اول شي حط اسنفج تحت الاستبنه "الكفر الحتياطي"

واذا تحتفظ بعده مفتاح عجل الخ عدله بحيث ماتتحرك

نجي للانوار التوقف ركب على المسامير وردات "حلقات" و ركب اسفنج تحت اللوحه

الطبلون الخلفي تفكه وتركب تحته اسفنج

الابواب لاتنساهم بين الديكور والباب حط طبقه عازله

الاسفنج :
تلقاه عند حقين تنجيد السيارات ويكون مقاسه من 5 الى 10 ملم


تاكد من عدم وجود اي قطع معدنيه "مسامير مفكات اي شي" في الشنطه

===================

نجي لورق العزل 300 درهم غالي مرره ترا الدعوة سهله مررره قص ولزق بس اهم شي تكون المكان نظيف وتعبي كل الفراغات


فيه فكره انك ترش اسفل السياره ازفلت "باستثناء القير الاكزوست وغيرها من قطع السياره

=====================================

بعد الشغل هذا كله بتصير السياره فرن متنقل احذر توقف السياره في الشمس او تخلي الهويه "زر في المكيف" مقفله


تحياتي 902

لكم الشكر الجزيل


اخوي DD و 902

معليش تاخرت في الرد (مشغول شوي )



ت(قدر تروح لمحلات بايونير وتشتري لك سماعتين من النوع اللي يجيك لونه اصفر طبعا اشتر اقوى شيء يمكن يوصل 300 او 400 ريال .)


بس سماعتين

انت تقصد الخلفية صح

طيب والسماعات الامامية اخليها شد بلد.

مرحبا DDesigns و 902

للاسف السستم في سيارتي ما بديت فيه:(

انا اتكلم عن سيارة اخوي الكبير وسيارة ربيعي اللي كلها earth quake :rolleyes:

بديت اجمع فلوس علشان السستم وانشاء الله على الصيف بكون جمعت مبلغ محترم :banana:

انا ناوي اسوي السستم على مرحلتين الأولى فيها الcd player و سماعات component MbQuart بصراحه صوتها ممتاز لكن فيها عيب واحد التويترات الي معاها titatniom وصوتها وايد حاد بس ممكن انشوف حل للمشكله, الامبليفاير راح يكون soundstream 4 Chanels و الووفر طبعا JL audio w3v2 300 rms في صندوق ported

اخوي 902

انا مب قصدي انه سعر العوازل 300 درهم انا قصدي اوضح فكرة انه التركيب غالي لكني للحين ما اعرف السعر بالضبط.

بحاول اجرب طريقتك بانسبه للوحات لكن اني احط الاسفنج من داخل السيارة هذه الطريقة ما راح تنفعنا لانه الأهتزاز يكون في اللوح الي ورا الكراسي الخلفية الي فيها السماعات 6x9 فما ادري كيف بركب الاسفنج في هذا المكان.

كتبت لك سؤال في الموضوع القديم عن الصندوق الي سويته للووفر. كيف حددت قياس الفتحة

مشكورين على الرد

اخوي القرن الجديد ..

شو لازم تغير سماعات الشد بلد او اذا ما تبي تخسر فلوس تخليهم بس السماعاتين اللي ورا ..

فا انت شوف الوضع عندك اشتري اهم شيء سماعتين و مضخم وبعدين اذا ظل كعاك فلوس اشتري السماعات اللي قدام .

=========

اخوي Nas

انا ان شاء الله راح امر بعد كم يوم على محلات السيستم علشان اشوف هذه العوازل وعلشان مره وحده اشوف طلب الاخ M.A.M لانه ادري انه زعلان علي :rolleyes: :rolleyes:

وراح اشوف ايش الحل معاهم ..

يوجد ماده ثانيه مثل البخاخ اسمها Seal and Peel اعتقد بس ما ادري اذا كانت موجوده عندنا .. وهي بس تبخها على الاماكن اللي تهتز وتنتهي المشكله ولكن جودتها ليست مثل العوازل ..


