السلام عليكم

هلا nas

شرايك فيني cobra ؟؟ لا ورافع ضغطهم حاط لهم علم السعوديه بعد ..



ان شاء الله مره ثانيه نجتمع في اقرب وقت ..


ههههههه الله يعينك ترى انا مريت بالحاله حقتك يوم كنت افكر كثيـــــــر حتى بعد ما ادفع الفلوس واشتري كل شيء اضل افكر فيهم ..

عموما انا حاضر اذا تبي نطلب لك CDT Classic و اعتقد قلت لك السعر طبعا السعر اللي قلته لك بدون شحن او 3% من المبلغ الكلي حق الفيزا .


اما بخصوص المضخم فا انصحك تاخذ واحد ابو قناتين لانك راح تاخذ كمبونينت لان اللي اعرفه دائما 4 قنوات اغلى من قناتين ..

بس لازم تاخذ واحد اوكي و ابعد عن البايونير الجديد..

شوف لك Alpine تراه قمه في النقاوه بس لازم تتاكد انه اصلي . :cool:


زين اسمع الحين ربيعك اللي وياك امس المبلغ اللي ناوي يحطه على السيستم هل هو يشمل الكومبونينت والسب وففر بس ؟؟ ولا بعد مضخمات ؟؟ او شيء ثاني ؟؟ لاني راح اسوي له سيستم يمكن يكون احسن من سيارتي طبعا من ناحيه النقاوه


==================

اخوي the W

انت المقاسات اللي عطيتني اياها هل انت قستها يوم فتحت الشنطه وقعدت تشوف شنو اللي ممكن يدخل ؟؟

لا صدقني راح تتوهق ..

انا انصحك تسوي لك صندوق من الكرتون على نفس المقاسات اللي تبيها وبعدين تحاول تدخله للسياره لانك اذا تبي تاخذ مقاسات الشنطه راح ما يدخل الصندوق يعني لازم تصنع الصندوق داخل الشنطه .

ارجوا انك تتاكد ..

ولا حاجه لوضع حاجز بين الوففرين .

هلا DD

الريال يبغي كل شي شامل المضخمات والمسجل.......والديكور.


لأنه الريال أهم شي عنده الديكور

قالنا يبغي ديكور حلو حق الووفرات وانته تعرف مرات يكون الديكور على حساب جودة الصوت.

يعني الله يعينا على الريال انشاله بنتناقش في الموضوع المره الجاية

________________________________________________

شفت كيف عرفتك:p بس انا ما قلت انك انته cobra88
روحك قلت

والله خوش فكره حبيبي
بس زين تقدر اتشوف لي كم حجم البوكس المقاسات حقتوا
يعني الطول والارتقاع ويا العمق عشان يصير حجمه يوفي الى السبوفرين
لانه حطيت انا مواصفات الاوفر وكم تتطلب في الصفحه الي قبل
ممكن
تحياتي
:banana:

انت على كيفك سوي المقاسات اللي تبيه كلما يكبر كلما يكون افضل بس لا يزيد عن حده لانه بعدين يصير مافي ضغط هواء .

انا ترى سويت نفسك في البدايه .


تحياتي .........

والله ناوي أسويها
بس مادري يا DD
المقاسات عندي مو خوش
أبي أطلع الحين العمق كم يعني يصير عشان يكون مقاسه 1.1 قدم مكعب حق الواحده بس
ported box volume 1.1 cubic feet
:banana:
فهمت عليي عزيزي
يعني الثنتين تتوقع يصير اليهم 2.2 قدم مكعب
:p
هذا من موقع http://www.crutchfield.com
Vented Box Volume: The vented box sizes recommended by Pioneer range from 0.99 cu/ft to 1.21 cu/ft. Within this range, the ideal size recommended by Pioneer is 1.1 cu/ft, so this is the enclosure recommended by Crutchfield. One 3" diameter x 8" long port should be used with a 1.1 cu/ft enclosure
هذا كلامهم
يعني ويشلون انت قلت انه راح يتعدى 2.7 او 3 قدم مكعب
تراهم السبووفرات 10 أنش بس مو 12 أنش
وتحياتي

اذكر ان cobra88 اسم قديم وكان موجود بالساحه العربيه
لل DDDesigns


-------------------------------------------------------------------------------------

