:p

الفجر MTR البعيد: تسلملي حبوب على موضوعك وفكرتك و ردك

بوعبود : والله انت يا اخوي بوعبود احبك وايد اتعرف ليش لان لون اشتيشنك نفس لون استيشني بس قلتلي 1800 هذا وين في الوكالة والا برع


RED Chevy : والله ما ادري شو اقولك بس من خذت هالموتر وانا قاعد اسرع فيه على الخطوط فوق 160 فبغيت اشل ريلي من الريس عشان ما اخترش

عاد لا تقطعون عنا اجاباتكم زين اخواني وهاي بوسه على خشووووومكم :cool:

أخوي ريد شيفي مافهمت كلامك أيش هوا ألايمنت

وبصراحة الحذفة كرهتني في السيارة لأنه الدركسون بور تحس كأنك بتضارب الدركسون واللوكالة ما استفدت منهم ولا شي اشتكيتهم للإدارة العامة للشركة ولا حياة لمن تنادي

تحياتي

\


ألايمنت هو الميزانية للتواير يعني يظبطون ميزانيتهم لك:rolleyes: ولو توديها كراج متخصص أحسم من عبداللطيف، ممكن يكون واحد عنده ضمير وإدفع فلوس زيادة ولا تخسر شي أكبر بعدين:think:

السلام عليكم ورحمة الله وبركاته


السياره كابرس 87

دايما اشوف في المنتدى ان طرمبه دايما تخرب وانا اقول فينفسي ماخربت الا اختربت (مايحسد المال الا صاحبه)

المهم هي تنسم بنزين اقدر الحمها ولالا

اخاف اغيرها وابتلش لئني سمعت الي في السوق مو مزبوطه 100%

والله \ايم أسمع تخرب عندكم في السعودية وكل الشفرات اللي عندنا مافيهم هالعيب

إذان العيب في البترول اللي عندكم ومدري وين قاري إنه مخلوط مع غاز في بعض المحطات

المهم أقترح تجي تسكن في البحرين أو تروح الكويت البترول زين ترى ومابتعاني من مشاكل

لكن خذ الخبر مني، تعال ركب من البحرين وإرجع هي ساعتين وإنت راجع:banana:

موضوع جملي واتمنى له الاستمرار ..


سؤالي بخصوص زيت القير .. هل يحتاج تغيير بشكل دوري ؟

أنا الآن ماشي بسيارتي 100 ألف وزيت القير حق وكالته

المشكلة اني سألت اكثر من شخص وكانت الآراء مختلفة !

منهم من قال ماله أهمية تغييره ومنهم من قال على كيفك
وناس قالت لو ماغيرته الحين راح عليك قيرك !!
وناس قالت لو غيرته ترا بتصير لك مشاكل !!


الحقوني ياجماعه

اخوي oil_HKS_lio دائما مع بداية الصيف وارتفاع درجة الحراره تخترب

طرمبة البنزين وطرمبة الماي اذا كانت مستهلكه (نصف عمر) وما لها

حل الا التغيير وما اعتقد طرمبة الكابريس 87 غاليه فاقترح عليك تروح

للوكاله وتشتريها علشان تضمنها اصليه 100%

اخوي Dentist زيت القير مع فلتر زيت القير يغير عادة كل 40 الف وبتحس

بفرق حتى في تبديلات القير واقترح انك تغيره وتواضب في تغييره

ومعلومه للجميع زيت القير اذا اخذ فتره طويله مره ما تغير (200 الف و

وفوق) فنصيحه لا تغيره لان القير ممكن انه ما يعشق (يعني روح وضب

القير) .