اما بخصوص السيستم حقك فا صدقني احسن شيء انك تشتري كل شيء حبه حبه مثلي انا ولا تستعجل علشان ما تندم ..

شوف انا لازم اشوفك واعرف انت ناوي على ايش بالضبط !!

لاني ودي اشوف المبلغ اللي راح تصرفه على السيستم اللي ناوي عليه يمكن يكون بنفس المبلغ اقدر اجيب لك شغلات من امريكا لان لي معارف هناك ويسون لي خصم عند بعض الشركات ..



اما بخصوص الصندوق ومقاس الفتحه فا ما ادري انت تسالني ؟؟ ولا تسال الاخ 902 ؟؟

ارجوا ان تعطيني التفاصيل اذا كنت تبيني اساعدك ..

اما بخصوص التويتر Titaniom فا نعم هي شويه Harsh للاذن في خلاف Silk Tweeter ..

ههههه اجل لو تسمع Horn Tweeter اللي موجوده في الديسكوات راح تحترق اذنك ..

شوف اغلب السماعات المحترمه تحتاج الى عمليه Break-in لمده معينه تتراوح بين اسبوعين الى 3 اسابيع .. حيث بعد هذه المده يتغير الصوت ويصبح افضل بنسبه 20 الى 30 %..

واحتمال كبير حده الصوت تنزل ..

تحياتي ......

السلام عليكم ورحمة الله وبركاته

ياشباب انا ابغى اسوي صندوق حق سبووفرين فما ادري عادي احطهم اثنينهم في صندوق واحد والا اسوي لكل سب ووفر صندوق لوحدة ؟
وايش افضل انواع الصناديق واذا ممكن تعطوني قياسات الصندوق اكون شاكر لكم

وعلى فكرة مقاس السب ووفر الي بركبة 12 انش

وشكرا لكم وماتقصرون

اخوي X

عادي جدا جدا تخليهم اثنينهم في نفس الصندوق ..

شوف انت عطيني انواع الوففرات ..

وبعدين عطني كم اقصى حد في الحجم تتحمله الشنطه او الدبه عندك في الخلف ؟

وبعدين اقولك ايش تسوي وكم حجم الفتحه بالضبط .

السلام عليكم

بالنسبة للوفرات هي من نوع بايونير موديلها ts-w305c
وبالنسبة لأبعاد الشنطة انا دورت في كاتلوج السيارة ومالقيت شي عن ابعاد الشنطة
بس على كل حال انا مركب صندوق الحين حق سماعتين ووفر واحد بالشنطة وهو ماخذ عرض الشنطة كلة تقريبا اذا تبغى اعطيك ابعاد الصندوق يمكن تفيدك
وبالنسبة للسماعات انا ابغى آخذ بايونير الصفرا حق الابواب راح آخذ زوجين
والزوج الواحد ب360 فما ادري تستاهل والا اقدر احصل على شي افضل بنفس السعر

وعلى كل حال انا ما عندي مشكلة ازيد الميزانية (ميزانيتي مفتوحة اهم شي اركب حاجة حلوة ) واذا ممكن تضيفني بالمسنجر يا اخ DDesigns او اي واحد من الشباب على شان نتبادل الخبرات والتجارب ماعندي اي مانع
omega_506@hotmail.com
وشكرا لكم جميعا

اخوي X

لازم تعطيني ابعاد الصندوق اللي عندك حاليا او اللي ناوي تحطه .

يعني لا تعطيني ابعاد الشنطه لانك ما تقدر تسوي صندوق على نفس مقاس الشنطه لانه ما راح يدخل ولازم تصنعه وانت داخل السياره هههههه .

عطيني العرض والطول و الارتفاع بالانش او السنتي ..

طبعا الابعاد من برا فقط ..