بالنسبه لنصيحتي للامبلفاير

صحيح اذا ماكنت ناوي شي جامد خذ قناتين من الباين او بايوننير بس طبعاً اقوى شي

لان القهر يكون مكتوب عليه 700 واط وبالاخير 380 RMS

وماعليك تقدر تزيد على السماعات قوة حتى 70 واط RMS بشرط تكون

بدون بيس

================================
وهذا اللي انا ممكن اسويه

بركب امبلفاير كامل لكل سماعه بس استنى الميزانيه عشان اشتري سماعات
وراح يكون عندي اقوى نظام سماعات في السعوديه بدون بيس

بمقدار من240 واط الى 220 لكل قناة RMS وش رايك DDesigns

او ------------------------------------------------------

ممكن اركب سماعاتين على حمل 2 اوم وبتكون mono واذا حبيت stereo
افصلهم بكتاوتين ................






وش رايكم

اخوي the W

ممممم هما 10 انش ...

طيب 2.5 راي يكون افضل لهم يعني انت لو تزود على مواصفات المصنع شوي يكون افضل و اقوى ..


=======

اخوي 902

نعم اذا كنت ناوي تسوي كذا فا شغلك راح يكون اوكي وراح يكون اقوى شيء عندنا ..

بس انا اشوف اي شيء فوق 200 RMS هو يعتبر Ovekill للاذون لووووول.


لا تهتم بالواط كثير كثر ما تهتم في جوده السماعات لانها اهم شيء ..


اما بخصوص تشغيلهم على 2 اوم فا ما انصحك نهائياااااااا

لان كل ما قل الاوم كل ما زاد THD وهي نسبه التشويش ..

واذا كنت ناوي تلعب على المضخم وتحط عليه مقاومه خارجيه على اساس يعطيك باور اكثر فا ثق تماما انك ماراح تستفيد لان الباور راح تنقسم الى جهتين ..

يعني لو جبت سماعه 4 اوم وركبت عليها مقاومه صغيره سواء توالي او توازي على اساس انك تنزل الاوم فا سوف يحث التالي :

لو كان يعطي 100 ضرب 2 في 4 اوم ويعطي 200 ضرب 2 في 2 اوم

فا انك راح توصل 100 اوم للسماعه و 100 اوم للمقاومه وطبعا مع الوقت راح ترتفع حراره المقاوه الصغيره وتحترق ..


مدري اذا هذا اللي كنت ناوي تسويه ولا لا بس حبيت اعطيك خبر ..

لان تغير المقاومه يجب ان يكون من داخل الملف الصوتي النحاسي او عن طريق ما يسمى بالمعاوقه وليس المقاومه .

DDesigns




مناسبه اكثر للوفرات اكثر من سماعات ويمكن تركب على ووفر DVC

وراح يكون بقوة هائله جداً

تخيل اللوفر اللي عندك ب 1400 واط بناتج 700 واط لكل ملف

يعني بيصير اللوفر يشتغل على 2800 واط RMS ب 1400 واط لكل ملف بجسر خارجي كتاوتات

واللوفر يتحمل على الاقل 7000 واط RMS



في المسابقات لووووووووووووول

بس ماانصحك تفكر تسويها
===================================

المضخم ال JBL اللي عندي ممكن يطلع 220 واط RMS على حمل 2 اوم قناتين

وبكذا يصير عندي اقوى نظام سماعات في السعوديه على الاقل

بدون بيس تخيل من بايوننير

بس احتاج سماعات قويه ممكن تتحمل 200 واط RMS


=====================================

الحين انا عندي 120 واط RMS قناتين وشبكهم على سماعات بايوننير 60 RMS

بنتظر الى ان اشتري سياره عشان اطلب من عندك سماعات CDT

او شي مشابه قطع ........





تحياتي

M.A.M

هذا صوره لقيتها تبين تركيب الامبلفاير تحت المرتبه الاماميه



DDesigns عنك مافيه امل لووووول
الا اذا نويت تركب امبلفاير متخصص جداً في Sound Image وترتيب ال Stage ممكن تستفيد من نفس المكان:p

اخوي 902

ممكن تشرح لي طريقتك اللي تتكلم عنها حقت الكتاوت ؟؟!!!

لاني ما مقتننع !!!

شلون المضخم يصير يطلع 2800 واط !! ما يصير ..

