيت العادي وايد....مو تقارنه بسكايلن 820 حصان....و يوم قتلك ارقام ما عجبك لانه تدري ان السكايلن وله شي بالنسبه للكورفيت فياي تقولي خلك من الكلام الفاضي و الهذره......و تعال قاوم...انا اقولك تعال انت و السكايلن خل نسوي عليه دوري بالكويت خخخخ...

اقول انطر جم يوم بس و كحل عينك بقومه السكايلن و الكمارو خخخخخخ...

اخوي King 4x4 ما فهمت قصدك تقول ان مكينه الكورفيت معدله من الوكاله من وين يبت الكلام هذا و بعدين الكورفيت مكينته lt1 مو ls1....يعني تقصد ان عليه تيربو او جارجر فما اعتقد هاذي تطوف عليك اما اذا تقصد ان مكينته مخصصه للسرعه...هم السكايلن مكينته معده للسرعه...!!!


تحياتي

ههههههههه جالسين نتكلم عن القومه الي حطيتها في الحلبه وراح تهرب وقالي الكويت والكويت

اقولك الحلبات الي جالس تتهرب منها والفديو الي حطيته ولا راضي تقتنع بائمر الواقع هو المكان المضبوط لختبار قدرات السياراه اقول الفديو يشهد شوف ال280 وش سوت فيه

بس اقولك الي شاد الضهر في الكويت لااتتنفس مادري شنو يهتمون في الكورفت قال
من المعروف انها اكثر دوله في الخليج عندها سكايلان 77 ومعبيه سكايلانات

وذا شاد ضهرك وجالس تسوي نفسك قوي تعال نخلي الكورفت والكمارو مايشوفون الا غبارهم وعلى الشرط 90% مواتركم معبيه غاز خخخخخ

وبعدين وش فيك شبكت الاسلاك دخلت هاذا بهاذا اقوله السكاي حق المعيوف الرمادي راح قالي الاسود ابو 820 اقولك ياخي السكاي الي جرب مع الاندنا بولس يعتبر ضعيييييييف جدا جدا قدامابو820

اقول بس شوف هاذا الموضوع قومه السكايلان الGTS الي ماكينته RB25 قوتها 250 حصان ستاندر ماعليه غير فلتر ضد الومينا ال اس اس 2003 بقوة 325 ماشفناك

خخخخخخ بس شوف الفرق الا ماشفنا ردك بس جاي تتحجج لي الحين
http://www.swalif.net/sforum1/showt...25&pagenumber=2

وبعدين ماسمعت بجده اقوة سياره عندها ايش؟؟

R33 الاحمر ماحد قدر عليه احد هناك لاكورفت ولا كمارو ولا حتى لو لو مينا

اقول بس جالس تتفاخر بلكويت بمواتركم تعال هنا مستعدين نقاومك في البر والجو وحتى البحر خخخخ

ولله الواحد يحتاااار وش يقول ..؟؟!!!!

بجد اتعجب في محبي لسكايلان ....؟؟!!!

اول مرة اشوف سيارة ما تمدح إلا وهي مزودة .؟.؟.؟

عيني ( اي واحد محب للسكايلان ) ادا تبي تقارن ... ضع لك نقاط محددة بالمقارنة ... عارف كيف ولا ...

يلا حبيب انت جاي تقارن لسكايلان .. مع سيارة لها عراقة بالمواتر الرياضية ..
شوف تاريخ الكورفت كيف ... الكورفت تعد من افضل المواتر الرياضية ... وضعية الجلوس .. تناسق الموتر بالخارج والبداخل ... تصميم رياضي فائق ... ماكينة مجهزة للتزويد ... وش تبي ازيد لك اكثر ...

ابي اسمع بعمري كله سكايلان ستوك قام مع اي موتر ستك .. ما شفت ليومك ... عارف ليه ..؟؟ لان اي راعي سكايلان يدري بأن هذه السيارة بالذات ادا ما تتزود .... ما ليها ذكر ...

عكس الكورفت كان ستوك ولا مزود ... هو دائما في المقدمة ...

اما لسكايلان لا هو من الخارج ولا من الداخل .. ( ليس تصميم رياضي بالمرررررررة ) والكل يعرف ... احد يقدر يفرق بين السكايلان والسوبارو .. ( لا يزعلوا مني اصحاب السوبارو ) بس المقصد ما هو تصميم رياضي ...