وبعدين ابيك تعطيني سمك الخشب ؟؟ هل هو مثلا 18 ميلي يعني ثلاث ارباع الانش ولا ايش بالضبط ..

وبعدين راح اعطيك ايش تسوي ..

شوف مقاس الصندوق انت على كيفك اهم شيء انه ما يكون صغير .. بس الاهم الفتحه اللي طلع منها الهواء .


اما بخصوص الماسينجر فا انا الصراحه مو راعي شات وما ادخل الماسينجر الا قليل جدا جدا .

====================


اخوي NAS اليوم رحت حق محل سواند ان ويل ..

وتكلمت مع واحد سوري او لبناني ما اعرف بالضبط اسمه عبدالحميد ..

و سألته عن عوازل الصوت وقال لي انها مخلصه حاليا وتجي بعد اسبوع .

شباب ترى اي شيء تبونه من هذا الموقع يقدرون يطلبونه لكم

http://www.stingerelectronics.com/w...ds/roadkill.asp

عموما الاسعار شوي غاليه ..

يعني عندهم عوازل صوت جاهزه على مقاس السياره يعني وحده للشنطه ووحده للابواب ..

الشنطه بس 350 درهم اعتقد ..

والابواب كلها اعتقد 900 درهم يمكن ..

عموما لو تبي تاخذ روله يعني على المتر فا يطلع لك كل 4 قدم مكعب ب تقريبا 130 درهم قبل الخصم .. !!!!


فا المهم الاخ عبدالحميد قا لي انت ايش عندك سيستم قلت له تعال شوف .

فتحت له الشنطه والكراسي وقال لي هذا D Designs ?? قلت له اسمه Digital Designs قصده على الوففر ..

قلت له ليش ؟؟ انت تعرف هذا النوع ؟؟

قال لي ايه اعرفه !!!!! انا استغربت اول مره اقابل واحد يعرفه ..

قال لي انا متعلم الشغلات كلها في امريكا يعني مش في شارع نايف لووووووول

المهم قعد يشيك على السيستم كله والبطاريه ...... الخ .

الصراحه الرجال فاهم ويعرف امور كثيره ..

( عاد انا حاولت اطيح الميانه معاه ابيه يسوي لي خصك لووووووول )

المهم شغلت له كم اغنيه BASS عاديه وقال لي ما شاء الله الصوت عندك اوكي ..

وهو منبهر من المضخم MMATS اللي عندي ابو 1400 واط لان حجمه صغير بس يطلع واط جامد .

قال لي انت قاعد تتعب الوففر حقك لان الصندوق صغير .. قلت له ادري لان الصندوق كان على مقاس سيارتي اللي قبل والحين راح اسوي واحد اكبر شوي علشان يرتاح لان شباب الوففر واصل الى نهايه الصندوق من وراء لانه طويل حيل 3 طبقات مغناطيس .

المهم قلت له كيف المسابقات معاكم قال حنا راح نسوي مسابقه بعد كم شهر ...

قلت له من اقوى سيستم هنا ؟؟ قال لي فيكنا مسوين سياره وجابت 157 ديسيبل ..

وانا اقول في قلبي شكله المايك اللي يقيسون فيه قديم وعمره 5 سنوات لانه دائما يجب ان يعاد وزنيه المايك كل بين فتره وفتره والا راح يعطيك نتائج خياليه ..

المهم قال لي انا اقدر اسوي سيستم نفس قوه اللي عندك وارخص يعني وففر واحد ومضخم واحد ويطلع نفس الصوت ...

وانا في قلبي اقول قم مناك بس يبي يسوي في وففر رخيص ابو 500 او 1000 ردهم نفس مستوى اللي عندي ..

انا ما اقول ان هذه الاشياء مستحيله , ولكن ما اتوقع ان هذا الشخص لهذه الدرجه من الاحتراف في صناعه الصناديق ..

لانه معروف ان اهم شيء الصندوق لانك تقدر تخلي وففر ضعيف يجيب ازعاج عالي عن طريق الصندوق المحكم .