ليس كل المضخمات تتحمل اوم اقل من 1 اوم ..والا راح تشتغل لمبه Protection . ( دير بالك )

الوففر اللي عندي فيه ملفين كل واحد 4 اوم طيب شلون راح تدخلهم واط اعلى ؟؟؟

يا ليت لو تشرح لي ......

يعطيك العافيه اخوي DDesigns

بس الله لاايهينك مسجل الكابرس الشد بلاد 87 delco ضروري احط محول عشان يوصله للئمبلي فاير

مادري بس لو انت لاحظت انه موقع crutchfield يقول انه المستحسن 1.1 قدم مكعب للغرفة
خايف أزيه ويصير الصوت هع مو خوش
يضيع واجد يمكن
:banana:

بسوي كذا الى الامبلفاير
احسن من الدبه
لاتشوفه الحكومه وتسوي لي سالفة
أحنا ناقصيين خرفنه

مرحبا 902

انا ناوي على مضخم من soundstream يعطي 80rms x4 و 320rms x2 bridge فأعتقد انه المضخم ممتاز اني اشغل component قدام و 6x9 بالخلف ممكن أنك اتشوفه في هالموقعhttp://www.soundstream.com/sub/products_amps_edge.html

بصراحة اعتقد انه الsoundstream افضل من الpioneer لأنه في مستوى الrockford والKIcker وعن الألباين ما اعتقد انه يناسبني أولا لأنه صعب اني أحصله ثانيا مافيه حيل يعني مصمم حق سماعاتهم الي تجي 50rms و40rms ما انكر انه الالباين ممتاز من ناحية النقاوة لكنه غالي و مافيه power
اتمنى اني اكون وصلت الفكرة

ماشالله عليكم ياشباب اللهم لا حسد

قعدت احاول اتابع موضوعكم من اوله بس ماقدرت

تجي يوم تشوف الموضوع 80 رد وتجي اليوم اللي بعده وتحصله 100 وشوي( لا اله ال الله )

المهم عندي سؤال

انا عندي سياره باثفيندر المسجل فيها ممتاز (بالنسبه لي) لكن السماعات مهب ممتازه
المهم انا ابي افضل نوع سماعات يركب عندي ويعطيني نقاوة صوت عاليه والله لايهينكم لو تعطوني رابط لموقع يبيعها في الانترنت
انا مابي املفاير ولا سبووفر ولا كل الدوشه هذي لاني مابي ادخل في تعقيدات مافهملها بس ابي اربع سمعات من نوع ممتاز وذات نقاوة صوت عاليه

وشكرا

السلام عليكم

اخي oil_HKS_lio

نعم ضروري اخوي ولا لازم تغير المسجل وهو يكون حل افضل ..


اخوي the W

الزياده البسيطه يعني حوالي 1 قدم مكعب لن تضر بل سوف تزيد قوه الصوت .

اما طريقه تركيب المضخم الذي وضعها الاخ 902 فا هي رائعه ولكن لها عيوب ..

1- ارتفاع الحراره شوي لانه تحت الارض .
2- احتمال ينكب عليه سوائل وبعدين سلم لي على المضخم ..


اخوي nas و 902

انتوا ليش كثير مهتمين في قيمه الواط ؟؟

لان اهم شيء الجوده ونقاء الاشاره الخارجه ..

يعني وش الفايده من مضخم يعطيك مثلا 300 واط تكون فيها clipping ؟؟

خليك على واط قليل بس يكون اوكي ..

لما يكون عندك واط عالي لازم تدير بالك على Gain لا ترفعها كثير ولا سلم لي على السماعات .


اخوي Nas انت شفت الصوت اللي عندي وهو عباره عن 150 واط RMS لكل سماعه ..

طبعا لو عندي سماعات غير CDT كان ما استحملوا 150 واط كلها ..

لان سماعاتي اصلا 130 واط وانا معطيهم 150 بس لما تعطيهم دبل راح تروح فيها السماعات ويحترق الكويل .


وشيء ثاني انت لازم تشوف Rated power حق المضخم ..

يعني انت شوف هو يعطيك 200 واط على 12 فولت ولا على 14.4 فولت لانه فيه فرق ..

يعني انا اللي عندي يشتغل على 14.4 فولت ..

يعني انا ما راح احصل 150 واط الا لما اشغل السياره اما السياره طافيه راح يكون الفولت 12 بس .


اخوي nas هل جربت soundstream من قبل ؟؟ انا ما جربتهم ابد..