اخوي Dentist ايش نوع سيارتك وكم موديلها؟؟؟؟؟؟؟؟

Dentist غيار زيت الجير مهم جدا وهو عادة بين 30 الف الى 50 الف وانت مشيت 100 الف وماغيرته مادري بس اكيد غيرتة وانت ماتدري جايز في الوكالة يوم اخر تشييك

انصحك تغيرة بسرعة قبل مايطق الجير وترى الزيت وفلتر الجير ولا شئ جدام جير جديد

انصحك في موبيل دايكسن3

مشكورين شباب على جواب سؤالي وانشالله راح اخذها من الوكاله وسعرها 80 ريال

هاي شباب
والله انكم قدها غبت يوم وبيضتوها :banana: اي هذا العشم فيكم
وأي سؤال او استفسار انا والشباب في الخدمه (امون صح);)

السلام عليكم ورحمة الله وبركاته


عندي سؤال:
ماتيز - 2000

انا يوم ابدل الجير مال الماتيز اسمع كرجج كرج وقت التبديل

خاصة على النمرة الثالثة وهكذا الحال وقت ما اعطي غيار
اما على النمرة الباقيات يكون الصوت شوي خفيف

فيكون الحل المناسب لهذا اني يوم اخفف وتوصل السرعة الى 30 او 40
احطه ثالث ثم ثاني وجذي ما اسمع الصوت

هل تعرف لماذا يطلع هذا الصوت؟

افيدووووووووني

تحياتي لكم

اخوكم
خالد

والله يا اخ cruiser2000 اعتقد ان المشكلة من جلب التعشيق او نفس
التروس فيها خلل او ممكن عمود الشجرة رايح فيها او البيرنقات
واحد من هذي الاحتمالات يكون وارد
تحياتي
الفجر mtr البعيد

بصراحة مشكلتك مالها اي علاقة بالكويل اذا انت متاكد ان السبب هو انك عبيت بنزين متسخ فالمشكلة حلها انك تغير فلتر البنزين وتنضيف او تصفية للبخاخات ...

الكويل مثل ما ذكرو الاخوان عبارة عن ملفات كهربائية مغناطيسية تولد قوة شرارة عالية وهو يعمل نفس عمل الديلكو بس من مميزاته انه مايحتاج لضبط مثل الديلكو ....
طبعا احتمال انو يخرب اعتقد نادره خصوصا ان السيارة لسا جديدة لاكن دامه على الضمان خلهم يستاهلون :banana: ..

تحياتي ..

اخوي حاكم العدل
.....................................

عندي سؤالين لكنها قريبه لناحية الميكانيكية من الكهربائية
1.عندي حذفة في سيارتي وتعبت من الوكاله مامنهم فايده وغيرت الكفرات واختفت الحذفة لمده بسيطه ورجعت ثاني وأحد المهندسين في الوكاله قالي انه هذا عيب تصنيعي في الأفالون وبصراحة 2 من أصحابي عندهم نفس المشكله سؤالي أيش القطعة المسؤولة غالباً عن الحذفة اذا افترضنا أنه في عيب تصنيعي

2.السؤال الثاني أكثر السيارات السيدان بعد فترة من الإستخدام تلاقي مستوى ميلان الجنط تغير بمعدل خفيف ايش السبب وأيش الحل؟

تحياتي

..............................................

بالنسبة للسؤال الاول يمكن يكون الخلل من الدودة (( البورسترنج)) او تكون من المقصات والله اعلم ...

اما السؤال الثاني اعتقد اذا الميلان ملحوظ فيه مشكلة في نظام التعليق ((المقصات او الاذرعة او المساعدات)) وتقدر تتاكد منها من اقرب ميزان طبعا روح لميزان الكتروني وراح يضبطها لك واذا فيه اي مشكلة فيها راح يبلغك اكيد بس غالبا يكون الوزن كفايه ..

........................................

اخوي demore

بالنسبة لمثبت السرعة اكيد تقدر تركبه على السيارة بس يحتاج ترهيم وشغل متعب ومايستاهل ... لانك ممكن تحتاج تغير كمبيوتر السيارة بالكامل :blink:
ومثل ماذكرو الاخوان يفضل ان تكون سيارتك قير اوتو ..

................................................

اخوي oil_HKS_lio

بالنسبة للطرمبة قلت لك غيرها وريح بالك ولا تاخذها الا من الوكالة مو مشكلة فرق حدود 30 ريال بس شي مضمون والحام ما اعتقد راح يفيد .. نصيحة مني للجميع لا تبخلون على سياراتكم تراها تستاهل .