المهم وعطاني نصبه ثانيه ( والله ما ودي اقول ان الرجال كاذب بس انا متعود على السورين واللبنانين انهم ينصبون كثير )

قال لي انا عندي سياره لانسر اعتقد فيها 8 وفررا Kicker من النوع القديم جدا جدا وفيها 2 دينمو وما ادري كم بطاريه وكان جايب 167 ديسيبل !!!!!!!!!!!!

فا وش رايكم شباب هل اصدق هذا الشاب ؟؟

ويقول لي ان السياره باعها خلاص .

الله اعلم .....

بس الرجال فاهم وحسيت انه عنده معلومات ممتازه مثل اللي عندي ..


قلت له طيب كم تتوقع سيارتي تجيب ؟؟

قال لي بين 140 الى 145 ديسيبل .

انا بيني وبينكم ما اتوقع ان سيارتي تجيب هذه القيمه فا 140 ديسيبل ما هي هينه .

المهم انا تواعدت معاه اجيه بعد اسبوع علشان نشوف سالفه العوازل ..


وبعدين رحت شارع الشيخ زايد وحصلت عند المحل الثاني عوازل صوت ويقول انها Dynamat مع اني مو مصدق لانه ما مكتوب اي شيء عليها ..

قال لي المتر ب 120 درهم تقريبا ..

الصراحه لما قارنت اسعار الانترنيت كان فيه فرق كبير شوفوا هني :

http://www.b-quiet.com

او عندكم منتجات Rammat ممتازه جدا جدا ورخيصه .


فا ما ادري اخوي NAS ايش ناوي تسوي ؟؟

انا محتار والله ..

ما ودي احط فلوسي في الانواع الموجوده عندنا هني وبعدين ما تسوي عزل صوت عدل ..


تحياتي للجميع .......

ابداااع ماشاء الله وموضوع 100%

تعليق بسيط وهو Seal and Peel شايفه عند ساكو وهو يملا الفراغات بزي الرغوه ؟ اذا هذا هو فانا شايفه عند ساكو وهو عازل بس ماادري نفس طلبك او لا

سلام

هلا اخوي STS ..

نعم هو المفروض ان يباع في مثل هذه المحلات فا هو منتج عادي ولكن تستطيع ان تستعمله في هذه الامور ..

ولكن اللي شايل همي ان هذا المنتج من خاصيته انه ينتفخ لكي يسد الفراغات وهذه المشكله لانه راح ياخذ مساحه حوالي عرضها 1 انش !!

الصراحه انا لا ادري كيف يستخدمونه الناس في امريكا ..

يمكن فيه نوع معين لهذه الشغلات .

السلام عليكم
بالنسبة للعرض36.5 انش الي هو الوجة الي علية السماعات والووفر

الارتفاع 13.7انش
والطول 9.7 انش

وبالنسبة لسمك الخشب ماعندي اي خلفية

بس المشكلة الي عندي الحين اني دورت سب ووفر مثل الموديل الي ابغاة مالقيت لقيت الموديل ts-w305f وانا الي ابحث عنة c فما ادري ايش العمل ؟ على كل حال انا لسة ابروح عند الوكيل ويمكن نويل يقدر يدبر لي واحد مثل الي عندي والله يعين
ومشكور على جهدكم ياشباب

ملاحظة ( شكلي خبصت القياسات خبص بس على الله تكون الفكرة وصلت )

طال عمرك اخوي X

لازم تاخذ لك واحد يكون C

اعتمادا على المقاسات اللي عطيتني ايها ..

و على حسابي انك راح تحط خشب من نوع MDF بسمك ثلاث ارباع الانش .

استنتجنا الاتي :

توسي صندوق فيه فتحتين للوفرين طبعا مفتوحين جمب بعض عادي يعني ما في حاجز بينهم ..

وتسوي فتحه حق الهواء تكون بشكل طولي ..