ولله بجد اتعجب لما اشوف احد يمدح بالسكايلان .. بأنها سيارة فخامة .. ورياضية .. وووو .... اطالع فيه ... بجد واحتار وش اقول ...!!؟؟

واللي يعجبني اكثر تشوف ناس اكثر .. تشوفه يقارن لك لسكايلان بالفايبر .... ولا البورش ( كان gt2 ولا gt3 ولا ruf ) ولا الفراري بجد شي يستغرب منه ...!! بالله عليكم فيه وجه للمقارنة ..؟؟!!

وعلى فكرة القومة اللي يقول فيها اللي صارت مع البورش gt2 مع سكايلان مزود والبورش ستوك ... واللي ما يدري القومة صارت 400 متر بس ... تدرون ليه ... لان راعي السكايلان ( والسائق كان شخص ثاني ) لو قام معه 700 متر كان عطاه البورش الشارع كله .... وش معروف بأن السكايلان ... قوي بالاول والثاني .. لأنه دفع رباعي وخفته تساعده ..

بالله عليكم شباب ... ال 400 متر هذه مو حق الهوندات والمتسبيشي .والمواتر الصغيرة وبالذات اللي دفرنشها قدام ... !!!!!

وتشوف لك ناس ما عمرهم عرفوا قوانين القومات ... يجون لك يتفلسفوا .... يلا خليها على الله ...

ادري طولت عليكم كثيررر ...

بس اسمحوا لي شباب ... من حرة القلب بس ...

وانشاء الله ما يزعل مني احد ... حتى محبي السكايلان ... ;)

بس لأنها وجهة نضر .. قد يأيدني فيها بعض المنصفي ..



يلا حبايبي

نشوفكم على خير

abumhdi تسلم على تعليق الرائع ..

Black Chevy

اخوي الكريم oil_HKS_lio احنا قاعدين نتكلم عن سيارات رياضية ستوك ..

وبالمختصر الشديد ان السكايلاين ما يسوى شي وهو ستوك


شوف اخوي .. السيارة اللي تقول لك زودني وباطوف هذي سيارة دلوعه

اما السيارة الستوك تقول لك براويك العجب هذي سيارة سنعه مثل الكورفيت على سبيل المثال :banana:

abumhdi

ههههههههه

تاريخ الكورفت انت شفته طيب انت شفت تاريخ السكاي من الخمسينات وانت بعدين جاي تحط رايك ان الموتر مو رياضي لا من بره ولا من داخل والله على هواك هاذا رايك ماعلي منك (الله وكبر)

ولي يرحم ولديك بس ابغاك تشوف سعر السكاي ال77 يوصل براحه 40 الف وبلكويت شوف كيف السعر مرتفع قال تاريخ الكورفت قال

وبعدين من وين تجيب الكلام من عندك تقول ان البورش مو مزود روح اسئل عدل وتعرف انه مزود والكل يعرف يابو الشباب قال 400 متر قال روح تائكد بس قبل ماجيب كلام من عندك

وبعدين تقولي

ابي اسمع بعمري كله سكايلان ستوك قام مع اي موتر ستك .. ما شفت ليومك ... عارف ليه ..؟؟ لان اي راعي سكايلان يدري بأن هذه السيارة بالذات ادا ما تتزود .... ما ليها ذكر ...

ليه انت للحين ماشفت المقطع الي حاطه السكاي الستوك مع الكورفت والله حاله ناس تتكلم قبل ماتركز بلي فات


ونت قلت تاريخ الكورفت لئنك حبيته وماركزت على تاريخ السكاي يابو الشباب

oil_HKS_lio

انا مانا منزل الفيديو اللي حاطنه انت لان متأكد %90 انه سباق مو قومه
وادا سباق السواق يلعب دور كبييييير عاد

واي انديانا بوليس واللي يرحم والديك هدا نفس قوة ال c5 العادي بس استكرات وجنوط ملونه

واللي في سيهات 440 hp يعني مو مزووود مره وشوف يقوم مع ويش قام مع فايبر وقام مع بورش وقام مع دباب وكل هالقومات وهو عليه خفايف

جيب لي سكايلاين عليه خفايف يقوم مع هالسيارات اللي قام وياها لانديانا بوليس

شي اكيد مابيقوم سكايلاين عليه خفايف مع فايبر او بورش


السكايلاين ضعيييييييييييييف ستاندر

يعني كورفيت ستاندر و سكايلاين ستاندر
مافيها كلام شي اكيد لصالح الكورفيت

ولو حتى ملغمين جيب السكايلاين ابو 850 حصان وشوف لك كورفيت قريب الى هالقوه 850 حصان وشوف شنو راح يصير ...