...........................

اخوي Dentist

بالنسبة لزيت القير الاختلاف فيه كبير ..
عندك في كتلوجات السيارات كاتبين لو السيارة استخدامها عادي يعني تمشي باليوم اقل من 100 كلم وبدون خشونة في القيادة ما يحتاج تغيره ابدا ..
اما اذا الاستخدام بشكل خشن وقاسي لازم يتغير مع الفلتر كل 100الف كلم ...

طبعا هذا كلام الوكالات اما الورش فيقولون لازم يتغير كل 50 الف تقريبا ..

انا اعتقد لو يتغير كل 80 الف يكون زين لان زيت القير مايخترب ويمكن تتاكد من صلاحيته من خلال لونه ورياحته اذا لونه احمر وريحته عادية مو قوية فالزيت تمام ..
اما اذا كان الزيت لونه متغير او فيه ريحة تفقع الراس فاعرف ان القير على وشك ويمكن لو غيرت الزيت القير يوقف على طول..

عموما لو غيرت الزيت لازم تتاكد من نوعية الزيت المستخدم للقير لان كل قير له مواصفات الزيت الخاصة فيه روح الوكاله خذ الزيت والفلتر والوجه واذا فيه معجون خذ بعد..
وترى بعض الوكالات عندهم زيت تجاري يعني يعطيك بالبيت او طقته لا تاخذ الا العلبة اللي عليها علامة السيارة ..
وبالتوفيق ان شاء الله ....

..............................

اخوي cruiser2000

اذا الصوت قوي والنمرة ماتدخل الا بالقوة فهذا صحن الكلتش يبي يسلم عليك شكلك راعي قومات صح ..

.......................
تحياتي للجميع وسامحوني على القصور

مشكور أخويVIPER GTS-R على الرد الحلو والفاهم والمطمئن

لكن وش فائدة المعجون

لاني شريت الفلتر وناوي اشتري الزيت من الوكاله ؟

بس الوجه والمعجون ما فكرت فيهم

السلام عليكم ورحمة الله وبركاته

اخوي Dentist

دامك ناوي تغير الزيت خلني اعطيك فكرة مبسطة عن طريقة تغييره وكل النقاط المهمة المتعلقة في هالموضوع .. والموضوع جدا سهل وتقدر تسويه بالبيت بس المشكلة اكيد ماعندك بالبيت رافعه تحط السيارة عليها وصعب انك تشتغل والسيارة واقفه على الارض عموما نبدا بالخطوات ..

اولا هذي صورة القير وطبعا تغيير زيت القير يختلف عن تغيير زيت المكينة لان المكينة فيها صرة والفلتر خارجي بعكس القير .. وانت شايف بالصورة الجزء الاسود اللي اسفل القير لازم ينفك بالكامل ...


فاول ماتدخل السيارة الورشة لازم تنحط على الرافعة وبعد كذا نبدا نفك الجزء السفي من القير اللي هو ال ((bans)) وعادة ما يكون حوالي 10 مسامير على حسب السيارة ومثل ما انت شايف بالصورة الزيت اول ماتفك البانز ينكب على طول فانتبه لعمرك


الخطوة الثانية ننتظر لما يطلع الزيت كله ثم نبدا بفك الفلتر وطبعا بعض السيارات يكون فكه عن طريق المسامير مثل اللي بالصورة او يكون كبس على حسب نوع وموديل السيارة ..


الخطوة اللي بعدها يتم تنضيف البانز بالكامل + الجزء الملتصق فيه من القير عشان نشيل الوجه القديم واي اثر له ...

بعد كذا نجيب الفلتر الجديد (( لازم جديد )) ونجيب الوجه وعادة يكون الفلتر والوجه مثل اللي بهالصورة خصوصا السيارات الامريكية ..