ابعاد الفتحه تكون

يعني على زاويه الصندوق يعني شوف الصوره هذه حق صندوقي :



انا ما صنعت فتحه جديده بل استعنت بزوايا الصندوق .

المهم تشوف الفتحه هذه ابي مقاسها يكون يعني العرض اللي جمب السماعه يكون 2 انش الفتحه .

اما الارتفاع فا هو على ارتفاع الصندوق يعني ما تسوي شيء جديد ..

ولكن العمق اللي داخل الصندوق يكون 8.5 انش وبعدين تقص الخشب يعني يكون مفتوح من الداخل .

اما مقاسات الصندوق اللي عطيتني اياها فا لو تغيرها الى كذا :

العرض = 20.6 انش
الارتفاع = 32.4 انش
العمق = 13 انش

يكون افضل ولا تخاف راح يكون يركب عليك بدون مشاكل او زياده في المقاسات لاني بس قصرت الطول وطولت العرض مثلا وهكذا ..

عموما الفتحه اللي عطيتك اياها هي مجهزه لموجات 35 هرتز واعلى قمه لها تكون حوالي 48 او 49 هرتز .

يعني يكون اوكي للاغاني وللمسابقات لو بغيت ..

لو ما فهمت علي قول لي علشان اشرح لك بالصور ..

DDesigns



وش القطعه هذي "جديده"



اتوقع Level Control للتويترات + LED's



اقتباس
-------
يعني لا تعطيني ابعاد الشنطه لانك ما تقدر تسوي صندوق على نفس مقاس الشنطه لانه ما راح يدخل ولازم تصنعه وانت داخل السياره هههههه
------
تخيل

تاخذ اسنفج رول ويكون 10 ملم تقريباً وتبطن اللي تحت اللوح الخشب مال الطبلون الخلفي

الصندوق سويته عن طريق برنامج WinDI مو متأكد مررره من الاسم

وهو 1.5 cu.ft

رد مقتبس.....


المهم قال لي انا اقدر اسوي سيستم نفس قوه اللي عندك وارخص يعني وففر واحد ومضخم واحد ويطلع نفس الصوت ...

وانا في قلبي اقول قم مناك بس يبي يسوي في وففر رخيص ابو 500 او 1000 ردهم نفس مستوى اللي عندي ..

انا ما اقول ان هذه الاشياء مستحيله , ولكن ما اتوقع ان هذا الشخص لهذه الدرجه من الاحتراف في صناعه الصناديق ..

لانه معروف ان اهم شيء الصندوق لانك تقدر تخلي وففر ضعيف يجيب ازعاج عالي عن طريق الصندوق المحكم .

المهم وعطاني نصبه ثانيه ( والله ما ودي اقول ان الرجال كاذب بس انا متعود على السورين واللبنانين انهم ينصبون كثير )

قال لي انا عندي سياره لانسر اعتقد فيها 8 وفررا Kicker من النوع القديم جدا جدا وفيها 2 دينمو وما ادري كم بطاريه وكان جايب 167 ديسيبل !!!!!!!!!!!!

فا وش رايكم شباب هل اصدق هذا الشاب ؟؟

ويقول لي ان السياره باعها خلاص .

الله اعلم .....

=====================================
انت عندك 1400 واط RMS على ووفر DD

تقارنه ب ووفر ب 1000 او حتى 1500 درهم

انا شايف ناس عندهم ووفرات DD مكسرين انوار السياره وهي مصنوعه من بلاستيك



نقطه ثانيه شلون شنطه لانسر تشيل 8 ووفرات

وبعدين 167 ديسبل مو شويه ابدا ومكلفه جداً وتحتاج امبلفايرات كثيره


=============

الصندوق حاول تسوي صندوق قزاز لل SQ وخشب لل SPL اذا حبيت

لان ووفرك يستاهل صندوق قزاز بقوووة






======================================

عموماً في قاعدة انا استعملها حالياً للناس هذي


تبين له
انك جديد وماتعرف واذا جا وقت الجد وجيت تشتري العن خيره وخله ينحرج وبالتالي تاخذ كل شي بارخص ثمن






تحياتي

DDesigns و 902

السيارة الي يقول عنها عبد الحميد البناني هي LANCIA الإيطالية مش ,MITSUBISHI LANSER السيارة الي عنده كانت hatchback اربع ابواب و ما فيها كراسي ورا كلها ووفرات.