MR_ZR1

اصلا السواقين الي في بيست موترينغ خبراء فنانين(حجه البليد مسح السبوره)

وانا عارف ان الاندنا بولس عليه خفايف الي في سيهات وهم سكايلان المعيوف الرمادي عليه خفايف اذا ماتدري ادري ومستعد يشرشح المواتر الي ذكرتهم وهاذا اذا سمعت عن البورش الي صارت

اي حجة البليد مسح السبوره وجايبين فيديو وش قده وقاعد تتحجج لي
انت اصبر بس كم يوم وبتشوف Black Chevy بيجيب فيديو

كمارو vs سكايلاين gtr بعد ماقلنا كورفيت



وبعدين ماقلت لي ادا كورفيت ستاندر مع سكايلاين ستاندر ويش راح يصير

يعني z06 405 hb vs skyline وشوف ويش يصير

الي يصير روح حمل المقطع وتشوف ويش يصير

وانا شفت المقطع السكاي الR32 مع الكمارو
تحصل السكاي ستاندر والكمارو مزود
عطني قائمه التزويد وبعدين تكلم لئن في القطيف السكاي الكحلي الR33 يفشح الكماروهات الSS بعد وستاندر السكاي

بس لاتتحججون لي الفلم الي حاطه انا يشهد وش فيكم انتو متعصبين مو راضين تقتنعو

ولي يرحم ولديك بس ابغاك تشوف سعر السكاي ال77 يوصل براحه 40 الف وبلكويت شوف كيف السعر مرتفع قال تاريخ الكورفت قال

شجاب السعر أحين :blink: احنا قاعدين نتكلم عن السرعة ...

لا تلف وتدور خلك في صلب الموضوع

جايب لي سباق من وييين بقتنع قلت لك في السباقات السواقيين هم اللي ينهوها في السباقات الناس كار حتى اللومينات يفوزوا

وانت ماتدري الكمارو مزوود ولا عليه قطع قاري ولا ويش يعني على طوول حطيتها من عندك الكمارو مزود والسكاي ستاندر

مالف ولا ادور بس انت شوف خويك هو الي لف ودار راح قالي عراقه وتاريخ وفخامه ليش مارحت وقلتله يلف ويدور ها؟؟؟؟

شوف عاد لاتتحجج علي يعني لو انت الي تسوق الكورفت في السباق انت الي بتفوز والله حاله

واذا على قولك انه مو مزود عطني اثبات؟ راوني الموقع تبعهم وان الموتر مزود ولا انت صاحب راعي السياره يعني عارف انه مو مزود

وعطني اثبات انت انه مزود

انا ماقلت لك لو انا بافوز قلت السواق يلعب دوور كبييييير في السباقات

وسواق عن سواق يفرق

خلاص مدام مافيه اثباتات لاتدخل القومه جلد معانا

وانا اعيد واقول الي في بيست موترينغ سواقين وفنانين وماهرييييييييييين

على العموم زي ماقلت لك سكاي ستاندر vs كورفيت ستاندر

السكاي مابياكل عيش

شنو اثباتك؟؟؟ انه مابياكل رز ياعمي جبت لك فديو ومو راضي تقتنع"

على العموم سكاي ستاندر vs كورفيت ستاندر


مابياكل رز مضبي

اقول اخوي oil_HKS_lio اولا انا ما نكرت الفيديو و شفته من زمان ....بس ال قصدي اقولكيا و انت موراضي تفهم..ان اذا انت بتقوم بتروح تسوي سباق وله بتقوم بشارع حالك حال العالم...انا اشك ان انت تسوي سباق....انت بنفسك مقتنع ان السكايلن الي بالفيديو مع الكورفيت اذا تقاومو بشارع السكايلن يطوف..اذا قلت اي هذا معناته ان انت مو فاهم و بس تبي تعاند...

و بعدين اوكي السكايلن منتشر عندنه بكثره لاكن مو اكثر من الكورفيت وله حته ربع اعداد الكورفيت....و ياي تقولي سعر ال77 يوصل..ليش انت تعرف سعر الستنغري جم يوصل علشان ياي تتحجج بالشي هذا...حبيبي اقوه سعر للسكايلن 77 يوصل 4000 دينار و هذا اذا كان نضيف و مخزن..لاكن الستنغري لو كان موديل 77 و نضيف اقل سعر له 4000 دينار...انا ذاك اليوم كنت بشوفلي ستنغري سعره 5500 دينار..


و بعدين تقولي سكايلن الاسود و مادري شنو انا شعرفني بهسوالف..و بعدين انا جالس اسوي روحي قوي....و ياي تقولي 90% من مواتركم عليها غاز بالله عليك من وين يبت المعلومه هاذي...انت يب السكايلن هذا و شرط ايبلك كمارو يلعب في لعب(كمارو الحداد مكينته بس ب13 الف) و ما عليه غااااااااز...حبيبي لعلمك ان بالكويت في قروب سكايلن و كلهم gtr و بينهم تلقه الي على 700 حصان و اكثر.....و يدخلون الرابطه و بفئتهم دايما المراكز الاخيره و على راسهم مواستنغ و كماروات.....و بعدين حياه الله السكايلن الي تقول عن و مثل ما قتلك راح نسوي على دوري.....