بعد كذا نرجب الوجه الجديد وفيه بعض السيارات مايجيلها وجه بس فيه معجون طبعا الافضل الوجه والمعجون سوا لان المعجون لحاله مايغطي والوجه فعال جدا بس مع المعجون يكون افضل وافضل .. والمعجون هو عبارة عن معجون السيلكون مثل اللي بالصورة .


بعد كذا نركب البانز بعد ما نضبط الوجه ونشد عليه مضبوط ..


والخطوة الاخيرة نحط الزيت في القير عن طريق فتحة غيار الزيت وبعد كذا نعاير الزيت ومهم جدا ان الزيت لا يزيد ولا ينقص ابدا المعايرة شي مهم يعني لا تحرك السيارة لما تتاكد من الغيار الصحيح للزيت وهالصورة راح تبين لك المعيار حق الزيت وماخوذ من موضوع اخونا JUST CORVETTE اللي تكلم فيه عن القير الاوتوماتيك .


وبعد كذا شغل السيارة وعشقها في جميع النمر ثم شيك على االزيت من جديد وشيك على السيارة من تحت وتاكد من عدم وجود اي تهريبات ... واذا كان فيه معجون يفضل ما تتحرك السيارة الا لما ينشف يعني ساعة على الاقل .....

كاني طولت السالفه بس ان شاء الله يستفيدون الجميع ..

تحياتي لكم

ما شاء الله عليك يا VIPER GTS-R بيضتها والله كفيت ووفيت

بس عندي اضافه انك لم تفك bans اللي نسميه با العاميه كارتير الزيت

ممكن ان الزيت ما ينزل فتحتاج انك تفتحه بلطف بسكروب او حاجه حاده

بحيث انك ما تطعجه وبتشوف الزيت ينزل تدريجيا .

الله يسلمك اخوي W351
كلامك صحيح 100% لانه عادة الوجه يكون شديد لان الضغط عليه قوي جدا ولما نفكه ما راح ينفك على طول مثل ما ذكرت ..

تحياتي ..

VIPER GTS-R

مشالله عليك شرح في غايه الروعه

شراح وافي وكافي تسلم ايدينك اخوي VIPER GTS-R

تعبنّـاك معانا .. لكن نخدمك في الأفراح انشالله :eek:

وبالنسبة لتغييري زيت القير بنفسي فانس الموضوع

لكن شي جديد تعلمته منك عشان ما يقعد يتفلسف علي اللي بيغيره وانا ادلوي براسي

لكن سؤال أخير .. تعرف ورشة محترمة تغير هالشي لاني مابعت سياراتي اوديها لبنشري اللي يغير الزيت واخليه يتعلم عليها ..
وفي نفس الوقت موضوع الوكالة يجيب لي المغص لانهم بيلحطوني ويلحطون سيارتي عندهم الفاضي ..

وتشكراتي حبيب ألبي

ههههههههههههههههههههههههه ترى صيانة السيارات حاجة بسيطة ومحتاجه بس خبرة ولا ترى هالهنود والفلبينيين مو احسن منا :cool:

المهم ابي اعرف شنو سيارتك + موديلها + في اي مدينة عشان اقول لك عن الورش اللي شغلهم نضيف ..

في انتظار ردك

بسم الله الرحمن الرحيم

امممممممممممممممم:think:

انا عندي مشكله عوييييييييصه

السياره لاند كروزر 93

المشكله ان الفرامل مستحيييييييييييييييييل تكمل 9شهور ليش؟؟؟؟

مع العلم اني كذا مره اغير الهوبات مع الفحمات ومره غيرت الكليبرات ولازالت الفرامل تعييييسه

الشرقاوي اعتقد انك من النوع الي يسرع

9 شهور شئ معقول

نصيحة بعد ماتخلص الفحمات اخرط الهوبات واشتري كل شئ اصلي ((جرب مركز خدمة تويوتا الي منتشرين في دول الخليج))

على طاري الفرامل

عندي هم مشكله البريكات كل ماسوي لهم وزنيه تجلس معاي اقل شي 3 او 4 شهور وترجع تكون الفرامل الخلفيه اقوى من الاماميه وكذا مره بغت تسبب لي حادث تزحف من الخلف