اعتقد انه فيها مكان علشان يحط اكثر من 8 ووفرات إذا يبغي لأني شفت السيارة الي كانت عنده.

الريال بصراحة ما اقدر اقول انه نصاب. لأنه وايد ساعدنا و وايد جبناله زباين. لكن السالفة انه لما يشوف سعودي جاينه يحاول يلعب في الاسعار شوي

تعرف ليش لأنه أكثر اللي يجونه ناس مش فاهمين في السستم يعني ربيعي مسوي عنده سستم حق سيارته بحوالي 7000 درهم نفس السستم سواه حق طالب سعودي في الجامعة الامريكية ب8500 درهم

بس انا أقولك هذا الريال ما يكذب عليك لأنه أهم شي عنده سمعته بين الناس علشان ما يخسر الزباين.

إذا عن تركيب السستم و تصنيع الصندوق
هو قال حق ربيعي بركب لك ووفرين من نوع MAGMA أعتقد 650 rms للواحد بسعر التكلفة لكن شرط تدخل الdb drag باسم محلنا و إذا ما خذت البطولة عن الفئة الي انته فيها برجعلك فلووسك و خلي الووفرات عندك :eek: :eek:

اخوي 902 ...

ههههه شدعوه ما عرفت ايش هذه القطعه ؟؟؟!!!

هذه طال عمرك هي نفسها الكروس اوفر مال شركه TruTechnology

هذا هو :



شوف هني الحين فيه موديلات جديده نزلت وانا متحسف الحين ..

http://www.trutechnology.com/f_series.htm

كلمه الشركه قلت لهم ما يصير ابدل لان في بعض الشركات عادي تقدر تبدل معاهم بس ما رضوا على اساس كنت ابي ازيدهم واخذ الجديد ..

فيه ميزه بالجديد انه في تحكم في الفولت اللي طالع من المسجل يعني لو تاخذ مسجل منتهي مرررره و الفولت حقه 2 فولت بس ..

تقدر تخليه 6 فولت عادي مع هذه القطعه ..

يعني هو يعمل مثل عمل Line Driver ..

لا و الحين حطوا ميزه الالوان على حسب طلبك :

http://www.trutechnology.com/optional_colors.swf

والله قههههههههر .

===============

اخوي 902

انا اعتبر سيستمي يعتبر من افشل السيساتم لاصحاب وعشاق DD ..

ما ادري كذا عندي احساس .

اما بخصوص الصندوق فا انا بيني وبينك DD واجد علي بقوه وبقوه يعني مرات يصير كرييييه في الموسيقى لان صوته عالي ..

يعني تخيل BASS عندي مخليه زيرو وغير كذا داخل على الكروس اوفر ومخليه -6 علشان افتك من عنده لووووووول .


===================

اخوي NAS

ممممم اجل انا طلعت غلطان بخصوص السياره ..

ايه هو قال لي كان مسويهم ورى يعني مستغني عن الكراسي الللي ورا ..



بخصوص انه يلعب بالاسعار فا اولا انا سيارتي الهوندا مش سعوديه ..

وثاني شيء لهجتي مخلوطه خلط ما يقدر يصيدني اني انا سعودي يعني ارمس خليجي وليس سعودي ..

وثالث شيء انا اصلا شكلي مش سعودي كل اللي يشوفوني يقولون انت اردني ولا فلسطيني يعني ما يتضح علي ملامح السعودين نهائيا .