و بعدين شفيها مواترنه مو عاجبتك....ليش ما تدري ان اقوه موتر برابطه الامارات و اهو ملك للشيخ فزاع ماقدر ياخذ اله المركز الثالث بفئه السوبر برو عندنه و لولا ان مشكله صارت جان شفته بالمركز الخامس....و انا ماعندي معلومه ان عندكم في رابطه او موتر يوصل لفئه السوبربرو....و انت حياك الكويت علشان اخليك تشوف المواتر على اصول.....مو مستانس بسكايلن 820 حصان اخرته اذا وصل الكويت بنسوي على دوري....يوم تعرف شنو عندنه مواتر تعال هايط و اضحك بس لو ماتعرف شي و ياي تقولي 90% من مواتركم عليها غاز....فخلك على السكايلن مالك و اقعد عد احصنته يمكن زادو لانه احنه الحين بالصيف.....و السكايلن يتمدد بالحراره و يتبربر بالبروده......

لا و يسويلي روحه فاهم بالسبورت ويقول شنو اثباتك ان سكايلن ستاندر و كورفيت ستاندر ان الكورفيت يطوف....حبيبي انا ولد عمي عنده كورفيت 94 ستوك اقسم بالله قمنه مع سكايلن gtr ستوك يمكن موديل 98..طمر قبلنه و طفناه...سكايلن سياره هاذي بعد جنها صندوق...


تحياتي

شباب حبيت أوضح نقطة ...

إن كل سيارات اليابان محددة 280 حصان من الحكومة اليابانية ...
( سوبرا - سكايلان - NSX - EVO )
هذا هو السبب :cool:

oil_HKS_lio
عمرك شفت أحد في حياتك يطلع سباق

يعني انا باجي وباقولك تعال اطلع وياي سباق لفتين على القطيف ؟


ومثل ماقالك
king_prelude




وشوف ال z06 كم حصان ياصاحي

وبعدين بتعرف الفرق

ممكن يا اخ oil_HKS_lio تييب لي سكايلاين بمستوى هالكورفيت التجاري وحق استخدام يومي وادا مانا غلطان سعره تقريبا 500.000

أخوي الـNSX Type R قوتها 280 حصان وتسارعها 4.7 ثانية أحسن من الكورفت ...

إلا أقصده من كلامي إن القوة الحصانية مو كل شيء بس هذا إلا حبيت
أوضحه


وشكرا

واللينقل فلتر اللي حاطه لك تسارعه في 1.6 المهم مانا متأكد من الجزء من الثانيه

اخوي king_prelude اي كورفيت الي الهوندا ان اس اكس تايب ار اقوه من..اخوي الكورفيت العادي الي قوته 350 حصان موديل 2001 تسارعه 4,4 ثانيه الي تسارعه 4,7 هذا موديل 98...لا و هذا انت يايبلي اقوه نوع و تقارنه بأضعف كورفيت و الكورفيت اقوه من..عيل لو ايبلك كورفيت z06 الي تنسارعه 3,9.....انا ما انقص من قدر الnsx بالعكس هاذي احله سياره و اقوه سياره يابانيه لاكن مستواها ما يوصل للكورفيت....و بعدين سعرها بالنسبه للنوع العادي nsx
29 الف دينار يعني اشتريلي فايبر احله و اسرع صح كلامي وله غلط

و بالنسبه للكورفيت الي حطه اخوي MR_ZR1....

هذا تسارعه 1,9 ثانيه و سرعته القصوى 400 محدده و قوته 802 حصان بس و وزنه عادي..يعني شوفو التقنيه و التطور مو مثل السكايلن اكثر من الف حصان و مافي شده.....

و هذا مثل ما قال اخوي MR_ZR1 استعمال يومي يومي و موتر تجاري تجاري و سعره 165 الف دولار..يعني اخذه و اقوم مع اقوه اقوه سكايلن بالشارع ماراح يشوف مني اله الصخر يطشر على جامته و اخليه يتحسف على كل فلس صرفه على ال6 سلندر مالته.....

تحياتي

ياخي لازم تعترف ان كل قوي فيه اللي أقوى منه

انا اعترف ان فيه سيارات اقوى من الكورفيت زي الدووج فايبر و و و و

انت لازم تعترف ان السكاي فيه سيارات اقوى منه