اكيد انهم احسن من بايونير و الباين بس تاكد قبل كل شيء ..

انا انصحك تشتري مضخم يكون فيه clipping led مثل ما موجود في سياره سالم لانه يريح قلبك من الوضع الموجود عندك .


اخي mill_955

بالنسبه للوضع عندك فا انا انصحك انك تغير المسجل في الاول وراح تشوف الفرق . لان المشكله هو من المسجل وجودته التعبانه حتى لو كان سيدي .

تحياتي .......

هلا DDesigns

شحالك..... انشاء الله بخير

شيخي انا سمعت صوت الlitghning audio وكان الصوت يعني مش هذاك الزود في النقاوة . سألنا راعي المحل اللي راح يجيبلنا المضخم فقالنا عنكم هاذا احسن من الlightning audio بمراحل الي هو الsoundstream

وقال إذا تبغون عندنا الjlaudio 300/4 الي راح يعطي rms75x4 الاداء راح يكون مش طبيعي لكن السعر غالي شوي حوالي 1800 درهم انا ادري انه المضخم قيمته فيه لكن السعر يظل مرتفع بالنسبة لكثير منا.

=============================

انا شكلي ما باخذ السستم لأني أبدا مش قادر أسيطر على نفسي من ناحية الصرف

والله المصروف كله يروح حق التلفون والبترول


لازم ارفع شعار "لا للصرف نعم للقعدة في البيت"

اهنيك اخوي DDesigns على موضوعك الرائع الي مثلك
وحبيت استشيرك في حاجه
ابي تعطيني وصفه بألفين ريال او حتى ألفين وخمس لسستم صوت
شرط يكون 4 اربع سماعات و امبليفاير و مشغل سي دي واذا ممكن ووفر ارجو اني ما لخبطتك
ملاحظه**
انا اسمع عربي وخصوصاً محمد عبده عشان احدد لك اني ابي نقاوة ويمكن اذا عرفت انا شنو اسمع ممكن اساعدك بشنو ابغي
ومشكور مقدماً

ياسلام عليك يا 902 فاهم الوضع عندي
الحال من بعضها
بيني وبينك مكانه صراحة حلو وبالنسبة للحرارة اتوقع يكون افضل له من الشنطة تدري ليش ؟ لأنه يوصله المكيف واذا حسيت انه زادت حرارته حط المكيف على التكييف اسفل القدمين ;) لكن فعلاً من ناحية السوائل فيه خطر وخصوصاً اذا كانوا اللي ورا معك دايماً يشربون وياكلون في السيارة
بس السؤال هل فيه محلات هنا تعرف تصلحه وتحطه في هالمكان لانه صراحة شكله يبي له شغلة وماعندي وقت اجلس احاول
طيب سؤال غريب شوي وانتم اخبر بأسئلتي وطلباتي الغريبة
السؤال : بعض السيارات يكون فيها مضخم خارجي وسيستم من الوكالة مثل اللكزس هذا مكانه وين يكون موجود لانه اللي يشوف السيارة يقول مافيها اي مضخم وهي بالحقيقة فيها وانا سمعت انه اسلاك وسمعت انه مضخم صغير لكن مكانه مااعرف وين!!!!
صح انه مايطلع واط كثير لكن على كلام اخوي DD انه مااهتم بالواط كثر مااهتم بالنقاوة فهل يصح ان اخذ مضخم من هالنوع او نفس الوضع علشان يسهل علي اني احطه بمكان مثل حق اللكزس غير معروف وبعدين اركب سماعات نقية و SQ وش رايكم ؟؟
تحياتي للجميع

اخوي DD هذا شي جيد صراحة لكن ماادري قياس ال clipping اللي فيه دقيق ولا ؟؟ لانه صراحة يريحنا كثير كذا وبيصير الواحد مايعتمد على اذنه اللي ممكن تخونه
تحياتي ..

M.A.M

انا حطيت المضخم الي كان في سيارتي في يوم من الايام تحت الكرسي كانت الشغله اسهل من ما تتصور يعني اسهل من انك اتحطه في الشنطة ممكن انه يثبتونه لك بلزقه two face او إذا شفت قطعة بلاستيك الي يشدون فيها الاسلاك والي يستخدمونها الشرطه مرات علشان يمسكون المجرمين . الطريقه ممتازه لاني كنت اعلي وانزل صوت الووفر بدون ما افتح الشنطة لاني ما عندي subwoofer out في المسجل تبع الوكالة.