ههههههههههه

بس انا قلت له اني سعودي آخر السوالف .


المهم الرجال فاهم بس مو بكل شيء احس انه مرات يخبص الدنيا فوق تحت ..


تصدق قال لي لازم تشيل Midbass اللي ورى وتحطهم في صندوق صغير .

قلت له ايه انا راح اسوي كذا بس وين احصل ناس يسون لي Baffle من الفايبر قلاس بسعر رخيص ..

جان يقول لي بعد كم يوم راح يجون لنا صناديق مخصصه للهوندا تقدر تحط فيه الميد بايس ..

قلت له اوكي ..

قال لي انت لازم تحطها تحت رجولك عند الكرسي .

لوووووووووووووول

بالله عليكم شلون احط سماعه 6.5 انش ومعاها صندوقه الصغير تحت رجولي في الكراسي اللي قدام ؟؟ !!

( هو يفكر انها راح تطلع Bass مثل BASS Shaker )


بس والله قويه كلامه عن دخول الدي بي دراق !!!! لهذه الدرجه واثق من نفسه !!!!

والله شباب انا تحمست ان شاء الله الاسبوع الجاي بسوي صندوق SPL على كيف كيفكم لان الموجود حاليا هو Mix وليس SPL وايضا الموجود حاليا صغير جدا جدا .

انا متحمس لاني آخذ المركز الاول من فئتي ..

يعني اكيد فيه ناس اقوى مني ولكن ليس في نفس فئتي ..

يعني عندي سب وففر واحد و مضخم واحد بس .. :banana: :banana:


طيب الجوائز فيها فلوس ؟؟ !!! ولا ايش بالضبط ..


ومتى يسوون المسابقه ؟؟


اخوي NAS ما دام عبدالحميد ربيعك لا تقول له اني حشيت فيه في المنتدى هني والله ما قصدي واصلا مو من عادتي اتكلم كذا على الناس بس قهرني يوم عطاني جم نصبه ونزل مستوى الدي دي حقي ..


المهم هو مفكر اني راح اشتري من عنده شيء بهذه السرعه لوووووول ما يدري اني احسب الف حساب قبل لا اشتري ..
ولو طلع سعر عوازل الصوت في امريكا نفس هنا مع الشحن راح اطلب من براء حتى لو زياده بسيطه على الاقل شيء مضمون ..


تحياتي .......

اخوي NAS ما عندك فكره اذا فيه محلات عندها mic حق قياس الديسيبل وعلى كم يقيسون سيارتك ؟؟

ولو ما يسون هل فيه مكان يبيعه ؟؟ انا اذكر في السعوديه حصلت واحد وكان غالي حوالي 1300 ريال وكان حده يقراء الى 130 ديسيبل بس .

السلام عليكم



مافهمت هالنقطة ؟ اذا تقدر توضحها اكثر وتشكر

طيب شوف هذه الصوره





شوف الصروه الثانيه

انا قلت لك العمق 8 انش صح ؟؟

شفت الطريق او الممر او الفتحه الموجود فيالصوره الثانيه انا ابيه يكون طوله 8 انش وليس عرضه ..

بعد 8 انش توقف وتقطع الخشب يعني يصير عندك فتحه كبيره ..

يعني شفت هو مسوي لفه او كسره ورايحه يسار صح ؟؟

لانه الطول كان اكثر من طول الصندوق ..

يعني لو انا قلت لك ابي عمق الفتحه 10 انش واصلا الصندوق عمقه كله 7 انش فا

انت تمشي5 انشوبعدين توقف ويكون باقي على ملامسه الحد النهائي 2 انش كما قلت لك انا ابي العرض 2 انش..

وبعد ما توقف تلف يسار وتسوي كسره طولها 5 انش.


والله شكل حستك حوس

عموما آخر فقره بس كنت اشرح لك لو صادقتك هذه المشكله ..

انا من السعودية
وما تفرق معاي طلب من برة ولا من المووجد في السوق
بس ابغى شغل صح
يعني ما فيه ضرر على السيارة باي شكل
وعلى فكرة السيارة اللي بحط عليها السيستم
هاتش باك"كومباكت بلغة البي ام"

ممممم والله حيرتني اخوي BMW ..

طيب شوف هل سبق لك وسمعت سيستم من عند احد زملائك ؟؟ يعني يكون كله بايونير ؟؟

وايش رأيك فيه ؟؟

لانه اذا ما اعجبك فا هذا يعني انها لازم ناخذ شغلات من دبي او من الخارج ..

عموما انت عطني معلومات عن سيارتك ..

اول شيء كم سماعه موجود فيها عند الابواب الاربعه ؟؟

يعني كم تويتر صغير وكم Midrange ويا ليت لو تعطيني احجامهم بالانش .

وبعدين انا اقولك ايش تطلب ..

ممممم شكل باخذلك نفسي سماعات من ماركه CDT ..

لاني عندي معارف معاهم واجيبها لك من سنغافورا لانه في وكيل هناك .


يعني اما اطلب لك هذي :

http://www.cdtaudio.com/hd42_cdt4.htm

انزل تحت حق موديل HD-642 اللي سعره 609 دولار ..

او اللي افضل منها :

http://www.cdtaudio.com/es6433way.htm

ابو 1200 دولار ..

انا انصحك في الاولى لانها جيده في السعر والاداء .

اما بخصوص الاسعار فا لا تهمك اسعار الموقع اللي محطوطه فيه ..

انا تقريبا اقدر اسوي خصم حوالي 200 دولار ويمكن اكثر .. ما ادري بالضبط ..

لازم اشوف الشباب واسئلهم ..


وبعدين شوف لك مسجل سياره من بايونير يعني يكون سيدي بس يفضل .. والاسعار تبداء من 500 ريال وفوق .

وبعدين شوف لك مضخم حليو من بايونير ..

وبعدين اذا كنت تبي سب وففر قول لي بعد ..

ما ادري اذا الوضع عجبك يعني تقدر تدفع هذه المبالغ ولا لا ..

لانك لو ركبت هذه الماركات راح يكون سيستمك جدا جدا محترم ومن انقى السيساتم في السعوديه .

اما اذا ما عجبك الوضع فا قول لي ادور لك بديل هنا في دبي ..


علما باني ما راح اخبي عليك في الاسعار نهائيا يعني بقولك التكلفه بالملي وانت عاد على ذوقك تبي تعطيني اتعابي لاني استخدمت الفيزا حقتي ..


لا تفكر اني راعي محل واضحك على الناس لووووووول انا استانس لما اسوي هذه الشغلات ..

يعني انتا مش اول واحد اجيب له شيء من امريكا ..

اما عن مسأله الثقه فا اللي تشوفه تبي ادليك بيتنا في الخبر تروح تتفاهم مع اخوي لوووووووول .

تحياتي .......

السلام عليكم ورحمة الله وبركاته

مشكوور اخوي DDesigns انا راح احتفظ بالقياسات الي اعطيتني اياها الى ان القى السب ووفر الي ابغاة بس اذا مالقيتة عادي اركب اثنين مختلفين بالقوة ؟

لا انصح نهائيا انك تحط نوعين مختلفين ..لانه يمكن واحد صوته غير عن الثاني او واحد تحمله اكثر من الثاني ..

يعني خليك على واحد احسن من اثنين مختلفين وبعدين تصير مشاكل .

DDesigns

فيه موديل اعجبني مرررررره

F-1B

بس القهر اني بركبه على بايوننير :anger:

كم يكلفني واصل الى عندي مع اتعابك طبعاً

لاني بحوللك المبلغ وانت ترسله على البريد

واذا فيه اجهزة تستاهل البايوننير اللى عندي ياليت تشوفهم لي


ويعطيك الف عافيه