بس فيه مشكله وحده انه اخواني الصغار يرفسون المضخم الف مرة في اليوم وكل مرة يقولون اسفين ما بنعيدها لكن لا حياة لمن تنادي

اخوي Nas والله انت شجعتني خصوصاً اني الحين عندي مشكلة ماادري وش تبي صراحة اللي هي مشكلة الزنة والونة ويبغى لها تغيير اسلاك وشغل مضبوط وانا اذا خلصت الامتحانات ان شاء الله ابتفرغ لها
تحياتي لك
تحياتي للجميع

اذا كان الامبلفاير يطلع 1400 واط على حمل 4 اوم ممكن تسولها جسر على 2 اوم لثواني بمجرد تشغيل الكتاوتات او Relays وترجع كل شي زي اول بمجرد ضغط الزر مره ثانيه

ياليت اقدر اوضح بشكل افضل بس لحاول اجيب معلومات اكثر.....

السلام عليكم


اخي nas

والله الحمد لله انا بخير ..

اما بخصوص موضوع المضخمات فا JL عندها مضخمات جدا جدا ممتازه واحسن من Alpine ولكن مثل ما قلت السعر ناري جدا جدا ..

يعني بسعر 1800 اشتري مضخم TruTechnology اقل فئه وراح يكون احسن منه .


عموما انا حاس بالوضع اللي عندك وصدقني انا مريت فيه بس شنسوي كل واحد لازم يمد ريوله على قد لحافه .

فا انت شوف لا تستعجل ابدا ابدا ..

اهم شيء تبداء حبه حبه ولا تشتري كل شيء بنفس الوقت ..

يعني انا سيستمي صار لي اكثر من سنه وانا اجمع البيزات ..

انت اول شيء ابداء في السماعات لانها الاهم حاليا او المسجل اهم منهم اذا ما كان عندك مسجل عدل ..


=====================

اخوي الفجر mtr البعيد

ممممم قعدت افكر شوي ..

لقيت شيء يناسبك بس يمكن يزيد عن 2500 يعني على حسب الدوله اللي انت فيها ..

المسجل = Pioneer 7550 بسعر 900 او 1000 على حسب .

او تاخذ النوع الثاني Pioneer 5550 بسعر 600 الى 700 ريال .

وبعدين المضخم تاخذ لك Pioneer GM-X944 بسعر 900 الى 1100 ريال على حسب ..

وبعدين تاخذ لك 4 سماعات بايونير على حسب مقاس سيارتك يفضل يكونون من النوع اللي لونهم اصفر .. تقريبا السعر 300 الى 500 ريال ..

وبعدين اذا تبي وففر تاخذ لك واحد صغير 10 انش يكون سعره حوالي 300 ريال او اقل ..

يعني سماعتين مشبوكين على المسجل وسماعتين على المضخم والوفر على المضخم نفسه ..

هذه افضل خلطه اقدر اعطيك اياها لان سوقنا ما يساعد نهائيا ..

اخوي M.A.M

انا اذكر الكابريس الصابونه المضخم حقها يكون في الشنطه بالمقلوب محطوط بين السماعتين اللي ورى ..

اما اللكزس فا اعتقد انه عند الطبلون يعني من داخل خلف المسجل .


اخوي 902 ..

المضخم اللي عندي يعطي 700 واط على 4 اوم ويعطي 1400 واط على 2 اوم وما يفرق بين البريدج لانه هو من نفسه في دائره تسوي بريدج يعني سواء سويت ولا ما سويت برج راح يكون نفس الخرج ..

اما سالفه الكتاويت فا والله ما درستها في الكليه يا ليت لو تشرح لي اياها ..


تحياتي ...........

الكيتاوت او الريليس اللي اعرفه ان فايدتها تفصل شي معين او تؤدي وظيفتين مختلفتين .. يعني مثلاً انت بتركب الامبليفاير على مسجلين مثل حالتي سابقاً تحط الكيتاوت او الريليس علشان اذا اشتغل واحد يفصل الثاني .. هذا اللي افهمه منها وبانتظار 902 وصراحة انا ودي اتعلم هالاشياء وهالمعلومات لكن وين المعاهد او المدارس اللي تعلم اشياء مفيدة زي كذا
تحياتي للجميع